真道IB考得好好，但DSE唔好，讀緊嘅家長有乜見解？

sorbi

真道IB考得好好，但DSE唔好，讀緊嘅家長有乜見解？
考IB的學生並非最叻嘅學生，但出來平均分38.4，和全港中學比較是十分出色的成績；
但DSE 成績就不出眾，只有2位達30分以上......同一學校教出來，為何面對2種不用公開試，有如此大差異？
因為教學法側重IB？

qqTonTon

睇完各位既意見, 我好感動, 覺得真道係一間令小朋友自己主動去尋求學識既好學校, 我都好興幸我今年收到真道既offer 信!  希望可以繼續係呢道收到多D關於真道既消息, 為小女兒黎緊11年既學校生活作準備, 謝謝各位!

joyjoyparent

回覆 retriever 的帖子

答嘴
3. 由真道IB成績看來, 11年制沒有問題. 而學生由始至終都愛上學及學習, 有學習自信才是重點.
真道的高中生也守規矩, 不在學校用手機. 這也是學校的成功.

miu~miu

littlefaith 發表於 15-8-20 15:44
一般媽媽，係唔會揀真道㗎。
Anyway，作為真道家長，兼且我同我太太都係HKU畢業，除咗HKU之外，我 ...

想請問一下, 咁如果無諗住去外國升學, 係咪應該選DSE ?

ozoz

原帖由 retriever 於 15-08-25 發表
回覆 ozoz 的帖子

謝謝師姐回覆.

1，我諗來自邊間幼稚園關係不大，讀sc一樣有非常斯文孩子，一樣有講流利港式口音英文嘅小朋友。呢度同學來自4面8方，各有不同性格，我眼見嘅同學都讀得開心，家長都係講道理，有好多對教育小朋友好有心得，成日分享下點教。至於小朋友會否自動波，除咗小朋友自己本身，我見身邊同學會自動波嘅通常係父母比較識放手類，並非由於小朋友來自邊間幼稚園。

2: 我小朋友比較喜歡英文，我自佢細時都係英文還英文，中文還中文。幼稚園老師教我用eng time時全英文，咁就可以避免撈亂曬中英文，而且亦可以鼓勵佢講多d完整句子，唔好又中又英。到現在，我地都繼續係咁。

3: 11年呢個問題，讀咗一年，我到年尾就感受到老師真係好勤力，課程我可以用小小濃縮黎形容，例如教完平面圖形，下一課會抽2年級嘅立體圖形教，佢地係會掌握到嘅。小朋友可以唔駛外面學定，喺學校學就可以，加上老師用心設計方法去引導佢，慳咗d抄抄背背時間，比較有效率，呢個係初小情況，大d未知。假如小朋友真係有足夠學習能力同技巧，加上有自動波動機，我相信11年無問題。我暫時都唔覺得有需要出去學定更深層次嘢，我情願佢休息多d，夠精神返學專心聽老師講，享受個過程重好。老師係認真地教到臨放summer，考試前執工作紙更深深感受到小朋友喺學校真係做咗好多嘢。11年課程對我小朋友公開試結果係點，我10年後先答到你，現階段我重視個過程同態度多d。

retriever

回覆 ozoz 的帖子

謝謝師姐回覆.
唔好意思, 仲有兩, 三個問題.

1. 有無認識其他男仔, 特別SC男仔入LOGOS的情況. 雖知道男仔自控力差很遠, 在LOGOS 比較自由的環境下, 是否能如你女兒一樣自動波學習?

2. 你說到家內ENG TIME, 女兒也KEEP 到不是港式音. 請問你家是否有家長恆常跟孩子說英語?!

3. 你怎樣看11年課程. 當然老師有問我也有吹水. 但想聽聽用家睇法

ozoz

原帖由 retriever 於 15-08-21 發表
回覆 ozoz 的帖子

謝謝師姐分享.

