英皇仔轉校爛尾 父母禮賓府跪求施援

redkoni

原帖由 MUMMYSIK 於 11-9-15 19:01 發表
只能怪中西區雖然帳面band 1位有586個，但其中269個是聯系+直屬，實際可抽的只有317個，band 1人數有605，有些在自行收了，但這區男仔band1多數想入King's，變成band 1頭在自行階段只交King's+同等級之英中，band 1中只交king's，band 1尾又想抽King's，就算中和尾交其他英中都未必收，形成太多男生抽獎，但可供男生選擇抽獎只有男校102個(54個聯系+直屬)和26個男女校。以男校102個位計，大家又一面倒抽King's。

說是帳面數字也算是一個參考, 我之前做咗個分析模擬抽第一輪, 就是想仔細一點, 我覺得中西區的大環境不算悲觀.

一個校網抽獎個個都係擔心一樣嘢, 究竟進入統一派位階段的Band1學生是否多過所謂Band1學位?  多過即是危險- 唔夠分配下有Band1學生會派去所謂Band2學校.  咁惟有求神拜佛這校網多啲Band1生從自行和直資離場...哈哈

講番正題, 中西區校網比較簡單, 進入統一派位階段的Band1學生可分為三類, 直屬學生, 聯繫學生及非直屬/聯繫學生.

重點分析乙部的第一志願取向:

1. 直屬學校
   St Stephen's girls  13(92)
   Sacred Heart   2(118)
   St Clare's   31(55)
   St Louis    43(45)
- 直屬學生必須以直屬中學為第一志願, 才符合資格抽其直屬保留位, 所以絕大部份直屬學生別無選擇, 因為直屬位多, 餘額也會被Band2生填補, 所以( )內的數字並不代表實際Band1位, 只有該直屬小學進入統一派位階段的Band1學生才是代表實際Band1位,eg.聖心的118個直屬保留位分配給70位Band1生及48位Band2生,即是只有70Band1生離場, 並不是118. 此外, 非直屬/聯繫生只會對聖士提反女中的13個位有興趣, 聖心得2個位, 他們第一志願不敢博.

2. 聯繫學校
   KC   43(9)
   BPS  3(4)
   Clementi    6(2)
- 聯繫學生必須以聯繫中學為第一志願, 才符合資格抽其聯繫保留位, 所以絕大部份聯繫學生別無選擇, 因為聯繫位少, 必定被Band1生抽中. 此外, 其他非直屬/聯繫男生會對King's更有興趣, 因為中西區只有King's及St Louis這兩間男校最多非保留位43, 所以第一志願愈多人爭King's, 即是St Louis愈係大把位.

3. 大熱門的非直屬/聯繫學校
   YW Girls   88
   QC   4
   St Joseph's   12
- 非直屬/聯繫學生如果有10個女仔有9個揀英華, QC有超級粉絲, St Joseph's也不乏捧場客而且有12個位.

4. 冷門的非直屬/聯繫學校
   RC   7
   SKH Tang Shiu Kin   4
   True Light middle sch   4
   SKH Lui Ming Choi    9

- 因為大量Band1生皆直屬/聯繫學生, 同時, KC,YW Girls 也扯走大量非直屬/聯繫Band1學生, 所以我敢大膽講, 餘下的非直屬/聯繫Band1生第一志願選以下學校, 大可一擊即中:
  女校
     Sacred Heart   2
     St Clare's   31
     True Light middle sch   4
  男校
     St Louis    43
  男女校
     Clementi    6
     RC   7
     SKH Tang Shiu Kin   4
     SKH Lui Ming Choi    9

(純屬個人意見, 恕不負責!)

所以男仔一樣有大把選擇, 機會是自己把握的, 如果為了情意結等等, 硬要同人爭便要預咗要承受一定風險.

baekdoosan

希望佢地一家珍惜今次機會啦~

-----------------------------------

子獲名校面試　非常阿爸或圓夢
2011年09月16日 蘋果日報

【本報訊】「非常阿爸」李先生早前因為兒子鋒仔未能如願升讀英皇書院，衝上行人天橋企圖跳橋兼手持天拿水，要求平反派位結果。鋒仔今日再獲面試機會，投考灣仔區中學。位於灣仔的香港鄧鏡波書院，昨日校方證實，李先生已遞交中一入學申請表，但不願評論學額是否足夠讓其兒子鋒仔入學。今日夫婦二人陪同兒子參加面試，爭取入學機會。

鋒仔 7月畢業於上環英皇書院同學會小學，排名全級首 10名內，但獲派第八志願的黃竹坑新會商會陳白沙紀念中學，夫婦不滿並多次示威，要求教育局正視派位問題，批評縮班令兒子名校夢碎。

Yanamami

輸打贏要.

