教育王國

標題: 一個褔小家長的憤怒!! [打印本頁]

作者: Ms_Karen 時間: 11-11-16 01:02 標題: 一個褔小家長的憤怒!!

今日去聽昇中講座,總校長吹完水之後,輪到周羅茜發言.佢一開始就已經黑口黑面!跟住就係咁數啲學生成績幾咁差,不斷指責學生懶,仲連家長都鬧埋,好似我地成班人影衰佢學校咁!佢仲荒死唔夠力,仲列出前兩年嘅成績統計,總之要妳地明白妳地嘅仔女仲衰過地底泥!

後來到答問時間,果然四個家長有三個插番佢,到後來仲要總校長出黎解畫,周羅茜終於無再出聲,後來死死地氣離場

真係想像唔到一個從事教育事業嘅人可以講啲咁嘅嘢,要知道今日佢地係特登叫埋學生黎聽嘅,即是佢係當眾羞辱啲學生!!他地不單唔知道檢討,仲咁去侮辱人,簡直令全場憤怒!

可能佢地忘記咗，我地當初選擇津美嘅目的,係因為快樂學習,並唔係而家咁着重成績,死谷爛谷!其實當初點解一間理唸咁唔同嘅學校可以這樣收購津美,似乎我地仲欠一個交代!

作者: kc_01k 時間: 11-11-16 09:12

完全明白.

我係一位小一家長.
開學已3個月, 小朋友上學都好開心.

但我都發覺學校好push成績, 課程都好谷, 教得快但又無方法.  只係一尾多quiz, 默書.  而且, 老師都大聲講小朋友幾多分數, 高分固然開心, 但低分數者, 固然係像受羞辱一般, 會被老師責罵.  老師亦會向家長透露哪個學生什麼分數, 毫無私隱可言, 目的何在?

雖然我小朋友並不是低分數一個, 但就因為怕被老師當眾羞辱, 每次Quiz, 都會有壓力, 晚上都睡不安寧, 只係小一, 我已經覺得佢已變成只望高分數, 我要不斷從旁"扶返佢去正途", 教佢只要盡力而為, 唔係100分媽咪爹地先會開心.  亦唔好理其他小朋友多少分數, 其他同學學科差, 都叫佢幫助吓同學, 千萬不要取笑他人. 家長會被稱怪獸家長, 而學校呢, 難度學校老師咁樣迫學生, 佢地唔係怪獸乎?

想學生成績好, 有好多方法, 唔係一定要地獄式訓練.  100個學生裡面, 能夠地獄式栽培嘅, 每年會有幾個?

我由幼稚園開始, 不斷叫自己唔好做怪獸家長, 但, 竟然親手送自己小朋友入咗一間怪獸學校.

至於弟弟, 我已放棄註冊.

希望學校會改善.

[ 本帖最後由 kc_01k 於 11-11-16 09:14 編輯 ]

作者: sumyee 時間: 11-11-16 11:48

我都覺得教得太快了, 有很多quiz,默書, 但老師沒有告訴我哪一位同學幾多分數云云.

連我自己都不知道何為愉快學習 ??

原帖由 kc_01k 於 11-11-16 09:12 發表
完全明白.

我係一位小一家長.
開學已3個月, 小朋友上學都好開心.

但我都發覺學校好push成績, 課程都好谷, 教得快但又無方法. 只係一尾多quiz, 默書. 而且, 老師都大聲講小朋友幾多分數, 高分固然開心, 但低分 ...

作者: sfs 時間: 11-11-16 12:30

由於福中是band 1 學校, 其實大家都會明白, 他們一定不會讓福小成績差, 因而不達福中的程序, 其實走傳統路線的學校都有此問題的, 又要名氣, 又要成績, 即使理念盡量愉快, 最後一面對評分試時, 全部學校都是走同一條路的, 除非你行外國線 IB 或 GSEC 啦

作者: kc_01k 時間: 11-11-16 12:30

原帖由 sumyee 於 11-11-16 11:48 發表
我都覺得教得太快了, 有很多quiz,默書, 但老師沒有告訴我哪一位同學幾多分數云云.

