聖羅撒小學 CHAT ROOM

cameo

聽左你咁講,我都放心自己陪佢做功課了,時間心機就日日都係咁花,但成日係怕自己好心做壞事~
小行長升左小一,最開心除左暑假迎新日外,就係早兩日旅行嘞,小行長呢個星期都好down,因為佢最鍚o個隻狗仔剛離開左,佢表面好似唔太激動,但係我知佢係好難過,尋日去幫狗仔做火化,小行長放左一封好短o既信一齊燒,內容係我意料不到咁流利,大約"minnie,我愛你,xx哭了,......在天堂你會有朋友一起,....."我覺得難過之餘,係行長真係好認真咁同隻狗講最後o既說話呢!!!
學校旅行總算俾小行長放鬆一吓心情!
小女警性格真係好得意,但佢係咪都好鍾意同家姐細佬一齊呀?有兄弟姐妹我估都好一點,只少屋企可以多d人同佢溝通嘛,小行長平時好悶o架,除左我,就同貓狗傾偈,有時自己講野都會啊~~~

wankwok

cameo,

小行長真係好懂事又較成熟，我相信小女警並未太明白「生離死別」，而小行長對小狗的感情很真誠，而你們還會替牠辦後事，牠活像是你們一家人般，我想小行長一定是個滿有愛心的小女孩呢!

小女警去旅行回來也有表示開心，但我給她預備的午餐(壽司)卻原封不動，回來當下午茶才全部幹掉了。問佢點解唔食，佢竟然話唔夠時間。

之前也有提及，小女警鍾意同d幼兒玩，包括3歲半的細佬，同埋細佬d兩至四歲幼兒朋友都係佢玩伴，佢同家姐就不太夾，畢竟她們距離大，家姐都讀中學，其實唔啱玩，而且小女警性格唔多理人，家姐無耐性同佢溝通，家姐明顯較鍚細佬，因為細佬好多嘢講，頑皮得嚟好攪笑。

cameo

wankwok,
haha,小女警話唔夠時間食,但小行長就話自己唔記得食呀,其他零食就全部掃得八八九九,但袋蛋糕佢話唔記得左喎..
之前小行長都成日叫我生多個妹or細佬俾佢,我話要諗清楚因為媽咪好驚自己湊唔掂嘛,佢話咁更加要生左先知自己湊唔湊到喎,一路都唔生一路都唔會知喎...真係俾佢攪到我口啞啞!
小女警其實好似遇到問題鍾意自己解決咁?是嗎?其實佢好成熟呢~至少唔會事無大小都叫"媽咪呀!!!!......"!
今次旅行玩完,就要到聖誕先可以再盡興lu....

wankwok

cameo,

你同小行長d心情好d未呀？小狗喺天堂都唔希望你地因佢嘅離去而對你地有太大嘅影響，佢都希望鍚佢嘅你地開開心心生活的。

我爸爸也很愛小動物，我地小時候家中亦有一大堆小動物，小狗、小貓、小龜、金魚、雀仔 、小白兔......好不熱鬧，雖然媽咪唔係幾鍾意，但亦會對其中一d特別懂事的狗貓有偏愛。小時候也曾經歷多次小動物嘅離去，還記得我和妹妹會喊得好緊要，媽咪唔鍾意我地咁樣，要我地理智去面對。相比我妹妹，我對小動物嘅鍾愛程度較低，亦會好似媽咪咁有所偏心。現在年紀大了，竟然會驚起來，尢其係貓，唔知點解，仲係好驚個隻，自己都好唔明。

小女警做了件令我地哭笑不分的錯事，看看林老師今日會點罰佢，希望唔好咁重手啦!

Anyway, 你唔好咁唔開心，因為你同小行長關係好密切，會影響佢呀!

Tinkerbell

珠仔,

st Rose幼用广東話教學, 冇鬼婆 !
由幼稚園上小學機會7-8成
小學上中學, Band 1 约5成的不用interview全收.
其餘的就lucky draw.
中學係沙田

cameo

wankwok,
我可能都係遺傳左我父母,我爸媽後生時各自都有養狗仔,反而唔準我養貓狗,話我唔識養,但就一屋都係雀仔,兔仔,葵鼠,倉鼠,turtle,雞鴨又養,,,,最勁係松鼠都養過一隻了...
到自己大個搬左先開始養狗,我估小行長又係遺傳左我都唔定嘞!!
狗仔o既事小行長比我叻,反而有時佢都會安慰我,見我抱住另一隻重問我有冇當左係Minnie,我只會答佢minnie而家飛到好高o既天堂,我抱唔到呢,或者一個美化左o既結局小朋友會易接受d,反而我就真係要面對"現實"!
小女警做錯咩事呀?你講到咁,攪到我好想知呀!!!
小行長而家做功課比以前好左一d,一來之前佢答應左上堂會留心聽老師教書,二來而家我叫佢將d功課搬入我房做,其實入我房d狗成日煩住佢,但唔知點解反而好過佢自己一個人做功課....

wankwok

cameo,

想問下小行長有無樂思噝書包? 手冊寫咗要改正，但搵唔到本樂思呀?

謝謝!

cameo

沒有呀,,,,
上次經過"數學作業"無左,今次先問問小行長了...hahha
小行長話可能班長忘記了派喎,,,,,

wankwok

cameo,

唔該哂! 小女警都同小行長嘅講法一樣，不過穩陣d都係問下你。

cameo

冬天就快到,以前個女間幼稚園冬天著白襪,我係買唔著腳板那一種襪褲,但而家佢地好似只可以著絲襪加短白襪or深藍色襪褲....我都唔知點買,有媽咪教我去馬莎買會耐著d,但小行長好怕著d襪褲個"浪"扯住(我都好怕啊)..真煩死呢~?
白色or灰色好囉....周圍都有得賣了,咁唔洗煩嘛
小行長自從測驗後調左位我覺得好左,以前坐近門口個位唔好啊,雖然隔離無人同佢傾偈,但佢好似唔留心之餘重要成日唔見野,而家坐呢個位好似少左問題啊!

wankwok

cameo,

又調咗位咩? 都無聽小女警講過呀!

