有學障(扎界)既小朋友揀邊D學校好?請賜教.

~仔仔媽咪~

我囝今年讀小五,我依家已經四圍搵D學校資料黎睇,,,但係聽埋學校既升中講座,我真係當堂謝哂...好似我囝乜學校都無可能揀到咁...本身我囝有學障,但老師話我囝係讀到書既,小測默書佢可以合格甚至高分,但反而偏偏咁多年以黎考試佢都係中英數常肥哂得十幾廿幾分...再加上佢又有自閉傾向同ADHD(又係扎界)...唔知邊間學校會肯收佢,但又想搵D校風OK嗰D學校...
暫時我係睇港島東區、油尖旺區(佢小學校網)同九龍城區既學校...唔知有邊間真係校風OK而又肯收我囝呢類仔呢...?
我依家都係睇以下呢幾間學校:
東區:
金文泰---我都知係B1,但係見佢係中中,特殊資格老師又有成11位咁多...
漢華---直資,都係B2黎,但聽人講佢呢間學校都似乎出名收我囝呢類有學障既學生,但想知佢校風如何同埋難唔難入.
慈幼英文學校---見佢係B2,又係男校(我偏向想搵男校),但唔知難唔難入...我都知學校都幾傳統同嚴.
油尖旺區....未諗到邊間...=.=
九龍城區暫時都係: 鄧鏡波...又係貪佢係男校,同埋呢間係精神科醫生介紹...所以俾我感覺間學校似乎都OK接受到我囝呢類仔...唔知係咪...
仲有一間朋友介紹既---將軍澳滙知中學(直資)...唔知校風如何....?
查實我好唔介意D學校傳統&嚴格,反而我係屬意想搵呢D多於嗰D話係活動教學既學校囉...同埋最緊要都係校風,因為始終ADHD囝好容易受人受環境影响,如果俾佢去D多曳人既學校番學,佢會更嚴重更失控,相反去番D學生無咁曳既學校,我囝會比較容易受控嗰隻(過去我囝讀小學既經驗)...所以我雖則知個仔成績差,但都想佢搵間校風好既學校...如果有學校校風OK又有小班教學既就更好啦...

有無有經驗既媽咪可以指教下...我真係好徬徨,咩都唔識...又唔知點好...

MIHO.WAH

原帖由 Skywan 於 10-12-11 13:41 發表
仔仔都系邊緣 "ADHD" 有服藥, 現已升中...分享下去年經驗
我睇升中概覽及閱報時 - 會先注意/查看/找尋/參與升中講座 (當然系自已Banding範圍內啦!) 那些有"支援"特殊教育教師 及 "教師人數"已接受特殊教育培訓, 而小 ...

請問妳仔仔是那間學校 ? 我仔仔都是adhd.

motherlau

努力....

原帖由 ~仔仔媽咪~ 於 10-12-13 12:38 發表

係啦,我唔需要佢大個咗好叻好出人頭地,但至少都養活到自己...我囝以前個鋼琴老師本身都有自閉傾向架,見佢都一樣可以做到大學研究生又做音樂老師,所以我覺得只要我地肯努力,個仔一定可以改變. ...

elsa2004

你可以試吓我的方法，我哋兩個小朋友都差唔多，可能對你果個都work  :)

我每次考試前都會將要讀的全部打入電腦(由其是作業和工作紙)，開頭同佢用書温一課 就print一課吡佢做，找倒問題再温(再將唔得的地方makes一起再print再做)，根住温左一半後再將幾課的題目makes 一起(由其第一次做唔得果啲) , 找出問題再温，ok 便繼續，到左考試前再將之前找倒的問題makes 一起再print 出來再温

這樣做時間是用得多，但都幾work

希望幫倒你啦!   加油  

原帖由 ~仔仔媽咪~ 於 10-12-13 12:46 發表

係啦,我依家都係集中搵band 2尾band 3頭既學校,我囝又係最大問題係數學障礙,文科嗰D佢OK囉,默書測驗無問題,係考試唔知因乜解究會永遠唔合格...呢期我都谷緊佢控制時間,諗野諗快D,同有計劃地去完成份卷.
原本我係報 ...

Skywan

當然有用啦!  

>>如你所講那間學校從頭到尾都集中講咗自己間學校用咗幾多萬(錢)去整靚間學校同設施.... 咁你咪了解左佢...便有自己對佢的平价…

>> 我相反.. 仔仔 “升小” 時沒有於選校落過任何功夫, 只系人講話那間好便遞表…無去過任何小學 “簡介會” 所以吾知小學與中學的有無分別..

