中六收生可大約知道各區中學排名

bikkibikki512

參考各間中學在會考放榜後幾耐先收晒中六學生, 大約可以知道一間學校既實力。......用呢個方法唔係100%可靠, 但都應該有70-80%可靠。

首先, 去以下網址:
http://news.tvb.com/hkcee/2007/

然後, 揀你想睇既校網...

再click最右手邊「更新日期【時間】」...

你會見到勁既學校通常在最底, 最差既學校通常在最頂。大家好好參考一下, 或者你會發現有d話自己收生好勁既學校原來不外如是, 又或者會發現某d唔起眼既學校原來成績唔錯。

打左咁多野, 純粹唔想再見到有盲目跟風既家長, 只係聽某某校話自己全band 1就揀佢。記得唔好淨係睇學校收d乜野學生, 仲要睇埋間學校教出左d乜野能力既學生。有實力既學校應該要幫到學生攞到能力以外咁好既成績。收得band 1但係5年後成績變左次等既學校, 大家點解仲要揀?

如果明白中六收生制度係乜野既家長, 你應該知道我講緊d乜, 如果係唔明白既就再睇埋落去...

一般中學都會有60個中六學位(極少數會有90個位)。勁既學校就會有超過60個中五學生考到6科14分以上既成績, 可以在放榜後第一階段內收晒自己學生 (即係2007年8月8日既上午)。冇咁既成績既學校就要在同日下午開始收第二間學校多出左既學生, 而較受歡迎既中學就會先收晒學生, 最唔受歡迎既中學分分鐘要到8月11日先至收晒學生。

不過, 家長要留意, 因為可能會出現一d其他例外情況(無時間係度交代晒), 所以個表都只係得70-80%可信。不過, 個人認為都係好有參考價值。

[ 本文章最後由 bikkibikki512 於 08-1-22 23:58 編輯 ]

sandy234t

我都認同,以樓主資料都有ｄ用呀！

Sindy

係啦,某程度都可以反影到d野,所以早兩年都已經做定呢個表,用黎今年同女報學校

Goody

同意，我都有留意這點！:loveliness:

原文章由 leschelems 於 08-2-5 14:28 發表
還有一點要留意,每家學校中五和中六的學位比例不是全一樣.有學校可以有六班中五而只有三班中六(240:96),亦有學有是四班中五對三班中六(160:90).  這個比例亦會影響1點前的收生.

...

leschelems

還有一點要留意,每家學校中五和中六的學位比例不是全一樣.有學校可以有六班中五而只有三班中六(240:96),亦有學有是四班中五對三班中六(160:90).  這個比例亦會影響1點前的收生.

原文章由 cherry1995 於 08-2-5 09:08 發表


a. 教育局的中六收生程序中是容許每一間學校在第一階段收取2位14分以下對學校有貢獻的學生,學校是否使用就由學校自己決定.就算大學亦會收一些非學業成績優越但成績只合乎最低要求的學生的.

b. 學生的優越亦不只是 ...

cherry1995

原文章由 bikkibikki512 於 08-1-24 22:26 發表
十一:

你話...
3. 報大數 - 有一些中學會虛報學額全滿（通常係Band1尾學校），令其他學校學生不會來叩門，偷雞預留小量學額給原校獲13分的學生（到正式註冊時再更新資料）

乜學校真係可以咁做既咩, 教署應該唔俾架!? ...

a. 教育局的中六收生程序中是容許每一間學校在第一階段收取2位14分以下對學校有貢獻的學生,學校是否使用就由學校自己決定.就算大學亦會收一些非學業成績優越但成績只合乎最低要求的學生的.

b. 學生的優越亦不只是學業成績的,特別在入大學及畢業後的工作更要看學生的人際關係,EQ等.

