真道話自己唔係Happy school?

mcl203

littlefaith 發表於 19-3-22 20:10
那改為「失意者」會好一點嗎？
始終，他們在原校經歷太多「失敗」，卻沒有在原校得到適切的扶持，所以形成 ...

老師，你似乎用左成績去衡量學生係失敗或後稱既失意喎，是否背離你對真道既教學看法，求學不是求成績～～～

mamaishere

mcl203 發表於 19-3-22 21:08
老師，你似乎用左成績去衡量學生係失敗或後稱既失意喎，是否背離你對真道既教學看法，求學不是求成績～～ ...

你成日扭曲人哋講嘅嘢，跟住又話唔明人哋講乜嘢，其實你究竟知唔知自己講緊乜嘢？

magnitique

mamaishere 發表於 19-3-22 21:15
你成日扭曲人哋講嘅嘢，跟住又話唔明人哋講乜嘢，其實你究竟知唔知自己講緊乜嘢？
...

其實呢位家長成日執住人哋一啲字眼去追問人，但人哋解釋完佢又繼續似是而非咁問，所以好難答佢問題

有時我覺得呢啲無謂嘅爭持都有啲無謂，因為對方思路都唔太清晰，回答反而越答越離題，所以我會選擇自我封咀

babycatrina

mcl203 發表於 19-3-22 21:08
老師，你似乎用左成績去衡量學生係失敗或後稱既失意喎，是否背離你對真道既教學看法，求學不是求成績～～ ...

其實老師都係引用社會覺得成績唔夠好的學生「失敗」或「失意」啫，佢已經有講佢係band 2學校，對學生有關顧，無謂雞蛋裡挑骨頭啦。

littlefaith

mcl203 發表於 19-3-22 21:08
老師，你似乎用左成績去衡量學生係失敗或後稱既失意喎，是否背離你對真道既教學看法，求學不是求成績～～ ...

「失敗」其實係學生的親身感受，因為在原校他們面對成績差帶來的無助和挫敗感。我任教的中學不會好像某些名校，只看重成績，反而不斷給予學生不同機會去發揮自己的天份和潛能，使他們重建自信心。所以，歷屆很多畢業生，都經常回校探望我們，為以往學校的栽培而感恩。

mamaishere

magnitique 發表於 19-3-22 21:33
其實呢位家長成日執住人哋一啲字眼去追問人，但人哋解釋完佢又繼續似是而非咁問，所以好難答佢問題:zombie ...

Exactly! 理解同表達都好有問題 其實好想扮睇佢唔到，但係佢啲無聊問題出現得太頻密非常礙眼，忍唔住問下佢究竟唔明啲乜

areyouangry

mcl203 發表於 19-3-22 18:47
見到老師你形容貴校學生為失敗者，感覺頗震撼，小學生啫，又話唔應該單專注成績，但，失敗者～～～:igiveu ...

人哋有用引號㗎!!!
咪捉住幾隻字嚟咬喇...

mamaishere

littlefaith 發表於 19-3-22 21:34
「失敗」其實係學生的親身感受，因為在原校他們面對成績差帶來的無助和挫敗感。我任教的中學不會好像某些名 ...

老師，我好欣賞你的教學熱誠。唔好為咗呢啲無聊人而浪費自己嘅時間去解釋。明白你嘅人自然會明白你，夾硬選擇唔去明白嘅人你去解釋都冇用! 呢啲無聊人得閒冇嘢做搵交黎嗌，雞蛋裏挑骨頭，佢發緊夢以為自己係哲學家...

magnitique

mamaishere 發表於 19-3-22 21:36
Exactly! 理解同表達都好有問題 其實好想扮睇佢唔到，但係佢啲無聊問題出現得太頻密非常礙眼，忍 ...

我諗一般家長都睇到邊個唔係咁清晰，佢執住一個詞語，但又無反映/回應全篇文章嘅內容，咁係「小學雞式討論」，通常我對呢啲討論會敬而遠之

nkd

hkpapa852 發表於 19-3-22 17:59
youtuber, 電競之類既工作, 其實歐美日韓十多年前已出現

要入行好容易, 要成功好難

\\以興趣作為事業, 成功自然興奮, 但失敗了 (或一直在浮沉階段), 可能會連興趣也失去.\\

以不感興趣的東西作為事業, 成功不會興奮, 但失敗了 (或一直在浮沉階段), 肯定做了條鹹魚呢.



\\作為家長, 不應盲目任由小朋友發展事業\\

作為家長, 不應盲目任由小朋友發展愛情

作為家長, 不應盲目任由小朋友發展理想....

你都對，直至他們不再是小朋友。他們的人生是他們的，不是你的。對嗎？

mamaishere

nkd 發表於 19-3-26 17:31
\以興趣作為事業, 成功自然興奮, 但失敗了 (或一直在浮沉階段), 可能會連興趣也失去.\

以不感興趣的東 ...

很多家長以為為小朋友鋪了一條看似順風順水嘅路就係對佢哋盡了父母應盡嘅責任，其實最大嘅目的係買個保險令自己安心和萬一有咩不如預期嘅事發生時對自己有個交代而已⋯⋯

hkpapa852

nkd 發表於 19-3-26 17:31
\\以興趣作為事業, 成功自然興奮, 但失敗了 (或一直在浮沉階段), 可能會連興趣也失去.\\

以不感興趣的東 ...

作為家長, 不應盲目任由小朋友發展愛情

作為家長, 不應盲目任由小朋友發展理想....

呢D嘢, 更加要干涉啦!

