女兒獨自到UK升學,有點擔心...<<感恩!現在好放心>>

Ding

以前有無同你傾過？乜我咁出名咩！

Tommy

回復 梁媽媽 的帖子

梁媽媽：
我仔學校的住宿費相對較平，一年在一萬磅以下，此外都無咩其他洗費，暫時沒有compulsory 的school trip，佢地好少外出，根本無咩機會洗錢。

真正的支出是來回香港的機票和Term break的住宿費用，視乎您地返來幾多次，有人Half term 都返，有人一年返一次。但據聞如果唔返香港，而又沒有親戚朋友招呼，住監護人的地方都好貴，長假期分分鐘貴過買機票返香港。

我地係英國有親戚朋友，選擇比較多，小兒又剛到英國，希望作不同的嘗試，見識一下，甚至有同學邀請小兒到他家中過Term break，因此有形的支出相對較少，但無形的人情債和其他風險考慮就要自己衡量喇。


Tommy

梁媽媽

Tommy 發表於 12-12-3 23:32
回復 梁媽媽 的帖子

梁媽媽：

Tommy,

多謝回覆, 呢掛都在為亞女打算...心情都好矛盾, 又想佢出外, 可以獨立, 又唔捨得個女,
驚佢寄宿比人蝦的話就好慘, 又驚佢學壞,
總之就諗到頭髮都白埋啦。

Tommy

完全明白您的忐忑，其實做任何事都有風險，只要準備充足，覺得這對他好而他又願意，就放膽去做罷!

今日,阿仔whatsapp我，佢話琴晚英國落雪，這是他一身人第一次看見落雪，佢同幾個同學落去球場，在飄雪中踢了一場夜波。他又傳了一張球場铺滿了白雪的相片給我，很美! 我完全感受到他的興奮。

Ding

Tommy 請問我應該出張咩電話卡俾佢用？在機場買？

Tommy

Ding 發表於 12-12-7 06:27
Tommy 請問我應該出張咩電話卡俾佢用？在機場買？

Ding,
最好出發前就係香港預備定電話卡給他，香港飛去希斯路機場會停Terminal 3, 而且多數係清晨到達，我仔當時就係揾唔到地方買電話卡，結果佢出去倫敦先至買到。


您可以預先托朋友將電話卡帶返來或寄回來。好似有網上訂購，但我唔知可唔可以送到海外。


我仔用兩張卡，一張係O2網絡卡，一個月十磅有500M；另一張係Lebera卡用來打長途返香港，佢話只係一便士一分鐘，不過有網友話唔係咁平，但總之唔會好貴。

Tommy

梁媽媽：

我仔學校全校華人比例約佔5%，宿舍內的比例在10%以下。來自香港的學生跟英國學生mix得很好，香港人唔會自己走埋一堆。

Ding

原帖由 Tommy 於 12-12-08 發表
Ding,
最好出發前就係香港預備定電話卡給他，香港飛去希斯路機場會停Terminal 3, 而且多數係清晨到達，我仔 ...

Tommy 唔該晒你，我去Durham所以唔經Heathrow，等我記低佢先。

今次輪到我要請教你，我打算送左呀仔入學校之後就上Edinburgh join 埋班朋友去 Highlands, 一路玩落Lake District，London,  會租車，想問下油站易搵嗎？

Ding

Tommy 請問在UK揸車要唔要在香港攞左國際車牌先？

梁媽媽

原帖由 Tommy 於 12-12-08 發表
梁媽媽：

我仔學校全校華人比例約佔5%，宿舍內的比例在10%以下。來自香港的學生跟英國學生mix得很好，香港 ...

Tommy,
咁佢地星期六點過架？
其實寄宿係咪唔比出街？
咁星期六，日都唔比出的嗎？
我見英國的學校，好似無麼會有泳池咁，游泳是否不太流行？非必要呢？

nakai_miu

Tommy,
你好,小女於來年將入讀RHS,而你提及之電話卡甚様賣法和幾時要訂機票!謝謝。

Ding

機票你而家就要book，因為成個9月都會媽緊張，如你有相熟Agent就叫佢幫你搞

Tommy

Ding 發表於 12-12-8 13:00
Tommy 唔該晒你，我去Durham所以唔經Heathrow，等我記低佢先。

今次輪到我要請教你，我打算送左呀仔入學校 ...

Ding,
我試過一次駕車上Edinburgh, 印象中在合理的車程內都有油站，但當然比England鄉郊好多。英國人駕車多數會用GPS, 問人借一部或者問下租車公司有無得租用會穩陣d，過左Scotland之後，感覺好陌生，無英格蘭咁容易揾路，行錯路會好麻煩，要用多好多時間才可返回正路。

香港人如無英國駕駛執照就一定要預先申請國際牌，才可在英國駕駛。


Tommy

nakai_miu

回復 Ding 的帖子

吓!咁緊要,多謝哂。

Tommy

梁媽媽 發表於 12-12-8 15:50
Tommy,
咁佢地星期六點過架？
其實寄宿係咪唔比出街？

其實，我仔學校星期六日都無嘜特別活動，不過學校大，宿生又多，佢地會自己揾活動，一定唔會悶。我仔就鍾意做運動，踢波、網球、乒乓、欖球、游水、跑步……
Year 10 學生如果有需要星期六日外出，只要sign out都可以，但學校外面四圍都無野，要坐車先去到town, 佢地都好少出去。佢地學校有室內泳池，冬天有暖水。

Tommy

nakai_miu 發表於 12-12-9 21:32
Tommy,
你好,小女於來年將入讀RHS,而你提及之電話卡甚様賣法和幾時要訂機票!謝謝。 ...

佢都係行街入去電話舖頭買，現金交易，同香港差唔多喇！機票就愈早買愈著數喇！

nakai_miu

Thanks a lot.

梁媽媽

Tommy,
Thank you!
見你仔間學校好似好好咁，
希望出年Y10 佢地有位，
請問公校是否較少女校？

Ding

Tommy 發表於 12-12-9 22:07
Ding,
我試過一次駕車上Edinburgh, 印象中在合理的車程內都有油站，但當然比England鄉郊好多。英國人駕車多 ...

Tommy 唔該晒, 而家好好多, 就算無GPS, 有部 iPad 都可以 check 到條路點行. 我會上 google map 認下條路先.
咁我要早D去申請張國際牌. 好期待又可以去英國玩.

miffy3005

原帖由 Ding 於 12-12-09 發表
Tommy 唔該晒, 而家好好多, 就算無GPS, 有部 iPad 都可以 check 到條路點行. 我會上 google map 認下條路 ...

國際牌有效期一年，可以出發前一，兩個月才申請。 網上下載表格，把支票$80和相片，郵遞申請，約兩星期做妥後寄到府上。