細仔遲一年入讀小一的家長入來談談

yukiko906

我的兒子是2007年11月尾出生
現在將升K2
我聽很多朋友都會打算遲一年入讀小一
唯一做法,就遲一年或重讀\K1
但我有一個想法，學卷是三年制
我想完成K1-K3之後，才重讀K3
由於沒有學卷，所以我會選擇一些私立幼稚園
不是錢問題，而是，私立幼稚園程度是一定比有學卷的深,,這樣便好像一級級上
但我聽講，如果要考直資小學是要在K2便開始報名，如果我重讀一年K3,是否要在第一年的K3才能報考,這樣會否阻礙我考直資小學
而官津小學是否K3才報考呢?如果是就應該沒有大問題嗎？
只要我第二年的K3才報考便可以，是嗎？

VivianKeung

pandabonita,
你囡囡同我囡囡一樣，認字同數都較差，如果你決定比佢做細B, 你要有心理準備要花好多時間教佢，小一數學已經有文字題，認字同數差好輸蝕。
我教囡囡喺不停重覆禁講好多好多次，好辛苦架，舉例 : 媽媽有10元，爸爸有15元，爸爸比媽媽多或少 ? 多多少元，就算佢答對，我會繼續問，禁媽媽比爸爸少多少元。
仲有，佢會覺中文閱讀理解好難，我會要求佢先讀 (要讀出聲) 三次才答問題，所以小一時做功課要好長時間。
要多D鼓勵佢，唔好吝嗇對佢嘅讚賞。angelmokco,
見到你嘅分享，我身同感受，囡囡全級最細粒，好驚佢俾人"蝦",  囡囡因為想同K3同學一齊讀小一，佢自己寧願做細B, 囡囡小一開學時問我 :"點解我5歲幾，但我班有D同學7歲?" 到佢小二時又再問我 :"點解我有D同學嘅細佬妹讀小一都大過我?" 我成日灌輸俾佢，佢有可能會响小學留班，但並唔代表佢差，只不過佢年紀太細，讀多年好D。
小一第二第三學期派咗考試成績都好down架，數學緊緊合格，中文得7X分，個心已經沉一沉，上咗小二點算 ?
同你囝囝一樣，小二有點脫胎換骨，連小一最差科數都排 5x / 15x, 總成績比中間好DD, 我同囡囡都好有滿足感。
不論大B細B，只要開心及輕鬆面對自己揀嘅路，支持支持 !

VivianKeung

whywhywhywhy,
大B絕對有優勢，囡囡D同學(尤其是大B)都有較好的排名。真係好難決定，所以要靠父母觀察小朋友的能力才決定。
我自己不期望囡囡做最top嗰批，中上已經很滿足，所以比佢做細B。
就算佢跟唔想要repeat，年紀都唔駛咁大，我朋友個囝囝做大B, 小三時要repeat，佢比同班同學大年幾兩年，好自卑又好反叛，睇咗2年心理醫生同社工。當然呢個係special case !

莎莎莉莉

其實點解要下下怕人笑???

生得高大又怕人笑,
生得細粒又怕人笑?
點解唔諗下, 應該教小朋友, 要有自信心, 唔好成日咁care人地對自己的看法?

莎莎莉莉

原帖由 whywhywhywhy 於 11-8-30 00:11 發表
其實做父母係要因為驚人話係大仔細仔而作出選擇，定為自己小朋友好而選擇呢？我想做大仔定細仔都可以係好的，最重要看小朋友的能力和家長的配合。別人做大仔好叻，不代表自己的會好叻！別人做細仔的比別人差，不代表自己的做細仔 ...

我都安排了大仔做"大仔"
事實亦證明, 呢個係適合的選擇,
我唔要求佢讀書好叻,
但希望佢會enjoy讀書生活.

whywhywhywhy

其實做父母係要因為驚人話係大仔細仔而作出選擇，定為自己小朋友好而選擇呢？我想做大仔定細仔都可以係好的，最重要看小朋友的能力和家長的配合。別人做大仔好叻，不代表自己的會好叻！別人做細仔的比別人差，不代表自己的做細仔比別人差！
我選擇自己的小朋友做大仔，因為不想小朋友升上小一後令全家都不開心，終日只為小朋友讀書而憂心！主因是我真的沒有時間像其他家長一樣慢慢教他！我讚成其他家長說上到小三大仔和細仔的分別沒那麼明顯！但我只希望小朋友能在小一開始自信地走下去，不一定要做最叻，只要能享受和明白課堂老師的教學便可以！
長路漫漫，小學只是開始，個一歲兩歲差別到出來工作還有誰理會呢！