連我自己都不知道何為愉快學習 ??

老師唔係個個家長都講, 不過有家長問, 佢就講.

我小朋友仲係講開心, 可能佢分數不差, 就會被稱讚. 但, 我都不為這而安心, 想吓, 有朝一日, 到自己小朋友分數差, 遭遇都一樣.

總之, 我無諗過, 校長包括總校長所講嘅有效愉快學習, 原來係咁, 開始覺得, 學校除卻英文授課之外, 同一般津校無分別, 學校課程上完全無特色, 真係為教書而教書, 唔理小朋友係咪真係吸收, 教得好快.

[ 本帖最後由 kc_01k 於 11-11-16 12:32 編輯 ]

作者: familyking 時間: 11-11-16 12:31

我完全明白樓主感受,因我舊年就是被MS CHOW用同一番說話的現任福中家長. 佢面試時更恐怖, 死'釘'住我仔吾放,搞到佢頭'DUN DUN'出番來. 佢完全沒有學者的包容. 好似要比下馬威D學生同家長. 其實你吾需要理她, 佢出晒名殺人王,其他福中的教師亦不是差的.而且聽講最好成績同最差成績都來自福小. 不是佢口講咁差,而且上左中學,小朋友長大了,自己會發力,根本不用特別谷,佢自己都會緊張. 不過真的同小學時完全不同. 大家要認真想清楚.

作者: Hanayori 時間: 11-11-16 14:12

昨天我也在場. Ms Chow強調今次考試成績好.....差!! 想知差標準, 攞唔到A係差? 我問老公: Ms Chow 係唔係趕客? 每年外面有成千人投考福中, 所以唔想福附拉底佢地業積? 林總校長更說: 我地以前未有收過Band 3學生.

有位家長講得啱, 呢2年教學上學校又有做過什麼? 學生成績唔達標, 卻只推比學生/家長責任? 佢地有無反省?

作者: kc_01k 時間: 11-11-16 15:38

原帖由 Hanayori 於 11-11-16 14:12 發表
昨天我也在場. Ms Chow強調今次考試成績好.....差!! 想知差標準, 攞唔到A係差? 我問老公: Ms Chow 係唔係趕客? 每年外面有成千人投考福中, 所以唔想福附拉底佢地業積? 林總校長更說: 我地以前未有收過Band 3學 ...

聽你地講完, 我真係有d驚, 雖然我地係interview入福小, 不過眼見同學質素都係有好大參差的, 其實都幾影響進度. 開學不久, 都聽聞不少同學進度跟唔上, 呢點係無可否認的, 因辨學只有兩年, 福附上年收生人數可能為補不足, 難免於無選擇下, 學生未達標都照收 (好多直資辦學頭幾年都會有咁情況), 但學校點樣去令學生入讀後成績達標, 就係一個問題, 唔希望學校只顧教書, 教完就算, 之後就谷學生同家長, 其實眼見家長想配合, 無耐學校係你有你講, 佢有佢教, 完全無實質措施去協助. 而家就睇家長日收到成績報告後之後, d家長係收倒學校咩指引, 定係學校只會投訴, 但唔比方向.

另外, 學校開學已3個月, 行政混亂仍然係一個大問題, 錯漏百出, 令家長無所適從, 係有進步空間, 但仍未見學校有些微改進, 呢個亦係一個大問題.

[ 本帖最後由 kc_01k 於 11-11-16 15:39 編輯 ]

作者: Hanayori 時間: 11-11-16 18:28

其實福附年資只有兩年, 福中亦係臨危接收這所學校; 既無小學辦學經驗, 大家就需要時間磨合. 我無質疑 Ms Chow 提出的數據, 但似乎係佢唔明白, 凡事沒有一步登天. 個人不滿是福中高層的表現, 多次抺殺了小朋友和老師們的努力.

政府政策失衡, 特首同官員都難辭其咎, 點解一所學校的成績唔夠好, 卻係學生/家長/老師問題?