我諗係家長同學校㚒唔夾重要d,有d家長覺得自己小朋友坐唔定，要紀律嚴d 令佢學會守規，有d家長會覺得坐唔定就應該讀活動教學配合性格。你可以考慮問下用家了解學校教法，係咪同你自己家教合拍，咁就可以學半功倍。英文方面，好多小學英文語境都唔多，到語境多時又有其他原因我個人唔考慮選擇。真道係一間本地小學，我無特別期望語境，我小朋友上英文課全英對答無問題，中文進步好多，英文睇多咗好多書，英文堂有creative writing，老師一步步教，後來佢寫一篇文章時候都好易寫得出，grammar串字呢d當然有排執啦，但佢有動機寫，問題唔大,之但係如果用識串嘅字量黎衡量，我相信未必夠其他學校小朋友多。如果你問我，佢英文有冇退步，我覺得佢係進步嘅，聽同講方面，佢每日同我繼續有eng time,繼續睇明珠台，繼續唔係港式發音。外補，我暫時都無，同學有冇就唔太清楚，我選擇小朋友返學校學，而唔係補習班學定先返學，假如佢真係需要補習，我到時候先會考慮。我街坊小朋友一個升小5，一個小3，個小5小朋友係拎獎學金嘅，佢以前讀屋企附近嘅幼稚園，過去一年，我見佢睇嘅書，英文全部都5-6吋厚，中文都睇好多，我問佢有冇補習，佢話有補樂理因為佢喜歡彈琴，弟弟學踢波因為佢喜歡運動。我有問個姐姐多唔多功課，佢話3年級開始多d嘢做，4年級課程開始轉英文，佢反而覺得中文難d。以上例子，唔代表所有同學，個別例子當參考下啦。

ozoz

原帖由 retriever 於 15-08-21 發表
回覆 ozoz 的帖子

"至於我小朋友，只有試過1-2次做到10點，原因係未習慣，拖住做而我又讓佢自己承擔後果， ...

無交功課，佢都試過，老師會寫紙仔貼手冊追交，另外，功課無交會影響'平時分'，收成績表時就會見到大後果了。

retriever

回覆 ozoz 的帖子

"至於我小朋友，只有試過1-2次做到10點，原因係未習慣，拖住做而我又讓佢自己承擔後果，經過呢d事件，自此，佢都會放學返屋企就食嘢，睇電視，玩返上課時覺得最有趣嘅嘢，之後就自動開工"

後果是什麼? 學生沒功課交, 老師會怎樣處理?

retriever

回覆 ozoz 的帖子

謝謝師姐分享.
請問你覺得SC 仔女鍾意"吹水唔抺咀" 係咪好適合LOGOS?

另外, SC 既英文浸入相當多, 上左LOGOS 有無擔心幼稚園學到既英文功力比番哂老師?

有無要出去上英文班增補, 平衡番個EXPOSURE...

fredachowct

你是住將軍澳嗎？

ozoz

原帖由 retriever 於 15-08-20 發表
實事求事咁講, 確實新型直資, 不是一般媽媽的心頭好, 除非是很有看法的媽媽...

好奇一下, 你女兒是否九龍 ...

講到測驗，真係有好多好多，極大部分係突擊，教完一部份就小測，睇下有冇唔識，唔識就快d學返識，每科都有d大測，但平時小測已經知邊d唔識唔熟，平時已經諗方法處理，學返識佢，大測時唔會好擔心。

ozoz

原帖由 retriever 於 15-08-20 發表
回覆 littlefaith 的帖子

我係奇怪老師會澄清...