呀夢

我係四年前都考慮過比我仔做大仔,但最終做咗細仔,因為我仔雖然12月出世,但就生得好高,係班最高嗰兩三個,我怕讀遲一年會同其他同學高度相差更大而比同學仔笑,我覺得做大做細分別一定有,不過p3開始問題唔大,我仔p1-p4有個全級第一名男同學,佢係細仔重要係12月31日出世,冇補習都連攞4年全級第一,反而一d做大仔大女成績好嘅同學,就會比其他家長話佢哋因為係大仔所以先叻d。

anna59

myfatfat,我同意,細仔讀書因為個理解能力不足所以要追但又好難追喎.所以做大仔好d

myfatfat

我仔在03年12月尾出生的, 一年級留班, 今年升二年級,幼稚園時都想留級做大仔, 因奶奶反對(是佢湊)所以無留, 我一直後悔到現在, 因為在一年班時,我自己湊返, 發現任何一方面都比較差, 唔留根本唔得, 所以轉校留班, 離開一所好學校, 所以如果比我再選, 一定要做大仔.

floracheung68

我的兒子是2010年12月尾出生,出生率一年高過一年都吾知做大仔还是细仔

ntsang

angelmokco
多謝你的意見,我個都是超細B

原帖由 angelmokco 於 11-8-24 12:04 發表
你地好! 我仔都係03年12月尾的超細仔,9月將會升小三了。我當年沒有選擇重讀一年,技術性將佢變做大仔。原因是在幼稚園時不覺得我仔特別差過人, 又唔想好似浪費左一年時間咁。但一上到小學, 小朋友連身高上都好似比人 ...

ElsaShum

Yes, thankU!

anna59

你個仔個班主任幾有愛心喎

angelmokco

你地好! 我仔都係03年12月尾的超細仔,9月將會升小三了。我當年沒有選擇重讀一年,技術性將佢變做大仔。原因是在幼稚園時不覺得我仔特別差過人, 又唔想好似浪費左一年時間咁。但一上到小學, 小朋友連身高上都好似比人久一截, 年尾出生的, 好多都做了大仔, 即時覺得5歲半和其他6歲幾近7歲的小朋友好像有很大分別。我成日都驚佢會比人"蝦"。

到一年級上學期成績揭曉時, 一看...連體育都排到超過100名, 阿仔連執個波都"論盡"過人, 這一刻好難過。班主任說年尾仔在一二年級會被拋開很遠....叫我不要灰心,慢慢來"逗"佢...好多時上到高小名次會大執位, 要視乎小朋友的讀書態度, 幾個月甚至一年的年紀差距會不斷收窄,不要太著眼於現時的分數。 到今天, 阿仔已慢慢走上來, 有點脫胎換骨, 雖不至於級上的前排有利位置, 但至少阿仔會覺得以他全級最小的年紀叻過其他所謂"哥哥姐姐", 所帶來的滿足感會大好多。事實上若做了大仔所考取的成績亦不是百分百名列前茅....不要認為細仔便打定輸數, 回顧自己的中學及大學同學, 會發現很多同年的11月或12月生日的同學而又成績理想的!細B不是問題, 12月的小朋友一起努力吧!

pandabonita

都好認同whywhywhywhy的說法,做大B一定是最安全的做法.初初揀做細b是因為近年出生率好高,諗住只要用多d時間同心機去教小朋友便可,事實係小朋友未發展到o個個階段谷都冇用,現在希望揾到間有愛心,包容和小一/二少功課的小學,不過這也不容易.

whywhywhywhy

原帖由 VivianKeung 於 11-8-21 01:47 發表
Yukiko906,
我囡囡是2003年12月尾出細， 而家7歲8個月升小三，想分享少少感受 :
當年申請學卷時，填 form 時解釋可能讀多一年K3，要求多批一年學卷，最後都有批。
K2時打算轉校重讀K2，但見囡囡很喜歡讀緊嘅幼稚園，最後冇轉校，到K3 ...