作者: Carol728 時間: 11-11-17 07:46

有沒有家長可以話俾我知福小是一間什麼學校

作者: gegemok 時間: 11-11-17 10:07

沒有一間學校是適合所有人, 就算係一間好既學校,一定有人考第一,也有人考第尾,有人讀得開心,有人讀得唔開心. 替小朋友找學校,就像配對遊戲. 我是真心的替你們難過,本來想找間愉快學習的學校,可惜學校經營不善,被傳統的中學接手了…小朋友不習慣功課和測驗, 而且程度上有參差,:我曾在學校的家長會上聽到有家長投訴,佢小朋友(五年級),在英文授課下聽不懂….另一邊箱,經營者也面對壓力,因為福中是一間band one直資中學, 而且有很多學生, 學校也要跟中學部家長和學生交付,不可令質素下趺…….至於學校的態度,暫時我感受的也是比較正面…..如真的有被羞辱行為, 你地要團結反影~

坦白說,我小朋友在幼稚園階段轉了3間幼稚園, N班在一所地區普通幼稚園, K1去了一所九龍塘名枚,小一派位很好,K2-K3, 轉了去一間地區幼稚園,強英普…..我告訴了100個朋友,我仔K2轉校了,99個朋友也笑我傻….不過當我在含辛茹苦的在帶兒子時,我那些笑我的朋友可能印印腳在看電影,我需要顧及他們想怎麼想嗎? 我唯一只知道,那間萬人空巷的出名幼稚園,不適合我兒子(我不想在此講太多,作為父母的你,你會清楚知道你子女現時的學校,是否適合他/她)….但它仍然可以適合很多人….

近日,我內心很煩惱,因為在我仔K2時,我幫他申請了一間我很喜歡的國際學校,排隊差不多兩年了,那所學校前天打電話來,說可以給我仔插班grade 2…….我心情很興奮(只是我自己一相情願)….心想如果他入了國際學校,學習就如天上的小鳥般自由自在,愉快學習! 我一定發夢也會笑……不過,是嗎?真的嗎? 我們看上去自由愉快的小鳥,真的如我們想像般自由愉快嗎? 氣候變化,牠們也需要連日飛行去遷移, 牠們也會需要為飽腹而煩惱,為自身安全而打算….我朋友養了一隻狗,每天我朋友也跟我說,她的狗真幸福,只係吃和睡,是嗎? 我不同意,如果要我每天呆在家等10個鐘,也不一定可以換來主人半小時的公園散步….我覺得很可憐…幸福與否,開心與否,人人定義不同...今天我如常的帶兒子上學,在上學的途中,我問他想不想轉校……他非常快的回答我不想,並告訴我他很喜歡學校和很開心每天學到很多新事物, 我立即放下心頭大石,並打算儘快回覆去拒絕國際學校的offer….

學校已經轉型,這已是不變的事實,福附已經是一間傳統重成績的學校…..不過現在只是小學階段….小朋友學習的路還有很長, 如果此處不是你們的那杯茶,而且又不適合他/她, 批評過後,你們要好好打算,好好去做好配對, 預祝成功~

[ 本帖最後由 gegemok 於 11-11-17 10:15 編輯 ]

作者: kc_01k 時間: 11-11-17 11:36

原帖由 gegemok 於 11-11-17 10:07 發表
沒有一間學校是適合所有人, 就算係一間好既學校,一定有人考第一,也有人考第尾,有人讀得開心,有人讀得唔開心. 替小朋友找學校,就像配對遊戲. 我是真心的替你們難過,本來想找間愉快學習的學校,可惜學校經營不善,被傳統 ...

學校不可令質素下趺, 無錯, 就係因為學校不可令質素下趺, 就會摧谷小朋友成績. 不過學校教學態度似乎唔係教緊小學, 係將佢地教中學嘅經驗, 用落小學度, 欠短缺愛心與耐性.

教得快, 測驗多. 小一四班進度不一, 無級別統籌, 高層不在意教學方法, 只在意成績. 可以講, 傳統小學並不是這樣的, 人地會樣樣跟到足, 福附又做唔到, 傳統學校會有好多教學上配套. 而家福附係, 傳統不似傳統, 全英不似全英. 兩頭唔到岸.

