07-08年宏福幼兒園媽咪繼續入o黎傾~(PART III)~歡迎新朋友加入

天藍

626mama,

軒軒今日好d未??? 有無返學?
我一陣再send中醫d資料比你,
因我記得上次send d相比你, 都
係send好多次你都收唔到, 後
尾我send去你公司個email你
先收到~

ElainAiolia,

原來子聰肚? 真係慘! 子聰之前病
已經瘦, 加上已加又, 真係心痛!
好番之後真係要食多d野~

原文章由 ElainAiolia 於 08-6-23 23:00 發表
Dear all mami,
子聰今日疴o左4次 〈其中1次係學校疴，Miss Bonnie都有寫低係手冊度講低，話子聰有D肚痛及疴〉，但又無其他唔舒服，仲好精神o忝，係個肚有D痛，睇中醫話佢個身入面好濕，要飲D去濕o既中藥，我諗住今晚至聽 ...

whatever

ElainAiolia,
唔一定個個都出玫瑰疹。我個女都冇出到。
Toto好返啦.今日有返學啦。
其實唔知玫瑰疹會唔會傳染呢？我問醫生,醫生話唔會。
咁點解會出玫瑰疹呢？當時我又唔記得問。

626mama

EalinAiolia,

聰爸霸住部腦無得用，所以無見到我上o黎，
橫掂冇電腦用，早D去訓，休息多D啦。

妳有時間先慢慢追留言啦，唔洗急嫁 。

下...子聰昨日疴o左4次，中醫話佢個身濕得滯，要去濕，今日好D未呀，希望睇完中醫唔洗再醫西醫啦。。

乜咁多人識這個BLOG，有時間入去慢慢睇下先得，多謝分享。
http://hk.myblog.yahoo.com/mami-mama

妳估唔會唔比軒軒同生日蛋糕影相，係就好喇。

子聰未出過玫瑰疹，唔係個個一定會出嫁，出過又會再出。

昨天學校無通告，唔該晒妳。

Dear all mami,
我有一個blog好想介紹比D mama睇好耐la，
你o地得閒上去睇，我覺得佢好有心機 ，
但我唔識個blog主：



hongmimi,

呢個blog因妳細佬係佢忠實擁躉!乜咁多人識佢???



天藍,

昊藍d咳點呀，好D未呀???希望快d好番啦。
妳都病埋，喉嚨有d唔舒服，同ElainAiolai
咪有D以囉，妳要快D好反呀。

軒軒今日好D，起碼有心機同我講電話，今日
都無返學，等佢放多日囉，病到瘦下瘦下咁。

妳send中醫d資料比我，我仲未收到呀???
唔知係妳未SEND定...又收唔到呢。我唔制呀。

係呀，我想最好我YAHOO個電郵收到囉，我長用丫嗎，公司當我離開便用唔到嗎。始終冇咁好。

各位,

想中六合彩，今日就要記得買喇，今日有金多寶呀，一係唔中，一中當然要中多D啦。

626mama

whatever,

Toto好返晒喇，今日有返學好野。
玫瑰疹唔會傳染人嫁，所以我地都唔怕，哈哈。
點解會出玫瑰疹，好以冇得解嫁。醫生都答我唔知點解。

原文章由 whatever 於 08-6-24 02:13 PM 發表
ElainAiolia,
唔一定個個都出玫瑰疹。我個女都冇出到。
Toto好返啦.今日有返學啦。
其實唔知玫瑰疹會唔會傳染呢？我問醫生,醫生話唔會。
咁點解會出玫瑰疹呢？當時我又唔記得問。 ...

天藍

各位,

剛剛掛三號風球!

pcdogxx

各位,
我呢次出trip好陰公呀..   今次去既地方係三門..  係寧波仲要坐個半鐘車去..   都知果個地方係好山卡啦架啦..  點知佢d酒店真係幾嚇人..  好殘舊....   仲要唔收咭.....       我淨係帶左千二蚊上黎諗住淨係俾車錢乜都夠啦....  邊夠黎俾房租喎... 結果我要揀間平d既房黎住..  (不過細d都好. 一個人住咁大好驚)...  我而家要慳住慳住使....  食飯都唔敢食咁貴.....   捱到星期四返去寧波就好d, 果邊應該可以收咭既....

同埋聽日就算冇一日都有半日掛八號風球卦....  我就咁蝕左呢個咁好既機會..     你話幾唔好彩............


