教育王國
標題: 讀咗十年書, 升中後經歷咗好多個第一次... [打印本頁]
作者: 禮媽媽 時間: 12-11-26 23:08 標題: 讀咗十年書, 升中後經歷咗好多個第一次...
阿仔兩歲開始返學，讀咗十年書，升上中一三個月，經歷咗第一次中文默書0分、英文默書12分、測驗唔合格、因欠帶書簿作業欠交功課，手冊就快俾老師寫滿一版、第一個缺點。。。
點解會成日都「唔記得」？唔記得寫手冊、物品放咗響LOCKER唔記得拎上堂、唔記得默書範圍、唔記得放學後要參加比賽練習。。。
有冇小朋友都係咁？係唔適應中學生活？定係間學校唔岩佢？
好灰。。。。。。。。
作者: hw1115 時間: 12-11-26 23:16
阿仔兩歲開始返學，讀咗十年書,
測驗, 中文默書唔合格
,物品放咗響LOCKER唔記得拎上堂
因欠帶作業欠交功課 >>>>>>> same as my son.
作者: 心心媽 時間: 12-11-26 23:18 標題: 回覆：讀咗十年書, 升中後經歷咗好多個第一次...
可能由中文小學轉英文中學，聽吾明老師講野！妳囝囝小學時成績怎樣?
作者: 禮媽媽 時間: 12-11-26 23:29
回復 心心媽 的帖子
小學成績好好，考到B1A 英中。。。
作者: 杰杰媽媽 時間: 12-11-26 23:37
佢小學係咪都係要人成日提住先記得帶野／做野既人黎？？
如果係既你要由頭 train 過 佢自理能力。中學老師要帶咩／做咩都係講一次就算，你冇即時寫低既習慣就一定成日漏野記缺点。
呢D都係平時由細到大既習惯黎，细個易改D，大左唔會跟你既方法去做。好頭痕。
作者: 杰杰媽媽 時間: 12-11-26 23:45
我仔細個時我係好黑人憎，我蓮佢放野都要跟我方法放好，錯一次講—次，煩到佢做到為止。係我屋企除左食咩好之外，係冇是但求其呢様野。
到高年班時佢巳經做得好好，唔洗我理。
作者: cy101 時間: 12-11-26 23:57
係咪唔慣MARK 野落手冊/記事簿?
作者: 禮媽媽 時間: 12-11-26 23:58
回復 杰杰媽媽 的帖子
佢小學三年級我已經開始TRAIN佢，我依家仍然有好似小學時咁日日問佢十幾次做好功課未？執好書包未？檢查清楚未？SO FAR小學都冇咁多甩漏，但上到中學就。。。佢連手冊都寫漏，唉。。。
作者: 禮媽媽 時間: 12-11-26 23:59
回復 cy101 的帖子
佢只會答我「唔記得」或者「唔知」
作者: nc2000 時間: 12-11-27 00:43 標題: 回覆：禮媽媽 的帖子
我個仔同你個仔一樣！咩都唔記得唔知！欠功課，小測唔合格，功課馬虎，但同樣小學b1b亦入讀b1英中！我由幼稚園已train佢自己放學做功課，小學就教佢mark測驗考試默書在diary，plan溫習，咪又係而家從頭開始，要督住做功課，對手冊，幚佢Plan溫習測考！性格如此，無可奈何
作者: longlokma 時間: 12-11-27 07:53 標題: 引用：阿仔兩歲開始返學，讀咗十年書，升上中一三
原帖由 禮媽媽 於 12-11-26 發表
阿仔兩歲開始返學，讀咗十年書，升上中一三個月，經歷咗第一次中文默書0分、英文默書12分、測驗唔合格、因 ...
作者: Yanamami 時間: 12-11-27 08:02
睇o黎似態度出左問題多過能力問題. 正如longlokma所言, 要去暸解下背後既原因.
作者: 杰杰媽媽 時間: 12-11-27 08:09
佢可能唔想做/理任何野多
作者: JJHK 時間: 12-11-27 10:55 標題: 回覆：禮媽媽 的帖子
有你同樣經歷，我比你更唔開心就係亞囝考第尾。不要灰心，我友去返小一的生活，幫他check 功課，溫書。
作者: Meikin 時間: 12-11-27 11:19
本帖最後由 Meikin 於 12-11-27 11:20 編輯
禮媽媽: 你唔洗咁灰, 我個仔去年中一整個學年都是好多"唔記得", 唔記得帶功課/交功課/帶書返屋企或學校等不在話下, 臨瞓前才突然記起明天要交某些功課或要默書, 於是拿拿林去做或問同學默書範圍然後漏夜温, 重試過唔記得去普通話測驗, 又或考試前唔見咗成本書, 要立刻買過, 其他唔見計數機/文具/通知更是家常便飯.
阿仔學校冇手冊寫的, 所以那時我想盡辦法幫佢 (例如買本小簿俾佢記低要做甚麼及deadline, 用post-it-note貼在當眼處提佢), 我亦同時返學前及放學後打電話提佢交功課/帶書, 提到我都有些精神衰弱...........終於今年中二有回報了, 好咗少少.
我阿仔一向是大頭蝦, 唯一不同是初中成績雖冇小學咁高分, 但未試過不合格.
我建議你從兩方面幫助阿仔:
(一) 想些小辦法 / 利用一些工具 (e.g. post-it-note, small notebook..) 去協助佢記低要做的事.
(二) 了解他默書0分及測試不合格的原因 -- 是上堂聽不明白, 學習上遇上困難?是忘記或記錯默書範圍?是學校生活有些不愉快, 不知如何處理?
