聖羅撒小學 CHAT ROOM

心心媽

同意wankwok,最緊要d小朋友身體健康!

我個女又係麥都無講的,我指學習上的事,至於今日邊個同佢玩,邊個比貼紙佢,佢就會同我講羅!

心心媽

唔記得問,妳地個女放學返屋企會唔會

cameo

測完驗真係輕鬆左d,又未洗溫習默書,功課又少左d添啊!
阿女o係測驗前唔見左盒顏色筆,o個日個個都執"包袱"好多野拎,諗住可能同學仔執錯左啦,班主任尋日同全班講左都無人話拎左??? 其實我連每支顏色筆上面都貼晒名o架嘞,之前有兩支漿糊筆又係咁,阿女最鍾意o個d就唔見o個d,佢唔開心,測驗前先唔見左盒顏色,佢話測驗無得用(佢鍾意用o個盒啊)!!
心心媽,
我一向無俾佢瞓晏奏覺o架,佢一歲開始就無瞓lu,因為一瞓左咁夜晚可以精神到玩通宵,如果你個女瞓得唔耐咪由佢瞓一陣都好o既,瞓多d病痛都少d,hehe~到時到侯嘈醒佢囉!
聽日帶埋罌沖涼膏俾你丫~pm多次我個電話俾你~
wankwok.,
班主任今日同星期一都請假呀,阿女話老師聽日結婚啊
我諗我個女咁緊張小女警d野,可能佢都想做都唔定,haha!

wankwok

cameo,

原來班主任結婚請假，我個女隻字都無提過，我問佢點解無講，佢話唔記得咗，班主任無提過，係ms.tin話俾佢地知嘅，同埋係倪老師來代課。

唔見自己鍾意嘅嘢就一定唔開心，如果老師都幫手問過，又無發現又都幾難搵番，有時真係矛盾，買d靚嘅又通常唔見，但唔通特登買d唔靚嘅咩?唔靚o個d就好少唔見，比較"長命百歲"o架........ 再等下會唔會出現番。一係買d無咁靚嘅番學用，靚嘅留番係屋企用。我個大女都試得多，大家都慣咗，唔見就算，都真係無辦法，係好激氣下o架!!!!最緊要自己個小朋友唔好攞咗人地o個d，唔係就敝傢伙lu。

我改唔到口繼續叫你個女做"午膳長"，我個女就即刻糾正我話宜家係"行長"喇!佢真係比以前好咗好多，起碼都提過十個八個同學個名，唔係獨弧一個。佢又再讚你個女寫字靚喇!佢就愈寫愈差，但求快快了事，多d時間玩。

原來今日要著運動衫跳舞，佢話有同我講過，，但係我一d印象都無，於是我問佢有沒有俾老師寫手冊，好彩無，因為好多同學都無著，你知唔知係咪逄周五都要著運動衫呀?

心心媽,
我個女有得瞓都會瞓，測驗頭o個兩日都瞓咗兩個幾三個鐘，可能天氣舒服又無功課做，由兩點瞓到差不多五點，佢細個每天都瞓成三個鐘，但夜晚又唔會太夜瞓。所以成隻豬仔咁，宜家比例上已瘦咗(52-53磅)，但曾經又試過一下子輕成十磅，細個都幾肥嘟嘟。

cameo

wankwok,
直到11月尾,佢地逢星期五都著運動衫返去玩活動啊!
小女警今日請我個女食砵仔糕呀,hahaha,事原我見到個女有兩個(其中一個食左一半lu),佢話係lulu請佢食,我問佢做乜人地唔食呀,又做乜係要請你,佢話lulu唔鍾意食,其實當時有幾個同學都想要,所以小女警話要點指兵兵,咁就點中我女,我女請左我食呢,,,多謝晒,,hahahahah....
今日我個女好攪笑,佢話以後都要乖d,原因係小女警坐正佢後面,睇得最清楚係佢喎,,笑死我呢~
我都知越求其o既文具越玩得耐呢,事關之前兩支漿糊筆都係粉紅色重要有香味,好快就唔見一支,跟住因為我未得閒再買咪求其俾支"醜樣"的阿女用住先,咁又無唔見嘞~有時買d靚d都唔係只為左靚包裝,個女由細用開hellokitty那一隻顏色筆係好用d o架,而家俾左一盒都幾醜樣個女用住先,佢又唔係厭唔靚,但佢話成日話唔好用,成日想買番,開頭重想拎屋企盒24色,我真係唔俾佢帶啊,因我真係覺得呢盒重大機會唔見添啊~~

