聖羅撒小學 CHAT ROOM

cameo

touch wood我個女暫時都未有唔見worksheet,但有時派左返嚟唔知"要改正"定係"存file"就煩到死....因間中都唔洗corr,我又驚file左在屋企咁第日無得交又變欠功課嘞...d worksheet又唔係跟住次序去做,問佢又發夢!!!!
咁想問問你地係咪都盡量安排d課外活動o係星期六o架?因為見你地都報左唔止一樣,咪要就時間同地點囉???我原本都想set好活動係sat早上至中午,但揀左詠春就唔到時間,詠春11:00至12:00,我睇過附近明愛d啱玩活動,時間又唔啱喎,變左星期六只係玩得一樣...
心心媽,
我個女暫時而家d數學都ok,所以我諗公文數佢唔需要卦,但你提到其他的乜乜數,其實可唔可以話我知係乜呀,因我對呢方面係零呢...唔該晒你!!
今日同番個女舊同學家長傾電話,佢女讀九龍城嘉諾撒,佢都有同感係以往間幼稚園可能英文唔夠,加上我個女唔鍾意英文,所以p.1辛苦呢....不過聽佢講,佢間學校都係攪閱讀計劃,但配套好似多d,例如佢地家長可以o係內聯網收到好多關於閱讀o既野,不過相對家長真係要付出時間囉....
wankwok,
聽日1D班兩個小息都無得落去玩呀,,,伍老師尋日話佢地全班曳呀,原本今日罰,但林老師唔記得左,帶左佢地落去,所以聽日"補罰"...但我女話如果乖又可以唔洗罰喎.,....

wankwok

cameo,

我個女完全無提過，1D班無得落去操場玩件事我知，你同你個女真係溝通得好過我太多了。真係感到好無奈  

伍老師教邊個科目？點解會罰全班呀？但係明天應該要落操場買校服。

你住那一區呀？旺角朗豪坊間遊樂場協會周六下午都有好多嘢學，可以去望下有否啱你個女。

我個女話老師叫佢地唔好整到d頭髮太靚及太複雜返學，一係馬尾，一係就兩條最普通嘅孖辮。你女女有沒沒有講呀？

cameo

wankwok,
我個女而家可能習慣左呢間學校,開始似番佢自己嘞(肯將自己d衰野話我知).....hahahahaha~
伍老師係教數學o架,家長日我見佢好似比較靜,可能易蝦d卦,我女話因為全班傾偈所以要罰喎,我估佢地都幾嘈先罰得咁勁,hahahaha~
我女又無同我講頭髮d野呀,可能佢覺得唔洗講卦,因未開學前我都話左佢知以後返學唔可以整得咁靚,(以前返幼稚園我會幫佢攪靚個頭啊,聖誕等特別日子就更加,haha),跟住開左學佢都係紛紅色橡根,加粉紅色夾前面,但我都知有學生又絲帶又大大對髮夾....可能係有小部份太跨張所以要再同佢地講多次卦~~~
其實我自己住深水埗,我本來打算sat早上至中午for個女,因我朝早俾左時間佢返學校,跟住我重要帶佢返婆婆屋企,我自己跟住又要返工嘞,所以時間同地點要好夾先得囉,,,我而家等緊屋企附近間補習社畫班,佢個時間係可以就到我返工,又唔洗特登搭車去,可以慳到時間呢,,,,唔該晒你先,,,,
你個女有冇參加打針呀,?我好驚我個女到時會失控,佢一打針會發癲o架....真係好擔心啊.....
我後咪問到個女原來張書法紙可以fri先交,你個女唔參加都算正常,寫少d字丫嘛,hahaah....但點解佢會唔想去旅行o既?我女話佢平時小息都有要好的同學啊,佢唔會想一齊去玩咩?你個女d性格好似似大人多過細路女啊,,,