作者: sfs 時間: 11-11-17 12:20

我有朋友在 gh 就讀小學, 兩個家庭有兩個版本, A 說她的女兒是中游分子, 沒有被學校選去參加任何活動, 但他覺得沒有問題, 多些時間學術上的, B, 另一位便很不高興, 他的女兒亦是中游的, 但她希望她可以去得更高, 但學校是不會在你女兒沒有特出表現前派你去參加任何比賽的, 所以很不高興, 同一間學校同一待遇, 亦有不同的結論, 一個開心, 一個不開心, 所以, 家長才是用家, 兒女是被動的.

作者: Ms_Karen 時間: 11-11-17 12:45

他們不是教書，只是讀書!曾經有一個學期,短短2至3個月要教10課中文,幾乎每一堂教一課,每課都有4至5頁課文!你說一個小學生如何接受?
福中並不是臨危接收臻美的,他們是積極地投標成功接收的.所以這不是一個藉口!臻美是一所不注重考試成績的學校,標榜愉快學習,所以如果有考試成績差的，是可以預期的.難道他們投標前沒有做任何研究嗎？一句到尾,將責任推到家長或學生身上是完全不能接受的!

[ 本帖最後由 Ms_Karen 於 11-11-17 12:51 編輯 ]

作者: sfs 時間: 11-11-17 13:30

亦是另一個適者生存的定律.....

作者: gegemok 時間: 11-11-17 14:39

開始令我有點胡塗,讀書是老師定學生的責任!!??

其實學校是用出版商的書來教嗎? 有沒有教高一級呢? 如果全香港都是用同一套書,分上下學期教,大家又係九月開學,六月完成課程...為什麼學校要特別快去教? 學校不是工廠,不可以保證produce一樣品質的學生, 不同程度的學生努力,不同的家庭教育和支援, 會造出不一樣的學生~

作者: 已刪除用戶 時間: 11-11-17 14:40

無奈

作者: sfs 時間: 11-11-17 15:13

其實我有朋友是名校的, 我有看過他們的功課, 只是一張紙, 有個問題, 你便要做10版內容交回學校了, 題目是 : 一首詩, 你便要自己去找資料去分析此詩的出處, 內容, 意思, 詩風, 作者資料等, 是沒有教的, 學習的真正意義是自學的動力, 沒有自學動力, 老師教你又如何 ???

作者: hin216 時間: 11-11-17 15:21

山不轉水轉水不轉人轉

作者: gegemok 時間: 11-11-17 15:35

前臻美的父母, 你們對愉快學習的定義是什麼? 只是小朋友每天放學帶著笑臉回家? 還是真的是每天也學懂了一點知識? 愉快學習是強調自學, 自己尋求知識, 喜歡在書上,在網上找知識,可能他們不精於測驗考試,不過應該會是滿腦子知識的.......你們的子女是這樣嗎?

[ 本帖最後由 gegemok 於 11-11-17 15:37 編輯 ]

作者: familyking 時間: 11-11-17 15:42

雖然我有小朋友讀福中讀中一, 我仍然有小朋友讀福附小四. 我並不覺得佢地教得特別快,亦不覺得特別多測驗和默書,比起出面的津小官小,仍然是可接受. 仍有很多空餘時間參加課外活動. 但功課的確比以前多,但亦是可接受範圍.

反而是管理層,佢地只想接收學校硬件,卻不喜成績差的學生, 常常用D恫嚇手段希望一些成績較次的同學引退. 不要拖低佢地中學成績, 正是輸打贏要. 完全無幫助同學怎樣識應及過渡包容. 家長真要認真考慮同學真的是否應付到.

佢地係一所非常傳統的學校,功課壓力不比官津校小.又要追趕其他名校,所以非常催谷. 講真,中學的壓力比小學大好多. 每天應付功課都要做到10時起碼,亦試過好幾次12時,最慘先生話現在才開始,下學期應會攻多. 好恐怖. 根本無辦法多看課外書,課外活動等. 如果不是兒子還算讀得開心, 真的想轉校. 但做父母就好心痛. 我見朋友的兒子讀英基, 不用我兒那麼辛苦,而今年佢地IB/GCES成績好似好好.我吾明我地香港教育制度夠竟是否出了問題.