wankwok

cameo,

我啱啱問過我個女，點解有砵仔糕請前"午膳長"食呀，佢話係跟午餐附有的，我稔可能佢從來未食過，唔知咩嚟，所以自己唔食就請人食。

原本係bb時的乳名，叫慣個個都係咁叫，所以就變成英文名了，佢又好鍾意，所以無再改了。平時我多數叫佢"露露"

cameo

wankwok,
露露真得意,比著係我個女,佢會拿拿林咬一啖,睇吓係咩嚟先,hehe~,我個女飯就食得唔多,但食無謂野就大大啖呢!hahaha~
近期俾我發現原來我個女唔知自己個"英文名",細個同佢改好英文名後就教左佢,但我又從未教佢由中文名照譯的那一個英文名喎,就係咁,原來佢一直都唔知...
sophie&sara ,
其實功課量唔算多,大約每日三四樣度啦,如果小朋友性格較獨立,基本上有人幫佢對吓功課,or當佢唔識時有人問吓,其實都唔難攪啊!
而且,我估都幾多媽咪係在職媽咪啊!

wankwok

sophie&sara ,

功課真係唔算多，正如cameo所講，只要小朋友較獨立便已經可以自己完成，再由家長檢查及加少少輔導已okay了。但我個女抄家課冊就未必日日可以齊全，好彩宜家學校有內聯網可參照，但如果老師口頭上再吩咐而又未有寫在家課冊上的，就要看小朋友是否與家長溝通得好，這方面我就差d，因為我個女不大鍾意講嘢俾我地聽，但cameo同佢囡囡就溝通得非常好嘞!

剛才係學校學完琵琶，路經花園街，見到好多halloween嘢賣，就同個女講話下星期一表妹(現就讀聖羅撒幼稚園)就有得著halloween衫回校開party及服飾比賽，但你地小學就無喇!佢話有hallowenn英文堂，可以戴頭飾，咁我話買俾佢返學校，但佢d怪脾氣又癹作，死都唔肯。cameo,"小行長"有無同你講過呢件事呀??

cameo

wankwok,
行長無同我講英文堂戴頭飾d野呀,唔知佢係唔記得,定係無諗住同我講呢(若果話可以扮天使or白雪公主佢一定第一时間話我知),剛剛一次英文堂,net老師miss decorf(我跟個女讀音自己拼,haha)同佢地講英文故事,行長第一次好開心咁講net老師的事,因開學咁耐提及到呢位老師只係"我都唔知佢講乜",我諗miss tin除左教我同行長玩英文遊戲外,佢私下都花過心機去多左留意啊,因行長三日唔埋兩日就話miss tin同佢講野,一係叫佢努力d,一係叫佢俾心機等等.....
小女警學琵琶學成點?行長性格較慢熱,而且一向對男性更慢熱都幾錢,但上完第一堂詠春都好開心,今日我等佢時無離開學校,見到跆拳班都係氣氛好開心o架~我好鍾意咁樣呢,咁o既課外活動先可以真正"relax"一吓啊..
sophie&sara ,
其實撇開我想唔想催谷個女o既話,我自己本身能力都好難support個女去呢一類小學,但問心我又唔想佢去d太過輕鬆o既小學,因我都擔心輕鬆得滯,我個女唔係"愉快學習",只係變得懶散!聖羅撒算係中規中舉,其一壓力唔算大,其二我好欣賞老師個態度,只要肯坦誠對老師講出問題,其實老師真係會如實告知小朋友情況並提供協助的啊,雖然開學只係兩個月,但我都發覺老師幾了解我女性格,並唔係求求其其上左堂就算的啊!
希望來年可以見到你的小朋友呢~

wankwok

cameo,

小女警學琵琶學成點? 行情一定係看淡，因為佢除咗識貼假手甲外，其他完全唔知miss教咩呀!睇佢第一期點，如果小小效果都無可能就算嘞，無謂迫佢，加之佢d性格好難迫。都想問下你處理的意見。

