終於塵埃落定

yuenwa

由6月6日開始打仗, 在7月2日終於完結.

為了心儀的嘉諾撒聖方濟各, 之前花了好多時間準備, 可惜最後都不能成功, 只好說是我一廂情願.

由於家主東涌, 我早在亞囡兩歲時已為她籌謀出市區讀書.  我特意安排她由兩歲開始便在銅鑼灣上學, 好樣她在生理時鐘和體能上都能適應在市區上小學.

因為不想借地址抽小學, 所以亦一早崔谷個女, 裝備好自己去叩門.  叩問Profile個女都有努力參與, 自己親自書寫.  以為只要有誠意, 叩問應該沒問題, 卻原來這全都是我一廂情願.  我認為書是小朋友讀的, 只要小朋友"掂", 學校便會取錄.  後來發覺, 原來不成功不是小朋友的問題, 而我父母的問題.  面試時我自問亞囡表現95分, 只是我作為父母, 沒能力安排亞囡在灣仔區居住, 又沒能力安排工人照顧, 結果在面試時處處受質詢.  

我為亞女叩了6間小學:
嘉諾撒聖方濟各 - 不成功
嘉諾撒聖心 - 沒有面試機會
聖保祿天主教小學 - 不成功
英皇書院同學會小學 - 取錄
聖公會基恩小學 - 取錄
東華三院李賜豪小學 - 不用面試已取錄

3 間成功.  不成功的3間都是傳統名女校.  我為亞女選這些學校都是因為該校有中學, 而且傳統名校的校風一定不會差.  

經過幾輪面試後, 我老公才坦白同我講, 就算考到, 我也不會讓亞女入讀.  他覺得這些傳統名校的老師, 都有一定年資, 相信只有他們說一, 亞女不能說二.  亞女性格百厭外向, 好奇心重, 說話又多, 在這些學校讀書一定"冇運行", 難道要亞女每日返學比老師罰?

我是不甘心, 亞女的表現真是不差 (除了聖公會基恩面試外), 但聖公會基恩都取錄她, 我真是想不通.

之後我就同亞女話, 所有學校都取錄你, 讓你選的話, 你會選那一間?  她想也不想, 便說要到"英皇書院同學會小學"讀．　她知道我最心儀是聖方濟各，她還懂得安慰我, 她向我保證, 無論在那裏讀書, 她都會考第一.

結果在未有聖保祿的消息前, 我們一家都決定了讀英皇.  我老公竟然很慶幸聖保祿面試不成功, 否則我們一定會有另一場爭辯.

我心現在已平復, 亦很開心終於塵埃落定, 不用睡不安, 食不下.  現在只是每天都同亞女商量買個怎樣的書包, 上學時午餐要吃甚麼.  我會只好等亞女完成一年班, 再作檢討.

在此, 我很感謝所有在我叩門戰鬥時給我很多鼓勵和祝福的BK媽咪和爹地．

我亦祝福來年參加大抽獎的小朋友和家長, 希望大家都派到心儀的學校.

video_ming

yuenwa
好開心,:D 看見你出來面對.每個人都要時常反省.和在別人的角度想想.

原帖由 yuenwa 於 09-7-15 23:22 發表
我在這開這topic, 目的都是想多謝支持我的bk網友, 和舒發一下心中的鬱悶, 想不到有這熱烈的討論.

每對父母都有不同的教子方程式, 而每種方程式都受不同家庭的背境而產生, 許或大家認為某些正確, 某些不正確, 我認 ...

[ 本帖最後由 video_ming 於 09-7-18 14:05 編輯 ]

KaHeiBaBa

原帖由 yuenwa 於 09-7-15 23:22 發表
我在這開這topic, 目的都是想多謝支持我的bk網友, 和舒發一下心中的鬱悶, 想不到有這熱烈的討論.

每對父母都有不同的教子方程式, 而每種方程式都受不同家庭的背境而產生, 許或大家認為某些正確, 某些不正確, 我認 ...

"養兒一百歲，長憂九十九"，加油呀 !!

sheepiedad

Dear hawflake0496,

I cannot agree more. And I read the "Traditional Schools" the parents mentioned here as those which do not offer all-round education like DB-series.