另外, 尋日工人接鈞渝放學果陣, 佢話我聽無啦啦有個auntie 叫鈞渝.. 仲走埋佢抱起佢...  不過鈞渝好驚係度喊, 但係個auntie又噙得出鈞渝個全名....  我地都未知果個係乜水....  但係我老公聽到既時候嚇鬼死..  以為工人話鈞渝俾人抱走左..   之後我同工人講, 咩人都好..  你唔識就唔好俾佢抱.. 萬一佢真係抱左去點算....   問極鈞渝淨係話auntie.. 咩哥哥.. 我都R晒頭...   

pcdogxx

whatever,
哈...   你問我吖嘛...  我對玫瑰疹好有經驗.. 因為鈞渝出過兩次喇...   如果退左燒係唔使睇醫生架喇..  醫生都幫唔到你, 又冇藥食既.. 但係其實出梗既時候最好用"炎西"水沖涼.. 咁會幫助佢快d出晒d疹架.. 同埋出完之後去藥材舖買d "鵬魚腮"黎煲粥佢食..  "鵬魚腮"係去毒既.   不過玫瑰疹真係唔知咩黎, 如果唔係之前我朋友個仔出過我都唔知有呢樣野.. 我地細個都冇呢家野既.. 話俾阿媽聽佢都R晒頭...

pcdogxx

各位,

軒軒同昊藍都冇返學...   我又出左trip, 只可以靠Elaine上黎報通告喇..  不過子聰又肚痾.. 希望佢無野啦..  唔係真係無人知學校有咩通告..  哈哈..

因為之前老師話鈞渝可以食完早餐先載口罩, 所以我咪冇幫佢載囉.. 唔知係咪因為其他老師見我冇同佢載以為佢唔載..  呢兩日我同佢載返.  我就見書包裡面既口罩有郁喇..

626mama,
原來個天氣報告係咁用既..  我都係諗笠落個頭到, 但係點解要剪呢..  原來係表姐個頭大所以要剪..  佢6歲都仲要用? 又好似誇張左d喎...

咁你無生日蛋糕, 學校都會安排你同蛋糕影相既..  唔使唔開心....
好彩係放暑假前學校都幫軒軒攪埋生日者...  

ElaineAiolia,
其實唔係個個小朋友都會出玫瑰疹.. 不過好多小朋友都出左囉...  不過唔使驚既..  如果你見到佢連續幾日發高燒..  食完又燒.. 但係個様又鬼咁精神都有90%中架喇..  同埋通常夜晚燒高d...    睇醫生都淨係會開退燒藥架咋..  所以冇乜用...   不過d人話出既時候個人會好"忟", 所以就要煲d "炎茜"水俾佢沖涼幫助佢易出d囉...  開頭我都以為出完係終生免疫, 但係原來唔係架...   

天藍,
你咁客氣唔收我地錢..   咁我唯有幫你谷肥d昊藍啦..  哈哈..

唔記得話你聽.. 果日我地問協康會話取消左一堂幾時補返, 跟住佢話會順延一堂.. .但係我地話之後要上塗鴉寶寶上唔到... 咁職員就話會退返一堂錢俾我地喎..  我地唔理都幫你報埋名退錢呀..   

上左咁多堂連把扇都未掂過..  果日我都同Hongmimi講..  上完可能都唔會掂到把扇喇..  哈哈...    不過而家佢地warm up 都會跳扶輪操, 唔知昊藍會唔會對呢隻舞有親切感d唔會喊呢...  

嘩..  中六合彩有邊個唔想吖...  我都好想...  好想唔使做返去全職照顧鈞渝.. 話晒開始返學乜都要跟...   真係要返工好麻煩..  返工唯一既好處只係可以善用公司資源咋...  

吓.. 又輪到你病呀?   呢排做乜野呢..  個個都病既....  其實天氣都定左好多唔會又冷又熱..  不過出完汗真係小心d, 唔好即刻吹風扇或入冷氣, 唔係真係好易中招

626mama

各位，

出便好大風呀。

ElainAiolia

Dear all mami,
24/6學校都係無通告派發，大家可以放心 。

26/6記得著整齊o既禮儀服返學 ，因大家o既小朋友要影佢o地o既第一次畢業相，記得同佢o地整得靚仔靚女D呀 。

尋日我開工撞到好耐無見o既同事，佢話『音統處』(個名好似咁寫) 就o黎招生，佢話報course都幾抵，約$800-有20堂，佢仲教o左我有個必收秘訣，我今晚揾多D資料連秘訣pm比你o地 。


另外，D同事仲話有2間小學可以直得參考，不過係私校o黎，可以直上中學，無香港試考，但會幫佢o地考海外試，小一學費每月約$3,xxx-，如果我份工or渝爸、匡爸可以claim政府津貼，每個月自己補貼約$1,xxx-左右，我今晚揾埋D資料再pm埋比你o地。

