農圃道官小家長請進

Siuchoi

係同一日兩科, 我地真係好辛苦....唔該晒你啊~~

乖乖

原文章由 Siuchoi 於 07-11-21 18:00 硐表
係同一日兩科, 我地真係好辛苦....唔該晒你啊~~

印像之中, 囝囝果班都未試過同一日默兩科，就好似今個星期初，中文老師說下周二默書，過左兩日，英文老師同樣說下周二默書，最後，中文科老師將中默延期推至周四才默，對我地來說就冇咁緊張同辛苦 lu......

Siuchoi

上個星期就分開日子默書, 今個星期都係分開, 但我覺得D默書日期好唔定, 温左有時又唔默, 搞到明明記得都變左唔記得, 同埋一個星期默兩次書會否太多呢? 如果一個星期只默中文, 下星期就只默英文, 咁會否好些?  我想向學校反應下~

112868

hi.....好耐冇上嚟啦!

係囉......真係默得太多啦,真係冇time休息吓,最辛苦都係d小朋友日日都要記一大咋野,唔係dict就係詁測驗跟住又考試啦!真係好慘,睇見都心痛.
第二d學校都冇咁多嘢,真煩.............功課又多.

乖乖

原文章由 112868 於 07-11-28 10:23 發表
hi.....好耐冇上嚟啦!

係囉......真係默得太多啦,真係冇time休息吓,最辛苦都係d小朋友日日都要記一大咋野,唔係dict就係詁測驗跟住又考試啦!真係好慘,睇見都心痛.
第二d學校都冇咁多嘢,真煩.............功課又多. ...

你真係好耐冇上嚟 wor........

今朝早我聽到有位家長話我地果班有英文評估呀，佢話係囝囝同佢講ge,  唔知今個星期五定下個星期五 (佢囝囝都唔太記得)，but, 老師冇寫家課册 wor,  我今晚問下囝囝先.....係呢，你知唔知評估呢件事呀?

Siuchoi

係有評估呀! 有寫在手冊上的~ 唉, 又要溫書了.....

乖乖

原文章由 Siuchoi 於 07-11-28 16:49 發表
係有評估呀! 有寫在手冊上的~ 唉, 又要溫書了.....

Hi Siuchoi,

你小朋友係咪 C 班呀?  你地幾時評估呀？B班今日家課册都有寫 - 中 6号，數 7號，英 就後日呀.....得兩日都唔知點温，英文又冇範圍添，係呢，你地果班有冇英文評估範圍呀?

112868

C班唔知幾時,但A班都係Friday評詁,佢哋一早就知,而我哋B班就今日先知.次次都唔公平,一係唔講一係急到死.

112868

我都覺得係,一日到黑都係默書,測驗,評詁同埋考試,都冇時間消化同休息,覺得好辛苦.再咁落去人都癲,學嘢唔係唔好而係迫佢哋一次過塞一大咋嘢落腦,學完都唔記得啦!

睇見個囡成個瘦晒真係心痛,原本係個肥妹仔而家瘦到面都凹晒.仲要日讀夜讀,辛苦過大人返工.

阿囡有時温書讀到 .所以我都認同你反影吓.................. 加油.........努力支持你

召藥師

原文章由 Siuchoi 於 07-11-29 09:02 AM 發表
我忍無可忍了, 我見到個細女咁, 小孩讀書吸收知識本應快樂, 為何變成痛苦!! 請問這email address 金校長會收到嗎? [email protected]

唔係依個，依個係學校e-mail。

[email protected]

召藥師

D班星期一做數學，星期三做中文，英文星期四。
英文係出LS1-6。

我都唔理咁多LO，評估都唔計分，只係略略溫吓就算，我覺得KEEP住做中英文每日一篇學多D字同句子著數D。

召藥師

原文章由 Siuchoi 於 07-11-29 10:36 PM 發表
今日, 我細女話有兩個1B班的人蝦佢, 將我個女個水樽掉落垃圾桶, 及把她的小提琴線弄鬆了, 並在小息時追著我個女黎笑! 女的叫[陳凱琳], 男的叫[林柏希] (唔知有冇寫錯字, 但知道係呢個發音), 請問1B家長認識這兩個小 ...

有冇教妳囡囡要保護自己，人地搞佢D野都即刻話唔好，再繼續就要同老師投訴?

我個仔之前呆呆吓俾人蝦過，而家佢開始識得走開唔理個D學生，同埋再嚴重D會同老師講。阿仔而家除左佢自己個班有朋友外，佢仲識勻4班GE朋友仔，佢地仲一齊話唔好同D曳仔玩(因為有幾個真係特別曳，係我之前都親眼見到)。

Siuchoi

我個女已經同老師講左, 但d細路小息就找我個細女, 我細女唔彩佢及行開, 但都跟住佢, 好彩我大女仲有佢4個朋友(3年班)都會小息時照下細女, 我已同大女講叫佢同d朋友睇住妹妹先,  暫時睇下有冇改善.

