窮人升大學機會少2/3 無錢無前途 學者促政府支援弱勢

judy

我反而覺得，升中試，分banding才是精英教育。直資，可選好而教，也可選差而教，可收錢，也可不收錢。

在升中試、分banding的制度下，學生有權選校，學校無權選學生，好學校，你想唔精英都唔得。我好想華仁個啲學校轉直資，我估佢收取嘅資助應唔少於依家。咁佢就可以專為基層服務，一個中產仔女都唔收。如果資源運用得當，分分鐘唔單止唔使收費，仲可以派埋牛奶。

judy

今日明報有篇"張銳輝﹕曾俊華，你不配當財政司長！——一個教育工作者的怒吼"。我對佢嘅論据不甚了了，不過，我也覺得政府不大重視教育，起碼比不起綜援制度。

香港嘅綜援户，每月領到津貼，可到自由市場買他所需，買貴又得，平又得，有剩，去旅行都得。有冇見政府起的食堂合作社，叫佢地只準凭票到食堂合作社消費呢？

教育不是比綜援制度重要嗎？為何政府不用學卷代替起食當，禳人民自由選消費方式呢？

samuel89

nkpa 發表於 13-3-1 02:01
直資有咩錯，錯在收錢？

直資係政府亂搞教育下，是學校同家長的出路。

直資收錢唔系錯......我都幾贊同你既觀點, 但換個角度睇下d band3學校, 教局推出直資, 有冇考慮下佢地, 之前成班校長為左免殺校, 排排企晒出來爭取"小班"奇觀........其實直資,校長都冇錯, 錯在教局系統籌教育專業工作, 但就將教育變成事業(一盤生意), 教育工作者就要各自睇住盤數, 根本都冇人再會理咪叫"教育",咪叫"理念".....

laorenjia

ANChan

Shadeslaye係曳学生，唔肯做功課，就等我呢個上咗岸嘅做個勤力学生。先排聽你同Judy講，直資係为爱國學校而設立，我聽了覺得不可思议，因为事情發展同呢個「原意」出入好大，但因为嗰段時間喺英国打工，唔清楚香港啲嘢，冇再深究。你如今再提起，我只好去翻翻書。

喺spcc話轉直资時，我就預测到今曰，甚至明曰直资點發展。但其實有人叻我好多，喺八八年立法局動議辨辯論「教育統籌委員會發表第三號報告書」時，司徒華已經話:

『報告書中關於「私立學校的前瞻」的建議，要害在於「直接資助計畫」。這個計劃的實質是，把資助學校私營化；假私校之名，利用公帑去設立和扶助貴族學校，把普及教育政策倒退為階級化的精英政策。

當局一向對私校採取歧視、淘汰的政策，為甚麼忽然間關注起私校的前途，強調要建立一個強大的私校體制呢？報告書附件H「一九八零年教育委員會討論私校問題的總結」，其中的各點意見，多少年來多少人曾大聲疾呼過，為甚麼當局一直充耳不聞，置諸不理，雪藏了八年，到現在才像出土文物一樣把它挖出來呢？

報告書建議，「直接資助計劃」在明年始實施，何其速也，難道時日無多？試問現存的私校，有多少間，需要多少時間，才能達到所需條件，被獲准參加呢？其實，只是為現存的資助學校開路，這才是真的用意。

……

「直接資助計劃」使推行多年的普及教育政策，倒退為比五、六十年代更壞的精英政策——階級化的精英政策。那時候，教育未能普及，實行精英政策，情有可原。那時候，勤奮向學、用功努力、成績優異的基層子弟，還可以進入較好的中學。但今後，他們因為經濟原因、家庭背景、社會關係等等條件，被排斥於這些中學門外，甚至進一步被排斥於專上教育門外。小學畢業生及其家長，四處投考，疲於奔命，結果又絕大多數落空，身心備受創傷。教育本來有促使階層流動的社會功能，讓中下層子弟通過教育，上升為中產者或專業人士。階級化的精英政策，窒息了這種社會功能。社會上階級兩極分化的情況，必會越來越嚴重。社會更加不公平，階級矛盾尖銳，社會的安定和諧也因而受到破壞。