孩子(尤其是小學成績好, 讀精英班的)升上中學, 測試考試的分數多半與小學時有一定差距, 佢自己本身都不開心, 也覺得難向父母交待. 所以佢考得點不好, 最多哦兩句算了, 多加鼓勵, 協助佢重拾自信, 面對及解決困難才是最重要.
作者: Meikin 時間: 12-11-27 11:27
即便現在中二, 有時他對著一大堆未做的工作紙, 及好些有不同dealine的project/test, 他都試過話"好唔實在, 唔知從何入手, 好似所有嘢都掌握唔到". 我都明白平他的感受, 那我就教佢點樣可以計劃做事, 按步就班, 唔好迫到所有事都在deadline前做, 教教吓試試吓, 如果work, 就等佢自己慢慢pickup.
作者: mc 時間: 12-11-27 11:44
回復 禮媽媽 的帖子
明白你的不安和不開心，但我想你仔仔可能更難過，要知道一個原本是精英班的尖子，上到一間有著眾多尖子的中學，在適應能力上可能自覺和別人有大段距離，人越急就越不記得很多事情，當成績越來越不濟時，你仔仔自然越來越不想讀，這是正常的反應。因為畢竟由中文小學升到英文中學，除了中文、中史、普通話外，很多科目都馬上轉用英語教授，以數學科為例，看慣中文題目，一時三刻要適應看英文題目，有一定的難度，起碼要懂一些常用的英文生字。
你不妨和仔仔坐下來好好談談，或者由你c6和仔仔談，孩子進入青春期後，囡囡喜歡和媽咪談，仔仔喜歡和爸爸談，試試找出原因，或許你仔仔有些心事沒有向你透露；另一方面也可以打電話給班主任，了解一下你孩子在校的情況。先了原因再對症下藥，如他覺得功課上很難追，可以考慮找一些補習社補下，也可買些練習給他做。
始炵小學升中學是一個新的環境，還真需要時間調適。我自己試過，孩子小二時有一次不知何解數學測驗不合格，我沒有罵，只說那現在我們由小一的數學重新做起，好好做，這次跌倒不緊要，可以追得番，畢竟學習是一場漫長的馬拉松，跌倒不緊要，最重要知道如何重新振作，繼續跑下去。成績不是和別人比，而是自己和自己比，只要今天的成績比昨天進步就已經很好了！
作者: Meikin 時間: 12-11-27 11:50
本帖最後由 Meikin 於 12-11-27 11:50 編輯
mc, 說得好 
作者: like_travel 時間: 12-11-28 08:34
本帖最後由 like_travel 於 12-11-28 08:38 編輯
回復 禮媽媽 的帖子
樓主，不要灰心！ 一如我囡，n次忘記把locker 的書薄帶回家，明天測驗，今天忘記帶! 幸得同班同學下群組在whatsapp send image 比佢温！
作者: TwoBabies 時間: 12-11-28 16:10
禮媽媽 發表於 12-11-26 23:29
回復 心心媽 的帖子
小學成績好好，考到B1A 英中。。。
會否兒子的學校太勁,佢暫時未適應或跟不上,因此用放棄的態度呢?
作者: 禮媽媽 時間: 12-11-28 16:30
多謝咁多位嘅回覆同鼓勵!
佢由小學到依家升上中學, 都俾老師投訴佢上堂唔專心, 以前小學老師由三年級跟到六年級, 所以好明白佢, 就話因為教嘅野佢已經識, 覺得悶, 所以成日撩其他同學傾計, 騷擾其他人; 中學老師亦話佢成日騷擾其他同學; 但我仔就解釋, 因為佢要借文具, 或者唔明老師講乜所以問同學, 我其實都已經教佢有咩要問要借就在轉堂時或者小息時先做, 同佢講佢把口就話明明明, 但依舊都係咁...
又因為英文課係全級分GROUP上, 每次都要轉課室, 所以佢就成日帶漏野, 或者冇帶手冊去寫功課因而做漏, 而佢比老師寫欠交/欠帶亦係英文課多
至於補習, 佢返學頭一個月已經主動要求要補習, 我亦搵咗補習社比佢
依家我比咗本可以袋落褲袋嘅簿仔佢, 叫佢本簿仔一定要跟身, 去廁所都要帶住, 一聽到老師講帶乜做乜默乜測乜, 第一時間拎出黎寫, 萬萬萬一真係寫唔切, 或者唔肯定有冇寫漏, 放學返來再打電話比同學問清楚
爸爸亦因為呢個缺點而CUT咗佢某D課外活動, 要佢專心做好學校嘅野先再考慮比佢參加返; 我唔知咁樣WORK唔WORK, 但都應該一試
希望佢汲取到今次呢個缺點嘅教訓, 而有所改進啦!
作者: Meikin 時間: 12-11-28 17:21
禮媽媽: 對於一個大頭蝦+唔專心的男仔來說, 中一真係好多野要記, 多些包容, 俾多些時間佢去適應啦, 只要佢有心改, 遲早一定做得到.
作者: reginayu 時間: 12-11-28 17:46 標題: 引用：多謝咁多位嘅回覆同鼓勵!佢由小學到依家升
原帖由 禮媽媽 於 12-11-28 發表
多謝咁多位嘅回覆同鼓勵!
佢由小學到依家升上中學, 都俾老師投訴佢上堂唔專心, 以前小學老師由三年級跟到 ...
| 歡迎光臨 教育王國 (/) |
Powered by Discuz! X1.5 |