所以小兒我就未必會上福中了. 雖然佢會在福附完成小學.

[ 本帖最後由 familyking 於 11-11-17 15:50 編輯 ]

作者: gegemok 時間: 11-11-17 15:42

子女在愉快學習的學校讀書,家庭的付出比在傳統的可能要更多.....傳統學校,有測驗考試讓你知道小朋友的進度.....沒測考的學校,要靠父母去多了解,多探討,否則,小朋友可能虛渡光陰.....

條條大路通羅馬,大家都係想子女能夠入大學,完成學業....去為他們找最適合的路吧~

作者: Ms_Karen 時間: 11-11-17 17:16

原帖由 gegemok 於 11-11-17 15:35 發表
前臻美的父母, 你們對愉快學習的定義是什麼? 只是小朋友每天放學帶著笑臉回家? 還是真的是每天也學懂了一點知識? 愉快學習是強調自學, 自己尋求知識, 喜歡在書上,在網上找知識,可能他們不精於測驗考試,不過應該會是 ...

這是你自己定義的
愉快學習, 這和臻美在一開始時的
理念不同!但是這一切已經毫無意義, 這
理念已隨臻美消失在完美的記憶中....

作者: kc_01k 時間: 11-11-17 22:33

原帖由 Ms_Karen 於 11-11-17 17:16 發表

這是你自己定義的
愉快學習, 這和臻美在一開始時的
理念不同!但是這一切已經毫無意義, 這
理念已隨臻美消失在完美的記憶中....

Yes，仲要幚前臻美以及全小一做埋代表，仲叫人搵路走，無言~

福附現時某部分家長就係咁，代人發言！

你滿意唔代表全小一家長滿意的，或各班教法唔同呢，唔講學校咁新又點會知有咩不足要改善呢！唔係下下要叫人轉校去逃避的！唉！

[ 本帖最後由 kc_01k 於 11-11-17 22:39 編輯 ]

作者: Williammama 時間: 11-11-18 01:21

提示: 作者被禁止或刪除內容自動屏蔽

作者: Williammama 時間: 11-11-18 01:22

提示: 作者被禁止或刪除內容自動屏蔽

作者: gegemok 時間: 11-11-18 09:32

原帖由 familyking 於 11-11-17 15:42 發表
雖然我有小朋友讀福中讀中一, 我仍然有小朋友讀福附小四. 我並不覺得佢地教得特別快,亦不覺得特別多測驗和默書,比起出面的津小官小,仍然是可接受. 仍有很多空餘時間參加課外活動. 但功課的確比以前多,但亦是可接受範 ...

國際學校跟傳統學校當然是南轅北轍的學習模式,我一早已經有打算,如果小朋友不能push,在傳統學校讀得唔開心或者追唔上,也會向投向國際學校懷抱~

不過我識得有個人,小學讀國際學校,居然可以中學去左福中 @@!

作者: kc_01k 時間: 11-11-18 15:40

我班別情況係, 咩都好甩漏的. 比時間老師, 係有的. 3個月啦, 統測已完, 情況係只有更差. 做父母的, 不是不想去配合學校多Quiz多默書, 而係, 每日都忙著執學校甩漏情況, 仲有幾多時間去溫書? 而家係到我唔明咩叫家校合作, 咩homeroom喎, 唉, 我班係全無作用. 而且, 我已發覺老師與別班教法不一樣, 我班係比較死板的, 難記的科目會更難入腦. 如果你們班別無我此情況, 我亦好相信你們會暫時頗滿意福小的.

上列係千真萬確, 我十分希望福附有人會上嚟教育王國, 睇倒之後加以改善.

作者: dadmumkids 時間: 11-11-21 12:57

各位熱烈的討論令我想起最近看過的電影: 作死不離三兄弟 - 當中的男主角努力証明求學做事應該按自己的興趣去幹, 這樣才會做得出色, ‘成功’便會找上你.  跟他敵對的同學共不認同, 就算學習得不明所以, 只要努力耕耘, 將來便有好的工作, 隨之而來便有美滿的生活.  而的讀得吃不消, 冷遭白眼, 加上家庭負擔沉重, 最終跑上自殺之路.  男主角則指出, 他們不是自殺…而是謀殺…

我認為每一個教學制度, 都會造就一些同學非常卓越, 當中有可能是家長將學生的性格與制度配對正確的關係, 他們是位處於金字塔的高峰. 然而令人感到悲涼的是, 位置於他們腳下的大多數人, 會被視為失敗者.