MUMMYSIK

想請教一下直屬學校大抽獎乙部的問題:

抽的方法(一):
是否直屬學校的學生(當然是band1)，與本區band 1生一同先抽非保留位，如落空，可以再進入保留位再抽？
抽的方法(二):
直屬學校的學生(當然是band1)，先抽保留位，如落空再抽非保留位有位？

二年前問過教育局，是方法一，上年再問，可能我質疑直屬學校的公平性，對非直屬學校的band 1生不公平，他們又說是方法二，又不肯說清楚。如果是方法一，相信直屬中學校學額絕大部份落入其直屬小學，其band 1佔有公開學額，令保留位落入其band 2生，除非一些直屬小學的小六生人數少(只有2班小六)，才能足夠分予其直屬2班小六的B1&2。e.g.
St Clare's   31(55)
St Louis    43(45)

kls12

原帖由 MUMMYSIK 於 11-9-16 09:12 發表
想請教一下直屬學校大抽獎乙部的問題:

抽的方法(一):
是否直屬學校的學生(當然是band1)，與本區band 1生一同先抽非保留位，如落空，可以再進入保留位再抽？
抽的方法(二):
直屬學校的學生(當然是band1)，先抽保留位，如落空再抽 ...

真是有點不明 - 經扣除自行分配學位及重讀生學位後，在統一派位階段，直屬中學可為其直屬小學保留最多餘額85%的學位

以 2009/2011 協恩中學 11(99)為例：

學校最多保留85%的學位，但不是在公佈前決定嗎？


據悉，每年都有約10個上不到中學，有幾個又去了女拔，一定沒有收足99個。
是幾時決定不收足99個呢？

[ 本帖最後由 kls12 於 11-9-16 10:26 編輯 ]

redkoni

原帖由 MUMMYSIK 於 11-9-16 09:12 發表
想請教一下直屬學校大抽獎乙部的問題:

抽的方法(一):
是否直屬學校的學生(當然是band1)，與本區band 1生一同先抽非保留位，如落空，可以再進入保留位再抽？
抽的方法(二):
直屬學校的學生(當然是band1)，先抽保留位，如落空再抽 ...

e.g.  St Clare's   31(55)
假設中西區校網有20位其他小學Band1女生以St Clare's為第一志願, 而St Clare's的直屬小學有15位Band1生及42位Band2生選St Clare's為第一志願, 假設這77人甲部全部落空, 乙部首先會處理直屬保留位, 由於St Clare's的直屬保留位有55個, 直屬小學這15位Band1生必收, 餘下的40個位供42位Band2生抽, 結果直屬小學有2位Band2出局, 接着處理非保留位, 由於直屬小學的所有Band1生已經成功登陸, 這31個非保留位只得20位其他小學Band1生抽(必收), 當然會有11個剩下來進入第二輪.

e.g.  King's   43(9)
假設中西區校網有60位其他小學Band1男生以King's為第一志願, 而King's的聯繫小學共有50位Band1生及40位Band2生選King's為第一志願, 假設這150人甲部全部落空, 乙部首先會處理聯繫保留位, 由於King's的聯繫保留位只有9個, 聯繫小學這50位Band1生一定有41人失敗, 餘下這41人再與其他小學那60人,即是共101人抽43個非保留位, 當然會有58人失敗而進入第二輪, 而聯繫小學的Band1生話晒都比人抽多次, 叫做有着數卦, 因為聯繫位少, 聯繫小學的Band2生就得個"睇"字.

mio8390

做錯哂都有chance，天理何在，以後大把人會行這條路。

原帖由 Yanamami 於 11-9-16 07:48 發表
輸打贏要.

Cello093

香港鄧鏡波書院是否收八很多Band 1 生的英中?

原帖由 baekdoosan 於 11-9-16 06:48 發表

子獲名校面試　非常阿爸或圓夢
2011年09月16日 蘋果日報

【本報訊】「非常阿爸」李先生早前因為兒子鋒仔未能如願升讀英皇書院，衝上行人天橋企圖 ...

Yanamami

所以話HK越來越大陸化, d人想乜就做乜, 從不依法辨事, 只顧一已利益.  睇怕以後都立立亂.

2011Ma

不用太愁﹗香港鄧鏡波書院只是較好Band2 學校, 也不見得這位「非常阿爸」如願地入到 Band1 英中。  

MUMMYSIK

依你所言，即是所有band1生一同抽，有直屬/聯糸的先入保留位，如果直屬/聯糸的band 1生多過保留位時，再按隨機號碼入非保留位。
e.g.以聖心計，上下午估計有300人，如果50%是band1(150人)，或者band 1率可能更多，而聖心中學2011年中一計有170人，自行階段收30%51人(當中只收聖心小學+某南區小學)，随時聖心band2無得抽，仲會令區內其他英中加劇競爭。
想再探討一下2012升中，聖心中學只收160人，很多band2失望。

silvia_ng

咦...睇黎跳橋ok喎...