c. 每一年每一間學校收生水準都有參差,某一年成績會特別好,某一年又會特別差,如能有3-5年的數字而計出移動平均線就最準確,並可推測學校的水準是否有下降

d. 另外文科理科又有分別,因全世界(不只香港)最好的學生多數都會選理科,特別是男校,所以就算有些Band 1學校,在第一階段亦可能有一兩個文科位未能墳滿,你看看喇沙DBS一定有一至兩班是成績上是令人未必十分滿意的

jessc

我以前有做少許紀錄, 可以到此下載。
http://hk.geocities.com/xf53/

judywan

原文章由 bikkibikki512 於 08-1-26 00:45 發表


問過知情人士, 佢話教署絕對唔俾咁樣, 照計冇學校夠膽明知故犯。
照佢估計, 12分可以升讀原校又唔係完全冇可能, 只要呢個學生唔係佔據左30個位中既其中1個位就冇問題。即係話, 學校如果肯捱義氣收埋呢個成為第31位 ...

究竟學校係唔係收我朋友為第30位以外既學生，我無從得知。
但故事仲未完結，事實上，我朋友最終都冇返回原校升中六，佢係以12分既成績報讀另外一間學校。。。。。。

bikkibikki512

原文章由 judywan 於 08-1-24 23:14 發表


點解唔得，知道有朋友數年前以12分原校中六收番，所以我都唔揀呢間學校。。。。:D :D :D

問過知情人士, 佢話教署絕對唔俾咁樣, 照計冇學校夠膽明知故犯。
照佢估計, 12分可以升讀原校又唔係完全冇可能, 只要呢個學生唔係佔據左30個位中既其中1個位就冇問題。即係話, 學校如果肯捱義氣收埋呢個成為第31位學生係得既。

心水清

JUDYWAN, 我估我係你女讀緊間中學畢業, 以前母校的同學考得14分以上一定很多,可能超過半數, 98%六科合格, 而較差的同學手上都至少有一,兩科B/C, 可是同時很捧考到六科都有ABC的同學卻又只得二十來個, 而輪到入大學率又很高.........
所以某校就算有一個九優但只得1/3人數考到14分以上亦不奇怪, BAND 1 學生能力都有高低參差, 特別是改革後的BAND 1
因此如有學校有心隱瞞製造假象是可以的, 不過八卦點可否PM你朋友升那一間學校呢 ?

原文章由 judywan 於 08-1-24 23:14 發表
點解唔得，知道有朋友數年前以12分原校中六收番，所以我都唔揀呢間學校。。。。:D :D :D

judywan

原文章由 bikkibikki512 於 08-1-24 22:26 發表
十一:

你話...
3. 報大數 - 有一些中學會虛報學額全滿（通常係Band1尾學校），令其他學校學生不會來叩門，偷雞預留小量學額給原校獲13分的學生（到正式註冊時再更新資料）

乜學校真係可以咁做既咩, 教署應該唔俾架!? ...

點解唔得，知道有朋友數年前以12分原校中六收番，所以我都唔揀呢間學校。。。。:D :D :D

bikkibikki512

原文章由 心水清 於 08-1-24 10:13 發表
謝謝你 !

但我想請教你 :
1. 你認為只有70~80%可靠, 那麼排名有什麼不可靠的地方 ?
2. 參考此數據時還同時要考慮什麼條件會比較客觀可取呢 ?
3. 新學際3.3.4誕生後就再沒有跡可尋了 , 請指教.

...

我既回覆 (逐條逐條答):
1. 其他網友已經都答得幾清楚, 我只係再需要補充多少少。基本上, 能夠在8/8 1:00前完成收生既學校, 呢個表係睇唔到佢地之間既高低, 因為時間既先後只係顯示一間學校收生時手腳快定慢。
在第二階段中, 如果時間相隔唔係太耐 (舉例相差個零鐘之內), 只可以話兩間學校實力差唔多。
最後, 有少量中中可以在第一階段完成收生, 但係佢地既排名應該唔及其他有同樣能力既英中 (這是世俗眼光, 大家應該明白)。

