一段我與直資校長的對話

小花媽咪

一年前, 與各位家長一樣, 開始留意各大直資小學.
主要想找一間適合阿女的小學,

以下是我兩公婆和小學校長的對話, 但唔可以開名, 估中我都唔會答你.
去到第三輪由校長見家長, 第一條問題問我坐咩車到校,
如實答地鐵後, 開始精彩內容:
校: 由你屋企來校很遠啊! 小朋友每日都要坐一小時車(其實係半小時車+15分鐘行路)
我: 唔係呀! 我見到學校由校車直接由我屋企去學校, 唔遠呀!
校: 但小朋友要坐成個鐘頭先返到學校, 好辛苦呢!
副校: (細細聲同我講) 不是這樣的, 我校校車每條線得幾個站, 好快返到學校.
我心中開始覺得唔對路.
校: 點解會選擇我校?
我: 因為......(大路野: 校風, 學校環境, 設施, 小朋友見識及眼界會闊等)
校: 其實最主要係家長要有選擇權, 為了選擇權......, 可想而知, 個教育制度出現左咩問題.
校: 如何栽培小朋友?
我: 會......(大路野: 語言技巧, 興趣, 課外活動......)
校: 這是我校的小六作品.
我和老公睇睇睇.
校: 其實我地學校大部份家長中產或以上, 佢地會點點點......

其實由一開始, 就已經睇你家底, 考你生活方式, 好現實.
我自問沒有中產生活, 從地址, 職業已知,
都唔明點解佢要叫我和老公去第三次面試.
無可否認, 我現在還很嬲,
我自己覺得好似俾人玩,
我老公就覺得佢地只想知投考學校的人的背景如何, 搜集資料.
到最後, 當然阿女沒有做正選,
我亦唔會俾阿女入一間咁現實的學校.

我之前都有聽過名校的小朋友唔只學校教的內容,
重點係家長栽培小朋友咩技能, 現在見識到了.

little_yolky

MC媽 發表於 14-4-3 14:33
冇錯，直資及私校真係一門生意，名為教育，實際商業、又可以用校名義買地、買基金、年年爭排名，爭獎項，又 ...

咁點解我兩公婆學歷咁高, 阿囡考私校都九死一生呢? 可能係阿囡太蠢或太樣衰了, 所以爸媽個 "Dol" 都幫唔到佢。

注：但係由佢出世果日開始, 我都成日會眼定定望住佢, 驚嘆點解會有咁靚既女孩子。唔通靚都係主觀既。

bubuG

T校校長話與家長面見是「唔計分」，這一點我是懷疑的。

MC媽

原帖由 Cottonbb 於 14-04-02 發表
本帖最後由 Cottonbb 於 14-4-2 12:10 編輯

冇錯，直資及私校真係一門生意，名為教育，實際商業、又可以用校名義買地、買基金、年年爭排名，爭獎項，又會加學費。如果家長著重成績排名，當然同直資同私校門當戶對，收得你高學費，當然師資亦高、程度亦要深。當校長interview你嘅時候，其實已經睇得出家長是什麼種類嘅父母，催谷型、重名利型、隨和型、自由發展型等等……每類學校已target咗某類型嘅家長，不難否認，難道不覺得某些學校嘅家長都是同一個type？
所以樓主嘅經驗我絕對相信。我亦有幫兒子報考直資，老實說，我地家庭背景不差，外國回流，教育程度頗高，兒子是績優生, 被大學評估智力達130，但家庭教育採取自由發展方式，培養佢地品德修養多過學業成績，從不催谷仔女。當某直資小學面見我同丈夫時，佢看畢我們嘅背景資料，竟然問我地點解比兒子讀一間這樣普通嘅幼稚園，不易栽培小朋友喎！(屋村中幼稚園)。我心裡即時覺得驚訝，丈夫說這幼稚園很好，老師校長重品德，有愛心等等……最終兒子被列後備，當有2 nd interview時，我們没有出席及表明放棄，因"道不同不相為謀"。

DJfamily

sukitelfold 發表於 14-4-3 13:22
知道學校唔收自己小朋友，好多家長會作賽後檢討，例如＞是否自己（家長）面試表現唔好?小朋友表現唔好?學術 ...

同意家長你的觀點啊! 小朋友不獲取錄應是如你所說是一籃子的原因. 個別學校有個別選生取向是本人觀察吧! 或者可以這樣說學校重視學生之家庭對該學生之課餘支援, 長期有"私人助理"又或是工作時間彈性大應算是優勢.

sukitelfold

所以有眾多入圍條件中，點會咁易吡你估到呀！！！所以做好自己、盡咗最大努力便可以，帶住負面情緒，只會令自己傷心&傷身！！！

Cottonbb

正正係競爭咁大, 幾千人只選到一百多人, 所以學校一定有佢地背後明確的「入圍條件」段段唔係睇「眼緣」咁簡單。

sukitelfold

原帖由 DJfamily 於 14-04-03 發表
哈哈! 各位經歷過小一面試嘅聰明的家長, 一定會知道的!

除咗打開封信有少少唔開心之外, 我都冇乜太過介 ...

知道學校唔收自己小朋友，好多家長會作賽後檢討，例如＞是否自己（家長）面試表現唔好?小朋友表現唔好?學術未夠好而未達要求?自己小朋友個性是否不適合學校?
另外有D家長會諗，自己報住地址是否不是豪華地段?自己不是專業人士或名人?自己老豆唔係李+x?自己不是FTM（私人助理）?••••••••
唉！！！而家競爭咁大，4300人爭120個位，平常心啦！！！選生嘅眾多合成因素，又點會係因為自己唔係私人助理而唔收呢?！

sukitelfold

原帖由 DJfamily 於 14-04-03 發表
唔好誤會, 我好欣賞林校長的, 如佢肯收我小朋友, 我仆到去!

