派中紅馬又喜又憂

jimling502

事原家之犬兒，資達145，好奇心超重，記憶好，咩事必問餐飽，上山爬得樹，下海潛得水，坐唔定，幼教師定為問題生，外人眼里覺得無法無天之童。多年來也花了不少買刀銀，磨練得周身刀。但之前報左好多間小學，私直官津臨可剎錯絕不放過，可能太老人精又好動，或是時運未到，永遠是X檔案，灰了很長時間。  6月2號，承蒙蒼天厚愛，派唔到跨區的最愛，派到第一志願。
現已註冊，但犬兒係受谷，唔受迫，坐唔定，又勁多嘢問，好擔憂馬記如包容唔到，唔知點算。望有讀馬記高班的家長畀意見。平心講我又不追名利，犬兒能有間包容到，開心讀完六年，就心足。重有2個多月，會全力以付，望能叩到較活動型包容的學校。

jimling502

真係未到最後一刻，唔知結果係點？叩紅馬的家長有喜啦！本有11個位，仔的同學仔決定棄馬，可增加一個位啦！相信該會有其它家長放位的。我也接到私小要收我仔的電話，今晚係最後考慮，因明天係紅馬迎新生日，唔去等於放棄。

Charlotte_mom

gigi812 發表於 12-6-21 12:01
回復 Charlotte_mom 的帖子

我覺得我仔都有少少專注力不足問題, 手腳好多, 都係好色睇風頭個種, 又係老師 ...

想check專注力, 真係幾"責洗", 要睇既係"兒童精神科"(因為係腦既issue), 政府而家新症排2,3年, 私家又貴到嘔(唔係講笑, 第一次checkup係6000-9000, 之後每次覆診係$800/30分鐘+藥費, 呢個係我之前quote過既領錢)
所以唯有去政府慢慢排, 你可以打去屋企就近既醫院, 問下兒童精神科點排新症

yoyob230398

回復 baby627 的帖子

我又唔可以好具體敢講,例如有同學比較活潑,老師會安排一個專屬的位子比佢坐(老師枱隔離)
有時課後有機會會有一些額外的課程或活動比佢地上.我而家雖然唔係太清楚,但係我相信老師一定可以幫到佢

gigi812

回復 Charlotte_mom 的帖子

我覺得我仔都有少少專注力不足問題, 手腳好多, 都係好色睇風頭個種, 又係老師又愛又恨呀 !! 不過罵佢會停一陣, 會做功課, 半個做2份寫字, 但上堂學既就唔多留心, 咁是不是專注力不足呢, 請問你係邊check智力/專注力呢 ?? 貴嗎 ?? 我要不要做好呢 ???

Charlotte_mom

gigi812 發表於 12-6-20 23:29
回復 Charlotte_mom 的帖子

我仔有9成同你仔一樣，本時去外面學野，間間都讚，但係學校就唔專注，攪到自己 ...