我小朋友和你的年紀一樣，都是03年12月出世。但我選擇給小朋友讀多年k2！小朋友有埋怨為何自己是班中最大的！但小一開學我跟你的分別很不同，他一開始已經可以掌握到小學功課，基本上我是放工後替他對功課，大部份都能自己完成！第一次考試是全班第一全級第二！不過後來因他開始懶散所以第二次考試沒第一次那麼好，當然也因為其他同學已開始掌握小學學習！但也保持十名以內！而且中默和英默所花時間也不多，都是他自己讀了再和他默一次便可以！
我不是想說我小朋友叻，只係想講大仔真的有優勢！應該咁講如果父母有時間放在小朋友學業上，那可以慢慢等他長大，追回其他同學！但如果父母都是上班一族，跟本無時間的話，那小朋友的小一階段全家人都會很難捱！好彩就是好似Yukiko906,
等到小二，唔好彩等到小三、小四........！
不過各小朋友都不同，樓主應先了解小朋友能力再作安排！

pandabonita

VivianKeung

很多謝你的分享,我囡囡現升K3,K1時已想重讀,當時k1老師話囡囡ok,冇須留,k2的評估也算ok,但她認字和數真不是太好,k3後升定留,仲係15/16,見到你的posting,好似打了支強心針,不過個risk好大,怕佢p1上課聽5明書發白日夢,如果p2時都追5到要留班,到時佢可能會好5開心同冇晒興趣反學.可否分享多些p1時你怎樣支持同裁培你囡囡?

VivianKeung

Yukiko906,
我囡囡是2003年12月尾出細， 而家7歲8個月升小三，想分享少少感受 :
當年申請學卷時，填 form 時解釋可能讀多一年K3，要求多批一年學卷，最後都有批。
K2時打算轉校重讀K2，但見囡囡很喜歡讀緊嘅幼稚園，最後冇轉校，到K3再算
K3要決定是否大抽獎時，與校長及老師商量應否給囡囡重讀K3，因為我覺得囡囡學嘢較慢，自理能力低，恐怕讀小一時很吃力，校長及老師都說囡囡絕對冇問題，但要train佢自理能力。
最後決定不重讀，同時報一間私校及兩間直資，當然全軍覆沒 。聽聞直資、私校都不願收細B!
大抽獎時入了第一志願的小學，學校出名功課多，我懷住戰戰兢兢的心情博一鋪。
小一時，囡囡很倚賴，做功課 (連寫詞話) 全部話唔識，默書、測驗同考試時，同佢溫又喊，我要花很多時間 (我相信比其他家長多三倍)。第一次exam還好，第二次簡直插水，我當時怪責自己點解要咁博 ? 於是找班主任傾，是否要留班，班主任好大反應，佢話囡囡成績屬中間偏下小小，不是最差的一批，而且囡囡是思想大行為細的那種，不竟他是細女，與同班同學始終有距離，但這個距離會隨着年齡漸漸拉近，要看第三次exam (即 final exam)才決定，最後，final exam d 成績好翻少少，可以升班。
到了小二下學期簡直脫胎換骨，自動自覺做功課，自己溫默書、測驗。當然考試都要幫吓佢，佢自己都好進取同有責任感。final exam 成績竟然中上，班小主任說仍有進步空間 (通常個個都係咁講)。
所以我覺得你要自己觀察自己囝囝的能力，諮詢老師的意見及考慮自己有冇時間同耐性幫佢才作出決定

原帖由 yukiko906 於 11-8-6 23:50 發表
我的兒子是2007年11月尾出生
現在將升K2
我聽很多朋友都會打算遲一年入讀小一
唯一做法,就遲一年或重讀\K1
但我有一個想法，學卷是三年制
我想完成K1-K3之後，才重讀K3
由於沒有學卷，所以我會選擇一些私立幼稚園
不是錢問 ...

gigiic

完全同意, 裝備好再出發, 少好多擔心

原帖由 Sumyeema1 於 11-8-9 10:43 發表


咪系。  都唔明 d 人系唔系都鬧香港教育制度。

其實，根據教育署即指引，報讀 2012-2013 年度小學即適齡兒童，出生日期在 2005.9.1 - 2006.12.31之間。 做大仔 or 做細仔，根本是父母的選擇。

好多研究都顯示， 幼童 or 兒 ...

xo883

遲一年出生率又高d, 競爭大d, 學費又貴d, 如果唔係太跟唔上就唔好喇!