Daisy媽咪

我真係搵唔到張worksheet, 老師話要再做過喎, 不過唔知係咪都當欠交, 如果係, 咪好唔抵 !!!   
我個女d 數就最差, 同埋我覺得常識都好深, 可能佢d 中文差啦 !  :cry:
我依家cut 左一d 無謂既活動, 淨係留番d 佢鐘意既, 時間都唔係好夠, 下星期test, 我一d 都未同佢溫, 因為淨係攪佢d 中文背默, 都已經
至於聖加, 我聽我朋友(佢之前係個度做過代課) 佢話d成績差左好多 (比起以前), 但st. rose 仲可以keep 得住, 所以佢叫我take st. rose !  

cameo

daisy媽咪,
咁張worksheet係咪之前已經交左,今次只係派番存file咋,若只係存file應該唔洗欠卦...
我個女中文ok啊,但英文係差100倍,由佢細細個都覺佢認英文字母係差過人,反而自已個名個"曦"字兩歲就自己寫到,加上我自己英文又係唔掂呢....死多兩錢...hahahahaha
我而家都未真正同佢溫測驗,都唔知點溫,因為完全無時間係for測驗溫習,我本身想每日同佢係咁二溫習吓每日教過o既野,但事實每日都唔夠時間囉,佢做野又手腳慢,我又真係唔想幫佢做(我做就快啦,haha),執書包都執好耐啊,,,,,,,
聽番你咁講,可能個那個朋友媽咪自我安慰卦,haha,我真係唔太清楚其他學校d野,但睇bk就見九龍塘o個間聖加搶手d咁囉~基本上填表時,我只係識協恩同st.rose,網內其他學校都真係唔太鍾意o架,34網當時真係太少選擇,好彩派到入呢間,因我當時都有心理準備,一係入到協恩,一係就跳到去合一堂呢,,,,,,,無諗過自己填表心頭咁高,都可以入到好學校啊!
~~~~~~~~~~~~~~~~~~~~~~~~~~
你地有冇留意,之前咪派過通告係有關星期五課外活動o既,每個小朋友都係唔同組別,但我問番個女,佢話而家係全班一齊跳舞??????? 咁你地個女玩乜呀????

wankwok

cameo,

原來你要返工o架?? 一直以為你是全職媽咪，因為你為個女做好多嘢，又有時間看功課及溫書，又有時間每日溝通關於學校d嘢。我就真係唔知自己做咗d ?????????????平日你返工邊個照顧午膳長呀？

我地有再問佢點解會唔想去旅行，佢話淨係想同我地去，無興趣同其他人去。真無乎  

我問個女有關全班受罰的事，佢就好大反應問我點知，我話係午膳長媽咪講俾我知，佢就哦~了一聲。佢話今日全班乖番，所以唔洗罰。

有關欠交功課紀錄一事，今日收到通告了。

cameo

wankwok,
我唔係日日返工o架,星期一&五,我等個女返左學我去入貨睇貨,星期五等個女放左學做埋功課,補習,我先返舖頭,星期六早少少起身做每日一篇,返詠春跟住上婆婆屋企,攪掂個女就自己返舖,星期日阿女跟埋我返舖,爸爸收工就先接佢返屋企瞓覺...hehe....呢個係我個時間表!!所以平時都可以就到時間跟個女d野囉,,,,,hehe~
哦!!!你個女原來係想你都去.....不過你要返工丫,因我知可以做義工當日幫手帶小朋友的啊(但我無諗住做,ehehe)~
我個女今日成袋功課無帶呀,放學時因為要幫同站的媽咪接埋小朋友,所以已經晏左,到坐低食野先發現佢書包無功課 ,當時已經4:05,好彩我老公今日放假,佢即飛的返學校拎咋......我真係俾佢激死.....如果得我一個又拖住佢,我諗我實趕唔切返去添呀~~~