ElainAiolia

天藍,
昊藍同你都病o左，真係慘呀 。你o地要好好休息o下，今早8號風球，都起碼多o左半日休息o麻 。祝你o地快D好番！

你有心la，我D咳仲有少少未斷尾，尋日睇o左中醫好o左D，而子聰D疴睇完中醫好番晒，所以今晚煲D『粟米鬚意米糖冬瓜』糖水比佢再清乾淨D濕氣 。

626mama,
軒軒點呀？絕食完未呀？仲有無嘔呀 ？休息o左咁耐，應該好好多la。

whatever,
啊，原來唔係個個都會出玫瑰疹，真係唔該晒你話我知。Toto咁快好番，果然身體好 ，因通常發完燒之後，要成5-6日先至出完晒D疹，但Toto又會出得咁快o既。

ElainAiolia

pcdogxx,
嘩，三門果度唔收卡，你帶去o既錢真係要慳D使 ，如果唔係就大件事la，但我起初仲以為你公司會包食包住o忝，點知仲要你o地D低級職員自己pay ，真係蝕呀。

有個auntie抱起o左鈞渝，係學校門口定屋企附近，莫講你同渝爸嚇餐C ，我聽到都有D驚 ，你叫個工人小心D呀。

原來玫瑰疹出o左唔係終身免疫，有機會會再出 ，我又知多一樣o野la，Thanks！

功夫扇舞到而家連把扇都未掂過，又會咁o既，不如叫功夫班好過la 。

hongmimi,
今朝點解得你1個出門口o既，匡爸係o米一早已返o左工呀？

天藍

all,

大家記得明天著整齊校服(水手裝個套), 明天回校
影畢業相, 希望明早返學唔好落大雨啦!


ElainAiolai,

今早真掃興改掛3號風球又要匆匆出門, 唉...
想休息多半日都唔得, 不過, 好過無半日就半日啦!
你咁好保糖水清熱你真識食, 我都叫工人今晚保"龍
利草+枇杷葉+石黃皮+欖+南北杏+蜜餞+豬展"=湯,
我朋友教我保話對咳幾好, 之前我記得你都有保好似係
o黎個topic都有講到~
學校無通告就好啦! 咁我都放心d, 真係唔該晒你通知。
希望子聰今日食埋d中藥會連d尾都好埋清埋, 加油~
我想問你你所講個個"音通署" 我都唔係太明係乜???
不過, 你pm比我地我再睇下明唔明, 如都唔明我
再問你, 真係唔該晒你成日都有筍野益我地~
你自己都要保重身體, 以家d天氣時冷時熱, 出入冷氣
地方帶多件外套~~

pcdogxx,

你出trip咁要自己出錢住同食, 仲要去到山卡拉
唔收咭, 真慘! 你間公司咁架咁大間公司咁無良,
要員工箭出來先, 咁都有你真係要慳d洗, 捱到去
寧波收咭就無野啦! 今晚唔好食咁豐富食晒d錢呀!!!
嘩~~有個唔識既人抱鈞渝, 真係比我聽到都好驚,
真係要叮囑個工人事事小心, 唔識既人一定唔好比
佢抱, 仲有學校個書包有小朋友既相同名, 好可能
個個人唔知係咪咁而知鈞渝全名, 凡事你叫工人睇
緊d, 令可事事小心, 勿疏忽一次鑄成大錯, 大家小
心~小心~
咁我多謝你先你谷肥昊藍我好開心o架! 話晒bb係
肥肥白白先可愛, 好似鈞渝咁~
我地要中六合彩仲有希望星期五有多寶金, 唔知你
返香港未or電話投注, 中左齊齊去做湊仔婆, 一
於辭工唔撈, 發下夢就好!
今日十一點四個字都改掛3號風球, 下午要返工真
掃興, 半日就半日好過無~~

Whatever,

Toto今日點呀! 好d未??? 昊藍暫時都未出個玫瑰疹,
但聽你地所講我又學識一樣野, 如到佢出我知點去
處理。

626mama,

軒軒今日有無好d??? 今早你返工有無淋親,
保重身體!!!

hongmimi,

今日落8號風球要返工你坐唔坐到車, 有無人迫人???
你公司以家情況係咪都係好緊張???

原文章由 ElainAiolia 於 08-6-25 14:49 發表
天藍,
昊藍同你都病o左，真係慘呀 。你o地要好好休息o下，今早8號風球，都起碼多o左半日休息o麻 。祝你o地快D好番！

你有心la，我D咳仲有少少未斷尾，尋日睇o左中醫好o左D，而子聰D疴睇完中醫好 ...

ElainAiolia

天藍,
雖然識食，但原來呢排成日落雨濕得滯，所以無粟米鬚買，結果只係用粟米、紅蘿蔔、生熟意米煲糖冬瓜飲 。

「音統處」原來正式個名叫做「音樂事務處」。

ElainAiolia

Dear all mami,
Check pm.