基本上小女警並不太會將學校d嘢番屋企講俾我地知，所以她有多次提及的我地惗佢一定比較在意吧!而miss tin好明顯係小女警心目中鍾意嘅老師，另外仲有提過miss chung多次。miss decorf 佢初期都有提過，佢話學校有兩個miss decorf 佢地係兩姐妹。因為暫時無特別，所以無聯絡過miss tin 。

cameo

wankwok,
hehe,我都唔見意迫呀,因我中過招丫嘛..hehe~
行長好細個就話要學鋼琴(可能見表姐由細就學吧),但4歲暑假帶佢去琴行,人地話佢手仔太細唔夠力,話五歲先再諗,呢句說話行長一直記在心,五歲生日前的一個月,行長問係咪生日後就可以學琴....所以終於報名呢~第一堂已經唔鍾意,無心機,但我好想佢學,我當時以為"個女越係坐唔定,就要佢學得有耐性",第二堂開始我join埋親子班,第四堂開始我學埋一份(miss教埋我),跟住每次去練琴我都係有份練埋o架,但學左9個月,我發覺同個女關係差左,自己脾氣差左,行長自信心低左...真係睇唔到有乜原因再迫落去呢...呢9個月嚟我同行長都一齊要長期剪短晒指甲練琴酒,講親彈琴就兩母女都唔開心,我當時真係有'恨鐵不成鋼"o既感覺o架,我諗行長都勁唔開心啊!
我以前在行長幼稚園時有參與家教會的啊,我當時職務主要負責攪講座,當時都同有關社工傾過有關"課外活動"問題,佢話有d小朋友係可以用"迫"嚟教,"迫"得出成績來的,但有d係迫唔嚟就只有反效果(行長個case),佢建議可以俾多d機會小朋友接觸唔同o既活動,因為講佢地都唔明白,真係要試過先知,當然都要set個期,唔可以放縱佢玩一堂又話唔玩,可能一個短課程咁,完成左有興趣就繼續,無興趣就嘗試第二樣.....
若果小女警真係唔大興趣你咪下一期試吓俾佢諗吓玩咩囉,我見行長而家返詠春可以同同班同學一齊佢係好開心的啊,返到去"郁手郁腳"又玩完一個鐘了,出了一身汗佢好精神呢,hehe
我都有打算下一期會join多一樣俾佢玩呀,返學校的活動幾好,一來我較有安全感啦,二來我見行長對學校歸屬感都重左啊,,,,
我都問過行長呀,佢最鍾意係林老師同miss tin呀,你個女可能各課比較平均,反而唔洗你特別粗心某一科呢!!

心心媽

我個女中文唔合格呀!     

點算呀!   

cameo

心心媽,
咁佢衰咩呀???唔小心??有得抄都填錯?(因我個女有部份都係咁啊)..
我個女中文同常識科都ok,數學係睇得出佢完全唔睇題目(咁都有呢個分數只係佢好彩),英文科就真係激到我好嬲,我唔係care佢個分數(因我早有心理準備),而係我睇得出佢無認真去做,莫講話測驗,就算只係一份功課都唔應該呢個態度丫,其中一part佢根本無睇到,見有答案揀就求其填,我問番佢內容每一句,佢係識,佢認左自己做卷時無一句句咁睇,我好嬲呢.... :evil:
我今晚非常非常認真咁再同佢講,佢要對自己o既事有責任心!

心心媽

cameo

我個女d中文有得抄既抄錯,無得抄的無做,我比佢激死咁滯!   