家下除左要呀仔考第十之外, 我自己都練定跳橋個pose先, 費時一陣比記者影到我跳起黎唔靚呀...

mio8390

香港發揚光大，有過之而無不及。

原帖由 Yanamami 於 11-9-16 11:16 發表
所以話HK越來越大陸化, d人想乜就做乜, 從不依法辨事, 只顧一已利益.  睇怕以後都立立亂.

[ 本帖最後由 mio8390 於 11-9-16 13:38 編輯 ]

MUMMYSIK

Hi kls 12,

以個人理解是: 錯誤請指正

34人 x 5班 = 170人 + 9留班位 = 179

自行: 180(以上年收生計) x 30%=收54人
抽獎: (170以今年入學計-54)x85%保留位=99人

收唔足99人? 是否除自行走咗外，唔足夠B1+2呢?

Cello093

還要練好睡姿瞓街，手執天拿水罐時姿態優雅，做父母真要習練十八般武藝！

原帖由 silvia_ng 於 11-9-16 13:32 發表
咦...睇黎跳橋ok喎...

家下除左要呀仔考第十之外, 我自己都練定跳橋個pose先, 費時一陣比記者影到我跳起黎唔靚呀...

redkoni

原帖由 MUMMYSIK 於 11-9-16 13:32 發表
依你所言，即是所有band1生一同抽，有直屬/聯糸的先入保留位，如果直屬/聯糸的band 1生多過保留位時，再按隨機號碼入非保留位。
e.g.以聖心計，上下午估計有300人，如果50%是band1(150人)，或者band 1率可能更多，而聖心中學2011年中一計有170人，自行階段收30%51人(當中只收聖心小學+某南區小學)，随時聖心band2無得抽，仲會令區內其他英中加劇競爭。
想再探討一下2012升中，聖心中學只收160人，很多band2失望。

到目前為止, 全港唯一有兩間中學同教育局申請自行分配不公開收生 - 培正中學及嘉諾撒聖心書院, 自行祇收自己小學的學生(聖心也收少量南區某小學).  如果聖心修女唔係撐住6班中一全級216人,並且自行分配不公開收生, 邊有咁多聖心小學上下午校成幾十位Band2生升上直屬中學, 全校咁多人, 每個人資源分配少咗, 又要補底, 又要頂住高中畢業公開試成績的壓力.    其實社會有很多有心人做咗好多嘢, 但這個世界仍然有很多人, 身在福中不知福, 以為現在所享受緊的是"奉旨", 還要不斷埋怨,批評,又話不公平.

其他成績好的傳統名校, 點會有呢枝歌仔唱, 今年St Mary's轉一條龍, 巳經算是對自己小學有所交待, 好似跑馬地山上面果間, 有家長仲話自行連Band1自己友都唔收, 如果無乜Band1自己友離場, 佢地嘅直屬位連Band1都唔夠分, 何況Band2, 呢招減持"負資產"咪更絕.

fallenleaf

原帖由 baekdoosan 於 11-9-16 06:48 發表
希望佢地一家珍惜今次機會啦~

-----------------------------------

子獲名校面試　非常阿爸或圓夢
2011年09月16日 蘋果日報

【本報訊】「非常阿爸」李先生早前因為兒子鋒仔未能如願升讀英皇書院，衝上行人天橋企圖 ...

李爸和李媽將會陪同兒子參加面試，增加八學機會.......
如果校長問點解要跳橋？點解要買天拿水？唔知小朋友會點答！唔滅小入學機會已經算好，重話增加。

Yanamami

校長唔會問d禁尷尬o既問題o既, 頂多問: 如果你入唔到精英班, 你會點做?  若果你差一分羅A, 又會點?

原帖由 fallenleaf 於 11-9-16 17:42 發表
李爸和李媽將會陪同兒子參加面試，增加八學機會.......
如果校長問點解要跳橋？點解要買天拿水？唔知小朋友會點答！唔滅小入學機會已經算好，重話增加。 ...

fallenleaf

原帖由 Yanamami 於 11-9-16 17:52 發表
校長唔會問d禁尷尬o既問題o既, 頂多問: 如果你入唔到精英班, 你會點做?  若果你差一分羅A, 又會點?

佢地呢家人的答案只有一個------買定天拿水跳橋。

MUMMYSIK

Hi redkoni,

原來埾心有6班，咁就造福人羣，我真係唔清楚，多謝您的資料！
但唔明白點解216人，大抽獎應誤唔止有2(118)?
跑馬地山上面果間 - 是那間?