百思不得其解

huangrong

純呻，其實無緣自行好正常，但我諗極都諗唔明。話說心儀某間中學，自行有報，幾個同學仔都一齊報，中學表明成績佔90％幾，加埋小女幾個同學仔，我女成績最好，操行都A-，其中有同學仔操行B+，但噚日其他同學仔都接到正取生電話，唯獨我女一個無電話。諗嚟諗去都係唔知問題出喺邊！個心到e家仲好難受。如果成績差過人或者面試表現差我都認命，但無面試無其他就真係諗唔明！請問有冇人遇過呢啲？

Poyau

huangrong 發表於 20-4-9 09:28
其實原因係無可能搵到嘅，我也已經接受咗中學唔揀我嘅事實，只不過你問我其他同學有冇奬項，我答你我所知 ...

此校DSE成績恒常在B1C/B2A
可能揀同學校定位/Banding相乎學生
如此B1A生未能自行正取 非戰之罪

kinglionhk

huangrong 發表於 20-4-8 17:12
元朗區。
確實，我自一報Ｂ1a中學，落空，自己預咗，同校級第一同學入咗。我個人比較保守，自二報B1c，諗 ...

元朗區D Band1中學的確好有品味,有D真係好睇成績,有D又唔係,反正今年元朗區競爭,學校大把人揀,所以佢地咪按自己口味揀.我覺得不必介意.佢地唔揀你女兒,係佢地的損失.我覺得Band1學生,未必一定要入Band1中學,就算入到去,都未必讀得開心,反而按佢地的性格,找一間適合佢地的學校, 更加重要.大大話話都要讀六年,如果學校唔啱佢地,會讀得好辛苦.加上Band1的學校,你入唔到精英班,學校都會放棄你.如果入低一D水平的中學,一來小朋友會容易應付,二來學校會更加珍惜你.不過一定要揀校風好的學校.個人見解,不喜勿插.

boytom

我覺得學校會揀成績優異同各方便有個人奬項，課外活動多而精是真的

uglytwins

如果我係你，我會好失望，亦都好想知原因，不過有時d嘢係整定，可能有更好嘅結果等緊你

LionHang

回覆 mcl203 的帖子

其實...想提一樣野...我本人做小生意一嬲都係注意一樣野"惡魔在細節".當知道了沒有面試時我囡報個兩間有一間在細節內說明要記片介紹自己及有課題3 分鐘既.
同時報了體藝亦要拍片3分鐘.我就索性連另一間無話"可唔可以"後補資料個間一次過都拍埋片.
體藝及自一用同一條片, 自二有啲修改..最後體藝收了我本人不算高興,最我心儀及放滿心機既係乙二個間.呢個係應該要補返資料幾重要既.
第二,我問埋同校阿囡其他高過佢成績過佢及睇埋阿囡同學啲片後, 成績可能佔7,8成.我囡無做校內既風紀,但佢參加左好多社區活動, 區內及全港既比賽都有參加,但二二,三三..無拎過冠軍..最主要我要佢拎好晒對社區既獎狀SHOW出黎及條片除左拍攝外全部自己想出黎,用短短既兩分鐘展現你既興趣出黎.咁佢好彩既原因有可能真係校外既活動及公益都佔1-2成啦..而家學校對成績重要外心智都幾重要,..加油.

huangrong

mcl203 發表於 20-4-11 21:05
恕我直言或我理解，成績佔90%，可以講係門面野，學校想收你，係有辦法搵藉口收你，就算成績B比A差，都可以 ...

你講都有道理，自行都係中學話晒事。唔理咩結果，學生家長唯有接受。所以統一再嚟過！

kityung

我呢兩日突然想通咗，就係因為太叻，學校諗你一係有自一收，或好大機會讀神校直資而唔敢收你，所以會比正取生位果啲後少少而睇落一定入場嘅同學，再放B1a生做後補，話唔定咁倒頭來都有機會收到你，樓主不要灰心。

CMMANDY

一定好失望了, 爸爸媽媽孩子也唔好受, 付出咁大的努力, 但結果落空, 而朋友們都收到電話, 更加比下去, 世事難料, 真係吾公平, 我好明白 ,  不過, 吾緊要, 唔係囡囡唔叻呀! 係太叻就真呀! 咁叻囡, 唔怕去邊間學校的, 因為去到邊間, 她一樣係咁出色的, 塞翁失馬, 焉知非福, 係邊度跌倒, 就係邊度企返起身, 當係一個考驗, 統一派位再戰過, 加油呀!

mcl203

huangrong 發表於 20-4-8 13:30
純呻，其實無緣自行好正常，但我諗極都諗唔明。話說心儀某間中學，自行有報，幾個同學仔都一齊報，中學表明 ...

恕我直言或我理解，成績佔90%，可以講係門面野，學校想收你，係有辦法搵藉口收你，就算成績B比A差，都可以文件上計到B嘅分比A高，收B唔收A，只要岩佢哋心水。一般家長太看重佔比，以為成績越好，又佔比比較高，機會大啲咁啫～

huangrong

bei2020 發表於 20-4-11 14:53
樓主.想問吓餘下的幾％是計什麼?都好奇為何沒有特異功能但成績略遜的學生.介唔介意提示吓是那間中學.我都是 ...

幾%係獎項

bei2020

樓主.想問吓餘下的幾％是計什麼?都好奇為何沒有特異功能但成績略遜的學生.介唔介意提示吓是那間中學.我都是元朗區

miriam

版主通知


全面禁止開立/邀請/宣傳任何親子王國以外之通訊群組.


鑑於近期不斷有用戶開立親子王國及教育王國以外之通訊群組，並在版面邀請其他國民加入，過往管理團隊只會在版面作出溫馨提示，但情況一直未有改善，更有不法份子通過站外群組進行宣傳活動及滋擾國民。為保障國民安全及個人資料免被外洩，由即日起，全面禁止開立/邀請/宣傳任何親子王國以外之通訊群組，一經發現，有關帖子將會移除或屏蔽，屢次或嚴重違規者，將可被警告或禁言。再次提醒各位國民，在參與討論時，請勿隨便透露自己的個人或通訊資料，更應避免在版面公開自己的真實姓名、電郵地址或聯絡電話，以免受到不必要的滋擾。謝謝！

miriam

版主按：含有PM回文，請看基本版規第一項

tpmon

huangrong 發表於 20-4-8 13:30
純呻，其實無緣自行好正常，但我諗極都諗唔明。話說心儀某間中學，自行有報，幾個同學仔都一齊報，中學表明 ...

有可能就是差幾分課外活動分校外獎項分，就是只差一線。

luluhaha

1.可能比你女做左後備，如果你哋真係中意，始終攪珠都會選，就一定入，如果估你當自2中左自1.他們也收到其他啱他們banding的學生，無損失。

2.家境

kityung

fungkaka 發表於 20-4-9 09:41
絕對同意樓主，我到現在個心都那住那住，抽獎又重來冇運氣，而家只好讀banding冇咁高嘅直資，7月7日再去叩 ...

小心有啲津校要三條一先比叩門，如冇玩大抽獎未必接受你叩門。

huangrong

baby_jkk 發表於 20-4-9 19:22
有直資收我女，但冇收比我女成績好嘅同學仔；我女同學間也有我女類似情況。只可以講選校呢啲嘢都係隨緣啦
...

如果有面試咁成績差嘅面試表現好入咗好正常。不過你都講得啱，好多嘢隨緣，如果我女同嗰間學校有緣最後都會入到。