2. 因為第1點第一段既問題, 所以要知邊d係頂尖學校, 最終都係要睇返學校會考優良率 (a-c級成績)。呢批學校成績既然唔錯, 通常都唔介意講得好老實, 你可以參考明報升中選校全攻略, 好容易比較呢批學校之間既高低。
另外, 要比較一間學校既公開試成績同該校中一學生banding, 因為可能有band 1學校只係得band 2會考成績, 或者band 2學校考出band 1成績, 俾著我就寧願揀後者。(當然, 首選梗係收生同會考成績都係band 1)。

3. 我完全唔擔心。334學制之後係冇左會考, 但一日有公開考試, 一日都可以比較到學校既高低。

bikkibikki512

十一:

你話...
3. 報大數 - 有一些中學會虛報學額全滿（通常係Band1尾學校），令其他學校學生不會來叩門，偷雞預留小量學額給原校獲13分的學生（到正式註冊時再更新資料）

乜學校真係可以咁做既咩, 教署應該唔俾架!?

十一

原文章由 nywing 於 08-1-24 00:13 發表
聖公會聖三一堂中學 08/08[14:58]
而 東華三院黃笏南中學 09/08[14:10]

不代表 黃笏南 差過 聖三一堂

講得啱，根據天書，黄笏南過去數年都上報在第1階段全滿，而聖三一堂原校生只能填滿1/2（理 科）及約1/3（文商），所以黄笏南肯定高過聖三一堂，但點解會出現09/08[14:10]呢個數字，不準確原因或可在所列4點推測。

補充：
1.1 爭排名 - 在第2階段（第1天14:00-17:00），不同學校又有不同作風，學額剩得多的學校會爭學生，策略是夠14分來者不拒，反而很早收滿學生收工，而學額少的學校又會千挑萬選，17分以上才給與面試機會，所以又會攪到很遲才收滿。

不過以一流學校來說，（60個學額）學校應該在第1階段全滿，而（90個學額或以上）學校應該在第2階段的第一部份收滿，即（第1天14:00-17:00），因為所有考得好的學生（例如18分）都唔應該要受煎熬多一晚！

[ 本文章最後由 十一 於 08-1-24 17:37 編輯 ]

nywing

還有, 不少學生考得好好，
但他們想人望高處，所以，
走出去其他比自己原本那間
更出名的學校。
如果出走人數多，就要收外校生。

相反，有些學校，本身是麻麻地，但不至很差，
裡面的學生就算只是夠分已經謝天謝地，
已經有心理準備都很難去外邊找學校，
結果出來頗多學生都剛剛好夠分，
所以，很多都選擇留下。

最好配合會考合格率 + 優良率來配合
觀察會更加好

十一

原文章由 bikkibikki512 於 08-1-23 22:18 發表
如果大家覺得有地方唔太準確, 或者發覺某學校既成績比預期好或差, 不如post出黎比大家討論一下。

bikkibikki512  真係心水清，為大家介紹咗一個比較全面又客觀的評估學校方法，我可以補充一些，希望可以將準確度再提高一點點：

此方法準確原因：
1. 產品vs材料 - 每間中學收生的Banding等如學校手上的材料，而升中六的成績（即具備入大學的基本要求）就是這間中學的產品，睇材料只係睇到個希望，睇產品先至係成果，所以一間學校標榜收生成績，不如標榜升中六成績。

2. 透明度高 - 每間中學收生資料無公佈機制，無統一標準，全都是靠坊間口耳相傳，難以用同一標準比較，而升中六派位機制係劃一標準（分5階段），除小數例外（下面再講），可靠性及認受性無可置疑。

不準確原因及調節方法：
1. 爭排名 - 有些學校知道中六派位機制會間接產生一張這樣的排名表，所以考試局一公佈會考成績（學校最先知道成績，第二先到學生），作風高調的學校會催迫14分以上的學生表態，是否想留在原校升中六，以便學校可以第一時間上報教署「全校中六學額爆滿」，爭取First Honor。調節方法 - 排名只看階段，不看時間！因為第1階段派位是放榜日第一天上午（8:00-13:00)，名校生就算原校一早已無剩餘學位（學生有14分以上）都要等第2階段（第一天14:00-17:00)，先可以上其他學校或聯招中心撲位，所以第一天上午滿額的學校應該排名不分先後，但我自己就比較欣賞10時多才上報滿額的Band1學校，因為代表該校比較關心學生，願意爭取在放榜後2小時內盡量輔導學生，多聽感受，多給意見（夠分但又要離開母校的學生通常會喊，男生都會），又會留足夠時間讓學生趕往聯招中心。

