想知道資助或官立小學係咪都要交乜費物費?

retriever

wongtw 發表於 18-2-2 12:04
校內活動外聘老師教每堂70元X2個X32堂（8個月）=4480元。學校放假就不過上課，所以約返8個月。
...

謝資料。

即官津校雖然免費，但加校內兩課外約每年駛費$10000。

我係比較緊與直資駛費。

wongtw

直，私，津都有課外活動，三者應該是學費有分別，課外活動基本上都是差不多，有收費的，亦有少部份會免費，而私校免費學術活動會多少少，直資就不清楚了。但有一樣奇怪，個仔由幼稚園到小學，有關學術上的課外活動，好少有家長會報讀，而走出找補習社或者私補，有人覺得價錢平無好野，活動有部份還要是校內老師親自教導，唔通老師會跣番自己個學生。

pinky8618

IloveJJ 發表於 18-2-1 08:48
交廁紙?真架?咁攪笑?

有次我見手冊話帶一盒紙巾
我女話一齊用喎
不過返左幾個月先帶過一盒

retriever

wongtw 發表於 18-2-3 20:28
直，私，津都有課外活動，三者應該是學費有分別，課外活動基本上都是差不多，有收費的，亦有少部份會免費， ...

直資粗略睇，唔少有包一星期兩次 IN CLASS 課外活動。

我當年津校都係校內老師教課外活動。有老師識教咩，就開咩班。

但而家家長要求高，覺得校內課外活動班(就算付費) 仍然無校外好。而且校內上學業增補，有家長又唔想其他對自己細路有睇法。

hkpapa852

retriever 發表於 18-2-5 13:56
直資粗略睇，唔少有包一星期兩次 IN CLASS 課外活動。

我當年津校都係校內老師教課外活動。有老師識教咩 ...

咁似乎最經濟實惠係官校

除咗書簿費, 每星期有免費課外活動 (當然亦有自費活動), 絕無冷氣費之類既雜費.

除咗學校旅行, 或外出參觀活動要俾基本既車費, 連家教會費都唔駛交.

little_yolky

retriever 發表於 18-2-2 13:35
謝資料。

即官津校雖然免費，但加校內兩課外約每年駛費$10000。

我諗wongtw既意思係兩個$44XX吧。我哋主要係學術既課外活動會貴D, 免費既得一個, 係宗教既, 老師無提供學術性既課外活動, 全部外判。我哋要揀三個ECA, 兩個女女好乖, 家姐一個係詩歌班, 100大元一個學期, 妹妹揀咗一個免費宗教班, 一個非洲鼓, 平過出面學樂器, 又滿足到學校要求學樂器既願望, 一雞兩味。

retriever

hkpapa852 發表於 18-2-27 13:10
咁似乎最經濟實惠係官校

除咗書簿費, 每星期有免費課外活動 (當然亦有自費活動), 絕無冷氣費之類既雜費.

唔係話鬥平。主要係睇下津校跟普通直資駛費差幾多。

譬如：官津校功課較多，雙職父母送仔女去功課班。直資功課較少，唔駛送俾人睇功課。

retriever

little_yolky 發表於 18-2-27 13:21
我諗wongtw既意思係兩個$44XX吧。我哋主要係學術既課外活動會貴D, 免費既得一個, 係宗教既, 老師無提供學術 ...

咁你駛費如何？

hkpapa852

retriever 發表於 18-2-27 18:23
唔係話鬥平。主要係睇下津校跟普通直資駛費差幾多。

譬如：官津校功課較多，雙職父母送仔女去功課班。直 ...

官津校功課多於直資學校？呢點只係你個人睇法。

retriever

hkpapa852 發表於 18-2-28 08:07
官津校功課多於直資學校？呢點只係你個人睇法。

呢D 判斷非科學統計，當然係根據圈子中既人和物去認識。

亦係咁，所以比較中既直私跟官津，亦係算約莫 “咁高咁大”

官津功課數量及抄寫類較多，直私量較少而精(深)。

little_yolky

retriever 發表於 18-2-27 18:23
咁你駛費如何？

我哋每個學期書費約1200-1400, 簿費視藝費等1000, 學校規定課內課外活動三個, 免費既只有一個教會辦的, 如果真唔想報, 仲可以考慮其中一堂當功課堂, 不過就起碼要報兩個班了。同學可以考慮其中一個係樂器班, 因為學校規定學樂器, 咁起碼唔駛嘥時間嘥錢課外學, 學費唔貴, 最平既係詩歌班, 因為係校內老師帶, 一個學期100大元, 其他班就約一年1XXX-2XXX不等, 我記得最貴有一個係一年3XXX, 不過呢兩年好似無咗, 學費都好實惠。
又有圖書閱讀計劃, 一年好似2XX大元咁上下, 全班夾埋買圖書, circular咁睇, 做閱讀報告, 學期尾一人派一本攞返屋企。

其他仲有名額有限既功輔班, 要錢, 不過唔貴, 有老師教功課。仲有免費既課後功課班, 無人教功課, 主要係方便在職家長接送。其餘外出活動, 就要交20大元車錢, 飯錢20蚊一餐, 不過阿女話好難食。


校車錢就15XX一個月, 共10個月, 5年加咗兩次價, 每次100大元, 都算係咁。