18個月囝囝懷疑自閉..

Vichang

回復 wilyun 的帖子

係啊, 其實我哋做家長真係好攰, 99 成日都 ee or or, "個個小朋友都係咁啦, 邊有問題喎".....  不過我覺得我哋做家長都係 alert 啲好嘅, 唔想錯過黃金時期嘛....

我都一定會 book 私人 做評估啦...... 乜未確診之前可以去協康做小組訓練嗎??? 係咪 under 青蔥計劃???

另外, 我未聽過心橋呀..... let me search 下先....

"你有無同個仔排埋入N班呀?"  --> 有呀, 其實我係同佢 interview 嘅時候覺得佢同其他bb唔同 (成日想走...有喊), 所以先同醫生講再寫 referral letter lor.  而家有 2 間收: 一間係 下午班, 一間係全日.......

你真係好偉大, 為左個囝唔做, 我唔打工唔得呀....

介唔介意講下而家你囝囝個評估點講??? 是否自傾?

Thanks again for your advice!

CMH

別客氣，都是同路人嘛。
醫師都有在我個小朋友的舌頭落針，連續針了7吓，無留針，無駁電。另外，要留意頭髮裡面有無漏針，同埋拔針後有無流血。

wilyun

回復 Vichang 的帖子

都唔係話偉大架!都係迫到埋黎,始終自己小朋友最重要,錢無左都可以搵過,最多咪洗少D囉~ ^^

我個仔評估左出黎只係話佢語言遲緩,但我都覺得佢係有D自傾,因佢真係唔多理人,就算係我,都係講要有著數先會做,佢本身就無乜話狹窄興趣,可能我迫佢乜都要玩下喇!又少眼神接觸,不過我呢四個幾月自己揍返之後,眼神接觸多左好多,我又密集帶佢去唔同地方,佢係改善左好多,而且開始明白我講野,會做D簡單指令!

我今日帶左個仔第一次去做針灸,佢都有喊,但喊一陣就OK了,可能第一次係試針,只有五針係個頭度喇! 哈哈!

wilyun

回復 CMH 的帖子

佢無駁電架!但拔針果陣都有流血喎,係咪正常架??

Vichang

我唔喺度咁公開佢邊間幼兒園收佢呀，只可以講係私校，都算係好學校，"幼兒園＂forum嗰邊都有人講下嘅。

Vichang

我覺得你囝囝好似我囝囝，都係有着數嘅未show 下我law。

CMH

我小朋友頭上的針有駁電，手腳就無，間中都有流少少血，情況唔嚴重。不過，最好自己檢查清楚，同埋帶定酒精紙巾。

CMH

回復 Vichang 的帖子

向好方面想，如果小朋友連有jetso都唔so你，咁就真係難搞了。

Vichang

有幸喺呢度遇着同路父母，自己可以喺度講下野。唉，現實中我有向幾位朋友透露囝囝情況，但係有一個朋友字裏行間已經有少少歧視我囝囝啦。我對呢d人真係好失望....

唔知點解我覺得做左一次針灸後囝囝講多左好多bb話，有唔同音呀!連工人都話囝囝成日喺屋企不停talk talk talk!

希望在明天呀....

chimabb

其實經濟許可,最好全職或半職自己帶番小朋友,另外,治療真是要及早,治療和訓練一起做,單靠訓練不夠啊,但治療就要留意有冇負作用

wilyun

回復 Vichang 的帖子

我覺得私校都無所謂,只係睇下間學校收唔收佢啫!同埋我個仔最輸蝕就係唔識講野... >.<

wilyun

回復 CMH 的帖子

佢果度幫小朋友拔針果陣會有舊消毒棉幫佢抺下架~ ^^

wilyun

回復 Vichang 的帖子

唔好話你喇!其實我都無係人面前"yim"飾個仔的問題,我會覺得,有邊個父母想個小朋友有事先,就算小朋友有問題,要話都係話我地大人,唔可以怪個小朋友,個小朋友都唔想,我都好憎一d家長,自以為自己個小朋友聰明,就係度扮晒野,

好似昨日咁,我老公帶個仔落去樓下,點知個仔扭抱,屋苑有兩兄弟見我個仔扭計,佢地係度扮我個仔係度扭計,我老公果陣就即刻抱我個仔走,如果我在場,我一定會話果兩個小朋友,我個仔細,唔識野,但佢地兩個大,已經識得好多野,但都要咁樣,佢父母也在場,也不覺得什麼事似的,好彩就係,我老公唔會鬧人,但我覺得我地呢d父母,個小朋友唔識得保護自己,就由我地大人去保護他吧,我老公第一時間就係好似覺得自己個仔咁,令自己好無面...但其實我覺得佢兩個細佬扮我個仔,佢有無諗過,我個小朋友乜野感受先,大家做父母都係想教好下一代,唔係做就佢地兩個大細佬係度摸妨,如果情況係相反,佢個父母會點諗先?唔該d人,個細佬唔識,個大人都要負返責任先喇!佢地咁鐘意摸妨,佢係咪又會學人講粗口,學人打人先!! 佢父母應該諗下,切身處地,佢兩個細佬係街度扭計,人地其它細佬扮佢係度扭,跟你會唔會覺得仲火上加油先!!!

wilyun

回復 Vichang 的帖子

做人要正面d,唔識講野到時咪最多教佢做手語囉! 我唔覺得唔識講野係代表個小朋友好差囉! 係在hk先會有咁樣分grading d小朋友啫! 只要佢地識得表達, 時間耐d就耐d,我會比多d心機教個仔0既!

CMH

實在很感恩，我的小朋友有個多嘴多舌的孖生弟弟，常常跟他爭玩具同鬧交，令他有更多練習說話的機會。不過，他們的感情非常好，有事的哥哥尤其愛護弟弟，常會主動分享。另外，我的朋友知道大仔的情況後，常常主動邀請我們全家一齊去玩，每個星期都有聚會，讓哥哥有機會作社交訓練。

Vichang

眨下眼又過左一個月，囝囝19個月。而家連私人評估都要排到1月初先有，到時睇下咩情況便refer 社署排位囉！

不過我已經排緊協康做個人社交訓練。另外自己和老公報了感統course 實習下。囝囝12月開始有返幼兒pg, 都係好易發脾氣想走同唔聽指令。會有少少用（如見下人唱下歌）。

睇左好多資料，好累呀。

唉...大人細路都辛苦呀。

bauhiniakan2000

你平時要多拿物件給他看及做動作,並盡量用單字告訴他,這是語前發展,一定要努力,父母的努力比專家更重要,囝囝3月時兩歲做評估為自閉症,只有一個爸字還是對空氣說全部能力衹用9-12個月,4月我在私人s位上了兩個月囝囝有進步,但我辭了工在家照顧了兩個月,他巳能了解一些單字,,8月尾時已能說出多個有意思的單字,現時在主流幼兒園讀N班.

Vichang

請問私人s位係小組定個人？我囝囝當然言語都有問題，但係最大問題係冇眼神接觸同有情緒波動。佢一日唔肯看著人，好難教佢嘢。

不過我都發覚做一些誇張動作，佢眼神係有嘅。

Vichang

你囝囝有進步，媽媽真時功不可沒啊。