頭先我睇內聯網都見有家長再提呢件事,其實其他學校一樣有呢樣野,我自己早早覺得"好難改變事實",始終校規係由學校去定,家長只可以接受及提出意見改善,但校方亦應相對給學生&家長提供相關協助~~~我反而希望學校除左呢一個已決定左o既懲罰外,更應該有一個更直接o既"懲罰"俾小朋友,之前家長提過罰小息補做功課真係好好o既提議,我覺得即使我個女欠交到第8次都未必真係識驚,反而你罰佢一日小息補做功課,佢先知道做錯事的"真正後果"吧~~~~我地家長只可以在屋企檢查功課,但佢地放學有冇帶齊所有功課,呢樣我地無可能"遙控"到個女加嘛~~~

wankwok

cameo,

原來你係老闆，自己有一番事業，這麼年輕，又能內外兼顧，真係好佩服呀!介唔介意透露係咪做時裝生意呀？我真係自問不如了。

cameo

係呀,我賣衫o架~~~
其實每個人估我開舖都只會估兩樣野,一係賣衫,一係開petshop....hahahahahaha
聽日又默書嘞,溫習好未呀???其實佢所謂詞語係咪指做功課o個d,定係課內任佢抽默????
因我而家都三課全課文同佢溫,其實都幾多粒字啊~~~

心心媽

cameo

妳原來係老闆,怪唔得妳可以跟囡囡d功課咁貼喇!

嘩原來妳幫個女成課溫架,我無呀!我只係幫佢溫第六、七課詞語和叫佢背默第九課咋!默左幾次書,我個女開始有d鬥心喇,佢話想默100分喎!(其實佢咁耐只拿過中英各一次100分咋!)不過這應該係一個好開始!   

cameo我個細女成日周身痕,妳係咪有好介紹?

cameo

心心媽,
佢無先天o既聰明,唯有後天陪佢一齊努力囉~~我都試過想隱隱陣陣打份工,但個女一跟其他人真係勁曳,唯有自己工先可以抽到時間理個女啊~~~
另外默書,我見課後有d,但平時老師叫佢地做"詞語功課"又有d,所以都唔知佢個詞語默書範圍係指邊度~
沖涼你睇呢度丫~
pls click here

心心媽

妳地溫成點?我唔識點幫呀女搵常識呀?有冇心得?

cameo,可唔可以幫我買肌柔美,我行左幾間藥房都搵唔到呀?我星期六約妳係學校交收得唔得呢?

cameo

心心媽,
嘩,你咁快溫到去常識嘞,我今日先溫左中文,串番d英文生字啊....但個女夜晚11點打電話俾我(我未收工),喊住話好驚聽日測驗,話今日我教佢o個d唔記得晒喎,,,, ,我收工返到去,見佢靜雞雞拎晒d中文科習作樂思入房,可能襯爸爸唔知自己睇啦......佢咁大個女未試過為測驗考試流眼淚呢~
常識科我諗唔會寫好多字卦??因為佢d字都幾深,佢地未必記得晒囉,無選擇o既填充,寫少一點都當錯啦......但上次家長會時話過多數係圈吓野喎,我諗住好似講書咁同佢講番一兩次囉,如果夠時間,就將常識科之前寫o既生字睇佢記得幾多啦~
其實真係好想乜都同佢溫晒,但又驚一下子太多野,到時重衰啊,今日溫中文都係主要d做句作句,佢地識d字又唔多,有時佢地諗到點作點填,又唔識寫先慘~
我今日開始同個女溫書係盡量少寫字啊,除左某d覺得重要o既生字啦,我問佢答,答中我貼粒星星貼紙o係佢手臂,佢就要儲起d星星去本記事簿,三日後計數,睇佢有幾多粒,,!!咁佢就溫得無咁悶蛋囉~
罌肌柔美我買左pm你丫,因佢間中無貨,我買到o既今個星期六拎埋俾你丫~

心心媽

cameo
妳係咪比好大壓力個女呀,十一點都唔

wankwok