626mama

ElainAiolia,

收到喇，唔該晒

原文章由 ElainAiolia 於 08-6-26 01:48 AM 發表
Dear all mami,
Check pm.

天藍

all,

你地check下email, 因我收到料下個月
有間直資小學(男校)有個簡介會, 係係
星期六有兩個時段可以聽, 但坐位有限
我今早打電話book, 兩個時段分
別係2:30 -- 4:30p.m., 另一個係晚
上19:00 -- 21:00p.m., 而我book
下午二點半個個時間, 如你地有興
趣快手打去book啦! 因個間小學都有
埋中學, 都不妨去聽下都好!

ElainAiolai,

收到你個PM啦! 好詳細唔該晒你地!
嘩~乜D粟米鬚咁搶手, 無得買, 咁用
粟米都一樣, 仲可食埋D粟米好味。

pcdogxx,

我想問下你你有無排到ElainAiolai介紹個
間荃灣既畫班, 真唔好意思, 我成日幫hongmimi
問, 忘記問你你有無排到? 如有個到有無通知
你??? 如未有通知我幫你問埋, 因星期六昊藍去
學畫畫我到會接仔仔, 可幫你同hongmimi再問
下~
我無send到我講個間直資小學既料比你, 因係男
校, 如我收到風有男女校, or女校有簡介會, open
day再send資料比你~

原文章由 ElainAiolia 於 08-6-26 01:03 發表
天藍,
雖然識食，但原來呢排成日落雨濕得滯，所以無粟米鬚買，結果只係用粟米、紅蘿蔔、生熟意米煲糖冬瓜飲 。

「音統處」原來正式個名叫做「音樂事務處」。 ...

天藍

all,



今早天文台成8:50a.m.掛紅雨,
加上今日影畢業相, 我, 工人同
仔仔都8:15a.m.出門口, 送
仔仔返學, 但我印印未走又再
接番仔仔走, 後尾收到ElainAiolai
既通知可接學生走OR留係學校等
放學先走都可, 但我印印未走咪接
仔仔走囉! 以家話影畢業相好
似改期, 唔知改幾時同幾多號???
同你地今日既情況如何?


626mama,

我已send中醫d資料去你
公司個email你睇下收唔收到!

626mama

pcdogxx,
妳去邊"山卡啦"出trip呀，酒店好殘舊，
係咪有對男庄膠拖鞋果種呀。

而家要慳住慳住使，食飯都唔敢食咁貴，好彩妳
星期四就去寧波，快d走唔洗係上便捱。下次都係
帶多小小錢上去喇。

下...有個識得翕鈞渝個全名的auntie抱起鈞渝，
鈞渝驚係度喊，(果個唔係我)真係要同工人講定，
下次一定唔可以比人抱佢。個auntie會唔會係隔離
左右的人，定係妳親人的朋友，所以鈞渝講個名
比妳聽都唔識呀。

聽妳咁講，可能老師真係以為鈞渝冇帶口罩，所以
冇去手冊攞黎同佢帶喎。

表姐見軒軒有咩，都會叫我62同99買比佢，就連買
個杯佢都唔低得嫁，佢6歲喇，洗頭都成日嘈山晒嫁，
佢不知幾鐘意呀。

係lu，希望學校都會安排軒軒同蛋糕影相啦，
有個同學仔媽媽話，到時可以惜我影相喎。
真係好彩係放暑假前學校都幫軒軒攪埋生日，
唔係我都會打電話去問，生日會邊有小朋友唔想開丫。

唔聽妳講，係喎........功夫扇班，點解未見過把扇，
我都醒唔起添。真係掂都未掂過，睇都冇睇過添。

佢地而家 warm up 都會跳扶輪，軒軒反叫婆婆
反比佢睇添呀，睇完都唔見佢識跳，鈞渝好叻，識跳晒
仲會唱埋歌添，叻女。

原文章由 pcdogxx 於 08-6-25 01:26 AM 發表
各位,

軒軒同昊藍都冇返學...   我又出左trip, 只可以靠Elaine上黎報通告喇..  不過子聰又肚痾.. 希望佢無野啦..  唔係真係無人知學校有咩通告..  哈哈..

因為之前老師話鈞渝可以食完早餐先載口罩, 所以我咪冇幫佢 ...

626mama

EalinAiolia,

唔該晒妳，話比我地知學校無通告派。

第一次畢業相，唔知今日同學仔反唔反得齊人呢。

『音統處』個資料我好有興趣，多謝晒。
真係平靚正。

軒軒前日好好，不過下午又嘔過，又唔食野，唉...都唔知仲咩。