為何現時那麼多父母熱捧國際學校, 因填鴨制度是 - 成皇敗寇, 或者香港的環境本身就是這樣.

然而芬蘭創造了教育界的神話, 在連續三届每五年全球舉行的學界測試裡, 都名列第一.  該國的學生最高成績與最低的差距是相當小, 這表示最差的一個同學的能力對比其他國家的, 還是相當強.  教育界紛紛研究為什麼芬蘭的整體教育水平可以那麼高, 原來就是以興趣引導學生們的發展, 是一個真實成功造就了什麼是 ‘教育’ 的一個國家.

我們是人類, 每一個人的樣貌特徵甚至智商性格都不一樣, 這些都是與生俱來的, 加上後天每個家庭對孩子的培育和金錢上的支持程度都不同, 造成學生在學習能力與成績上有所差距.

我特別體恤患自閉讀障等症狀的小朋友在學習上的因難和所遭受的不快.  如果父母能誕下的孩子又聰明又健康, (可能是努力經營下, 但他們的小孩總算做到了) 他們應該要懂得感恩.  同時從事某些行業的必須要有‘心’, 否則跑去從商好罷了.

作者: moon88 時間: 11-11-21 12:59

我女兒現讀 P.1 福附, 佢讀得好開心, 之前大女讀聖X太, 每晚功課做到 11:00PM, 測驗/DICT/ EXAM 不停 . 但沒辦法, 香港讀書係辛苦, 我女現在中三已經要預備入 U 選科 ( 她不是讀福中 ). 你唔去谷唔得. 因為香港的環境係現實的.
要像國際學校就要找真正的國際學校讀, 福中絕非這類. 但是除非家長已編好小朋友到了中六後入不到香港的大學後的出路 ( 例如出國 ), 否則, 像國際學校是否對小朋友好呢 ?

作者: gegemok 時間: 11-11-21 22:03

原帖由 dadmumkids 於 11-11-21 12:57 發表
各位熱烈的討論令我想起最近看過的電影: 作死不離三兄弟 - 當中的男主角努力証明求學做事應該按自己的興趣去幹, 這樣才會做得出色, ‘成功’便會找上你. 跟他敵對的同學共不認同, 就算學習得不明所以, 只要努力耕耘 ...

3 idiots 我睇左三次，深受感動,亦勁想再睇第四次! 我們只是普通人，好難改變教育制度，如果家長能放下心中那把呎，啟發小朋友去發掘自己的興趣，愛上學習，一定會成功和幸福的(不一定要是高分、高收入）！

作者: Candy_family 時間: 12-3-22 21:37

本帖最後由 Candy_family 於 12-3-22 22:25 編輯

其實我想話, 我個仔小一至小三係讀私校, 都係標榜愉快學習, 但我唔想佢中學都係讀私校, 因為我覺得始終都要面對現實的, 眼見佢學校D程度, 我真係唔敢想像佢可以點同人fight, 胆粗粗同佢轉過黎福小, 學校仲收佢讀英文班, 開頭真係好驚, 因為佢小一至三都係讀中小的, 而家一下子要佢面對好多改變: 搬屋, 轉校, 轉為全英上課, 無晒D同學仔, 而且仲多左個細佬, 點知佢好快就適應左, 下學期開始仲考得好好tim, 而且學校生活都算OK, 老師都好OK, 小五升中家長會我都有去, 我唔覺周校董有D咩說話講得有問題喎, 唔覺佢睇唔起福小學生, 完場時, 我地仲主動去打個招呼, 初初佢知我個仔讀邊班時, 佢都有縐縐眉的, 話呢班D成績麻麻喎, 點知佢一睇成績list, 知我個仔全班第一, 全級第十, 但操行得C+, 就好担心咁問做咩事咁洩呀, 到佢知我個仔唔係洩, 只係唔識控制情緒, 就同我個仔傾計, 教佢點放鬆, 點令自己無咁嬲, 証明佢係關心學生的, 佢講得好啱, 讀書係刻苦的, 讀書唔係歎世界, 自古以黎都係咁架喇, 佢想學生成績好D, 係想佢地升上中學唔洗咁辛苦, 如果個距離拉得咁遠, 佢地上到去真係會好辛苦架, 大家要明白呀

