- 在線時間
- 0 小時
- 最後登錄
- 24-5-26
- 國民生產力
- 0
- 附加生產力
- 826
- 貢獻生產力
- 0
- 註冊時間
- 23-2-18
- 閱讀權限
- 10
- 帖子
- 506
- 主題
- 0
- 精華
- 0
- 積分
- 1332
- UID
- 3434322
 
|
本帖最後由 hiuching8 於 24-1-10 13:33 編輯
上埋ig，練校長睇嚟幾怕學生
https://www.instagram.com/p/C16AkVtLsvo/?igsh=MW1zamV4bnIxMnpwbg==
[沙田女子監獄] 今年學校實行咗BYOD (bring your own device)，Form 2,3,5 上學期開始就可以帶iPad返學；學校就喺我哋iPad上面裝咗MDM控制，並且幫我哋裝Goodnotes, Notability 等等apps方便學生寫notes。
事緣喺考試週嗰陣，學校突然為全校嘅iPad 更新Goodnotes 6，而原本喺Goodnotes 5 嘅notes 全部冇晒⋯⋯（當然學生有責任定時backup 啲notes，但因為冇諗過會有呢種情況，再者我哋iPad 因為裝咗MDM控制，所以冇iCloud，而且一開始用唔到學校acc 嘅Google drive auto-back up，反映咗之後先得）點解學校可以唔通知一聲就update？事後連通告都係悲劇一段時間之後先出🫠。
悲劇發生嘅後一日，副校長們喺早會度向我哋道歉：指係technical problems，亦提到原本係喺考試之後兩個禮拜先更新， 但唔知咩原因會喺考試週中途突然更新（第4段有內部資料）。但最令人百思不得其解嘅係，佢哋下一句講嘅嘢就係要延遲當日及之後嘅考試😇更引人入勝嘅係：佢哋喺開始考試10分鐘前先公布呢個消息😍解決方法不斷改，最後學校嘅解決方法係：比受影響嘅form放一個禮拜假，然後再繼續考試。就咁聽可以覺得冇問題，但有冇諗過有好多人已經計劃好考完試之後要做嘅事？(eg 去一個短暫嘅旅行，眾多嘅演唱會🥲) 加上因為本校考試一向都係定喺聖誕假之後，所以學生已經犧牲咗聖誕假可以走出去玩嘅時候宅喺屋企溫書，而最終得返嚟嘅結果除咗係冇晒一路寫低嘅筆記，仲要面對加長咗成個禮拜嘅考試。
成件事最荒謬且引起公憤嘅地方就係：最後成個morning assembly校長都冇出過嚟😶(據消息所指，佢係有返)，哪怕係最簡單嘅*面對面*道歉。雖然話天下興亡匹夫有責😅但校長作為學校最高權力嘅職員，係咪都應該負責呢？（內部資料指出(唔可以100%確定)：就係呢位校長決定提早於考試期間更新Goodnotes的）校長將責任推卸比副校長、副校長將責任推卸比officies technical部門——呢個就係學校對於突發事件所作出嘅「應有」態度嗎？希望校方三思。
後嚟校長本人出咗通告，但字行間毫無誠意嘅態度簡直係火上加油😫睇完成篇俾大家嘅感覺就係：「好小事啫」，然後最後兜一個圈讚返學校（以下句子摘錄自原文）——「學生對同儕的關愛及友好的態度，相信與本校多年來一直致力推行正向教育及鼓勵關愛文化有著密切關係。」、文中更有一啲句子令人費解——「一些未受事件影響的學生希望考試按原定時間表繼續進行，也有一些未受事件影響的學生對考試延期舉行表示高興，但是這些反應都是正常的。」試問校長，呢句有何意義？校長您又有真正承擔返呢件事嘅責任、作出一個簡單嘅道歉嗎？沒有。
其實講真，我哋作為學生都唔想將自己間學校投訴上secrets，但我哋對於學校處理本次事件嘅方法係感到十分之不滿意同埋失望！首先，學校唔應該喺同學考試期間毫無預兆地更新任何應用程式；其次，學校更唔應該喺是次事件發生之後提出一個會令學生承受更多壓力嘅方案；最後，我哋需要嘅係造成人為錯誤嘅職員出嚟真誠地道歉，而並非搵代罪羔羊。希望有關學校能夠嚴肅對待是次事件，避免同類事件再次發生！作為學生，望住自己辛苦做咗成個學期(甚至有一級已使用2年，或者少部分人同其他級別嘅姊妹共用ipad, 以準備DSE)嘅notes憑空消失，試問大家如何「寬恕」學校呢？
校長寫份通告入邊其中有一句係：「我們希望這次事件能夠作為一個活生生的例子，進一步提升學生的資訊素養和面對困難的能力」。但學校又有冇諗過，是次突發事件證明咗你哋嘅危機應變能力有幾差呢？
|
|
發表於 23-3-11 09:39
幾搞笑，可以唔見notes
我就係唔會 睇到聽到人地學校單一事件就分享一大餐既人。