選校,可以再來一次嗎?

henchow

上星期小朋友在校內發生一件小事,該事情讓我真正後悔為他選擇了這間學校.

事緣, 今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好之際(自己介紹物品而不需要老師協助), 我們就更相信阿仔可以自己應付得到. 但最近一次的「show and tell」,皆因為我沒太多時間和阿仔練習,所以心知可能出來的結果都未必太好,但還是讓阿仔自己發揮. 那天放學, 阿仔告訴我們他沒有完成「show and tell」,因為太怕醜, 還說自己最後還喊了. 不過這一切, 接阿仔放學時老師一句都沒有提到.

平日每天接送阿仔返學放學, 老師都沒有對學生在學校的事告訴家長. 算吧, 平時相安無事都還可以, 發生了這次「show and tell」事件,又竟然一句都唔提. 咁到底要發生咩事老師才會同家長傾?

小朋友回到家中, 阿仔提到他喊得好大聲(好耐沒有喊過),我們就知道他面對著挫敗.挫敗是必然,亦是教導小朋友的好時機,但中英文老師都覺得沒有問題,只是安慰了事,並沒有把握機會去作解釋及教導.

上年我已覺得學校古怪,(如:小朋友返到學校門口所有老師都不會主動跟小朋友說早晨,亦沒有要求小朋友去打招呼)但我一心想課程深D,學到英文就是最重要,所以都算了. 但經過這件事我深深體會到好課程亦要有好老師配合,加上小朋友的好素質,學習才會事半功倍.

當初選這學校, 是因為在網上的口碑及課程,以及派位結果,事實亦如之前預期一樣, 課程的確很好,但...就是空有「硬件」,而軟件質素就欠奉,最終是換來一次又一次的失望.

現在,作為家長的真是感到進退兩難,唯有盼望下一次選小學時,真的是以小朋友的好處作選擇吧!

[ 本帖最後由 henchow 於 11-10-17 23:19 編輯 ]

jonasmami

我都想知係邊間，可否pm 話我知

fishingcat

同意，小朋友喊下就轉校，三年內隨時坐三望十，仲可以出書品評幼稚園優劣。以後有野唔鍾意，喊下就得啦。對小朋友將來發展未知是好是壞。

littlecook

哈哈,係囉,程度咁高!個個都想知邊間,然後爭住去讀!
相信呢個應該同樓主原意相反!

原帖由 LL222 於 11-10-21 13:53 發表


所以好多叫PM個名比佢知, 應該如想去讀
K1可以用普通話Show and Tell, 我一定開心到流眼淚

龜龜媽媽

哈哈，睇落又唔似我個女嗰間喎，佢哋係一星期一次show and tell,一次英一次普！最緊要各位媽媽滿意小朋友所讀學校，其實只不過小事一宗！

LL222

原帖由 gromityaya 於 11-10-21 01:05 發表
littlecook,你講晒我想講嘅嘢呀！我仲以為係我敏感，得我覺得有人特登誤導忝！

如果唔係有人特登誤導, 我都唔會回應!

LL222

原帖由 littlecook 於 11-10-20 22:36 發表
係囉,咁勁,仲要唔需要老師協助!
仲有臨時改到'普通話'SHOW AND TELL添!
程度高過我地好多喎!

所以好多叫PM個名比佢知, 應該如想去讀
K1可以用普通話Show and Tell, 我一定開心到流眼淚

gromityaya

littlecook,你講晒我想講嘅嘢呀！我仲以為係我敏感，得我覺得有人特登誤導忝！

原帖由 littlecook 於 11-10-20 22:30 發表
忍唔住都要講吓!
我身為KM K1小朋友家長,可以同大家講,樓主提'SHOW AND TELL'的情況,並唔係KM的情況:
"…今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次( ...

another_father

我都想知道是那一間幼稚園，請pm我.

3pigmama

希望吾係KBL

luilui007

是邊間都不太重要, 因我認為不是幼稚園老師的問題.
在我眼中屬小事不過, 一次半次表現唔好都唔出奇啦, 佢地其實都好細過咋, 除非次次表現唔好老師都唔出聲就話唔好囉!
好人父母都唔須太緊張啦, 噤小事就要轉校, 唔好玩啦, 幾時先讀到大學!
唔好意思啊, 俾我有點直昇機父母感覺囉, 因為小朋友有點挫敗都係好事, 今次當經驗囉~

無氣同你講

原帖由 littlecook 於 11-10-20 14:36 發表
係囉,咁勁,仲要唔需要老師協助!
仲有臨時改到'普通話'SHOW AND TELL添!
程度高過我地好多喎!

