教育王國
標題: 我被個仔激到就快嘔血 [打印本頁]
作者: leungchingwo 時間: 12-11-28 12:04 標題: 我被個仔激到就快嘔血
校隊游完泳去更衣室冲身,去咗兩次了都唔識開花灑,我讓佢問別人,佢唔敢出聲。就來八歲人了,都是勁細膽,第二次穿好衫出來,我問佢冲咗身沒?佢答冲佢,我冇懷疑。第三次佢爸爸帶,一入更衣室發現佢唔冲身,問爲什麽?佢話唔識開水喉?隊中有一個係佢二年班的同學,對佢勁nice,就馬上話幫佢,但佢對人又好冷淡哦。冲完身出來穿褲又唔坐下穿,就站住搞到條褲踩在地下勁難搞
作者: MonkeyGirl 時間: 12-11-28 12:28
樓主一定平時已幫仔仔安排曬所有野?? 想問仔仔平時在家, 點樣沖涼 ?
作者: ngyk 時間: 12-11-28 12:28
如果你的兒子是細膽型, 你越話他越縮, 心平氣和些, 慢慢教吧! 最重要攪清原因, 可能龍頭是用力按着那種, 有時是比較難按和麻煩, 這件事我覺得較要注意的是他騙你說他沖了涼, 你要鼓勵他有問題時要跟家長講, 不應隱瞞.
作者: Yanamami 時間: 12-11-28 12:57
本帖最後由 Yanamami 於 12-11-28 12:58 編輯
自理從在家裏開始訓練. 鬧, 係唔會得到你想要果個結果. 禁小事唔洗嘔血喎.....
作者: Jane1983 時間: 12-11-28 13:00
真係可能同小朋友平日用開的吾同,所以佢吾識。
吾好鬧,要了解和鼓勵呀!
作者: JJDBB 時間: 12-11-28 13:10 標題: 回覆:leungchingwo 的帖子
要鼓勵了,不可罵,你罵得多佢不同你講真話仲衰!
在家好好的傾下,自理慢慢學。
作者: Meikin 時間: 12-11-28 13:15
好小事啫, 唔洗嘔血, 否則再大些男孩子重有更多東西可以令阿媽心臟病發.....
你嘗試下用一個膽小的8歲孩子去諗, 咁你阿仔的所有行為都可以解釋到; 記得當年自己這個年紀時也不是一樣烏烏下. 做錯唔緊要, 最緊要從中汲取經驗, 下次做好些, 或勿犯同樣的錯就OK啦.
對膽小和內向的孩子要多加鼓勵, 幫助佢增強自信, 勞氣和鬧是解決不了問題.
作者: TwoBabies 時間: 12-11-28 15:45
男仔好多時會這樣的,唯有在屋企做起!
作者: ha8mo 時間: 12-11-28 18:13
提示: 作者被禁止或刪除 內容自動屏蔽
作者: leungchingwo 時間: 12-11-28 18:45
佢從一年級就自己冲涼,冲完出來唔識抹身,身上仲有好多水就穿衣搞到底衫都濕晒,次次都教佢將個毛巾打開先,佢都做唔好,個毛巾卷到成個波咁,都教咗幾年了,冇滴改近,真係好鬼惱,總之是自理自治能力都好差。唉…
作者: Jane1983 時間: 12-11-28 20:18
而家8歲人仔,仲係好細,慢慢教。吾好哦,係講解,跟住示範,再觀察佢。
有耐心,一定得。
作者: MrBeast 時間: 12-11-28 21:34
盡力和他建立互相信任關係,比佢明白有困難爸媽一定會和他一起解決,不然大些到了反叛期冇計傾或會幾麻煩。
作者: HowardC 時間: 12-11-28 23:51
我個仔自理能力也是很差,而且樣樣都不想學不想做。
作者: hugo2004 時間: 12-11-29 09:15
養個小朋友唔簡單,教個小朋友仲更加難!
作者: YYQQ 時間: 12-11-29 10:35
男仔好多時都好求其
作者: aeiou_drm 時間: 12-11-29 10:44
我仔都是8歲, 他游完水抹身都好求其o架, 不如你找一,兩次, 陪他到家庭更衣室, 教他做法和看看他點樣做, 應該不太難的.
作者: ah-ho 時間: 12-11-29 11:06
我個仔就係由我教到識得自己沖涼。用左1、2次就搞掂。
其實我既方法好簡單,就係企係出面睇住佢,佢一路沖,我一路教點做,但唔會落手幫佢。抹身都係,淨係幫佢拎毛巾(因佢唔夠高)。
亦試過一次係泳池比佢試,都ok。(我係爸爸,所以方便D)
其實都睇佢肯唔肯學,因為早排學校有游水堂,逼到埋黎,佢可能唔想係同學仔面前出洋相,所以今次係好主動學習。
作者: 1234ats 時間: 12-11-29 11:26
听楼主描述,似乎你仔仔欠缺组织能力与模仿能力,估计他做其他事情包括玩耍都可能有问题。也可能是发展迟缓或其中一种发展障碍。他平时温书做功课是否都有人替他安排好?
我觉得先要教他如何思考,小孩应该对新鲜事物有好奇心,面对处理不到的事情首先不要逃避,而是要想办法克服。
如果教他如抹身等动作他都有困难,可考虑每天冲凉前先花些时间把整个抹身动作细分慢慢教,一天教一些,比如开始是教他找出毛巾的角或边然后打开毛巾,待他能做到你满意后才教他下一步。这需要多点时间与对耐性,但毕竟你已教了很久都没改进,总得要换个办法试试。
作者: leungchingwo 時間: 12-11-29 11:32
好多謝大家地分享,可能我都是鬧得多搞到佢個腦都實·咗,做事好求其,唔想後果,有時真想當看唔到,但見佢唔想學就來氣,明明唔識總死頂話識晒,跟著我就好難控制自己唔發脾氣。
作者: MrBeast 時間: 12-11-29 12:14
本帖最後由 MrBeast 於 12-11-29 12:22 編輯
掉返轉,如你細個時答唔識就會比大人鬧,你自己又點講。
Ps, 我小朋友有時也會這樣,盡量平心靜氣說要知你有乜困難才可幫到你。
作者: lazyqueen80 時間: 12-11-29 14:03 標題: 引用:好多謝大家地分享,可能我都是鬧得多搞到佢
原帖由 leungchingwo 於 12-11-29 發表
好多謝大家地分享,可能我都是鬧得多搞到佢個腦都實·咗,做事好求其,唔想後果,有時真想當看唔到,但見佢 ...
我想問下自己湊定其他人湊小朋友?
歡迎光臨 教育王國 (/) |
Powered by Discuz! X1.5 |