我仔係adhd(衝動, 唔停)+非典型自閉(有時唔多理人感受)+轉數快, 可想而知會變d咩出黎.......
可幸的是, 佢基本上都好sweet, 佢亦識利用自己個innocent可愛樣去討人歡心, 所以老師一致評價: 又愛又恨! 不過知佢唔係本質壞(反而有d正常既仔, 真係細細個已經知咩叫恨呀, 報復呀, 屈人呀, 針對呀, 老師睇得仲緊), 只係多手多腳同衝動, 所以老師都肯包容(我仔基本上日日都要去教員室由老師陪食飯, 有時我懷疑佢根本係專登食得慢, 等老師特別關顧下)
我女6年前已經入讀港大同學會, 所以我仔考小一時, 我一條心就係想入港同, 因為學術ok, 老師包容, 一條龍, 活動教學, 仲2個返埋同一間, 根本係不二之選, 不過驚唔收咋, 所以都考左播道同真道.......我自己住12網, 人地話雙眼發光, 嘩, 正呀名校網呀, 可惜我得物無所用, 我都唔係要名校......
講返學校, 雖然學校都係好多好叻既學生去考, 不過既然考入, 學校就唔會放棄任何一個學生, 呢樣係我衷心讚賞的, 學校有ed psy, 有駐校社工, 有需要亦會refer其他專家, 有開設好多小組推薦唔同學生入去, 包括親子寫字小組, 社交小組, 個人自理小組, "我做得到"小組, for讀寫障礙既"悅讀"小組, 所有小一生一入學第一單元已經有遊戲社交單元, 作為及早適別, p2又有中英數補底(雖然我仔分數低但老師知佢識, 所以我仔唔駛上), 一直到p6都有補底, 由p1開始已有co-teaching, 當學生個別單元或者長期跟唔上, 就由co-teacher捉去小組教, 希望佢地快d追上
而學校本身生命教育唔駛講tim啦, 做父母既, 無論仔女係咩材料, 都希望佢識愛人愛社會啦, 學校真係長期有做架
所以我咁鐘意間學校, 訓晒身落去, 都係因為學校先錫小朋友姐, 我信家校合作, 老師點對自己個仔, 自己有眼睇, 我都希望盡量配合

conniewktang

IQ高係難教啲，現時眼見好多Iq高的學生，自視太高又驕傲，多是問題學生，家長又教唔好，最後考公開試都一敗塗地，中學（band 1）見得多，所以家長都要好好教導，有時比教普通細路更難，教唔好仲麻煩，可以比普通細路仲差。

jimling502

琴晚畀佢激C，叫佢寫幾個中文字，寫到龍飛鳳舞，拿貼畀佢練習，佢話中國人蠢，發明的字難寫，令佢寫到手指痛，西人叻的，發明的文字易寫易學。激到C6打佢，佢重頂寫的唔靚但冇寫錯，真係唔激C都激到血壓高。

gigi812

回復 Charlotte_mom 的帖子

我仔有9成同你仔一樣，本時去外面學野，間間都讚，但係學校就唔專注，攪到自己都有懷疑外面d老師呃我，咁你仔讀咩類型學校呢？

baby627

yoyob230398 發表於 12-6-19 14:22
我個女係紅馬舊生,每間學校都有老師負責紀律,如果學校唔重視又會比家長話....
以前,,我個女果時,每一級都會 ...

請問紅馬的老師會用甚麼方法處理資優生的行為問題呢？本人正想找一間合適的小學給小兒，但主力想找津校為先！

lukimama

回復 marinang 的帖子

請問點計算/測量IQ?  

資優同IQ又有冇唔同?

猴子爸

投诉真的可以无日无之。。。

我个人觉得，他的头脑可以带給我乐趣，就是跟他一起分析事情时，看看他的思维，推理，组织力等等，很多时候，我就在猜，到底他会不会问到下一个层次的问题，或者说，如果碰到有问题，他解决问题的思路会是怎样呢，他是会怎样看事情呢，这是非常有趣的。

但也只此而已，其他时候，真的可以非常讨厌的。。。

jimling502 發表於 12-6-19 14:31
我何嘗唔想教犬兒去適應這個世界？教到嘔血重畀人話無家教。你身不在其中難明我的苦中的。簡單講帶去學野堂 ...

marinang

High IQ & Genius IQ

115-124 - Above average (e.g., university students)
125-134 - Gifted (e.g., post-graduate students)
135-144 - Highly gifted (e.g., intellectuals)
145-154 - Genius (e.g., professors)
155-164 - Genius (e.g., Nobel Prize winners)
165-179 - High genius
180-200 - Highest genius
>200 - "Unmeasurable genius"

marinang

IQ Scores & Ratings

Over 140 - Genius or near genius

120 - 140 - Very superior intelligence

110 - 119 - Superior intelligence

90 - 109 - Normal or average intelligence

80 - 89 - Dullness

70 - 79 - Borderline deficiency

Under 70 - Definite feeble-mindedness

145 wow!! super bright!!

