教育王國

標題: 第一次呈分唔掂, 好唔好轉去另一間小學留級重讀P.5? [打印本頁]

作者: SandyMaMa 時間: 11-9-3 22:13 標題: 第一次呈分唔掂, 好唔好轉去另一間小學留級重讀P.5?

打算去一間程度無咁高, 可能我個女讀得輕鬆而令佢重獲自信既學校, 請俾意見!

作者: vincher 時間: 11-9-4 00:00 標題: 回復 1# SandyMaMa 的帖子

第一次呈分唔掂，當然有得追！當然問題是唔掂到甚麼地步，40分 /50分？？？幾科不及格？？？

作者: ALAL 時間: 11-9-4 09:18

我當時也想過,但要適應新學校,要好好考類,結果無轉.

小四轉比較小五好,小五就要TAKE RISK.

原帖由 vincher 於 11-9-4 00:00 發表
第一次呈分唔掂，當然有得追！當然問題是唔掂到甚麼地步，40分 /50分？？？幾科不及格？？？

作者: talknwrite 時間: 11-9-4 09:52

升到一間好中學係十分重要, 但是否直得為一次呈分試要勞師動眾, 大費周章. 去到一間程度較低的小學留班, 何不升去一間合自己程度的中學呢? 要明白子女是什麼banding, 就去什麼banding 的學校, 去到適合程度中學再奮鬥.

純粹是我個人選擇, 始終將來是無100%的, 如何選擇, 都會影響子女, 父母真不容易做的決定.

作者: Sindy 時間: 11-9-4 10:45

原帖由 SandyMaMa 於 11-9-3 22:13 發表
打算去一間程度無咁高, 可能我個女讀得輕鬆而令佢重獲自信既學校, 請俾意見!

有學校已經收左你女? 我女果時, 有學校收左,唔係教署御准, 都會收返你取錄信

作者: SandyMaMa 時間: 11-9-4 11:00 標題: 回覆 2# vincher 的文章

數、常和英攞"B", 中文全科攞"C", 但都排至Band 3尾!

另, 佢同成班同學唔係咁合得來, 又介意同學點話佢, 所以第一次呈分成績考得差!

希望換個新環境, 讓佢有新既開始!

請指教!!

作者: smallfoothk 時間: 11-9-4 11:54

聽聞有家長要孩子入心儀中學,小五呈分不理想,會轉校去不是目標性小學,重讀小五,當然要學校收佢先,因要解釋教育署,最後派去了心儀中學.

作者: ALAL 時間: 11-9-4 16:45

你學校的情況十分差,轉校值得考類.但是要適應新環境,仍然未必升到BAND,但D同學仔可能會好D,大一年讀中學又好D.我小五當時的情況是我仔成績不好,但同學好好,所以無轉校.

我知有個CASE小五轉左去一間很小的國際學校跟著又轉返傳統小學.

[ 本帖最後由 ALAL 於 11-9-4 17:01 編輯 ]

作者: SandyMaMa 時間: 11-9-4 18:22 標題: 回覆 8# ALAL 的文章

其實主要睇佢係學校既心情好d, 讀書可能會事半功倍。但真係要take risk, 因新校的數學和常識既書係唔一樣的!!

作者: shirley73a 時間: 11-9-4 18:55

提示: 作者被禁止或刪除內容自動屏蔽

作者: khmama 時間: 11-9-4 20:45

原帖由 SandyMaMa 於 11-9-3 22:13 發表
打算去一間程度無咁高, 可能我個女讀得輕鬆而令佢重獲自信既學校, 請俾意見!

你應該原校留級, 小五咪輕鬆o的, 又唔使對住同一班同學, 又唔使適應新環境, 而家先諗太遲.

作者: SandyMaMa 時間: 11-9-4 21:13 標題: 回復 11# khmama 的帖子

原校個女會俾同學笑, 佢地都係同一個小息, 自尊心更差!

作者: khmama 時間: 11-9-4 21:45

原帖由 SandyMaMa 於 11-9-4 21:13 發表
原校個女會俾同學笑, 佢地都係同一個小息, 自尊心更差!

老實講, 英數常攞'B', 中文攞'C'都唔係好差, 成績差既同學唔會只得佢一個, 如果o的同學會笑人成績差, 呢o的同學唔要就罷, 使咩要避開? 而且間間學校都可能有呢o的人, 你避得幾多? 正能量要靠你去比個小朋友. 如果你間小學係程度高, 好似九龍塘, 宣道, 成9x%入英中, 最差o個個都唔會band3尾. 你有冇問過班主任小朋友既banding?