參加中學升中既簡介會, 不要只座系個 HALL 到聽佢地點样 hardsell 間學校

最好可以帶同小朋一起去, 比佢都可以感受下間 <學校>.. ...參觀課室、音樂室、特別室… 飯堂…等 (一來仔仔對”升中”有心理準備及有代入感, 將來系佢讀書吾系家長讀書 ) 再留意/觀察仝工佢地態度.. 及仝工之間互動 … 簡介會完結前一般有問答時段.. 你可以問你想知的問題…

有無機會可以同到間學校既主任校長個別去傾?

>>有 - 因為接待你有學生/教師/主任…校長及同仝等人等等”… 我就利用參觀時的机會…親自問"校長" 及 "學生"問題.... 例如:佢地對這類型學生將會做啲什么/如何支援?

原帖由 ~仔仔媽咪~ 於 10-12-13 12:52 發表


其實去聽中學搞既簡介會有無作用/幫助? 定係真係正如其他媽咪所言,簡介會講既野唔可信?因為以前幫我仔搵小學時,去過一間小學聽簡介會,結果佢地從頭到尾都集中只係講咗自己間學校用咗幾多萬(錢)去整靚間學校同設施. ...

[ 本帖最後由 Skywan 於 10-12-15 04:39 編輯 ]

ubi07shatin

咁我吾知點解,但仔仔係買中一書,不過學校強調有部份同學的部份科目在小學時未必有中一程度, 可能會以小組教學將同學教番先,所以有d同學考試可以考調適卷,好似我仔仔,佢係小學嘅數學能力好低,完全吾識做功課,初初升上中一,佢係會比其他人淺d,好似教代數式,可能一般要計一條有2個代數, 但佢只須要計一個,但基本上都係教果d理念,但由淺入深,等佢地有成功感.咁而家起碼佢吾怕計數,亦可自行完成功課.

貓大姐

萬慈晌大埔, 不過佢有校車去好多地區, 我有去過佢地學校參觀, 老師&校長 都好包容 學障學生, 亦有朋友的兒子晌果到讀, 佢地都好自動自覺做功課溫書

或者可以參考學校網址
http://www.hkrsstpss.edu.hk/NewReportCard.php

原帖由 ~仔仔媽咪~ 於 10-12-13 12:47 PM 發表

萬慈係邊區架?間學校本身都係專for學障小朋友?定係都係一般主流學校?

[ 本帖最後由 貓大姐 於 10-12-13 17:28 編輯 ]

~仔仔媽咪~

原帖由 Skywan 於 10-12-11 13:41 發表
仔仔都系邊緣 "ADHD" 有服藥, 現已升中...分享下去年經驗
我睇升中概覽及閱報時 - 會先注意/查看/找尋/參與升中講座 (當然系自已Banding範圍內啦!) 那些有"支援"特殊教育教師 及 "教師人數"已接受特殊教育培訓, 而小 ...

其實去聽中學搞既簡介會有無作用/幫助? 定係真係正如其他媽咪所言,簡介會講既野唔可信?因為以前幫我仔搵小學時,去過一間小學聽簡介會,結果佢地從頭到尾都集中只係講咗自己間學校用咗幾多萬(錢)去整靚間學校同設施...
實情如果去簡介會,有無機會可以同到間學校既主任校長個別去傾?如果可以,應該點做? 因為我自問都係有少少社交困難,幾唔識同怕同人溝通講野.

~仔仔媽咪~

原帖由 ubi07shatin 於 10-12-7 13:13 發表
我個仔係ａｄｈｄ，　而家讀緊萬慈．我好滿意，好仔仔讀得好開心．佢地教學障好得，　ｄ老師超有愛心，仲比好多過去仔仔無可能會得到嘅機會佢．好似拍短片，入足球隊，運動會傳聖火．．．仔仔而家中二，好鐘意返學，仲發生左以前冇可能發生嘅事，全科合格 ...

萬慈係邊區架?間學校本身都係專for學障小朋友?定係都係一般主流學校?

~仔仔媽咪~

原帖由 elsa2004 於 10-12-7 11:43 發表
其實我個囝囝根你的差不多  有亞氏保加症(自閉徵狀都幾明顯)、學障、數學障礙(最大的問題)等等....  現在已經中二了
  
當年考中學都遇過很多釘子，我考過8間學校  只有一間考第二次才收他  這便是林大輝中學  我不能 ...

係啦,我依家都係集中搵band 2尾band 3頭既學校,我囝又係最大問題係數學障礙,文科嗰D佢OK囉,默書測驗無問題,係考試唔知因乜解究會永遠唔合格...呢期我都谷緊佢控制時間,諗野諗快D,同有計劃地去完成份卷.
原本我係報咗幾間學校既簡介會架,但係見個仔依家呢隻款,真係聽黎問黎都無用,再者我個人又唔打算搵間學校要特別地take care佢就住佢,只係想搵間校風OK但又OK包容到我囝成績差既學校.依家band 幾暫時我都唔去諗,淨係睇間學校咩款,同埋集中去谷個仔讀書同儀態,依家至少佢都慣咗主動跟校工、老師同管理員姨姨打招呼,仲有其他野都要改佢,希望可以改得再好少少.