算啦！！！你咁樣吡人猜謎底，人哋梗誤會。。。我幫你開名，下半部你講嗰間「私校」係KTS即九龍塘學校小（小學部）。

Charlotte_mom

都有道理
正如一個成年人, 有學識有經驗, 但如果老闆想請嘅人唔係呢類型(例如電腦天才唔等於好sales), 一樣無用
去面試, 就係要雙方了解吧, 殘酷的事實: 咁多人去申請學校, 學校係做主導, 按自己喜好去揀, 所以總有人會失望, 所以都係提住果句, 平常心吧, 做到自己最好, 其餘就睇天意, 共勉之

DJfamily

跟樓主分享一段經歷:
話說有一天早上我送小朋友番幼稚園上學, 送完小朋友上課室後, 經過一走廊, 牆上貼上新貼上之學生作品, 我停下來欣賞一會, 再從袋中拿出手機選了幾幅作品拍照(背景資料: 學校不准家長校內拍照), 有位老師走過, 禮貌地跟我說:"嚟緊周末家長日, 啲家長好喜歡拍番學生啲作品", 我當時不會意, 再拍數張就說聲再見,然後離開. 之後回顧番, 老師當時這樣說應是叫我等待周末家長日才拍照, 又或是只是提醒我介時有好多機會影也不定. 我當時冇會意到其潛台詞. 依家我忽發奇想, 如我當時能即時回應我安排咗平日早上約見老師, 咁我就可以會"型"啲回應咗老師點解自己當時拍照! 哈哈

學校有佢選生取向, 面試時每一個對話可以好簡單, 也可以好有深度. 樓主當時做好自己就夠, 其他的已是自己不能控制, 該位校長於面試時這樣問, 或者純粹閒聊,如果佢真係有佢一套睇法, 你再多解釋也不太可能改變佢觀點.

平常心吧!

adam112

其實之前有間直資小學，要每位小三學生擁有一部IPAD，個校長都好直接咁同傳媒講佢地大部份學生家長都係中產以上，所以所有學生絕對有能力擁有一部IPAD

KK07

呢個topic 好有趣, 真係可以做research topic in psychology.  如果係我, 真係聯想唔到搭地鐵會俾人看低

hkpapa852

面試失敗, 唔開心其實唔只家家, 小朋友都會; 還記得之前有日小朋友放學回家後自己唔開心說了幾句: AA考到XXX, BB考到YYY, 我都考唔到, 係咪好無用?

聽完自己都幾心痛. 好在我對考學校一向比較"睇得開", 所以都較易安撫番佢.

DJfamily

唔好誤會, 我好欣賞林校長的, 如佢肯收我小朋友, 我仆到去!

klm402

我女女係K2生, 我都開始留意小學了. 其實辦教育既有幾多係真心, 有幾多真係只當一盤生意去做, 大家都心中有數, 冇必要為左我地期望以外既所謂辦學團體而心灰氣餒.
最重要係, 要信任我地既小朋友, 佢地未必係聰明過人, 但每一個小朋友都係獨一無二的, 你落敗落選只係因為未搵到識得發崛你小朋友長處既伯樂吧了.
加油啊!
我都會迷失, 但希望係我要面對既時候我仍然記起自己曾經對樓主你鼓勵過既呢番說話.

DJfamily

AgapePa 發表於 14-4-2 19:06
私小第二輛面試會問"幾多時間陪小朋友", 而且校園環境真令人神往.

梗係 九龍塘學校（小學部）

哈哈! 各位經歷過小一面試嘅聰明的家長, 一定會知道的!

除咗打開封信有少少唔開心之外, 我都冇乜太過介懷, 一開始小一面試呢場長途賽, 心裡已預咗每間學校(私小/直資)各有自己收生取向, 我哋都係去到俾佢哋望吓係咪啱佢哋"胃口", 唔會咁天真以為小朋友"只要"面試時表現好就得, 當然基本禮貌舉止同語文學術一定要有喇. 去簡介會聽校長講佢哋點樣有教育理念, 點教學生, 我相信大部份是真的, 只不過有咁多申請者去爭有限嘅學位, 佢哋緊係會搵幫到自己學校"未來發展"嘅學生, 而唔係搵一啲更需要佢哋幫嘅學生. 這是常識吧!

因為自己心裡已有這個準備, 所以我會接受學校偏向選有"私人助理"之學生, 更會接受學校話唔考學術, 但"埋身"時考你一個措手不及, 再等坊間家長/專家估計/認為這只係考學生反應. 其實我倒羨慕學生能有"私人助理", 各位做緊"私人助理"嘅家長亦要知道這是佢哋搵私校/直資嘅優勢. 個別學校有這取向, 呢個係百份百事實, 學林校長教導, 我哋要擁抱"呢啲".

4eyesDad

原帖由 小花媽咪 於 14-03-31 發表
一年前, 與各位家長一樣, 開始留意各大直資小學.
主要想找一間適合阿女的小學,

如果你在申請這間小學之前，知道校長喜歡收住得近，好似住得唔遠過45分鐘交通的學生，你會不會放棄申請這間小學？

AgapePa

小花媽咪 發表於 14-4-3 08:00
我從來無講過這次的學校名稱,請不要代我發言.我絕不會透露這學校名稱,因為這不是我發帖的原意,謝謝.



  ...

Sorry ! 或者我應該更正: 我估樓主講個間就係TSL. 機率:99.9%

你有你發帖原意, 我有我估學校自由, 無冲突