哈哈.....我都冇諗過樓主話既係劍鳴, 至於我, 由n1到而家k3從來都未試過幫阿仔準備show and tell, 佢都唔知幾牙尖咀利, 而且阿仔好鍾意返學, 好幾鍾意d老師, 平時接放學見果d未教過阿仔既老師都有同阿仔打招呼, 劍鳴令我好滿意, 阿仔好幸運可以係度讀

littlecook

係囉,咁勁,仲要唔需要老師協助!
仲有臨時改到'普通話'SHOW AND TELL添!
程度高過我地好多喎!

原帖由 LL222 於 11-10-20 19:03 發表


佢話阿仔開頭三次都做得好好之際，第四次就…
我哋上學期得四次，佢學校課程真係緊迫好多！好想知邊間。

littlecook

忍唔住都要講吓!
我身為KM K1小朋友家長,可以同大家講,樓主提'SHOW AND TELL'的情況,並唔係KM的情況:
"…今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好之際(自己介紹物品而不需要老師協助), 我們就更相信阿仔可以自己應付得到. 但最近一次的「show and tell」,皆因為我沒太多時間和阿仔練習…"
由開學至今,只有一次英文,而且10月中先開始,有D組都未開始.至今未有聽聞有中文SHOW AND TELL喎,起碼無收過通告,如何知道並幫小朋友練習呀?又邊有加埋4次咁多?
根據通告及我小朋友講,10月中呢次英文SHOW AND TELL, 老師並無叫家長幫小朋友先練習,畢竟第一次,老師會慢慢引導,並唔係大家所諗,一開波小朋友就自己BALABALA咁講,更唔係樓主所講,自己介紹物品而不需要老師 協助…今次只係分組做, 唔係對住全班做,大家攞住件玩具玩下,老師引導輪流講少少嘢,例如件玩具咩色…
我唔肯定SHOW AND TELL係咪班班有少少出入,但我小朋友既情況同樓主所講根本係兩回事.呢個唔似係KM家長!究竟樓主講既係邊間?唔知係咪有人字裡行間有意無意引導大家諗係KM,定係回覆者對號入座…

原帖由 小克 於 11-10-20 08:32 發表
Should be K......

gromityaya

我仔仔都係試過一次show and tell咋！
係啦！搞到我都好想知係邊間？又唔講喎！

原帖由 LL222 於 11-10-20 19:03 發表


佢話阿仔開頭三次都做得好好之際，第四次就…
我哋上學期得四次，佢學校課程真係緊迫好多！好想知邊間。

LL222

原帖由 marcuscyrus 於 11-10-20 18:11 發表


第4次?
k1全個上學期都係得4次，n班好似仲少d

佢話阿仔開頭三次都做得好好之際，第四次就…
我哋上學期得四次，佢學校課程真係緊迫好多！好想知邊間。

marcuscyrus

原帖由 LL222 於 11-10-20 17:57 發表


佢囝囝第四次show and tell喎，你仔仔第幾次？

第4次?
k1全個上學期都係得4次，n班好似仲少d

LL222

原帖由 gromityaya 於 11-10-19 19:03 發表
我仔仔上星期已經攞咗toy car返去做show and tell 啦！可能唔同組就唔同時間同帶唔同嘢！

佢囝囝第四次show and tell喎，你仔仔第幾次？

lala229

我想知邊間ar~
tks!

原帖由 悠揚 於 11-10-20 11:00 發表
有些學校, 賣點一早講係深, 重視學術, 升學有優勢, 但老師會大壓力, 未必有太多包容性. 如果一d 好有愛心, 可能你又嫌教得淺, 真係要睇家長重視邊方面. 當然亦有d學術好又有愛心, 但出左名又係爭死, 要睇收唔收囉.
...

lala229

N班係味Miss Chan ar?

原帖由 marcuscyrus 於 11-10-20 11:44 發表


如果真的話，我就相當好彩，我2個仔都遇到好好的老師