自問未有咁open, 接受子女去跟"同性朋友"發展愛情, 又或搵個年紀仲大過我既人去發展愛情

如果仔女話要以偷呃拐騙為終身職業, 我亦唔會就手旁觀

作為父母, 就算子女成年, 仍有教導他們的責任

另一位會員其實講得好啱架, 很多家長以為為小朋友鋪了一條看似順風順水嘅路就係對佢哋盡了父母應盡嘅責任，其實最大嘅目的係買個保險令自己安心和萬一有咩不如預期嘅事發生時對自己有個交代而已⋯⋯


自問唔係富N代, 無本事留低幾層樓俾D子女日後唔做嘢都會餓死, 我既選擇係要求小朋友日後"有能力自力更新", 就算做地盤, 水電亦無問題, 只要唔好做萬年考生去浪費光陰.

家長要求為小朋友選擇小朋友可以開心學習, 學習更多soft skill既路, 咪又係家長按自己意願去為小朋友舖既路? 又有幾多真係由小朋友自己揀?


其實大家只係一丘之駱而己

nkd

hkpapa852 發表於 19-3-27 09:06
作為家長, 不應盲目任由小朋友發展愛情

作為家長, 不應盲目任由小朋友發展理想....

\\我既選擇係要求小朋友日後"有能力自力更新", 就算做地盤, 水電亦無問題, 只要唔好做萬年考生去浪費光陰.

家長要求為小朋友選擇小朋友可以開心學習, 學習更多soft skill既路, 咪又係家長按自己意願去為小朋友舖既路? 又有幾多真係由小朋友自己揀? \\

我同你有一D唔同，除了自力更生，我主要希望佢地"明白道理，判別是非"。無能力買樓我不會怪佢地，無能力分辨偷呃拐騙同理想，我就為佢地慚愧。

至於為小朋友選擇無理佢地意願，個件事係講緊幫幾歲的幼兒選擇十幾年的教育和成長環境，唔係食薯條定粟米呀papa…

littlefaith

nkd 發表於 19-3-27 12:26
\\我既選擇係要求小朋友日後"有能力自力更新", 就算做地盤, 水電亦無問題, 只要唔好做萬年考生去浪費光陰. ...

同意。BB仔食咩奶粉，用咩尿片，梗係父母揀。但去讀揀小學，我哋當年同仔女周圍睇唔同學校嘅開放日、簡介會，最後真係問過小朋友想入邊間，以此作參考去報學校﹐而唔係父母一言堂。

可能有人會話，得嗰5歲人仔點識揀？其實真係唔好睇小小朋友，只要父母適當地問，係可以明白小朋友最適合入邊種學校。

babycatrina

nkd 發表於 19-3-27 12:26
\我既選擇係要求小朋友日後"有能力自力更新", 就算做地盤, 水電亦無問題, 只要唔好做萬年考生去浪費光陰. ...

我諗papa都唔係咁意思。

deco99

hkpapa852 發表於 19-3-27 09:06
作為家長, 不應盲目任由小朋友發展愛情

作為家長, 不應盲目任由小朋友發展理想....

//呢D嘢, 更加要干涉啦!//

所以真係觀念好唔同，你無咁open，但真係有好多家長咁open。

你講得啱，每個家長都係俾小朋友「家長認為最好的路」。問題就係呢個世界有好多唔同道路，每個人選擇唔同，無必要話自己條路係最好的，呢d小小openness如果都無，就真係無乜好講。

mamaishere

deco99 發表於 19-3-28 13:15
//呢D嘢, 更加要干涉啦!//

所以真係觀念好唔同，你無咁open，但真係有好多家長咁open。

愛情，理想，職業...

理想中嘅世界，你有非常好嘅技巧去干涉小孩嘅人生，最後成功將佢轉型並沒有破壞任何親子關係或令佢人生有遺憾而對你心存怨恨..

現實中嘅世界，大部分父母無足夠嘅技巧去干涉而選擇用高壓、囉嗦、威脅、又鬧又打、哭求、又或者斷六親去嘗試轉型，最終多數未能成功之餘亦賠上了和子女嘅親密關係...

我當然唔係指小孩作奸犯科都唔插手，但佢有佢嘅理想，目標，或者意中人(包括同性)，作為至親嘅家長你會選擇講一句我話唔得就唔得，我唔想接受你咁所以你要改變？定係做佢嘅聽眾，俾佢知道雖然爸爸媽媽有擔憂但我哋一家人無論如何都可以一起走下去？

deco99

mamaishere 發表於 19-3-28 13:40
愛情，理想，職業...

理想中嘅世界，你有非常好嘅技巧去干涉小孩嘅人生，最後成功將佢轉型並沒有破壞任何 ...

我係引用hkpapa嘅話，係佢話要干涉，我話觀念唔同

mamaishere

deco99 發表於 19-3-28 13:48
本帖最後由 deco99 於 19-3-28 13:49 編輯

我係引用hkpapa嘅話，係佢話要干涉，我話觀念唔同

明白。我其實係回應papa，引用你嘅回覆係因為贊同你所説

ozoz

mamaishere 發表於 19-3-28 13:50
明白。我其實係回應papa，引用你嘅回覆係因為贊同你所説

我個人認為Papa係一個現實主義家長，相信好多家長都係。我印象中佢提及過大公司/大機構入職，考大學，邊個唔睇分數？佢都有佢道理，比小朋友早d知道個現實係咁，努力向目標前進。我自己同佢睇法有d唔同，我期望小朋友返學讀書唔係要去追單一目標，追求到個分數之後入某目標大學，之後入某大公司，再之後就句號。每個小朋友同家庭都唔同，不同教學模式配不同家庭吧。