Afterall, the old (traditional?) HK educational system does encourage excellence in academic discipline more than a whole-person development. But I can see that the system has been changing. And I am glad to see that more and more parents are showing their interest in all-round education some schools currently offer

Cheers

原帖由 hawflake0496 於 09-7-16 00:33 發表
Dear parent,

I have read your message, you mentioned that your daughter is quite active, so both of you and your husband thinks that traditional school is not suitable for her, where U2 want her to b ...

hawflake0496

Dear parent,

I have read your message, you mentioned that your daughter is quite active, so both of you and your husband thinks that traditional school is not suitable for her, where U2 want her to be more disciplined.

But i would like to share with you another perspective of traditional schools. I was a graduate from top-tier band 1 gals schools in both primary and secondary schools, all of these are traditional schools, but gals there are all very proactive and presentable.

You can see all those schools particpate in interschool in sports, music, drama, speech festival are all from traditional schools, like DGS, Maryknoll, Heep Yunn, Good Hope, etc......
So, if you gal is active, why can't she fit in these schools? she can still be well disciplined and being active in participate in all kinds of school activities.

Thus, I hope you dont have bias on traditional schools :>

原帖由 yuenwa 於 09-7-14 01:10 發表


我個女活躍, 係我老公認為她不適合傳統學校.  我返而覺得係傳統學校綁下佢, 等佢收歛一下都係好事.

我一直心儀的都是幾家傳統學校, 我怎會不想送個女去讀.  只是現在考不入, 我唯有接受現實, 在其他學校讀, 暫時 ...

w_y

大家每日都在不斷學習, 做父母亦不斷犯上教育錯誤, 正常不過. 自省卻是每天都不能少, 樓主能做呢點, 確係佩服. bk 咁多叻叻父母, 係呢度睇睇埋埋, 實在獲益良多. 有時當局者迷, 為人父母真係艱難呀.

你係呢度講, 大家已經係好溫和, 同一個主題, 你放係第二版, 幾難聽都有呀.

yuenwa

我在這開這topic, 目的都是想多謝支持我的bk網友, 和舒發一下心中的鬱悶, 想不到有這熱烈的討論.

每對父母都有不同的教子方程式, 而每種方程式都受不同家庭的背境而產生, 許或大家認為某些正確, 某些不正確, 我認為這裏討論的父母都是著緊自己的小朋友的, 若果不著緊, 跟本不會花時間研究那間學校好, 或在網上找資料或意見.

雖然我女入不到我心儀的學校, 但我不覺得學校黑暗不公平. 我只是事前摸不清學校是以甚麼準則收生, 所以不成功.  或許我很天真, 以為小朋友努力, 我們便會成功, 但原來小一叩門不是那回事.  不過這裏有小朋友真是憑自己的努力和實力, 成功插班入二年班, 因此我亦不會灰心.

大家的觀點, 給我很多啟發.  雖然我女兒是很聰明, 但她還小, 還未到我放手的時候.  或許她真是在忍受我的嚴苛, 但大家真是不用擔心, 我有個體貼的老公, 我女兒有個天才爸爸(亞女成日賣口乖讚爸爸是天才), 他是我和亞女的潤滑劑. 亞女每天還是有時間玩, 有時間hea.

對, 批評的說話的確很"銀"耳, 大家都很"肉緊"的指我的做法不對, 我不相信大家是有心攻擊我, 因為大家都互不相識,  實在沒有必要惡言相向. 坦白講, 我覺得大家都在教訓我, 我真的不好受. 都怪自己人老了, 自尊就睇得重了.  這亦提醒我在女兒面前或許真是太權威了, 我亦應作出檢討.  我很樂意聽耳大家的教子/愛子方程式, 但請語氣溫和一點, 否則我自己亦不敢打開這個我自己開的topic來看.

Heiyingleefamil

sorry, duplicate.

原帖由 video_ming 於 09-7-15 19:54 發表
我都應同.如果真係小朋友好叻, 家長給小朋友更上一層樓我都好讚成, 但由父母作主谷佢上又係第2件事啦.
小學階段,是學習的起步.還有很長的路要行.
我擔心樓主勝了起步,敗了結果.
我些小朋友真是很叻,不要家長谷.
我囡 ...