作者: mirandalpl 時間: 12-11-5 11:48

想問呢個 post 入面提到既問題現在有改善嗎?

作者: mandy304 時間: 12-11-5 14:41

回復 Carol728 的帖子

我認為學校所用的homeroom 模式非常恰當. 校長亦非常親切. 每日返學仔仔都滿懷笑容.
而我睇住佢每日進步, 特別係英語, 數學. 我真係要好多謝老師的教導. 我就比足101分.
亦很感恩福附選了小孩. 希望學校也會選了弟弟入讀就好了.

作者: coco209 時間: 12-11-5 17:36 標題: 回覆：一個褔小家長的憤怒!!

點解啲comments咁極端

作者: baba987 時間: 12-11-5 20:28

提示: 作者被禁止或刪除內容自動屏蔽

作者: sandy90862 時間: 12-11-5 21:30 標題: 回覆：一個褔小家長的憤怒!!

我現在的心情,也很困擾,會唔會為小朋友選錯了呢?

作者: kmlaw3 時間: 12-11-5 21:42

My kid is also studied at P1 months ago. At the begining, I found a little bit harsh and too quick of the syllabus, in particular the Putonghua and Mathematics subjects. Until recent, my kid and also ourselves seem could manage them without too much stress/concern. Frequent quizs and dictations would definitely give us some stress, but I see my kid really learn a lot and improve a lot in these few months.

作者: baba987 時間: 12-11-5 22:46

提示: 作者被禁止或刪除內容自動屏蔽

作者: sandy90862 時間: 12-11-5 23:16 標題: 回覆：一個褔小家長的憤怒!!

我其實好喜歡福小的課程,又返屋企,我擔心可能是老師的流失率高嗎?對小孩子有愛心和耐性嗎

作者: baba987 時間: 12-11-6 08:07

提示: 作者被禁止或刪除內容自動屏蔽

作者: monkichi_mama 時間: 12-11-6 08:40

回復 baba987 的帖子

謝謝你的分享, 讓我們更加了解褔小的最新及真實情況.

小一已是英數, 小朋友是否很快可以適應? 因小女(K3) 現在的英文水平是很一般的, 擔心她應付不來.

作者: sandy90862 時間: 12-11-6 10:54 標題: 回覆：一個褔小家長的憤怒!!

謝謝你們的解答,使我安心了,我要對學校有信心,我希望能更了解學校多一點

作者: baba987 時間: 12-11-6 13:26

提示: 作者被禁止或刪除內容自動屏蔽

作者: monkichi_mama 時間: 12-11-6 15:20

baba987:

多謝你的建議! 今個星期六SECOND-IN見校長, 希望有好消息!

作者: panman1020 時間: 12-11-6 16:09 標題: 回覆：一個褔小家長的憤怒!!

如果有Second in ，係唔係多數會收呀?

作者: kakadaddy 時間: 12-11-6 16:10

回復 monkichi_mama 的帖子

no worry, the Maths of P1 is very easy, it starts from counting........something like they learn at K3

作者: ppman 時間: 12-11-6 16:35 標題: 回覆：monkichi_mama 的帖子

Me2, great! 希望有機會認識

作者: sandy90862 時間: 12-11-6 17:17 標題: 回覆：一個褔小家長的憤怒!!

多測驗和默書,但小朋友讀得開心嗎?

作者: monkichi_mama 時間: 12-11-6 17:26

回復 kakadaddy 的帖子

咁又幾好喎!

我感覺到學校是想打好小一學生的中.英文的基礎先, 對嗎?

歡迎光臨教育王國 (/)