Siuchoi

原文章由 召藥師 於 07-11-29 22:55 發表


唔係依個，依個係學校e-mail。

[email protected]

真係唔該晒你!!

召藥師

原文章由 Siuchoi 於 07-11-29 11:29 PM 發表
我個女已經同老師講左, 但d細路小息就找我個細女, 我細女唔彩佢及行開, 但都跟住佢, 好彩我大女仲有佢4個朋友(3年班)都會小息時照下細女, 我已同大女講叫佢同d朋友睇住妹妹先,  暫時睇下有冇改善. ...

再唔係妳叫妳囡囡搵我個仔玩，我自問個仔唔會蝦人打人，對人好熱情，甚至對住d曳仔仲會同佢地笑。佢地而家玩開個班小朋友都算乖ge，有男有女，可以friend識friend。

Siuchoi

召藥師, 我個女好被動架, 仲要係唔同你仔一班架~ 叫佢去揾個唔識既小朋友玩, 佢實唔會做, 我今早已同亞女講多次, 有人搞你就話[唔好]!, 不過我女話, 係個同學等佢見唔到時才掉左佢個水樽落垃圾桶及整鬆條小提琴線, 我個女係行開左架, 回來時得佢地兩個笑, 話佢又唔認, 我女好蚊憎!!  都好多謝你誠意既幫忙~ 等陣要寫信比校長, 順便講下D學生有幾曳!

召藥師

原文章由 Siuchoi 於 07-11-30 08:50 AM 發表
召藥師, 我個女好被動架, 仲要係唔同你仔一班架~ 叫佢去揾個唔識既小朋友玩, 佢實唔會做, 我今早已同亞女講多次, 有人搞你就話[唔好]!, 不過我女話, 係個同學等佢見唔到時才掉左佢個水樽落垃圾桶及整鬆條小提琴線,  ...

我知唔佢地唔同班，不過阿仔都識妳囡囡個班ge同學(不過係男仔，如男班長)，妳叫妳囡囡認吓阿仔個0麥頭，等佢有印象時咪冇咁怕lo，仲有可以叫妳大囡陪細囡去識朋友。

Siuchoi

已經email了....也不想長遍大論, 重點想要求, 一星期只默一次書, 唔算過份吖....召藥師, 你猜金校長會否回覆?

召藥師

原文章由 Siuchoi 於 07-11-30 03:03 PM 發表
已經email了....也不想長遍大論, 重點想要求, 一星期只默一次書, 唔算過份吖....召藥師, 你猜金校長會否回覆?

金校長應該會幾日內回覆。

一星期只默一次書可能只會偶然，因為始終有機會撞正中文英文都同一星期默，不過要同一日默我就覺得唔可以接受，中英文科老師應該要有默契唔好令小朋友一次過太辛苦。

召藥師

原文章由 Siuchoi 於 07-12-4 06:02 PM 發表
各位小一媽咪, 剛剛收到班主任電話, 校長已收到我的信, 並請班主任先跟我了解一下, 我堅持要求小一默書一星期只默一次(中or英), 我的理由是, 孩子不能强迫讀書, 密集式進攻只會有反效果, 本人也不認為默書能增堆學習 ...

唉!而家小一程度我覺得比以前深左，因為我媽以前係小學教師，佢儲埋好多好多中文補充係屋企，我攞黎同而家佢地d工作紙及補充比，而家ge程度係以前小二程度。

另外，妳地有冇發覺，中文科d工作紙出得唔係咁好，表達得好似有d問題，而啟思所教ge內容有d字詞又好重北方語(兒化)。

今次評估，阿仔中文成績創新低(我都預左)，我覺得課程要求小一生自己做句真係太難，根本佢連解題都未明得哂，老師又唔會讀題目俾佢地聽(我好記得我小一時老師會先讀一次)，有d字都未學過睇唔明就停哂手，加上平時仿作句式都冇乜操練，而且佢地對白話文ge組織未有深切認識同接觸，就要佢地識得運用詞彙去作完整句字。可能我個仔幼稚園冇操佢語文，而且佢天資唔係聰敏，我覺得小一應該認多d字，增進詞彙，了解句子結構，再將所學字詞去運用(如填充)。咁快就要佢地做句，仲要係複句，平時d家課都要家長指引先做到，要佢自己考試寫到通順句字真係唔易。

而家返全日已經冇左好多時間，返到屋企仲要做功課、每日一篇同溫習，仲要額外俾補充佢地做ge話，真係連玩一陣都唔得，做人點可以連休息同輕鬆一吓ge時間都冇呢?我睇見佢日日都咁辛苦我都好有壓力。