本帖最後由 Nat思 於 22-1-20 00:57 編輯
我想知大家比仔女去補習係咩心態？ 係想佢谷到有咁勁得咁勁，定因為成績唔好先補？ 唔知係唔係仲有幾個月就DSE，呢兩日去兩間唔同補習社接阿女放學，都見到差唔多嘅怪事（定係常態？）···
第一間專補數學嘅補習社，有個媽媽係前台同職員理論，內容大概係佢個仔測驗唔合格，所以職員類似話佢下月無得留低，個媽媽初初都幾慶，後來職員解釋一輪，又好似check到個同學仲有啲欠交功課嘅record，咁後來個媽媽態度又軟化晒係度求情，最後係點我就聽唔到走咗。
另一間專補化學嘅補習社，接阿女個時又係聽到咁上下對話，大概係個媽媽幫個女求緊情唔好踢走佢之類，話佢因為UT所以上一個測驗先咁差，好希望繼續留係度補習，個職員個樣好似見怪不怪，都幾決絕打發咗個媽媽，見到個媽媽走個時係好失望咁。
短時間係兩間唔同補習社見到咁，令我都反思，如果touch wood不能繼續補習嘅係我女女（托賴佢成績ok），我係咪都會好似呢兩個家長咁求情或者發爛呢？由小學到中學搵學校都經歷過唔少面試同篩選，以為身經百戰，但無諗過而家連去補習社都咁誇張咁高要求，個世界係咪唔同咗。 有感而發打到咁長，多謝各位睇晒
PS 無諗到會收到咁多人PM問係邊兩間，其實有已經有唔少人估到個名，一間係超研一間係element，因為我唔係成日上EK，回覆好慢
| 
發表於 21-12-8 13:15
一山還有一山高，教得再好都唔去，咁忙就唔打搞喇，剩係識揀名校生教，我都識做啦！
