選校感想

karen55407

babywoman 發表於 16-10-5 18:15
回覆 sissysze 的帖子

有個同學仔家姐讀天神聽佢媽講,小五英文可能是中二程度.

嘩！乜天神咁勁㗎？

sissysze

原帖由 karen55407 於 16-10-05 發表
嘩！乜天神咁勁㗎？

你睇下第時阿女啲同學係咪甘勁咪証實到囉

karen55407

sissysze 發表於 16-10-6 00:07
你睇下第時阿女啲同學係咪甘勁咪証實到囉

我唔知會讀深三年課程，簡直能人所不能。

retriever

littlefaith 發表於 16-10-5 20:46
就算學校唔谷，家長自己都會緊張，lag behind自然會谷。
以我姪女為例，佢小學讀DGJS，學校環境令自己要求 ...

你意思係家庭怕lag behind 去加雞精去谷， 定細路知恥近乎勇，自己上進？

retriever

Dylanli2016 發表於 16-10-5 23:57
回覆 hkpapa852 的帖子

我覺得樓主唸法符合現實。香港教育制度本身就比較傳統 ，如果真是要happy school, ...

"等於唔happy,我唔認同，如果你自己有用心培養佢既讀書興趣，呢d就唔會是苦差事。仲有，好籍單既例子，寫一個生字，happy即是寫一次就夠，問題是，你既仔女是咪神童，寫一次就過目不忘?"

以上正正就係你相信既學習模式。


所謂happy 唔 happy 係學習既過程，單向方式單一 vs 互動六感，當然係後者學得happy 又深刻。


問題係在普及教育(官津) 底下，生源，資源係問題。生源能力參差限制，money 既限制，所以教學模式都限制左。仲有就係有限資源下要cover 哂所課程，反之，另一選擇係挑動學生興趣後，延伸學習可涵蓋甚至更多。譬如你跟團旅行跑景點，同你自由行重點旅行，資源玩法上都唔同。


直資學校制度上**理論上** 可以有資源和自由度去做到快樂學習。 問題係佢地面對既家庭群體係真信快樂學習，定係心急求業績。須知有條件既家長亦可以係心急有所求，出身傳統教育既家長。


新派直資走向快樂學習既成功機會，其實比傳統名校直資走向快樂學習難得多。因為後者叫座力及相對家長既話語者較大。

adriantai

吾同小朋友適合吾同方法，無固定既。

adriantai

吾同家長亦有吾同祈望

merrypris

Agree.  蘿蔔青菜，各有所愛。最重要唔好食滯。

littlefaith

retriever 發表於 16-10-6 07:23
你意思係家庭怕lag behind 去加雞精去谷， 定細路知恥近乎勇，自己上進？

兩者都有。DGJS表面上好似唔谷，實則係家長、學生自己谷。

hkpapa852

retriever 發表於 16-10-6 07:50
"等於唔happy,我唔認同，如果你自己有用心培養佢既讀書興趣，呢d就唔會是苦差事。仲有，好籍單既例子，寫 ...

相信你不瞭解現今官津小學既教學模式.

基本上, 現今官津小學, 極少數係單向教學, 不少係教學時都已加入師生或學生與學生之間既互動 (當然唔好要求咁高).

至於你經常強調既抄寫問題, 其實, 你又知唔知依家小學功課有幾多係抄寫呢?

一個詞語寫3-5次, 或者抄書中其中一段一次, 但如果個小朋友都經常有錯漏, 咁家長係咪可以見到D嘢呢?

另一個問題你成日話非一條龍官津小學要小朋友/家長段段谷, 點之段段?

其實小學真係要谷, 只需谷小五同小六 (因為呈分), 但因有不少直資中學要求睇埋小四成績, 甚至話睇埋家課冊寫得整唔整齊, 所以家長又可能要被迫小四開始發力.

谷既始作俑者, 可以話係升中制度, 但中學既收生/面試要求, 亦絕對係幫兇

至於中學, 其實任何學校都差不多, 中二/三谷好成績就優先選科, 中五六就谷盡去考DSE/IBDP.

小朋友係小學階段仲會較接受家長指令, 所以你仲可以谷佢, 到中學階段, 啋你都傻.

如果諗住讀咗10年小學+初中先谷小朋友考DSE, 恐怕你想谷都谷唔到了!

teambuilder

Happy School 真係唔一定少功課，不過一定唔會濫。新派直資既教學方法同傳統學校好唔同，未接觸過既人比較難了解係點，但傳統既方法就多數家長都親身經歷過。竹尸竹

teambuilder

在這裡我想打個比喻: 一天你孩子同你講，入劍橋其實唔係你想像中咁難，唔試下點知唔適合？已經報左，可以入了。一天孩子同朋友說，我初時都以為媽媽會唔適應老人院生活，現在咪幾好，仲肥左，而我又可以在外打拼。但事實上有邊個老人家想入老人院？有邊個小朋友想每日谷谷谷？

Felix223

hkpapa852 發表於 16-10-6 09:25
相信你不瞭解現今官津小學既教學模式.

基本上, 現今官津小學, 極少數係單向教學, 不少係教學時都已加入師 ...

啱㗎。小學真的要打好基礎，谷唔谷係父母自己覺得，如果小朋友學習得開心，又喜歡閲讀，自己去喜歡思考每事問，讀得深D唔大問題，睇你用咩方法引導佢自己學習。細個基礎打得好，升中時功課應付得轉鬆D。

Felix223

Dylanli2016 發表於 16-10-6 09:06
回覆 retriever 的帖子

我覺得小朋友是咪讀得開心，父母要主動同佢傾同了解，好有heart既父母應該要去睇下 ...

你所講都非常認同，我自己一路都仍要學習點做好父母，可為子女揀選適合的讀物，或者用咩好的方法同子女溝通。呢樣嘢唯有得閒蒲吓書局，買多D兒童心理學或教育的書藉，了解了解...(emoji)

hkpapa852

punlik 發表於 16-10-5 22:01
建立一個數學模型來分析.
假設一間直資小學,考慮到生源比地區一線派位小學好，學生家庭條件較佳, 小六畢業 ...

數可以咁計, 但:

1. 如果咁輕易開就可以做到60%全港性B1學生, 咁APS, KTS, SFA就唔會咁多人爭, 所以假設一間直資一條龍中學可以做到60%全港性B1, 似乎係有點離地 (DGJS, SPCC可能有機會, 但其它呢? 40%全港性B1已經好高了!)

2. 一日未有成績, 中學部收生想有好多B2A/B都未必咁易, 更大可能會係B2B或以下為主

所以如果真係要計, 呢個cycle至少12年先見到由小一開始讀既人既成績, 就如果亮麗就會令日後中學部收生水平提高, 咁又要等多6年先到所謂"收到更好既中一學生"之後既成績......

奥脫福

babywoman 發表於 16-10-5 18:15
回覆 sissysze 的帖子

有個同學仔家姐讀天神聽佢媽講,小五英文可能是中二程度.

聽人講。。。幾時都唔夠自己睇咁真。以下是去年期考考試範圍︰

五年級期考考試


英文︰Longman Elect Book 6B︰Chapter︰1-6 (GE, Worksheets) and previous knowledge


六年級期考考試


英文︰Oxford English: Unit: 6,7,8(p.24-77) (Worksheets) and previous knowledge
           Junior Thematic Anthology: Unit: 14-19 (Refer to Word Bank)

如果天神小五英文是中二程度，咁小六英文只用中一書，咁小六同學一定過得
又輕鬆又自在！