學童跳樓事件 --- 家長迷失和分享區

hkrosetw

我姪女都係讀果個小朋友既學校，今年岩岩升左中一，我回想起當年同佢補習，其實呢間學校d功課考試測驗真係幾攞命，加上佢成績麻麻，佢阿媽緊張佢d成績，姪女又係壓力大到成日都好冇心機，好多時讀書讀到情緒低落，，果時我岩岩結婚，我當時想，將來我有細路，唔想佢讀呢d所謂追棒傳統教育既名校。
我阿女明年就讀小一，我幫佢選左幾間直資聽講唔太多功課既學校，而家阿女讀果間幼稚園其實好谷， 一年都要考2次試，但係，呢3年我真係尤得佢，從來都冇逼佢學呢樣學果樣, 22人一班，考第10，有時11,12. 但我都好開心，快樂學習很重要，小時候，我老豆就係係我學業上逼到我透唔到氣，我回想我既學生生活,除左後來入大學果幾年我係比較享受(我仲要係半工讀)，人生最討厭既其中一件事就係讀書, 我都比人逼過讀書，都係讀band 1果隻中學，回想起來，一d都唔開心，最憎就係返學。我深信子女自有子女福.  就算將來佢打份普通工，快樂人生又有咩所謂。

JOJA

昨日如常對下小朋友的功課

平時, 見他日日提住都係漏日期
一頁, 做漏幾題
好多時都係罵他要認真, 講左幾多次

最近見大家的互相支持鼓勵

平心靜氣, 對他說
"不如你自己再認真覆多一次
我相信你一定可以改善"

出奇地, 他再覆, 已沒有漏, (我沒有條條對, 只係check 下他有沒有漏功課)

臨訓時, 他對我說
今日我真係叻, 冇做漏, 仲可以唔洗被人罵:loveliness:

其實小朋友真係要人氹下
有支持, 才會繼續努力

WYmami

motherotk

Hi Good will,

sure, I understand that is a quotation. I disagree with the analysis of the news.

I understand that is not your point to present here to blame the parents.

sometimes I feel sad for the parents, under such a sad moment, they still have to face the news, that's too much for them to bear.

JUNEYEUNG

唉, 我都有個超級愛玩的兒子明年上小一, 叫佢做功課&溫書就叫到口乾, 叫佢食野&去玩就極怏行動, 到現在都唔知比乜學校佢讀???有個朋友的兒子剛上中一, 之前在油痳地某名校讀小學, 這6年見盡家長&小朋友的功課和學習壓力, 真是好得人驚, 所以, 這些名校已不考慮, 但小兒考直資&私校又全軍覆沒, 所以, 都好煩, 唔知乜野啱佢地??//

kaman488

好同意你既講法，我都係支持多鼓勵，少責備。
我囝囝依家讀緊二年級。
我慶幸之前幫囝囝揀左一間愉快學習既幼稚園，可能囝囝記性比較好，係呢三年愉快學習中都攞到品學兼優獎（因為幼稚園冇考試）。
到左升小一，我地揀左一間紅磡傳統官小（太太係畢業生），到左小一兩次考試都僥倖考到全級第一。我地做父母當然開心啦，但係我地從來都冇比過任何壓力囝囝，校外既學術班都冇同佢參加過，囝囝只係學水墨畫班同校內奧數班（兩樣都係囝囝要求學既）。另外反而身邊朋友時常提醒我地唔好比咁大壓力小朋友，好彩可能囝囝仲細，可能佢感受到咩叫壓力同挫敗感，希望佢可以繼續有採取一個正確既學習態度去學習便足夠，攞到好成績就係我地既ＢＯＵＮＳ。。。

祝ＢＫ家長同小朋友們可以享受愉快學習　！

小鼓勵。。。大支持

JOJA

我亞女又係今年考小一
超大壓力
因為唔打算跟哥哥
始終我覺得不同小朋友有不同的特性
應該入讀合適他們的學校
讓其發揮得更好

我唔係要追求名校
但始終不會係最近屋企果間
就係入讀的首選

我都希望亞女可以入到較合適她的學校
所以亞女得10分去抽奬
還是要考私小backup下

[ 本帖最後由 JOJA 於 11-11-17 14:17 編輯 ]

JOJA

kaman488

恭喜您仔仔先!

當大家分享下.  我有一位朋友個仔都係年年考全級頭三, 成為全校的指標, 有時成績微跌, 小朋友漸漸就感到有壓力.

但我好欣賞我朋友用左一個方法
她說要讓孩子受得起挫折
不要因為習慣了讚賞而驕傲

就係替他幫下不同類形的比賽
特別係他弱項的活動
令他有輸的感覺
明白人生總有贏和輸

我見住個小朋友越大
就越平均
輸左都要繼續努力

這位媽媽真很好好心機

kaman488

多謝你先..我就係想帶出呢點,我囝囝從小都冇咩運動細胞,從同佢參加過好幾次親子運動會中..即是落敗左佢一D異樣都搵唔到,亦可能佢呢一刻本身好勝心唔強啦,係好係壞都未知。暫時囝囝亦承受失敗感，　因為我地一路都比佢一個好正面既態度去做，我地就唔會點比壓力佢。。亦希望佢自己唔好比壓力自己啦。

JOJA

你孩子也很幸福咁這樣細心的父母.

IwanBB

短短幾日有兩位小學生自殺, 心裡隱隱作痛, 為他們的父母傷心, 又覺得自己對囝囝不好, 很內疚.

讓我在這TOPIC呻呻....