……

九年免費教育已推行十年，質素亟待提高。當局不作認真的全面的檢討，採取提高質素的措施，反而推卸責任，認為這是普及教育必然的結果，藉此去為精英政策復辟。已有了這一批原為資助名校而私營化了的貴族學校，上層子弟已得到照顧，政府還會致力全面提高九年免費教育的質素嗎？九年免費教育，就此每下愈況，更加一天一天爛下去。

……

假如不去資助，不動用公帑，沒有人會去反對興辦貴族化的私校。正如動用公帑去興建公共樓宇，以解決中下層的居住問題，人人歡迎；但動用公帑去津貼千萬富豪別墅，那就荒天下之大謬了。政府以粗茶淡飯去賑濟災民，是理所當然的；但如政府也同時將這粗茶淡飯折為現款，去津貼千萬富豪買魚翅撈飯，這樣，難保不引起暴動。

倘若把報告書關於「高等教育學制」和「私立學校的前瞻」這兩個建議，合併起來，我們還會預見另一幅圖畫。實施了階級精英化政策而又受到資助的貴族學校，不但囊括全港的精英學生，其學生進一步佔盡本港專上院校的學額，再進一少盤據社會的種種關鍵職位，而他們又是從與英式學制掛鉤的教育制度中培養出來的。這樣，對香港的未來，將會有怎麼樣的政治上的影響呢？這是一幅怎麼的圖畫呢？
……』

judy

直資係为爱國學校而設立，我聽了覺得不可思议

最不可思議嘅係有人話公佈增值指標都係為帮愛國學校。要幫，轉津校就得啦！大窩飯、黑箱作業才合國情嘛。不過，我覺得陰謀論無意思。

講起司徒華，雖然我一見佢個樣就反胃，不過佢真係好過係家個班垃圾好多。前排係街接到民主黨派嘅揮春，啲字真係丑得驚人。我諗，平時不練字一回事，起碼，臨急抱一抱彿脚，誠心上香，請華叔上一上身都好啲。

laorenjia

Judy
学券不能解決学位分配问题。再者，咁样等於间间学校都变咗直资，连宜家资助名校唔想轉到要转，我話俾你聽，吊诡嘅係，啲家長跟着会迫学校喺学券外再收费。結果，窮学生被驱逐。

NKpa

回復 laorenjia 的帖子

"勤奮向學、用功努力、成績優異的基層子弟，還可以進入較好的中學。但今後，他們因為經濟
原因、家庭背景、社會關係等等條件，被排斥於這些中學門外"

做直資學校自定學費，政策不規定最低收費，學校可以象徵式收一百元，沒有把環境差的學生摒諸門外．

”動用公帑．．．興辦貴族化的私校．．．去津貼千萬富豪"

千萬富豪選擇多，由國際貴族學校到直資貴族學校，直資平民學校到官津免費學校，只要考到就得．但係直資貴族學校想提供國際貴族學校級數的條件，因為受左資助而收番直資貴族價錢，咁都有一大班中等家庭受惠．收得貴做得曳，呢班精明家長當然會用腳投票．社會上有好多階層既人，各有不同需要，唔可以話交稅應份但福利就無份．

judy

学券不能解決学位分配问题。再者，咁样等於间间学校都变咗直资，连宜家资助名校唔想轉到要转，我話俾你聽，吊诡嘅係，啲家長跟着会迫学校喺学券外再收费。結果，窮学生被驱逐。

佢可以設限制，唔以另收費。或提升更透明嘅報告。

最近都有報告，話直資水浸。依家間間直資收費，只是物以稀為貴而已！如果全港直資，話唔定不單唔收費，派埋牛奶添。

judy

”動用公帑．．．興辦貴族化的私校．．．去津貼千萬富豪"