師弟妹，我小朋友讀咗一年，功課多定小好睇個家長睇法，有同學媽媽嫌功課小，自己加補充練習，亦有同學媽媽晚晚叫救命話小朋友攪唔掂，點解咁多功課。我唔清楚interview時你地傾過乜啦，我諗老師係唔想家長誤會昵間學校係hea讀無功課。至於我小朋友，只有試過1-2次做到10點，原因係未習慣，拖住做而我又讓佢自己承擔後果，經過呢d事件，自此，佢都會放學返屋企就食嘢，睇電視，玩返上課時覺得最有趣嘅嘢，之後就自動開工，每日7點或7點半前完成所有嘢，我都好早放手無貼身跟功課，比d空間佢自己處理，我只係引導下佢。過去一年，我睇到老師花好多心思去教小朋友，令小朋友容易掌握，日日開心返學，笑住返屋企，我小朋友無補習亦無需要。如果講效果，我唔知其他學校程度，我只知我唔駛用鞭，有d知識要記嘅嘢，老師會設計唔同方法令小朋友記得，有時我小朋友會自動背熟，叫我比分佢，佢省咗d時間又多咗閲讀，以前麻麻哋肯睇中文，現在睇多好多，英文閲讀亦更上一層樓，最重要係佢仍然有時間享受閱讀。守規則同德育，我眼見嘅係佢好清楚要留心，守規則先可以為組勝出，如果喺不適當時候做唔適當嘅事，會無分。我唔知10年後會點，始終呢d概念股學校係唔多畢業生例子參考，收生質素同埋公開試成績亦無咁穩定，唔可以同百年老校比較。假如家長睇業績為主要考慮因素，唔好選擇概念股。

retriever

回覆 littlefaith 的帖子

我係奇怪老師會澄清...
好似不只我們.

似乎老師介意家長誤會.

是否怕貪舒服的家長誤入?

還是怕家長不了解近年加強功課力度的改變?

littlefaith

retriever 發表於 15-8-20 16:04
實事求事咁講, 確實新型直資, 不是一般媽媽的心頭好, 除非是很有看法的媽媽...

好奇一下, 你女兒是否九龍 …

我兩個小朋友都唔係九龍塘嗰幾間大K畢業，我同我太太都唔buy呢啲大K嘅教育理念。
至於真道，課程當然唔hea，但功課、練習係經過校本設計，著重思考及啟發，避免重覆操練。數量亦較外間一般小學為少，故此小朋友每晚能9:00上床睡覺，是很普遍的事。

retriever

littlefaith 發表於 15-8-20 15:44
一般媽媽，係唔會揀真道㗎。
Anyway，作為真道家長，兼且我同我太太都係HKU畢業，除咗HKU之外，我 ...

實事求事咁講, 確實新型直資, 不是一般媽媽的心頭好, 除非是很有看法的媽媽...

好奇一下, 你女兒是否九龍塘某大K 畢業?


昨天SECOND IN, 老師特別澄清, 話因為11年學年, 課程濃縮, 所以都有不少功課和測驗.

似怕家長誤會是HEA 的學校....

littlefaith

retriever 發表於 15-8-20 15:40
"第一屆入8大undergraduate 高達 7 成幾 (唔係講緊符合3322, 係真係入到去大學計).  所以我認為真道式活動 …

一般媽媽，係唔會揀真道㗎。
Anyway，作為真道家長，兼且我同我太太都係HKU畢業，除咗HKU之外，我哋嘅目標之一仲有外國熱門大學，所以唔好以一般媽媽嘅角度嚟量度真道啦。

retriever

武航 發表於 15-7-25 00:09
同意這兩屆 dse 不算差, 只是不夠好吧. 但我不同意因為 dse 學制著重背誦, 操卷. 而真道教法不帶操卷所以成 ...

"第一屆入8大undergraduate 高達 7 成幾 (唔係講緊符合3322, 係真係入到去大學計).  所以我認為真道式活動教學, 著重啟發不重抄寫仍能考好dse. "

你是指DEGREE COURSE?


那是否指近年差了?


還有一般媽媽們標準是3大, 5大...

pollyleungsc

回覆 bigboyenzo 的帖子

tinching821

真道真是以學生為本的學校，對成績未如理想的學生，在小學初期己用上雙倍資源去支持（反而好像未見對優異學生有額外栽培）。校長曾說，學生在學校十一年，如果最終不能入讀大學，學校對不起學生。我相信，校長１００％入Ｕ率的目標很快會達到。