以前小女警間幼稚園冬天係著灰長襪或是灰襪褲，真係比藍色易買d，我噝吉之島只見有白色同灰色，上兩個禮拜喺沙田馬莎買了一pack兩對，售價HK$110.-，因為未著過，所以話唔到俾你知是否okay，但點都要買定，萬一凍起來就敝，另外亦買了一對薄d嘅芭蕾襪，質地薄d同滑d。我記得大女細個時貪馬莎d通花白襪靚，而且價錢又貴d，估計會好睇又好著，點之著一次喊一次，原來係襪頭織到一舊舊線，頂住d腳趾唔舒服，所以之後無噝馬莎買番學襪lu，希望今次買d襪褲好著。

其實著絲襪加短白襪怪唔怪呀?去邊度買小朋友絲襪呢?

wankwok

cameo,

入去呢個網址看一看，好得意呀!

http://www.neopets.com

wankwok

camo,

你話好想知小女警做錯咩事呀?

please check your PM!

cameo

其實我係講測驗後o個一次調位,即林老師那日重選左佢兩個做女警同行長的那一日開始,我覺得呢個位好一d,而家小行長話佢隔離位個同學又好靜(通常都係咁,因我個女唔留心),小女警就在行長後面啊!之前我話小行長上堂無心機,成日唔見野就係門口個位(家長日你見到我坐那一個位),而家坐呢到就好地地嘞!!
我都未買襪褲呀,一來未得閒去睇,二來行長真係由細好憎著襪褲,以前d襪褲係質料同一般襪褲一樣,但就無腳位,即係好似一條貼身褲咁,跟住先再著番一般短襪,咁樣個"浪"唔會"the",舒服得多,咁行長先著咋,如果藍色搵唔到呢一類,可能買"馬褲",不過都唔知邊度買,得閒我都要問定我阿媽,haha
小行長話有d姐姐係絲襪加短襪,我記得我細個都係咁返學o架,但唔舒服,同埋著左絲襪好難穿隻短襪上腳o架,,hahaha
小行長怕熱唔怕凍,所以我都無咁急買囉,haha,,,佢今日都重係夏天校服,佢重話上堂時除左件外套一陣,,,hahahah
尼奧個網站係咪你個女玩開o架???我一路都有玩o架,因為我姨甥叫我幫佢玩(有分嘛!),但咩入銀行呀,買野呀,收養呀,我就乜都唔識,淨係每日同佢玩幾個game咋,每日交左數就收工,hahahaha......

cameo

今日小行長又話可以著黑色襪褲都得....
really?????

wankwok

cameo,

黑色襪褲都得咩? 無聽小女警提起，佢淨係話今日打針好多人喊，校長好好人入課室探佢地，安慰d小朋友。佢話小行長都有喊，但喊得最犀利係全海明，佢自己無喊，於是同d無喊嘅同學一齊安慰d喊嘅。

佢仲話Judy Lam好叻(佢開學無耐就有讚呢個同學，話佢又乖又叻又做班長，但就無一齊玩)，老師送咗4張獎勵卡俾Judy，佢自己都有一張英文科嘅，我估可能有張卡，所以今日心情好好，比平日講多咗幾倍嘢我知。

Ting_ma

Hi wankwok, cameo,

My girl also studies in Class 1D, nice to meet you there.
My girl said that the most girls cried for injection among all the P1 class, some of them had cried when quene up. 嬸嬸 helps to hold their head and close their eyes during injection, she said that it is painful but she did not cry, I had admired for her brave.
I was being the 家長義工 of the picnic, if you want their class photo, pls give me your e-mail address.

Ting_ma

cameo

wankwok,
我都知行長一定喊,開頭重驚佢會反抗添呀,佢對上一次打針係k.3時幼稚園打流感針,當時常攪好耐都打唔到,最後係醫生非常有技巧地玩幾吓假動作,突然"嚟真"咁先打到針咋,,,,,hahaha
今日行長都有提到d"特別事",但我就完全唔明佢講乜,佢係咁話"第五名",但就數左好多同學名都係"第五名",攪到我r晒頭,我諗佢係講小女警同你提到o既卡吧...hahahaha
Ting_ma ,
1D又多個媽咪,,,hehehehehe
咁耐先join埋一齊傾呀?得閒都一齊傾吓小朋友返學d野丫,我個女同wankwok個女都耐唔耐返學有d大小問題,又間中有d攪笑野,可以一齊分享吓,又可以一齊傾吓^.^
我pm左我個e-mail address俾你呀,唔該晒你,因為我都上過校網,但d相好難睇得真,一張張咁click我又無耐性,所以而家除左學期頭那一張班相外,其他相都未睇到阿女個樣..haha
thx so much

Ting_ma

cameo,

Already e-mail the photo to you, please check.

Does your girl join the extracurricular activities on SAT in school? My girl had joined 水墨畫 and 中國舞.

Of course, nice to share the interesting things of our girls, but my Chinese typing is not good, so....

Ting_ma

cameo

ting ma,
收到你d相嘞,唔該晒啊
我個女星期六返詠春o架,咁你星期六係咪自己接佢o架?因我平時sat都見個女返到去有同個同學仔玩而佢又著住跳舞鞋啊,...hehehe
你唔打中文唔打緊啦,我地睇得明你,你又睇得明我地就ok啦,,hahahahahahaha