囝囝今年小三, 他是ADHD過度活躍患者, 做什麼都要比別人付出更多時間&努力才做到, 作為他媽媽, 有時很勞氣的, 但罵完又責怪自己, 怕傷兩人感情, 又怕囝囝不開心, 壓力大.....整晚睡不好, 往往第二日都未能放開. 不過老公會安慰我, 說囝囝知衰, 不要勞氣.

心裡常常對自己說囝囝自己都不想的, 他控制不到自己, 不專心慢吞舌, 給人鬧給人吹, 他都覺得很煩很討厭, 但, 我知而行難, 由沒脾氣變到有脾氣.

有時又想, 囝囝都算叻, 學習方面幾好, 他算是有些小聰明, 成績全級10名內. 相比自己, 由尾數10內就真呢.

未幫囝囝評估前, 我已覺得他好"特別", 已經為他選定一間普普通通的屋村學校, 幸好老師很錫囝囝, 囝囝又很喜歡上學. 很感恩, 選擇無錯.

記得年初囝囝提到有人自殺, 那刻很心寒, 我簡單地解釋, 他們是不懂識解決問題, 用了很傻的方法解決, 主不讓我們這樣做. 希望囝囝會明.

開心的童年對每個人都很重要, 童年很影響人生, 對小朋友多些關心和體諒, 降低要求, 對他們對自己也好. 當不快事情發生才責備自己已經太遲, 後悔莫及.

努力中....

[ 本帖最後由 IwanBB 於 11-11-17 16:26 編輯 ]

JOJA

完全明白你的心情

同級同學有一位小朋友係自閉症
她媽媽向我說出她的辛酸時

與我們做漏功課, 寫少日期
大意串錯字
簡直是天與地的分別

看到她傷心的樣子
她都說
有時教到自己失哂控

大家互相鼓勵左幾年
現在人都開心左
孩子也進步左

有時, 就係自己困住左一角
若懂得放開
其實世界真的很美好

Radiomama

我跟你的情況也差不多，今時今日，讀國際學校的子女也好難逃得出比較的魔掌。

Antonymum

早兩日看到新聞報導, 有個年僅十歲嘅孩子, 不堪讀書壓力而跳樓自殺, 仲有個民生書院中一女生割脈自殺, 我內心好難受同難過, 現今香港嘅教育制度為何要迫天真可愛嘅兒童走上絕路？他
們讀小學和初中咋！點解要承受咁大壓力？係咪應該徹底全
面檢討一下？

Hippomother

我囡兒今年已升中, 但想起佢小三時, 功課開始多, 用的時間亦多了, 曾有一次因她功課做得慢, 激到我好"興", 打了她一餐, 忽然她跟我說想跳樓死, 我那一刻心如刀割及震驚, 可能我真的給她很大的壓力而不自知 (可能大人覺得可以很快完成, 但就覺得小朋友拖慢做, 沒有好好的代入他們的位置), 而且那一輪新聞又係有好多小學生跳樓死, 真的很怕她有樣學樣, 最終我決定辭職, 陪她一起讀書, 還增加了我們的溝通, 直至她升上小六, 見她可以應付學業, 我才找新工.  所以各位家長要好好留意小朋友的每一言, 如發現有唔妥, 就要好好同佢傾下, 以了解壓力的來源.

moon988

原帖由 Laputa 於 11-11-16 19:15 發表
如果小朋友響你話佢時講"你再迫我, 我跳樓", 咁大家又會點回應?

其實我試過面對這情況，但不是因我迫孩子，而是孩子在學校面對一些困難(欺凌問題），而自己面對不了，說很想死去解決這問題。當時我心情當然很傷心，但我仍然要保持鎮定，和孩子說死並不是解決問題的方法，並與孩子一起想解決問題的方法，後來找學校社工協助在學校的層面解決問題，找孩子信任的老師說出孩子自己的不開心，並老師出手跟他的同學處理了，當然我很支持我孩子，最後，孩子能在學校繼續快樂地學習。
在這事情發生之後，我反思過自己：是我的孩子太軟弱？學校處理問題的方法？我沒有注意對他的影響？成長的困擾？面對同濟的壓力？孩子覺得沒有出路？
孩子真是要面對很多問題，只是我們作為家長，要從那一個方向去幫孩子在成長路長面對一切，最簡單是要孩子明白父母是在他身邊支持他，無論他是怎樣我們都會愛他；在另一方面，老師的關愛都很重要，如果事情在學校發生時處理得好，就不用之後用很多的方法才能補救，學校的風險意識太低了。有時小朋友會有很多爭執，是否家長要適當介入。
希望大家都能珍惜你們的孩子，好好地愛他們，在適當的時候，要給孩子適當的空間說出心中的感受，家長個個都想孩子好，但孩子怎樣想呢？這是我們不需付上很大代價之前可以做的事情。

motherotk

Thanks for this wonderful sharing, that's very good example of how to support kids when facing bullying in school...

原帖由 moon988 於 11-11-17 23:25 發表

其實我試過面對這情況，但不是因我迫孩子，而是孩子在學校面對一些困難(欺凌問題），而自己面對不了，說很想死去解決這問題。當時我心情當然很傷心，但我仍然要保持鎮定，和孩子說死並不是解決問題的方法，並與孩子一起想解決問題的 ...

Mighty

其実個個人都知、人比人、比死人、但真係好難不理会。　　国際学校表面上是較軽髹点的、但奈何大部分的国際学校父母都一様、希望自己的子女比人早開始。　様様学校未教己経自己在校外学定先。　前天我才発現自己個女仲学緊除、乗数、同班top個Ｄ己経学緊代数la。　　点追？　third　language有d P1就開始！！　

Longan

方法令孩子學習可能有很多,但通通都唔work.
但奇怪在到時到候會自動波,無符!
惟有希望佢快D大.