作者: phoebepanpan 時間: 11-9-4 22:31

轉校問題一定解決咩

可以肯定冇D 更衰, 更愛笑人既同學

就好似我地些上班族. 間間公司都有衰人. 唔通一遇到就轉工永遠逃避?
你唔可能一世都照顧同幫佢解難.
你要教佢點樣面對.

作者: vincher 時間: 11-9-4 23:06 標題: 回覆 9# SandyMaMa 的文章

在原校留班不好，你所言非虛!
而KHMAMA0既意見也要考慮：如果你間小學係程度高, 最差o個個都唔會band3尾. 你一定要問班主任banding！
若是band2 ，我會留在名氣好的小學！他日派得不好，扣門時，同是band2生，會有優勢！若是band3 ，我會轉校！

作者: nc2000 時間: 11-9-4 23:08 標題: 回復 4# khmama 的帖子

AGREED! 我仔個班有個同學就係覺得自己第一次呈分唔太理想就要求原校留班, 咁就唔駛再重新適應新學校校規, 測驗考試制度, 特別係想呈分試考得好, 你根本無法捉到新校路, 唔知形式係點, 會點出卷, 呢D都係好重要考慮, 小朋友又要重新摸索做新校既測驗考試卷, 到時有咩誤解就仲衰!但原校留班, 在成績上點都有D把握!
至於會比同學笑, 又怕同學眼光, 又夾唔黎, 呢D社交問題, 去到新校同樣有存在, 因為大家都知佢係外來生, 會唔會排斥佢呢? 我覺得呢個問題應該自細見個女有呢個社交問題就要同佢一齊拆解, 究竟係自己個女性格問題, 定係同一班人既問題, 如果年年都唔同人一班, 但依然係年年都有人虾佢既, 咁就要同個女傾下, 因為呢個係長遠問題, 並唔係轉校問題!
當然都感受到樓主既煩惱, 又要顧成績, 又要顧個女既感受, 加油!

作者: vincher 時間: 11-9-4 23:23 標題: 回覆 1# nc2000 的文章

我覺得呢個問題應該自細見個女有呢個社交問題就要同佢一齊拆解, 究竟係自己個女性格問題, 定係同一班人既問題...沒錯！這點十分重要！你有觀念女兒平日和同輩相處0既情況嗎？

作者: ydoris 時間: 11-9-5 08:56

戰鬥完剛過去既大抽獎...呈分不是百份百睇到咁大...全港都有不少學生失手,又有人不夠運,派去BAND3學校...轉校對小朋友影響好大,如果下次又失手吾通再轉校咩??仲有一年時間,不如好好補下D學科,太差未留班LOR~~5年級先轉,如果係好叻既就OK,反之後果難料...三思..

作者: SandyMaMa 時間: 11-9-5 09:27 標題: 回覆 13# khmama 的文章

攞成績表時已問班主任, 確實是band 3尾生。

其賁我個女為人開朗, 與人相處係無問題。不過上年班裏遇到一個好差既同學, 拉我個女周圍與其他同學搗事生非, 攪到個女形象好"克人真", 所以無人肯同佢玩。今年又同班, 都唔知點算, 叫個女唔好同佢玩, 又話無人肯同佢小息, 只有呢個差既同學同佢玩, 唔想放棄。依件事我都係臨開學先知, 我個女什麼事都放係心裏, 真係好難搞!

作者: alice44 時間: 11-9-5 10:39

現在已開學, 為個呢個時間先想到到轉校呢?
小五呈分不理想應是7月已知, 為何不早些諗呢個問題要到開了學才諗呢?
之前的成績好好的嗎? 如果都是不好, 為何不早些轉呢?
我覺得小五才轉校真係有d遲, 又要適應新學校, 又要適應新同學, 佢又會因為小息無人同佢玩而唔開心.
你都係考慮清楚好d.

作者: ydoris 時間: 11-9-5 12:25

同不乖同學一齊,呢個問題我8月尾都問過呢度D人意見.我阿女個位同學,到8月31日仲打電話問我阿囡暑期作業.HOLD左佢成大半日.我叫佢同我玩都吾得閒...妳既情況應該同老師傾下,好似我阿女小學時,小息好鐘意幫老師做野架..一班同學,吾理考第一定第尾,一樣無分別.
不過提提妳,操行比成績緊要100倍...BAND3都未必收操行差既學生....

