學琴問題

音樂人長老

不如轉下話題啦，都係有啲驚驚地。

我發覺近年學生水準不斷下降，連出年校際音樂節都改例，獨奏參賽者要背譜彈，可想而知評判都頂唔順啦。

有家長同我講，有啲小朋友上台後一個音都彈唔出，有啲彈到甩哂，喺台上重覆又重覆，全場人士要留堂等佢彈到為止。

所以我同啲考試學生講，考試官都唔想扣你分，但你要幫下手俾心機彈準啲先得。

katherinelam825

...好, 就體諒下你啦。我希望我睇錯呢個老師

我會堂堂同佢地錄下音等佢地習慣下, 同埋釘得佢地幾緊, 暫時佢地出去都ok, 見d學生屋企多人會叫埋佢地听佢表演咁lor...習慣左好d啦, phobia 係可以o係多嘗試/練習可以減少 ....同埋之前可以叫佢地想像下彈得好好ar...俾番d自信心小朋友

學生水準下降...係架, 一黎唔捱得, 二黎太多野做, 三黎怕辛苦。所以, 我教琴會好想教識佢地點面對困難, never give up...當佢地唔記得咩老師所教的音樂, 但仲記得我教過佢地點面對困難的時候, 呢d就係教育。我希望佢地識呢d多過彈得好

[ 本帖最後由 katherinelam825 於 10-8-15 00:50 編輯 ]

音樂人長老

非常同意 ，學琴可以成為一種親子活動，與其家長埋怨仔女唔練琴，點解唔建立一個學習環境俾佢，同仔女一齊做手指運動，佢練琴時跟住歌詞唱或一齊數拍子咁(好多初級琴書都有歌詞俾學生跟住唱)，唔係我哋老師推卸責任，而係家長好似局外人咁，淨係催佢練練練，啲小朋友又點會聽話，我有個5歲小朋友家長話佢個仔直情同佢講妳識咩，搞到佢幾唔開心。

未來我會減少教學生，將時間用來設計啲實用工作坊，例如點樣可以將音階練習趣味化，有idea記住話我知等我做好啲。

教琴老師多如天上星星，少我一個唔會少，我只係希望令多啲人明白，學琴唔係人學我又學，或者只係考名校一樣工具，其實都有好多好處。我又喺度發埋啲謬論，請大家原諒。

katherinelam825

原帖由 音樂人長老 於 10-8-15 09:16 發表
非常同意 ，學琴可以成為一種親子活動，與其家長埋怨仔女唔練琴，點解唔建立一個學習環境俾佢，同仔女一齊做手指運動，佢練琴時跟住歌詞唱或一齊數拍子咁(好多初級琴書都有歌詞俾學生跟住唱)，唔係我哋老師推卸責任，而係 ...

就算唔陪佢地練琴, O係身邊鼓勵下支持下都好, 唔係剩係鼓勵佢地進步, 失意的時候都應該給予無條件既支持, 唔係話"你咁都做唔到咁無用GA..."家長可能話我未有仔女唔知佢地心情, 但我明白仔女既心情。佢地一樣唔開心架咋

有d家長交左學費, 就諗住咩都等老師教...大佬個小朋友你架, 你bb對到佢地大個, 我地會清楚過地咩 ?? 學課外活動就等於去街市買菜

琴老師雖然多, 但搵個好既係好難...你都唔知, 我試過搵到唔識搵, 跟住信"直覺" 同 "緣份"

音樂人長老

學音樂人直覺唔錯 。

其實老師夾喺小朋友同家長中間都好難做，有啲小朋友鐘意彈簡單兒歌，啲巴哈呀莫札特呀完全唔識欣賞又點肯同妳練？但俾錢嗰個係家長喎，老師唔教呢啲又點對得住佢哋？練琴就變成一場三方面耐力戰。

我有個好開通家長，無迫我幫佢囡囡考試，仲俾我用兒歌+古典歌教，佢話我知而家唔使三催四請叫個囡練琴，連8度都肯去彈(梗係啦，佢最鐘意嗰首兒歌要彈喎)。我都好安慰，但呢啲家長真係唔多囉。

[ 本帖最後由 音樂人長老 於 10-8-15 20:26 編輯 ]

katherinelam825

我中學時上網見到一個老師搞既網頁for佢既學生, 果時覺得你個老師好似幾好, 不過無跟佢學琴...之後around10年後見番果個老師ge website, d野改哂, 不過我認得佢, 我都係果個feeling呢個老師應該係一個好老師, 於是, 打去搵佢...點知果個係個男老師, 我本來唔想跟佢學, 但我唔知點解右跟左佢學wor, 結果我ge直覺唔算係錯卦, 不過.....

