聖羅撒小學 CHAT ROOM

wankwok

longman同牛津都暫不打算買了，發覺買了大堆電腦學習的cd-rom都好像沒時間陪佢用，結果又是擱置一旁。

cameo

心心媽,
我唔買嘞,真係每日所謂教左o既課文都未攪得掂,我估買左都無時間用嘞~?
反而記得之前bk有媽咪介紹過一本兒童字典,d公仔好靚,好多插圖.......但又搵唔番....

心心媽

wankwok

琵琶,嘩勁呀!我驚我個女拎唔掂呀,佢好細粒架!

心心媽

cameo & wankwok,

其實我都有諗過唔買,不過又驚得呀女一個唔買唔係幾好,e+有妳地陪,我都唔買喇!

cameo

係喎,,,,我知我鄰居個小朋友都係用同一本英文書,相比佢默書重深,每次默成10句英文句子添,咁我同佢媽咪傾開,我見佢個小朋友除左有longman本workbook外,除有一本係跟課文的grammer作業,我覺得幾好,比起佢地而家做o個本reading and writing好似好些~因為我個女本身上英文堂吸收唔到老師所教,所以我都打算買呢本grammer workbook,其實同佢課文都幾近似,若你地個女英文ok咁可能無乜用(太淺),我自己諗住內容近似,但可以有多少少例子俾個女練習,同埋我可以有多d例句去教佢啊,,,,
不過我都未買到,,haha...應該要出旺角的大書局先有吧!

cameo

wankwok,心心媽,
你地小朋友有興趣學學器真係好啊,,,
我個女無興趣o架,之前學左9個月鋼琴,我重join埋"親子",自己都剪短晒指甲一齊學.,每星期兩母女一齊學琴,都嘔晒血~
hahahahha....
而家個女學詠春,佢好似好開心,上完第一堂返去同婆婆一齊練功(我阿媽學太極),你地中樂返幾點呀??我女11:00至12:00呀~~~

wankwok

cameo,
我全部活動讀俾佢聽，我個女話全部都無興趣，唔想參加，結果半迫低下幫佢選了中樂，原本報小阮，但少人報開唔成班，所以先改琵琶。haha.....佢連學校旅行都話唔去，我話唔去旅行只會剩低佢自己一個喺課室，佢先免為其難。真是小怪人。
其實佢地默書真係唔算深，只是一般程度而已。聖方濟各已經學默緊tense，例如俾個go，小朋友要默個went出來。

wankwok

心心媽，

我對我個女學琵琶並不樂觀，如果佢有興趣學落去，簡直算是個"小奇蹟"呀!

cameo

唉~我真係唔知我係咪思想落伍呢~我真係到而家都諗唔通,一日得24個鐘,以小朋友能力真係可以吸收到咁多野咩?我當然相信會有天才,但無理由周街都係天才o架????
我見過有小朋友,佢係要默得比較深,學得比較深,但就好似字典機咁,係識讀,部份識解,,,但就唔可以將所學o既"運用"...
我鄰居買左好多習作俾個仔做,佢話做多d好,但我真係唔贊成咁樣,我同意買學校以外o既課本or作業,但係主要目的係有多一d例子去教個小朋友,唔係不停咁做做做啊,,,,若果係明白左,其實做一兩次乜都夠啦,唔明o既只係不停咁抄抄抄,,,,
上星期我同呢個小朋友o既補習老師傾開偈,我問點解要佢做d學校無教o既野(因我真係唔明),佢話係可以學多d,但我見個小朋友實質連one-twenty都未數得到.....

cameo

wankwok,
咁佢肯返咪試吓囉,其實真係唔試過唔知...
我個女當年咪又係成日話學琴,真係俾佢試左,起碼我好清楚我個女對樂理係好反感......hahahahaha~
我返到學校見都唔係每個興趣班好爆,但感覺都好熱鬧呢,放假都一路咁多學生出出入入,,heheeh
我都無諗過個女鍾意玩,但真係想阿女對學校有多d歸屬感,所以點都會幫佢報一樣..

心心媽

我個女一聽到去旅行,即刻話要去喇,佢好貪玩架!wankwok妳個女好另類喎!

其實笛子唔係呀女既第一志願,佢既第一志願係揚琴,但係個琴咁貴,又大部,又唔知佢係咪三分鐘熱度,緊係唔比佢參加喇!笛子好呀,輕巧麻,又平,佢遲d唔學都無咁傷!

我個人覺得現在默書的進度係可以接受的,如果好似聖方濟各咁深,我就慘喇,實嘔到成地血!

Daisy媽咪

我個女一樣樂器都唔肯學, 因為佢坐唔定 !
琴日比老師話佢冇交一個worksheet 改正, 但摷雲間屋都唔見有, 都唔知係咪唔見左定派錯左比第2個, 真無"孤" !

wankwok

cameo, 心心媽, Daisy 媽咪，

我鄰居個囡囡下個月才4歲，正讀K2，學的東西如下：

1. 公文英文
2. 公文數
3. 識字班
4. Modern Dance
5. 芭蕾舞
6. 鋼琴
7. 普通話
9. 中英文讀書會

係咪好犀利呀？但個小朋友真係Okay，學到嘢，當然佢媽咪的堅持亦好重要，每次講起都叫我慚愧，因為我又懶又唔堅持。個小女孩的學習態度亦好好，比較唔會遇困難便放棄，呢樣係非常重要的。

我個女就係遇困難必退縮，性格又怪，好難令教佢嘅人鍾意佢，結果一個循環下，又係無好結果。

心心媽

我個女學過珠心算, 芭蕾舞, 鋼琴, 合唱團, 溜冰架!

e+學緊公文英/數, 游水, 笛子, 體操。但唔知係咪學過珠算,記過d口訣,現在公文數好似無麥進步,我睇緊轉學林數,定kiwi定MT數好,有冇推介?

Daisy媽,我個女都試過唔見worksheet,遲d就出現架喇,唔係搵老師拿過張都可以的!

cameo

我個女而家淨係學緊詠春咋,,,另畫班就輪緊等位囉!
我淨係搵d係"玩"俾佢咋,佢一向鐘意畫畫寫字,有諗過學埋水墨畫or書法,但時間就唔到,所以搵左一般畫班囉,,hehe
老師今日派左一張硬筆書法表格啊~但又無講幾時交?

wankwok

心心媽

你囡囡都有不少課外的學習班參予，她是否全都喜歡？

公文其實好不好？我都想知道對小朋友在學習上有否幫助？

cameo

其實公文係乜???困難嗎???

wankwok

cameo,

我在我個女書包找不到張表格，於是問佢是否有硬筆書法表格，她說老師問邊個參加，她無舉手所以無。

我個女就係這樣子的了，甚麼也不想參與。

心心媽

我個女都冇硬筆書法表格喎!

除了公文數要做功課外,其他她都ok架!我個女d數有晒我既遺傳,好唔掂,even又學珠心算,又學公文數,e+計算都重要用手指,所以我想轉學林或者kiwi數(我約了29號去試堂),下星期測驗真係好擔心呢!  :cry:  :cry:

其實公文數係比d數你計,重覆又重覆,計到你熟咁羅!

心心媽

Daisy媽,今日到我個女唔見了張worksheet(R2),真比佢吹賬!