~仔仔媽咪~

原帖由 LLMUMMY 於 10-12-6 09:44 發表
有, 昨日收到小兒學校通告, 查詢有否學生於公開試,需要特別照顧, 學校可向教統局申請

早兩個星期前我囝學校都有俾呢份通告,不過睇完詳細覺得嗰D豁免對我囝作用不大,所以我都tick咗唔需要喇.

~仔仔媽咪~

原帖由 motherlau 於 10-11-25 23:42 發表
其實我响呢段時間應該點plan點做好呢???除咗狂谷個仔D學業外...其實好難plan........我個人覺得成績當然重要，但建立個人自信對於我地呢d成績馬馬既學生,係其中一個 selling point,起碼 interview 時醒目d嗎！同時要找多 ...

係啦,我唔需要佢大個咗好叻好出人頭地,但至少都養活到自己...我囝以前個鋼琴老師本身都有自閉傾向架,見佢都一樣可以做到大學研究生又做音樂老師,所以我覺得只要我地肯努力,個仔一定可以改變.

~仔仔媽咪~

原帖由 LLMUMMY 於 10-12-5 14:30 發表
佛教志蓮中學
特色課程中學(主要服務有學習困難的學生)

呢間我就係有聽過,我有朋友個朋友既仔今年都係讀呢間中學,但佢地中一教既野係教緊K1 K2幼稚園既野(A-Z...田、中、土...etc.)...我囝又好明顯未去到咁嚴重既程度,同埋呢類學校只係去到中五,如果仲有期望個仔有機會讀到大學,我諗真係唔好揀呢間...

P-Ma

原帖由 ubi07shatin 於 10-12-7 13:13 發表
我個仔係ａｄｈｄ，　而家讀緊萬慈．我好滿意，好仔仔讀得好開心．佢地教學障好得，　ｄ老師超有愛心，仲比好多過去仔仔無可能會得到嘅機會佢．好似拍短片，入足球隊，運動會傳聖火．．．仔仔而家中二，好鐘意返學，仲發生左以前冇可能發生嘅事，全科合格 ...

請問你兒子入讀的中學 - 萬慈，在那一區呢?
小兒已小五，雖未証實是讀寫，但我覺得他是。中英數都不合格，中英默書又不合格。我覺得他認字很差，英文認字程度連幼稚園也不如。聽英文讀音會較好些。
我也很想找一家有愛心的Band3中學給他。先謝謝。

Skywan

仔仔都系邊緣 "ADHD" 有服藥, 現已升中...分享下去年經驗
我睇升中概覽及閱報時 - 會先注意/查看/找尋/參與升中講座 (當然系自已Banding範圍內啦!) 那些有"支援"特殊教育教師 及 "教師人數"已接受特殊教育培訓, 而小朋友的強項於高中(334制) 時有沒有机會發揮... 即系話該校除了"成績"外有否注重其他發展而令到小朋友將來有發揮所長的机會...

揀一間有沒有"支援"學障學校及老師、社工有沒有愛心,而校風亦尚好的學校勝過一切。


P.S. 謹記小朋友就系小朋友... 還未長大.[人]系會變的.... .. 仍有無限變數無限的可能性........不要氣餒, 絶處也可蓬生  add oil !..add oil!

原帖由 tonghomama 於 10-12-11 09:48 發表
BAND 1?  我無諗過.  只想BAND2 尾, BAND 3 頭.  最重要校風!

[ 本帖最後由 Skywan 於 10-12-15 04:43 編輯 ]

ubi07shatin

老實D講,成績差, BAND 3 就梗 KA LA.  如果咁好彩比你入到 BAND 1又點啫,係咪可以讀得掂先,成日包尾,有時係仔仔係一D TOP 嘅學校真係會被忽略.由而家開始,你應該不停去了解多D 吾同 嘅 BAND 3學校嘅教學方法,搵一間有心嘅學校,好過電腦亂派左,成績吾好,扣門好有難度,其實學障只要識教,真係爭好遠 KA

heihonmum

謝謝樓主開這topic, 有輕微学障小朋友選校真無助。乖,但成積差,很怕校风差的b3学校,希望多些有经驗mami提供資料

ubi07shatin

我個仔係ａｄｈｄ，　而家讀緊萬慈．我好滿意，好仔仔讀得好開心．佢地教學障好得，　ｄ老師超有愛心，仲比好多過去仔仔無可能會得到嘅機會佢．好似拍短片，入足球隊，運動會傳聖火．．．仔仔而家中二，好鐘意返學，仲發生左以前冇可能發生嘅事，全科合格