我諗信直覺都只會得一次咁多,

教琴有時真係左右做人難, 有時想教佢地多d音樂都唔得, 係咁趕exam, 慘在佢地家長右只係想佢地快dtake 多d exam, 剩係掛住考試點會彈得好琴呀

[ 本帖最後由 katherinelam825 於 10-8-15 21:25 編輯 ]

音樂人長老

講到呢度，就諗到嗰位劉大師，為咗爭番啲錢，每次都搞到報警上港聞版，佢哋有無諗過學生感受，家長又點樣解釋俾小朋友知發生咩事呢？

其實劉大師而家生活得好好，我不知幾恨好似佢可以淨係彈琴唔使為生活奔波，點解唔可以放低怨氣，唔係彈幾多莫札特都補唔番。我唔係識揾大錢琴老師，無資格講大師，我只想講錢夠使就得啦，嬲一個人好辛苦。

katherinelam825

原帖由 音樂人長老 於 10-8-15 22:26 發表
講到呢度，就諗到嗰位劉大師，為咗爭番啲錢，每次都搞到報警上港聞版，佢哋有無諗過學生感受，家長又點樣解釋俾小朋友知發生咩事呢？

其實劉大師而家生活得好好，我不知幾恨好似佢可以淨係彈琴唔使為生活奔波，點解唔可以放低怨氣 ...

點止, 果個戴生同鄭生都係咁

我只係可以講呢個係學生既不幸同唔好彩。有時做學生都想好黎好去, 學琴je。不過, 你要識尊重自己尊重人, 做番個真正名付其實既老師。唔好諗住控制個學生咁....

我依加呢個老師右係娛圈人 , 不過叻過另一個娛圈老師多多聲, 人品我感覺都好過果個老師多多聲。唔怪得咁少新聞, 咁多高徒(唔係鋼琴), 仲係受大家尊重。同我之前個娛圈老師差得遠

[ 本帖最後由 katherinelam825 於 10-8-16 00:37 編輯 ]

A+BJ

話時話我想問大家一些問題,我讓自己小朋友去參加一些鋼琴比賽,我見同一首歌也會有不同的演亦方式,有些小朋友真的好誇張,身體左右郁動或手提得非常高再放下,但老師沒有教我小朋友一些肢體郁動或一些提高手的誇張動作,只是坐定定來彈,手也只是輕輕提高,但我見往往就是這些孩子才會入了頭三名次,是否這樣音色才會好聽,還是比賽評審也注重視覺效果呢?請各位分享一吓意見

tomoyama

如果要彈10-20本先可升Grade，唔通要學成30年琴先考到8級？

無可能吧？

katherinelam825

原帖由 tomoyama 於 10-8-16 10:54 發表
如果要彈10-20本先可升Grade，唔通要學成30年琴先考到8級？

無可能吧？

可能只係d老師招生技倆je, or 家長誤會, d人招生同埋宣傳方法層出不窮

我見到有個唔知教咩既女仔寫埋自己樣子甜美, 能琴善舞

[ 本帖最後由 katherinelam825 於 10-8-16 19:06 編輯 ]

音樂人長老

原帖由 A+BJ 於 10-8-15 23:44 發表
話時話我想問大家一些問題,我讓自己小朋友去參加一些鋼琴比賽,我見同一首歌也會有不同的演亦方式,有些小朋友真的好誇張,身體左右郁動或手提得非常高再放下,但老師沒有教我小朋友一些肢體郁動或一些提高手的誇張動作, ...

請問妳所講係咩比賽呢？如果係校際音樂節應該唔會咁，通常無咩錯漏先可以高分，得個樣係呃唔到評判喎。

我曾經遇過一個女仔彈For Elise，佢就好似某啲演奏家動作大大，睇到妳眼花撩亂，之後我叫佢唔好用踏板再彈一次，佢完全彈唔到。佢嗰套彈法要郁手郁腳至得，唔用踏板就等如廢咗佢武功，呢啲學生我真係唔識教。

音樂人長老

原帖由 katherinelam825 於 10-8-16 18:53 發表


可能只係d老師招生技倆je, or 家長誤會, d人招生同埋宣傳方法層出不窮

我見到有個唔知教咩既女仔寫埋自己樣子甜美, 能琴善舞

有無話要有埋「事業線」先可以教，笑死我 。其實會唔會個老師自己都賣埋琴書，所以叫學生彈多啲書呢？

大家分享真係千奇百趣，我開始都有啲語無倫次啦，請見諒。

katherinelam825

原帖由 音樂人長老 於 10-8-16 23:53 發表


有無話要有埋「事業線」先可以教，笑死我 。其實會唔會個老師自己都賣埋琴書，所以叫學生彈多啲書呢？

大家分享真係千奇百趣，我開始都有啲語無倫次啦，請見諒。 ...