我個女簡直同cameo個女天壤之別，我只係在星期日早上，俾咗一份我用手抄的模擬測驗券佢做，就係如此咋。份劵係照住d工作紙左抄一句，右抄一句而拼合成，原本想買一本書局有售的習作佢做，但又唔記得，於是咪自己仿作一份算。因為如何兩個人坐定定問佢，佢基本上唔會多大理我，結果又係「不歡而散」。結果佢都好唔情願下完成，之後就算，無再溫，更唔好講話逐課細讀和默番d生字。我個女最重要吃、玩和睡，其他一概好似唔關佢事。我大女都嘖嘖稱奇話亞妹好像事不關己般不在乎。我個女昨晚與平日一樣8點半就睡覺了。cameo個女有責任感又對自己有要求，其實真係好慬事呀!好多好大個的學生都未必有此行徑，盡力而為呢。

cameo

心心媽,wankwok,
其實我個女由細性格都比同年小朋友老積d啊,我都唔知係天性定係我迫出嚟,一兩歲我就堅持要佢自己執自己d玩具,預左佢執得唔靚,我只會得閒先幫佢大執一次,唔執o既話即掉!其實我都慶幸可以自己湊佢,因我都好明白,如果工人湊,好多野都會工人幫佢做左,做媽咪只可以要求工人照顧得小朋友妥妥當當,未必跟得咁足啊~
我個女係年頭出細,所以讀幼稚園時真係比部份同學讀得輕鬆d,加上以前默書測驗考試氣氛同而家都唔同,我覺得佢感覺到小學的測驗係一件"好重要o既事",所以好驚囉!!!相對而家升左小學嘞,年齡影響唔大,反之係靠本身程度同平時吸收,佢比以前吃力得多呢~
其實由尋晚聽到佢喊都有氹佢,叫佢自己學識幾多就可以o係測驗上學以志用,唔洗勉強去死背呢,已盡左力去溫習就足夠啦!反而佢對自己要求比我高得多啊~~~
見佢咁,有時都覺得佢好慘,今日放學我都只係問佢小息食唔食得晒d野(佢話只準飲水同去廁所 :cry: ,好慘,餓死呢),佢反而同我講中文科d野,又話拿拿林食完飯就返上屋企溫書!好彩今日我唔洗返工(尋晚我老公湊佢係差d ),咁可以睇佢住氹佢又唔洗喊驚死..... :
好彩今次測驗唔會出成績表,由得佢當係一個"心理預備"好了~
心心媽,
我頭先買左罌野嘞,星期六可交收嘞

cameo

心心媽,
你女興趣班係咪11點???因我上星期六11點幾見一個好似你的媽咪拖住女女趕住行去學校方向,但我唔知有冇認錯人啊!
  
wankwok,
你細女d性格好似我姨甥女啊,佢重勁,生命裡只得吃同睡~ : ,如果要玩,最好都玩d坐底玩o既遊戲,haha~
不過佢今年五年級嘞,叫做好左d,不過係咪呢類小朋友其實無咁勞氣呢?我姨甥細個時係好易湊啊,只係我家姐成日話佢好懶諗野.....到而家五年級都一樣...

cameo

wankwok,心心媽...
同阿女放學就開始溫英文....結果都係得個零呢~
佢唔識幾時用"she is ""she has",解釋左好耐,明左,到用時又唔識,,,,,今日個補習老師知佢聽日test所以先上嚟,講左補一個鐘,最後人地都同佢補左兩個鐘,走時重要係堅持只收我一個鐘錢,因為佢話我個女講極都唔識,好唔留心,實質無乜教過佢喎!!!!
開頭教左用he同she...最後又話we=他.....救命
呢次真係唔只順其自然都唔得嘞~直頭係等奇蹟呢,,

心心媽

其實我個女都唔細,佢五月出世,都叫大女喇,但發展就比較遲緩(我覺得),同cameo個女既思想差左起碼二歲!佢唯一的好處是願意比我幫他溫書!但她記性又唔好,我要將d問題答案重覆又重覆,佢先記到架!

我有問呀女今日中文怎樣,佢話頭兩三頁識,其他唔係好識喎!比佢激死!

英文係咪要讀晒個本unusual school day呢?

cameo,我個女星期六學笛子同紙"lim"土,由九點學到十一點,我係學校等妳好嗎?

心心媽

wankwok

如果我個女唔比我幫佢溫書,我會好angry同打佢的!妳係咪太縱個女呀?