作者: SandyMaMa 時間: 11-9-5 18:50 標題: 回覆 21# ydoris 的文章

同老師傾過, 佢話睇你個女定力, 嘔血!

作者: SandyMaMa 時間: 11-9-5 18:57 標題: 回覆 20# alice44 的文章

主要係個女上星期先講佢同學既問題出來。

個女平時成績中位數。

作者: vincher 時間: 11-9-5 22:25 標題: 回覆 5# SandyMaMa 的文章

不妨再問1下你女學校的band3尾，是否會派往band3中學！若屬實，真是要認真考慮轉校問題！！！另外，女兒的意願又如何？？

作者: HY412 時間: 11-9-5 23:21

呢一刻再去想轉校太遲喇, 應該收拾心情, 一條心考好餘下既呈分試, 數、常和英攞"B", 中文全科攞"C", 其實唔太差, 可以出得街見人.

建議叫埋個同學, 一齊利用小息時間去溫習和做功課, 相信第二次呈分試可以跳高一級.

作者: SandyMaMa 時間: 11-9-6 09:10 標題: 回復 24# vincher 的帖子

問過老師, 過往band 3會落在同level既中學。

我個女依家間學校係女校, 佢好想同弟弟一起讀, 而且這間學校程度容易d, 所以個女好想轉去呢間學校讀!

問過新校既主任, 佢話通常似我個女類型既小朋友入這間學校讀, level會於band 1至band 2中, 但問題在於要浪費1年時間!

作者: SandyMaMa 時間: 11-9-6 09:13 標題: 回復 25# HY412 的帖子

我個女定力不夠, 而佢學校d同學小息係全部去晒玩, 所以要靠我平時係屋企溫習。

作者: HY412 時間: 11-9-6 10:03

我囡囡 P.5 成績不如理想, 學校建議重讀一年, 因為覺得囡囡讀多年成績會有改善, 可以一博, 當時囡囡不接受留班安排, 因為當時做糾察時看守的年級正是留班後要面對的學生, 覺得好 “瘀” , 過唔到自己個關. 於是我找了學校四位她最敬愛的老師輔導她, 她才有勇氣接受現實, 決定原校重讀, 因為轉校要重新適應, 會出現反效果.

過去一年, 她與同學不太熟絡, 可以說是自閉了一年, 暫時呈分試排名未知, 但成績已有好大進步, 相信有望升上 Band one 英中.

建議先要同囡囡了解, 勿以逃避的心態去轉校, 比較原校重讀及轉校的成效. 如果 “新校既主任, 佢話通常似我個女類型既小朋友入這間學校讀, level會於band 1至band 2中”. 咁呢一年就唔係浪費, 係好有價值. 因為升上band 3學校, 浪費既時間係以年計.

原帖由 SandyMaMa 於 11-9-6 09:10 發表
問過新校既主任, 佢話通常似我個女類型既小朋友入這間學校讀, level會於band 1至band 2中, 但問題在於要浪費1年時間

[ 本帖最後由 HY412 於 11-9-6 10:04 編輯 ]

作者: ALAL 時間: 11-9-6 13:00

這間小學是不是和舊的小學同一個中學網?如果不是,舊中學網好D,或是新的中學網好D?

我有個朋友仔,小五上學期尾轉左去一間小的國際學校,跟住又轉反另外一間本地小學,共留了兩年,原先她的成績是B3,現在小六是B2頭.

原帖由 HY412 於 11-9-6 10:03 發表
我囡囡 P.5 成績不如理想, 學校建議重讀一年, 因為覺得囡囡讀多年成績會有改善, 可以一博, 當時囡囡不接受留班安排, 因為當時做糾察時看守的年級正是留班後要面對的學生, 覺得好 “瘀” , 過唔到自己個關. 於是我找 ...

作者: cameo 時間: 11-9-6 22:24

若係單單教學方式,學校作風而令小朋友成績差,有機會轉去較合適作風o既學校而有改善!
但同學之間問題,喺女仔五六年級係明顯煩好多,因小女正正算早熟,同一群玩埋堆問題越積越多,當時搵老師憑佢經驗亦認同女仔喺青春期會心散好多(反叛性格好影響學習態度),N咁多問題令成績及品行都有大大影響~
但想轉校係你女女提出??? 若係佢主動提出,我覺得當中係咪發生左咩大事呀(以佢嚟講),呢個正正要認真考慮! 小朋友甚少有轉校念頭!!!