HaYi

對呵, 我都識好多iq 高到130以上的小朋友 (現在真的好多..) ,

不過都是被界定為超煩的, 情緒問題表現出來比iq 有多高更直接, 多數學校老師都投訴他們不合群, 太嘈, 不聽話等, 所以他們一係在國際學校, 一係在一些包容高或小班/可以跳級的的, 如啟基, 優才等...唔識人在一些一線的官津, 可能是包容性的問題, 再好的學校到入讀後, 都令他們卻步.

不過樓主反正未有其它選擇, 小朋友大些又可能可以更守RULE, 就邊行邊找吧..

Charlotte_mom

俾個例子, 例如我仔, 小聰明轉數快, 但專注力失調, 你1:1咩佢學得鬼咁快, 但弊在學校唔可以1:1咁好招呼, 當要放手俾小朋友自己做, 我仔就咩都唔做, 識又點, 學野快又點, 咪又係低分! 如果o係"求學只是求分數"既傳統學校, 真係死路一條, 肯定日日收投訴, 如果資優小朋友, 情況肯定更加犀利 (我聽過有個資優小朋友, 考試淨係做幾條挑戰題, 其他全部唔做! 次次唔合格, 做父母既真係好為難)

Charlotte_mom

145真係分數好高(我仔k3時分數係125, 我仲記得醫生話130就係資優, 125係比一般高), 我會建議你去d識培訓資優既學校, 例如kts, 優才, 除左課程上可以配合, 佢地仲特別識"對付"資優小朋友性格
哎, 無special need小孩既家長, 點會明我地sen家長既苦處, 我朋友個女係雙特殊(資優+聽力, 有脾氣), 俾人玩到轉校, 資優學野快, 唔等於人見人愛, 當佢地發脾氣, 玩硬頸時, 學你話齋, 唔包容既一係由得你自生自滅, 一係仲覺得你無家教, 你估家長想架咩!

jimling502

SKID123 發表於 12-6-19 09:06
點解你要求老師／學校包容你兒子？有無想過教你個兒子去適應這個世界？如果你不明白這個道理，你浪費了你兒 ...

我何嘗唔想教犬兒去適應這個世界？教到嘔血重畀人話無家教。你身不在其中難明我的苦中的。簡單講帶去學野堂堂畀老師投訴，但學野就跳級上，真係吹佢唔脹。

yoyob230398

我個女係紅馬舊生,每間學校都有老師負責紀律,如果學校唔重視又會比家長話....
以前,,我個女果時,每一級都會有幾個好似你仔仔既學生,老師都應付自如,
但係同學有機會唔鍾意佢囉..紅馬校風又好,學生排位都好好,你放心啦,樓主

四隻貓

laiyuen 發表於 12-6-19 13:17
我絶對明白，因我個仔就正正係你形容呢種。但身邊人永遠唔明白，以為我地無教好佢，實則打打鬧鬧都無用，佢 ...

大女作勢打罵已經聽話, 細仔打到飛起都無用, 懲罰椅懲罰角, 忽視法....咩都用過, 佢完全唔會妥協, 佢亦好知d規舉可以點玩, 正如你講, 要用愛去教佢先受. 但每次當你見到佢攪到一團糟, 眼火爆但又知道打鬧無用, 果下要用"愛"要溫柔地去教仔真係好困難.
被其他人以為我地無教好佢, 縱容佢, 其實真係打到手痛都無用, 講道理佢d邏輯思想又快過你, 真係要同佢鬥智鬥力.
係, 見佢學野快, 自學能力高, 記性好果下會好開心, 但激心果下真係唔知點教先好, 情願佢好似家姐正正常常, 聽話又易教.
我以前都以為小朋友有邊個唔怕打同鬧0架, d呀爸呀媽縱容啫, 肯打就教到乖啦. 宜家明曬, 真係有細路唔怕打鬧0架.