妳點幫個女溫中文架?唔該教兩招比我喇!

wankwok

心心媽, cameo,

我相信唔睇題目係好多人的通病，包括我自己，我啱啱今朝早先同我朋友講起，都唔知自己點解會咁，讀書到宜家都如是，改唔到。雖然宜家唔洗考試，但我係填d表格時都經常會發生，好奇怪!!!例如d仔女嘅手冊，填起嚟真係一步一驚心，但每次又好自然唔看清楚便落筆，總係理所當然覺得人地係叫我填我認為嘅嘢。我朋友話叫我迫自己一定要改。

我個女各科成績都中規中矩，咁多科裡面，佢中文就較其他低少少分，主要唔記d字點寫，記得又漏d筆劃，但無論係中、英及常，都係有得抄都抄錯，我仲問佢會唔會因為佢真係近視，所以看唔清楚，佢話唔係，但又唔知點解啊!

心心媽

wankwok & cameo,

咁妳地d小朋友都叫科科合格呀!我個女中文唔合格唔知升唔升到小二?   

wankwok

心心媽，

呢次測驗唔計分，唔洗咁快擔心，今次俾我地同小朋友作為預習，知道個形式都好。其實老師真係一筆一劃都好嚴謹，希望藉此打好基礎啦，但如果寫字唔靚就真係會扣好多寃枉分呀!

我打算等老師改完d改正卷，派番俾我地之後，就攞份卷去影印，然後用白油油咗d答案，再叫個女做多次，因為正如我之前講過，呢個係我幫佢溫書最唔需要"困獸鬥"嘅唯一方法。

或者你試下叫個女再做多次份卷，陪住佢做，看看佢究竟點做錯，同時教佢d做卷方法或技巧。

cameo

其實我個女一向都專注力低,我估佢一下子坐定定完成一份卷,佢耐性唔夠呢~加上雖然幼稚園都有測考,但佢地可能真係太細個,唔太理解測考o既重要性卦,所以先粗心左d~
我剛剛再細心睇過幾份卷,其實只要粗心一點,都好易出錯,當然重要預埋佢地d"有得抄都錯啦",例如數學科,佢對上題目都係順數倒數,跟住下面一題就只係寫出1-10((最小))的雙數,我個女就係粗心大意,d字又唔係唔識睇,話佢知重話"係咩?",其實中英數d題目都係類似平時d功課,反而常識科我都覺得有少少深,不過我個女一向都對中文常識較有興趣,所以變相佢連睇題目都認真得多,咁出錯機會又少左呢,我見常識可以問到乳齒恒齒幾多隻,話時話我都唔知,hahahaha~
wankwok,
其實聽你講小女警平時都可以自行完成功課,其實真係好難得呢,至少上堂唔專心的話都無可能做得到啊!相反我見行長升小一後,上堂唔留心唔在講嘞,我覺得佢本住唔識做可以問我,所以佢唔洗"擔心"唔識做功課,今次我真係好嬲呢,我好認真咁同佢協議,以後每日我都會睇佢點做功課,我會睇得出佢上堂有冇認真去聽老師講解,有聽書無可能全部話唔識(我無講明係邊一科,但佢平時英文科就係咁衰嘞),我可以接受認真上堂但記唔晒,記唔晒唔緊要,可以問我,問完唔記得可以再溫習,但俾我知佢再係咁,我會罰了......
心心媽,
我個女本身對中文較有興趣,所以認字都ok,今次主要都係幫佢溫改寫句子,我測驗前都有去書局諗住買"現成"練習俾佢做,但發覺都唔太適合,我已買左一本但都用唔著呀,佢地好得意,有時個腦好似唔識轉咁,同一句子,我改左個人名問問佢就知佢係咪真係識了,少d抄寫,我多數係自己將原本的工作紙改少少(如人物or地點),叫佢改寫一次(讀出嚟就得了),如果佢唔識就話佢知佢邊個位有問題,引導佢自己去睇自己個錯處,再俾另一句類似句子佢改寫,睇佢明白未....改寫句子我就用呢個方法囉~
我唔用抄寫去溫習係因為寫中文都幾多字吓,我會當左佢係識寫先,佢寫唔出的字先叫佢"蓋"住答案寫一次,等佢記一記囉!
其實佢地真係邊科有興趣就邊科好d,英文都唔係深,佢反而最低分..激死