作者: vincher 時間: 11-9-6 22:33 標題: 回復 3# HY412 的帖子

...升上band 3學校, 浪費既時間係以年計
完全認同此點

作者: vincher 時間: 11-9-6 22:51 標題: 第一次呈分唔掂, 好唔好轉去另一間小學留級重讀P.5?

以你的情況，轉校好些！
~不會在band 3 之列
~遠離拉她周圍搗事生非0既同學(但也要教導她，她本身定力不夠！跟同學搗蛋，證明她自己的待人處事有問題)(緊記品行不但影響升中……)
好好輔導她吧！

作者: redkoni 時間: 11-9-7 01:49

原帖由 SandyMaMa 於 11-9-4 11:00 發表
數、常和英攞"B", 中文全科攞"C", 但都排至Band 3尾!

另, 佢同成班同學唔係咁合得來, 又介意同學點話佢, 所以第一次呈分成績考得差!

希望換個新環境, 讓佢有新既開始!

請指教!! ...

有d好奇, 以第一次呈分試的這個成績, 令千金全級有幾多人考第幾, 會係邊個校網Band3尾 ?? 轉校去一間水平較低的小學留班小五, 讀得會輕鬆d, 成績是否一定較好? 就算成績好咗, 再考第一次呈分試成績全級名次升上前列, 等於升Band? 升幾多, Band2? Band1? 知否有些水平較低的小學, 有可能無Band1學生! 家長好像覺得轉校去一間水平較低的小學留班, 有助女兒增強學習自信, 藉此提升成績, 我反而覺得令千金的"小圈子"學校生活可能才是影響成績的原因. 家長說令千金性格開朗, 那邊廂卻說她把甚麼事都放在心裡, 我想小朋友讀書不能專注, 小小年紀更積極周旋於朋輩是非當中, 如果只是治標不治本, 在那間學校讀也一樣是虛度光陰. 希望令千金並不是因為這個原因吧.

作者: fallenleaf 時間: 11-9-7 03:13

原帖由 redkoni 於 11-9-7 01:49 發表

有d好奇, 以第一次呈分試的這個成績, 令千金全級有幾多人考第幾, 會係邊個校網Band3尾 ?? 轉校去一間水平較低的小學留班小五, 讀得會輕鬆d, 成績是否一定較好? 就算成績好咗, 再考第一次呈分試成績全級名次升上 ...

全中我想說的。我想信檔主到現在都未知問題出在那處。
感同身受的一句“小小年紀更積極周旋於朋輩是非當中”就係重點所在，尤其係當你見過你小朋友的學校有這種情況時，不到你不擔心，現在的女孩子跟我們的年代不同，沒有了矜持，欠缺了高雅，換來的是敢愛敢恨，充斥著的是別人的是非和抵毀。為了爭奪男仔，一班小學5、6年級的女生在fb上互相攻擊。這雖不是很大問題，但總會給其他同學帶來一丁點影響吧！你沒有碰見過是你們的福份。這個亦是我選男校的原因，別再跟我說甚麼健康社交生活，甚麼男女觀點互相補足！

作者: SandyMaMa 時間: 11-9-7 08:43 標題: 回覆 30# cameo 的文章

Cameo,

你說得對! 我估佢係想轉換環境, D女仔好麻煩, 而且佢想同弟弟一齊讀。

作者: SandyMaMa 時間: 11-9-7 09:17 標題: 回覆 33# redkoni 的文章

全級120人, 佢考100名以內, 老師評估佢係band 3尾係第一次呈分試, 都唔知佢點計??

新校近幾年升中派位有一半派到幾好學校, 另外, 主要其學校小班教學, 觀察到老師對學生都幾有heart。可增強佢既自信心!

[ 本帖最後由 SandyMaMa 於 11-9-7 09:24 編輯 ]

