聖保羅16星狀元 外文再奪A

elbar

■黃蕊獻（左）及許延鋒（右）同在西班牙文考試中考獲A級。

中學文憑試六個外語科目成績統計昨公佈，41%、即92名日校考生獲A級。12名應屆七科5**狀元中，聖保羅男女中學的許延鋒及黃蕊獻於西班牙文奪A，成為今屆八優狀元，而本身是三名「16星超級狀元」之一的許更是狀元「至尊」。

許延鋒及黃蕊獻都在中一時試讀西班牙文和阿拉伯文，二人均指阿拉伯文較深，相反西班牙文跟英文有不少相同之處，因此繼續修讀，並報考由考評局安排的英國劍橋國際考試部（CIE）高級補充程度西班牙文考試，於5月應試。

狀元之冠：讀吓幾得意

許昨說：「讀吓幾得意，可以睇到多一個唔同文化，而且識多個外語對將來工作都有利。」他指考試分口試、作文及閱讀理解三份卷，「閱讀卷有啲字唔明，睇上文下理估吓個意思」。他在今年文憑試共考七科，數學必修及延伸兩部份均取得5**，即總共有八項5**，成為16星超級狀元之一，現再添一A，成績為12名狀元之冠。

今年有225名日校生應考外語，當中133人考日文，64人考法語，西班牙文則只有14人應考，另有14人考德文、印度文或烏爾都文，整體83%獲E級或以上，當中半數獲A級。

esmond88

原帖由 goodboy1 於 14-07-26 發表
本帖最後由 goodboy1 於 14-7-26 10:07 編輯

你囝咁叻，出年插S2 便可以啦。

NKPA

以前係點都過去啦。眼前栽培好仔女咪補返囉。

like_travel

原帖由 VKwan 於 14-07-25 發表
學校都有責任！開學個書單得好少用書，到九月開左學又突然要買呢本果本，父母唔再買，我冇書用咁樣渡過一年 ...

完全明白! 咁聽落你慘過我，起碼我媽肯比錢我買書，只是我每次問攞錢買書交學費，見佢面有難色我也不忍心問! 人要向前望，如果你有屋企供你去牛劍，你就未必生出而家既仔女，又未必入到Coed 呢！這是缘，緣份兩面睇，差一步，結果唔同晒!

共勉之

cathyming1

書本都無又真係慘D

VKwan

MASAYA 發表於 14-7-25 13:49
唔止冇家庭支援，直頭被剝削...
冇申請書簿津貼定申請完被拎左去其它地方用？
...

學校都有責任！開學個書單得好少用書，到九月開左學又突然要買呢本果本，父母唔再買，我冇書用咁樣渡過一年，一陣呢度賒一陣果度借，同學借比我就快快手睇一陣，就係咁黎去考公開考試，咁都入到大學(當時只得兩大)，唔怕比人笑我自大，我真心覺得自己天資聰穎架，可惜欠缺栽培。

VKwan

like_travel 發表於 14-7-25 13:42
我小時候屋企都係好窮，一樣是屋企全無支援，都是自已半工讀完成學業，仲要應付高昂學費同比５千蚊家用屋 ...

同意成績不是用金錢就可以堆砌起，但都要有合理的栽培至可以開出同本身程度相符的好果子，我認為啦。我好似你咁，15歲開始就日頭上學下午返工半工讀，其實冇話唔得架，我都一樣上到大學，但我唔認為我現有的成績同我本身的資質是相符囉。或許你比較樂觀面對，但我真係好遺憾自己冇家庭悉心栽培，有時仲會覺得好唔甘心。

cathyming1

誤會了，讀s校入學前學校應該知道小女係全免學費，申請學費減為數都不小，仲有津貼，基本上學校是全無雜費的，相比之前津貼小學更加小之小，因未讀前聽外間傳聞，唔收你學費，雜費都交窮你。

MASAYA

VKwan 發表於 14-7-25 09:48
我唔係同你爭辯，我都同意讀書最重要都係自己，但是"自己"何嘗不是家庭悉心打造出來？！當然呢個世界一定有 ...

唔止冇家庭支援，直頭被剝削...
冇申請書簿津貼定申請完被拎左去其它地方用？

like_travel

VKwan 發表於 14-7-25 09:48
我唔係同你爭辯，我都同意讀書最重要都係自己，但是"自己"何嘗不是家庭悉心打造出來？！當然呢個世界一定有 ...

我小時候屋企都係好窮，一樣是屋企全無支援，都是自已半工讀完成學業，仲要應付高昂學費同比５千蚊家用屋企。　所以有今日，我全歸功屋企，多謝我父母親，讓我更堅壯。現在，我把那份自強不息的精神交託女兒，有幸她不但做到，　而且比我做得更好。


在此校要有Ａ並不一定要付上高昂補習費，我囡都無補習，都是靠自己，一樣做得到。女兒說有同學用數千蚊補一科，可見不得成績出來物有所值。　

cathyming1

祇是討論下伞，何來爭辯因有小女在校就升上中三了，對S校有小許認識，入讀s校家庭比較富裕，有學生住四百呎公屋又有住四千呎獨立屋，但小女同同學仔關係良好，因我家庭是前者，有大量家長係E生，咩師，但都有中學未畢業即係我，係中一時期小女同我講係呢間學校我無可能考试有A，結果中三考试主要四科有一半係A，同學有用萬元以上補中英數，又有人用幾百文一個月補習，有D無補，但成績又唔見錢多優勝。

VKwan

cathyming1 發表於 14-7-25 09:08
都要本身叻仔，我就唔知人家咩背景，讀書最重要都係自己。

我唔係同你爭辯，我都同意讀書最重要都係自己，但是"自己"何嘗不是家庭悉心打造出來？！當然呢個世界一定有奇人異士，但真正唔洗支援又咁叻就少之又少。我只是有感而發，講出來大家唔好笑我，我認為自己細時都是好叻果種學生，記憶力分析思維能力都不缺，就是缺家庭支援囉，上課連課本都冇(屋企冇買書)，仲要比老師誤會成日唔帶書，被放棄的我好辛苦考上大學，真是只可以用辛酸呢兩個字形容！如果有好的栽培，我認為哈佛都有得我讀，我講真架。

YuYuMother

同意，天資及努力決一不可。

cathyming1

都要本身叻仔，我就唔知人家咩背景，讀書最重要都係自己。

VKwan

原帖由 Angelafyfy 於 14-07-22 發表
超叻，若然講多D佢地小學既成長，父母既背景就好了。

入得到呢間學校而又站得在尖位，估計即使不是富有人家，父母也是專業人士中產階級之類，唔係點有强大支援？！我不是睇少窮家子女，我本身也是窮家女！只是沒有支援下要叻到呢種級數，機率有幾多？

Angelafyfy

原帖由 elbar 於 14-07-22 發表
■黃蕊獻（左）及許延鋒（右）同在西班牙文考試中考獲A級。

中學文憑試六個外語科目成績統計昨公佈，41 ...

超叻，若然講多D佢地小學既成長，父母既背景就好了。