[ 本帖最後由 Heiyingleefamil 於 09-7-15 22:35 編輯 ]

Heiyingleefamil

I don't think it is a good idea to compare among children.  

原帖由 video_ming 於 09-7-15 19:54 發表
我都應同.如果真係小朋友好叻, 家長給小朋友更上一層樓我都好讚成, 但由父母作主谷佢上又係第2件事啦.
小學階段,是學習的起步.還有很長的路要行.
我擔心樓主勝了起步,敗了結果.
我些小朋友真是很叻,不要家長谷.
我囡 ...

video_ming

我都應同.如果真係小朋友好叻, 家長給小朋友更上一層樓我都好讚成, 但由父母作主谷佢上又係第2件事啦.
小學階段,是學習的起步.還有很長的路要行.
我擔心樓主勝了起步,敗了結果.
我些小朋友真是很叻,不要家長谷.
我囡囡學了兩年鋼琴.明年考五級.
年年考頭三名內,不用家長溫習.
每天上午上學.下午要求我給她去學其他野,一天沒有野學,就叫悶.叫我給她學野.重會說明學什麼.
一年看1600書.
天天看電視.
天天在玩.
她當學習是遊戲.
天天快樂地成長.:D :D
天天和爸媽玩.
不是家長谷,只有囡囡谷我.去溫$$$.
囡囡叩門間間收.

原帖由 Charlotte_mom 於 09-7-15 16:43 發表
算把啦
初時d網友都話好感動, 但原來樓主根本唔係覺得叩門辛苦左個女, 而係唔甘心考唔到, 為左出年插班而決定令個女更辛苦
之後網友d態度都唔同晒喇, 要講既都講晒, 樓主覺得唔岩聽無所謂, 果個係你個女, 前途係要由 ...

[ 本帖最後由 video_ming 於 09-7-15 21:22 編輯 ]

Charlotte_mom

算把啦
初時d網友都話好感動, 但原來樓主根本唔係覺得叩門辛苦左個女, 而係唔甘心考唔到, 為左出年插班而決定令個女更辛苦
之後網友d態度都唔同晒喇, 要講既都講晒, 樓主覺得唔岩聽無所謂, 果個係你個女, 前途係要由你安排, 你自己唸清楚喇
(真係有小朋友好叻, 更上一層樓我都好讚成, 但由父母作主谷佢上又係第2件事啦)

原帖由 w_y 於 09-7-15 04:13 PM 發表
樓主你比我還緊張..我單睇你 post 都好緊張. 我同你相返, 就係怕自己太緊張, 俾過份壓力個女, 又怕女兒會錯失快樂的童年時光, 我選擇不過不失, 校風純樸的學校給她, 好讓她唸書有一定成績同時, 也培養良好品格, 還不 ...

w_y

樓主你比我還緊張..我單睇你 post 都好緊張. 我同你相返, 就係怕自己太緊張, 俾過份壓力個女, 又怕女兒會錯失快樂的童年時光, 我選擇不過不失, 校風純樸的學校給她, 好讓她唸書有一定成績同時, 也培養良好品格, 還不要錯失好好望望成長道路上的風景的機會.

如果你真係諗住佢不過不失地上 band 1 中學, 根本唔需要呢個階段谷到咁盡. 問題係到時你又係咪咁諗? 我諗為愛女舖路好正常, 但你先要搜集多 d 資料先計劃下一部, 唔係一味谷到成績就如你所願入到間名校, 呢度好多媽咪俾到資料你架啦. 唔講你教女方式, 單單你之前揀幼稚園已經唔係幾妥 (幼稚園無唔妥, 係條路舖得唔妥), 一如你現在所選的小學, 在我看來更是.......奇怪囉....如果你住東涌的話 有 d 人真係一聽到 "英皇" 2 個字就 . 老實講呢間小學我係可以走到後門....但都從無考慮過.

w_y

老實講能夠考小時操到 5 級琴的小朋友, 我好相信佢本身都係好熱愛彈琴, 要喜愛它並不難. 講可憐, 山水長遠返學 + 地獄訓練 (訓練可以好快樂, 不過樓主形容為地獄就...... ), 你估邊個可憐 d?