作者: cameo 時間: 11-9-7 10:36

原帖由 SandyMaMa 於 11-9-7 08:43 發表
Cameo,

你說得對! 我估佢係想轉換環境, D女仔好麻煩, 而且佢想同弟弟一齊讀。

有時都要考慮埋實際因素呀,你提到女女剛一次成績係咁,咁你可以有幾多條件去轉校呢??
好老實講,我女女剛升中咯,但小五小六係黑暗時期,佢成績係band1亦到我隨時去轉校(想轉好學校談何容易,就算間學校出名一般般都唔代表收硬你啦)~
再講番朋輩問題,呢個真係要插手去多陪個女先有機會改善,因我女就係如你所講,乜都收喺心,思想早熟(早熟唔代表成熟呀吓),正正就係提早左反叛時期啦,佢當時都同一群較多是非一齊玩,事實以我觀察,人地唔會迫佢埋堆,係佢自己都會痴埋去,因青春期女仔真係好明顯性格大變,好似分2 大類咁,早熟(佢地自以為是,以為自己醒D,多無謂野諗,唔鍾意異類),遲熟(重係乜都叫媽咪)!
我有少少明白你想講個女本身好乖??因為痴埋堆同學而變左??? 問題係佢青春期思想變,某D思想會偏向鍾意痴住同類(但同類又是非多),但佢又未識好好處理呢種朋輩關係,只怕你同佢轉到學校時,去到邊一樣有呢類同學,到時係佢又痴埋一堆咋,,,,到時為一件無謂事又日諗夜諗,點讀書??
我女剛升5年級時,平均分大跌10分,當時我未醒覺,萬幸呈分試係5年級下學期,好彩又追番十幾分平均分,我體諒你心情,不過轉校其實未必真正幫到(轉唔轉到亦係大問題),心理影響係大前題!!!

作者: cameo 時間: 11-9-7 10:40

原帖由 SandyMaMa 於 11-9-7 08:43 發表
Cameo,

你說得對! 我估佢係想轉換環境, D女仔好麻煩, 而且佢想同弟弟一齊讀。

補充: 反正諗轉校亦未必真係幫到,亦唔係咁易轉!不如考慮點去同佢一齊渡過呢個麻煩青春期,協助佢同朋輩相處,多參與佢身邊大小事等等等等~~~
湊一個反叛期女女辛苦過湊3個BB呀=.=
hahahahaa

作者: SandyMaMa 時間: 11-9-7 19:27 標題: 回復 37# cameo 的帖子

新校已註冊, 打算下周返學, 但我到現在仍有跟進她朋輩問題, 並不斷提醒她考慮及一起分析轉校問題, 但到現時為止, 她仍希望轉校!

作者: fallenleaf 時間: 11-9-7 19:53

原帖由 SandyMaMa 於 11-9-7 19:27 發表
新校已註冊, 打算下周返學, 但我到現在仍有跟進她朋輩問題, 並不斷提醒她考慮及一起分析轉校問題, 但到現時為止, 她仍希望轉校!

新校已註冊，亦係時候放下以前的問題，重新上路。希望你囡囡能專心讀書，有個美好的明天啦！

作者: cameo 時間: 11-9-7 20:23

原帖由 SandyMaMa 於 11-9-7 19:27 發表
新校已註冊, 打算下周返學, 但我到現在仍有跟進她朋輩問題, 並不斷提醒她考慮及一起分析轉校問題, 但到現時為止, 她仍希望轉校!

既然已有決定,咁同女女好好開始新學習生活啦^^

作者: ALAL 時間: 11-9-7 20:25

我個朋友仔轉左校好開心,祝你個也是

原帖由 fallenleaf 於 11-9-7 19:53 發表

新校已註冊，亦係時候放下以前的問題，重新上路。希望你囡囡能專心讀書，有個美好的明天啦！

作者: redkoni 時間: 11-9-7 21:36

原帖由 SandyMaMa 於 11-9-7 09:17 發表
全級120人, 佢考100名以內, 老師評估佢係band 3尾係第一次呈分試, 都唔知佢點計??

新校近幾年升中派位有一半派到幾好學校, 另外, 主要其學校小班教學, 觀察到老師對學生都幾有heart。可增強佢既自信心! ...

從表面我會咁睇, 如果舊校老師評估沒錯, 舊校的師兄姐考Pre-S1水平相當"麻麻". 相反, 新校正如你所說的話, 估計可能Band1學生佔40-50%, 水平較高. 假設令千金在舊校因為種種原因而"未盡全力", 我覺得如果好好把握重新開始, 在新校會更能使"努力"得到應有"回報", 希望你明白我的意思. 不過, 如果她仍是依然故我, 不但蹉跎歲月, 我相信成績會排得更後, 但可能有一樣嘢是進步 - 舊校Band3尾, 新校變Band3頭, 我並不是講風涼話, 能夠在這般情況下仍然能夠找到重新起步的機會, 感恩之餘如果沒有好好珍惜, 就算不計較成績, 這種態度也可能成為令千金將來重復又重復的絆腳石. 祝你們好運!

作者: SandyMaMa 時間: 11-9-8 07:42

多謝各位鼓勵及寶貴意見! 我會好好帶領及督促我既女兒, 希望這一年無白費!!

再一次多謝各位!

歡迎光臨教育王國 (/)