聖羅撒小學 CHAT ROOM

cooyee

Hello,

好耐沒有上BK. 我個女都係學琵琶的, 佢暫時都都係掛住假手甲. 不過個琵琶都幾重, 而且仲要上一樓, 不過都學得開心.
我個女測驗最差都係中文, 仿作句子竟然照抄例句, 真係比佢激死.
常識的課外題都唔掂, 都係捉唔到題目, 五題錯了三題. 好彩老師讀卷, 如果唔係我估佢一定唔識睇.

wankwok

cameo,

我個女d專注力好視乎對住d咩，如果佢鍾意個老師，佢就會發放多d專注力，佢好難捉摸。另外，佢唔鍾意出聲(最近明顯好d)，所以用做卷方法無咁煩，好彩佢又唔係好抗拒做卷，如果唔係就唔知點同佢溫。 真係各施各法呀!

wankwok

cooyee,

你個女讀邊班呀?唔知佢識唔識我個女呢? 學琵琶共9個人，教佢地個miss wu 好似好細個。

你個女有無抄譜呀?我個女抄咗一段，但係佢唔知咩嚟，又唔記得miss wu講d咩，佢應承下堂俾心機聽，希望佢會啦!

cameo

wankwok,
如果無記錯,cooyee個女好似係1c班啊!
我個女可以做卷溫就好了,佢識o既淨同佢講佢都可以記得好好,唔識o既講幾十次先記住,到佢記得又到唔小心,點知到做卷時都可以自己唔上心先激死...
嚟緊英文默書範圍都比之前多,又要開始諗溫習了.

cooyee

wankwok,

我個女讀1C 班, (cameo 真係好記性), 我個女話1C 班得佢一個學琵琶, 所以應該好容易認. 佢多數由工人姊姊帶.
我個女都抄

wankwok

cameo,

小行長有無數學作業呀?手冊上寫咗要改正，但搵勻成個書包都無，小女警話佢已經攞唒d嘢返嚟，佢都唔記得有無派到。   

cameo

今日派埋另外兩份卷,成績一般,都係d唔小心啦~不過今日唔識嬲佢嘞,因為尋日我真係太嬲,好認真咁話佢無責任心,我講左每日由佢做功課睇佢上堂有幾專心(至少唔可以完全話唔識做),今日返學前再提一提佢對我o既承諾,今日返嚟做功課好左少少,,,,,,,
不過佢中文有一題好攪野,"中秋節"應該係好似填上咩"又圓又大的月亮",但我個女係填"送我一個蛋糕"...重問我點解會錯.....撞鬼佢.............

cameo

無呀,,,為左呢樣野,,,差d攪到我開火,,,,,,,
佢又mmm..一輪都講唔出....後咪先問到佢已帶晒所有書返屋企,我再提佢因為係改正所以應該係今日先派俾佢,佢先肯定係無派咋,,,,,
唉,,,,,,,我真係

wankwok 寫道:
cameo,

小行長有無數學作業呀?手冊上寫咗要改正，但搵勻成個書包都無，小女警話佢已經攞唒d嘢返嚟，佢都唔記得有無派到。   

wankwok

cameo,

今日派o個兩份卷,成績都okay啦,都係錯埋d發夢嘢，例如爸媽就寫咗公媽，其他主要d字寫得唔好，扣咗不少0.5去。

其實小行長明你嬲佢d咩，又肯承諾，佢真係好乖同成熟。我個女對自己d成績唔太著緊，而且仲有d無厘頭，佢竟然話測驗都幾好玩，佢當係玩?真係奇怪?佢覺得我地緊張d分好奇怪，仲話有人高分又有人低少少分，有咩出奇?唔緊要啦!

你講小行長答中文"中秋節"o個題，你講得好好笑，或者佢覺得月餅似蛋榚啊!我個女常識有一題問月餅係咩味道，佢揀咗咸呀，我問佢點解，佢話佢靜係食個蛋黃，而個蛋黃係咸嘅,,,,,,,,,其實惗深一層，呢d係童真呀!

為咗本數學作業，我都發咗一陣"癲"呀! 真慘! 寃枉咗個女。不過佢真係唔識驚，唔明白會俾老師寫手冊係咩，只係望住我係到"發癲"。   

cameo

wankwok,
唉,,其實我自己覺得佢地就算所謂"明白"測驗考試功課等等o既重要,都係由我地不自覺o既態度or眼神睇得到,未必真係明白,我都好想佢輕鬆d,但我明知欠交功課會寫手冊,我好難扮無野,好難完全冷靜呢~~~
其實我覺得從你一路講小女警,覺得佢比較自立一點,小行長就好需要人認同,小行長性格太自我嘞,硬頸得太緊要,今日本來要去拔門牙(乳齒),牙醫見佢都係常客所以無book時間都zip俾佢,但佢攪嚟攪去都唔肯(之前無咁衰,但又未至於非常合作),在牙醫診所攪左兩粒鐘,最後都係無拔到牙呢~~
你話你"發癲",我都覺得個女升左小學後,我自己癲左好多,我緊佢唔緊,有時真係想唔鬼理佢,但我唔理又無人理先慘(爸爸平時攪佢唔掂的),想搵個人幫幫手,等自己透透氣都無份呢~

講多題測驗笑話過你,,,
英文問佢how old are you?
佢答"I am five thank you.".....
今日佢自己做corr時都望住呢題眼定定...