當然每個家長都會想兒女好, 不過, 所為好, 有時都係自己想當然而已. 我希望樓主女兒下年成功插班心儀學校, 否則, 又要攪到升中, 真係有排受. 入到名校後, 方才發現世界之大無奇不有. 名校之為名校, 尤其傳統 n 咁多年老牌果 d, 唔單單係谷成績咁簡單架.

唔怕得罪, 以我認識除左走後門果 d (走後門都要谷, 因為不能落人口實, 個 profolio 都要有野見人), 家長的 "谷" 並非做下小一功課之類咁簡單呀! 簡直係能人不能 ~~~

原帖由 Sindy 於 09-7-14 00:35 發表


其實可唔可憐,個細路先知,佢鐘意,當係遊戲,點會可憐?我好鐘意玩電腦,我又唔覺得對住電腦好慘喎,但返工唔想對住電腦,佢地會話日日好可憐咁對住部腦..... ...

nov03bb

我都希望給予一個溫馨提示, 受壓力導致精神問題只是多種問題的其中一面, 如果家長單方面施以壓力而沒有同時注重建立良好的親子關係, 沒有適時加以輔導及鼓勵, 當兒童進入反叛期的時候, 很容易受到朋輩影響, 或會吸毒濫藥, 或會援交, 或會聯群結黨, 以控訴或報復, 以爭取父母內心的關注...

原帖由 yjoan 於 09-7-14 02:23 AM 發表
如果你囡囡將來真的考到香港區名校,希望你可以搬到近學校一些. 其真西區有些樓也不是太貴,當然比較old. 太遠返學真的很辛苦. 我好記得一個好好的中學同學住沙田,但就返香港區名中學,長途跋涉返學加上功課壓力,最後精 ...

yjoan

如果你囡囡將來真的考到香港區名校,希望你可以搬到近學校一些. 其真西區有些樓也不是太貴,當然比較old. 太遠返學真的很辛苦. 我好記得一個好好的中學同學住沙田,但就返香港區名中學,長途跋涉返學加上功課壓力,最後精神出現問題,醫了幾年才轉到一間幾差的中學重讀完成中學. 又有一同學的家姐讀女拔(20年前),最後也精神出現問題. 這同學的家姐也是個很smart的人,但因病,最後只完成中學. 不過她現在的生活也過得很好.
我常常提醒自己不要給個女這樣的壓力,所以你提及的這幾間名女校,我都沒想過考,只會選擇西區的普通小學. 因為近和校風是我最大的考慮.
我個女有個同學的媽咪是 SH old girl, 但她反而不想個女讀 SH,因自己以前過得太辛苦.

原帖由 yuenwa 於 09-7-14 01:10 發表


我個女活躍, 係我老公認為她不適合傳統學校.  我返而覺得係傳統學校綁下佢, 等佢收歛一下都係好事.

我一直心儀的都是幾家傳統學校, 我怎會不想送個女去讀.  只是現在考不入, 我唯有接受現實, 在其他學校讀, 暫時 ...

video_ming

yuenwa
其實現今小朋友不是甚麼都不懂.何妨你囡囡是一個十分聰明的人.
如果你擔心患病時囡囡像BB,你就一早不要生囡囡.你現在將擔心轉做壓力加在囡囡身上.你應該教導囡囡正確人生價值觀.要努力面對將來.體諒別人.關心人.不自大.
我說的可憐.不是物質上的東西,而是家長有沒有關心和體諒小朋友.
如果小朋友努力讀書,我相信小朋友一定有好中學.中學收生是要實力,小朋友有實力甚麼到難不到她.
作為一個媽媽,應該想想囡囡,在不同的角度看看.

原帖由 yuenwa 於 09-7-14 00:38 發表


小朋友甚麼也不懂, 不走我安排的路, 要她走怎樣的路? 我們那一個不是跟著前人的足跡而成長?

我對亞女有祈望, 希望她十項全能, 就是因為她的性格太倔強, 我對她嚴謹, 是希望她夠硬正, 面對外面的風浪. 我希望她早 ...