唔記得lu~~ 好似有寫埋height 同 weight

umm~呢個老師既廣告, 我有印象...我諗係個家長誤會。呢個老師都係學果個老師教小朋友手腕轉

[ 本帖最後由 katherinelam825 於 10-8-17 01:00 編輯 ]

tomoyama

原帖由 katherinelam825 於 10-8-16 18:53 發表


可能只係d老師招生技倆je, or 家長誤會, d人招生同埋宣傳方法層出不窮

我見到有個唔知教咩既女仔寫埋自己樣子甜美, 能琴善舞

我之前學琴就係咁比個老師拖左成2年都無得考琴試，之後睇住其他人個個都追過我…搞到無咩心機學。（但係我唔係特別差，無試過唔合格架之後考）

雖然話學琴唔係剩係計佢考左幾多級，不過我覺得呢個係動力。所以唔好聽D老師講，話彈在20本琴書先有得考…咁彈法我都無心機彈啦= =

katherinelam825

原帖由 tomoyama 於 10-8-17 09:59 發表


我之前學琴就係咁比個老師拖左成2年都無得考琴試，之後睇住其他人個個都追過我…搞到無咩心機學。（但係我唔係特別差，無試過唔合格架之後考）

雖然話學琴唔係剩係計佢考左幾多級，不過我覺得呢個係動力。所以唔好聽D老師講 ...

呢樣野係好多人都既動力, 不過本人初級到依加就最討厭人迫我, 所以我exam 分數唔係高。如果個老師教既野滿足到我對"美"既要求, 我就彈得無咁慘同鐘意彈得多d

有d如果想跟出名鋼琴家學都係, 我睇過一個news話佢地點收學生。佢地都唔會想教一個為exam而彈琴既人, 最緊要唔係睇你琴技, 係睇你對自己要求

音樂人長老

講得好好，考試係人哋對你要求，彈得好係自己對自己要求。

每一級考試其實係俾你知道嗰一級應有水平，而家好多學生係報完考試先去練嗰一級彈奏技巧。我形容呢啲做「速食文化」，但家長buy呀。

有時學生本應彈得好只係人散漫，我都會同家長講俾佢考試，但更多時我會安排佢哋參加校際音樂節攞個經驗。我知道有家長會催你快啲幫佢個小朋友考完，好似了咗件事咁，你唔肯，有大把人肯喎，老師有生活負擔話就要接受現實 。

katherinelam825

原帖由 音樂人長老 於 10-8-17 15:07 發表
講得好好，考試係人哋對你要求，彈得好係自己對自己要求。

每一級考試其實係俾你知道嗰一級應有水平，而家好多學生係報完考試先去練嗰一級彈奏技巧。我形容呢啲做「速食文化」，但家長buy呀。

有時學生本應彈得好 ...

最大問題係有時d家長唔知人地付出幾多先3年有8級, 比賽冠軍...亦唔知自己仔女同人地差幾遠( 我意思放既心機同時間)

[ 本帖最後由 katherinelam825 於 10-8-17 17:11 編輯 ]

tomoyama

原帖由 katherinelam825 於 10-8-17 12:00 發表


呢樣野係好多人都既動力, 不過本人初級到依加就最討厭人迫我, 所以我exam 分數唔係高。如果個老師教既野滿足到我對"美"既要求, 我就彈得無咁慘同鐘意彈得多d

有d如果想跟出名鋼琴家學都係, 我睇過一個news話佢地 ...

我的意思是唔可能要學生彈晒20本先比佢考試，我覺得只要佢達到那個水平就應該比佢考，而唔係拖學生的時間。當然，老師唔可以學生得1級程度就叫佢考5級啦又或者3年考8級= =不過應該適當Law個速度…

w_y

但我亦聽過人話有 d 無良老師鍾意迫你考試喎, 因為升級快 d 學費亦收貴 d 嘛!