Kuseiszeto

Cameo & Wankwok,

唔好意思, 打攪哂. 路經此地, 見到兩位

cameo

kuseiszeto,
如果功課量我認為可以接受,大約每日4,5樣度啦,最重要係睇你小朋友態度,同你自己點教~
我個女之前對英文科無興趣,上堂唔留心,返嚟唔識做,加上我自己本身會要求佢自行完成,只會引導佢自己去做,唔會指住嚟教,所以花時間相對先比較長一點!
相對wankwok的小女警,佢較自立一點,我自信佢比我個女做得快d~
其實st.rose比較傳統一d,如果要考慮我覺得不如先諗諗係想揀活動教學定傳統,其實若計功課量我覺得唔太大問題,相比一d私小,佢唔叫得上"催谷"....

Kuseiszeto

Cameo,

唔該哂, 如果聽你咁講, 我相信都無咩問題. 但因為之前我聽有d家長話一年班都有成八九樣功課.所以都有d驚.  唔知會唔會因為轉左校長

珠仔

借問各位聖羅撒小學的家長，如果小朋友在聖羅撒幼稚園讀，將來升原校小一的機會有多大? i.e. 即是話如在第一階段及第二階段都派不到，那麼學校會有酌情權收番一d出色的學生? 另外，由小學升上中學是否直升還是要攪珠派位? 現聖羅撒中學又在那裡 (是否在沙田那間)?

cameo

kuseiszeto,
唔好客氣~
阿女今日旅行,聽日放假,連續4日唔洗上堂,但都只係大約8樣功課,其實個功課量又真係唔算多o架,可能有d家長"數"功課係數埋d改正呀,file工作紙呢類卦,,,heheheeh
至於校長,因我無接觸過以前的校長,所以又好難比較,但公平一d咁講,呢個雖然係新校長,但開學到而家,我覺得都無乜大問題啊!

cameo

珠仔,
幼稚園升小一,如果本身係幼稚園生,咁到第三輪叩門位機會比人大得多呢~
因大抽獎前一日我都有打電話問定st.rose收profile問題(我女本身並唔係st.rose幼稚園生),佢都話唔收,問追問可唔可以放低信俾學校,佢話可以放但無咁o既必要,,,,,所以點都有點著數o既!!!
至於升中,因為而家唔係一條龍,咁升中唔係一定收啊!

珠仔

又再借問聲聖羅撒幼稚園以廣東話還是普通話教中文呢? 而英文又有冇NAT Teacher?

wankwok

Kuseiszeto

電腦壞了兩日，之後大女要趕功課，剛剛才看到你們的發表。

cameo的評價一直都很中肯及客觀，她的意見較我的可取。我個女怪怪地，不大可以以她作準則呀!不過即管講一下給你作另類參攷，ha~ha~

我個女放學返嚟就會即刻做功課(我唔噝屋企情況下，如果我噝度，就攪攪陣作對)，通常45分鐘左右完成，跟住工人姐姐帶佢同細佬落樓下公園玩個幾兩個鐘，之後佢地自己食飯同沖涼先，我地放工返嚟檢查功課，有嘢改佢都肯改，但佢升上小學後d字寫得差咗，初初會想佢擦咗重寫，但後尾為免影響佢信心及心情便算了。佢地細的兩個8:30至9:00便瞓覺，其實對佢地d時間唔多。逄星期三5:30小女警會學琴，直到宣家上了8堂，暫時okay啩，因為千祁唔可以問佢太多，因為佢會自然攪作對，又唔話俾你聽學d咩，求其佢肯學就算。暫時完全唔覺佢有功課壓力，但如果測驗默書叫佢溫書，佢會袱咗噝枱瞓，瞓一輪先同你溫下，佢自己仲未知分數高低嘅重要，只求自己覺得享受嘅就做多d，好彩佢有興趣做下d工作紙類型嘅嘢，所以测驗仲可以以此作溫書媒介。

另外因為佢咁怪，我慳番唔洗理佢咁多，以免傷感情。不過有時真係幾無奈。

佢好鍾意返學，老師同學佢都鍾意，呢點令我放心好多。希望佢社交方面上可以漸有改善就好lu。

cameo

wankwok,
唉吔,行長剛同小女警相反呢,,,,
我多數放學就同佢到樓下食野,近期試過o係餐廳做功課先(因5:15要睇牙醫),佢可以好快做完,試左幾次都係咁,但一返屋企做又打回原形(兩粒鐘)......
餐廳有兩部大電視,重要做緊卡通片.,而屋企好靜,佢自己房有自己空間,,,,
我真係驚長期陪佢做功課,反而令佢會依賴左我呀 :-|

wankwok

cameo,

如果時間及環境許可的話，我覺得陪佢地做功課其實無所謂，好似我大女讀初小時，簡直要"寸步不離"，但去到高小已經開始"少女"，要求私隱了，他們的童年其實好快就過去了。

小行長的表現其實太太正常，真係"有血有肉"，而小女警就活喺佢自己"圈"住嘅世界，精神上堅持停留BB階段，但行為上又要自己"獨斷獨行"，不太與人溝通，欠缺自我表達，非常矛盾及難以明白。好多時我們俾佢攪到"哭笑不得"呀!舉例，以我自己揍大女經驗及看別人的小孩子，去到三四歲已經常會打電話俾父母，問下你喺邊，或者問下功課，又或者詐下嬌....等，但小女警現在6歲幾，打電話俾我地嘅次數可以用手指數到，而掉轉我地打電話俾佢，佢又不太願意同你講。試過k1有同學打電話俾佢傾，佢問人地打嚟仲咩?真係俾佢激死!