[ 本帖最後由 video_ming 於 09-7-15 19:09 編輯 ]

yuenwa

原帖由 feelsogood 於 09-7-13 23:59 發表
You think the parent keep training up the kid is 可憐.

You said you won't let your daughter go to those traditional school because she's active and traditional school is not suitable.

But at the sam ...

我個女活躍, 係我老公認為她不適合傳統學校.  我返而覺得係傳統學校綁下佢, 等佢收歛一下都係好事.

我一直心儀的都是幾家傳統學校, 我怎會不想送個女去讀.  只是現在考不入, 我唯有接受現實, 在其他學校讀, 暫時不再糾纏叩門, 疊埋心水準備開學.

如果對小朋友無要求, 小朋友拿不到好成績, 你認為個小朋友會不會開心?

我小時候父母未能照顧我, 我跟外婆大.  我亞媽送我到崇真小學讀書, 但從來未幫我交過學費, 係外婆在我亞姨和舅父的家用打斧頭養大我.  我讀小學時, 功課好深, 但屋企冇人幫到我, 又請不起補習老師, 我的成績好差.  老師不喜歡我, 同學都因為老師而不喜歡我.  好不容易捱過小學, 去了一家band 3中學讀書. 我難船有三根釘, 上到中學就好輕鬆.  

而家我有能力係學業上幫助亞女, 我谷個女都係希望佢有好成績, 未試過拿100%, 那有鬥心再繼續努力.  每次亞女係學校拿好成績, 佢最開心不是要我獎她甚麼, 而係老師的稱讚.

Sindy

原帖由 yuenwa 於 09-7-14 00:38 發表


小朋友甚麼也不懂, 不走我安排的路, 要她走怎樣的路? 我們那一個不是跟著前人的足跡而成長?

我對亞女有祈望, 希望她十項全能, 就是因為她的性格太倔強, 我對她嚴謹, 是希望她夠硬正, 面對外面的風浪. 我希望她早 ...

兒孫自有兒孫福,你太過盧啦,人就實有一死架啦

yuenwa

原帖由 video_ming 於 09-7-13 22:57 發表
yuenwa
為何要小朋友去走你想的路,每間學校都有優點和有差點,小朋友在一年裡結識了好多好朋友,又可憐地要轉校 ,又要小朋友接受你的地獄式訓練.又要小朋友忍受你.你是為了名校,沒有為小朋友想.我相信如果小朋友是 ...

小朋友甚麼也不懂, 不走我安排的路, 要她走怎樣的路? 我們那一個不是跟著前人的足跡而成長?

我對亞女有祈望, 希望她十項全能, 就是因為她的性格太倔強, 我對她嚴謹, 是希望她夠硬正, 面對外面的風浪. 我希望她早日有能照顧自己, 保護自己, 不用我擔心.

我爸爸在我6歲時得了癌症(當時他才39歲), 雖然醫好, 但後遺症折磨他下半生. 我家沒有一日安靈.  我爺爺是肺癌死的, 麻麻是血癌死.  最近老爺亦是癌病死. 我好怕我隨是會患病, 我不想萬一我患病時, 我個女還是一個BB, 不會照顧自己.  老實講, 我好討厭現時很多小朋友甚麼也不懂, 只係找工人服侍.  好多女人嫁左人做人亞媽, 連煎隻蛋都唔識, 以為自己係公主.

我對亞女要求嚴謹, 係希望她都是嚴謹, 不馬虎的人. 這些價值觀如果在孩童不植根在她心中, 第日她長大面對花花世界時, 便很容易受到誘惑.  尤其她是個十分聰明的人, 很容易走歪路.

我從不覺我個女可憐, 現今那有小朋友是可憐的.  她有父母長輩疼鍚, 生活從無所缺, 她想要的, 就算我不供應, 都會有他人供應.  

我不是虛榮要亞女入名牌學校, 只係想找一所不太複雜的學校, 太名牌如Marymount, 我都不敢高攀. 我就是為了她著想, 入到了有好中學的小學, 不用太好成績, 中規中矩就直上中學, 以亞女的聰明才智, 一定能有快樂的小學生活. 現在在一家沒有直屬中學的小學, 亞女必須要考到Band 1 頭成績, 才有把握入到一個不過不失的Band 1 尾的中學.