剛才講綜援制度，又可以講成政府動用公帑，去津貼亿萬地產霸權！

津貼亿萬地產霸權就得，點解津貼千萬富豪就唔得呢？

samuel89

judy 發表於 13-3-1 12:18
佢可以設限制，唔以另收費。或提升更透明嘅報告。
最近都有報告，話直資水浸。依家間間直資收費，只是物以稀為貴而已！如果全港直資，話唔定不單唔收費，派埋牛奶添。

[/quote]哦......直資可以變成慈善機構???.....咪玩啦....而家既潮流系教會學校都向"錢"看, 邊樹仲有以前返教會學校有錢派,有禮物收支歌仔唱......

annie40

回復 囝囝爸 的帖子

以前因「教好」學生成名，現要「收」好學生才名。名不符實，如此制度，對長遠教育實不利！

*****    *****
十分喜欢这句话!

laorenjia

NKpa
你知唔知你自己講緊乜:『社會上有好多階層既人，各有不同需要，唔可以話交稅應份但福利就無份.』你即係講緊直資係中產嘅福利，窮孩子麻煩去黑人車廂揾位。只好割席。

laorenjia

Judy
愛國學校從來唔駛香港政府資助，佢吔要嘅係『正名』，唔想做黑市夫人，想坐番正。唔駛開聲，大把有心人捐錢。

NKpa

"你即係講緊直資係中產嘅福利，窮孩子麻煩去黑人車廂揾位。"

我唔明點解你會跳到直資係中產嘅福利呢個結論．好的直資唔係全部貴野．我提出有心扶貧又唔想界政府綁死，可以收一百文學費．

如果依你講法，坐的士係中產嘅福利，窮孩子麻煩去巴士地鐵揾位，你會唔會香港人已經歧視窮人呢。

annie40

A) 国际学校收费高, 物有所值, 正! 正! 正!

B) 直资学校才财兼备, 好! 好! 好!

C) 没钱的孩子没得選择, 唯有安分守己, 加百倍努力, 创造奇迹! 勇! 勇! 勇!

D) 没钱没人教没有爱的孩子, 近乎绝望了! 谁来给于一点希望?

原来教育的分类是主要是基于出身的,  好坏命生成, 成年人应否及早鼓励孩子面对现实? 完成教育后, 孩子的人生是否又要跟这些队形来排列呢?

laorenjia

NKpa
邊間傳統名校轉過嚟嘅直資係一萬幾千？講新直資嚟做乜？
人哋本來同你一個車廂，你落車走去搭的士係你嘅事，做乜要人落車轉車廂？

NKpa

香港教育如果是失敗，是由於學校的失敗，還是學生的失敗？是由於政策的失敗，還是家境的失敗？

如果看２個ｄｉｍｅｎｓｉｏｎ，

貴族學校
｜        ＿＿＿＿＿＿｜＿＿＿＿＿＿
｜
平民學校
        個人懶散　－－－－　個人努力

哪個因素對學業決定性大些？哪個方格成才的人較多？

NKpa

簡單咁講，都係果句，平有平讀，貴有貴讀．免唔免費都係咁讀．本地學校質素的差異唔係爭天共地，學生類別同一間學校都會爭好遠．村校會有熱心老師，名校也有hea老師．到中學，個人努力和同學風氣大於一切．

laorenjia

冇興趣遊花園，bye.

laorenjia

Annie

ANChan 叫做功課時，我睇到都嚇一跳，原來自己講嘅，十幾年前事情未發生已有人預見。

用手機出post係受Shadeslayer刺激，佢先排同肥爸爸拗時話自己長篇大論嘅post一、兩分鐘就掂，搞到我覺得自己好低能。但我諗我點都冇佢咁快。