2. 多少班 - 大部份中學開2班中六（60個學位），但有小部份開3班（90個學位，例如：協恩、DBS、民生、培正、體藝...），更有4班（120個學位，如喇吵等），所以少中六班中學如果有61人夠14分就叫做滿瀉，多中六班中學如果有89人夠分都算未滿，但可能佢地都同樣係有5班中五（約200人），成就率就分別係61/200(30%)及89/200(44%)，當然不能相比。調節方法 - 攞本天書參考！每年會考榜前教育局及輔導教師協會都會出一本《中五學生升學輔導手冊》，可免費在政務處索取，書內詳細列出每間中學所提供中六學額總數，及上一年在第1階段未填滿的數目（最有可能是夠14分原校生數目不足），無所遁形。

3. 報大數 - 有一些中學會虛報學額全滿（通常係Band1尾學校），令其他學校學生不會來叩門，偷雞預留小量學額給原校獲13分的學生（到正式註冊時再更新資料），因為未夠分學生要等第3階段（第二天14:00-16:30)，才輪到佢地出去撲學校（非常難挨的30小時 ），那些學校咁做雖然話係體恤學生，不過又真係對其他學校夠分嘅學生唔公平。調節方法 - 留意一些平日標榜（要忠心）的學校，佢地好可能會做一些違規嘅（愚忠）行為。

4. 直資另一套 - 或者有人會問點解有D學校名單上無名，因為直資學校及私立學校是有自由参加或不參加教署中六學位申請機制，佢地有自己的聯招中心，佢地又可以唔須理會5階段按成績排隊規則，又可以各自收生，甚至唔須要教署編配用作輸入電腦的學校代碼，通常該些學校又各有特色...。調節方法 - 當哂佢地係另類學校，個別評估，個別考慮，酌情處理。（按：好似咁官僚嘅！ ）

最後我都認為呢個係最中肯嘅方法，如有不足，請各位再補充！

[ 本文章最後由 十一 於 08-1-24 17:50 編輯 ]

ZZdaphne

bikkibikki512

所有資料都唔會100%，
多D資料分析，揀學校就更有把握。

謝謝

心水清

謝謝你 !

但我想請教你 :
1. 你認為只有70~80%可靠, 那麼排名有什麼不可靠的地方 ?
2. 參考此數據時還同時要考慮什麼條件會比較客觀可取呢 ?
3. 新學際3.3.4誕生後就再沒有跡可尋了 , 請指教.

原文章由 bikkibikki512 於 08-1-22 23:53 發表
參考各間中學在會考放榜後幾耐先收晒中六學生, 大約可以知道一間學校既實力。......用呢個方法唔係100%可靠, 但都應該有70-80%可靠。

首先, 去以下網址:
http://news.tvb.com/hkcee/2007/

然後, 揀你想睇既校網... ...

nywing

聖公會聖三一堂中學 08/08[14:58]
而 東華三院黃笏南中學 09/08[14:10]

不代表 黃笏南 差過 聖三一堂

bikkibikki512

原文章由 judywan 於 08-1-23 23:04 發表
如果呢個方法係既，之前對某D學校既睇法原來有D誤解。。。。

我都唔敢講話你呢句係啱定錯, 因為我覺得呢個表只係70-80%可靠, 即係話仲有20-30%唔準確。

大致上各位可以睇到區內的較好、普通同較差既中學, 呢點應該冇乜點錯。但係, 千期唔好以為排第1既就一定好得過排第2既中學, 我唔想累左大家...