粵教中、普教中？大家分享下邊個選擇好一點？

silvia_ng

我鐘意用粤教中，而家學校用普教中，但有啲詞語跟本用普通話解釋比細路聽，佢地未必明得哂，好多時我要返屋企再執漏，用廣東話解下。但我唔係老師，有時未必解得全對，而且未必個個佢唔識既生字都可以執得返喎。日後呀仔上到中學，我已經叫佢有得揀就揀粤教中，唔好再普教中啦。
利伸，我以前讀普教中中學，家陣普通話流利，對寫作也確實有幫助。不過如詞語都未明得透徹，寫乜鬼野作呢又？！

MASAYA

silvia_ng 發表於 15-6-8 08:44
我鐘意用粤教中，而家學校用普教中，但有啲詞語跟本用普通話解釋比細路聽，佢地未必明得哂，好多時我要返屋 ...

但普教中轉廣教中會唔會好多字唔同又好難跟返呢?

poonseelai

我訪問了2個普教中用家，即我2個女，她們認為既然要學講普通話，普教中可慳時間不用再另外上堂，學習寫作上她倆不覺得有分別，學校用本港教科書，用詞不會偏向國內一套，日常生活用廣東話，兩樣都可掌握。

MASAYA

poonseelai 發表於 15-6-8 10:16
我訪問了2個普教中用家，即我2個女，她們認為既然要學講普通話，普教中可慳時間不用再另外上堂，學習寫作上 ...

最緊要用家覺得好
不過我女學校好搞笑，普教中既班仲有普通話堂，高年級都仲有，可能轉做廣東話堂合理d

Olympian

Olympian 發表於 15-6-6 16:59
邊有得揀。

選校要考慮好多因素，還要看抽到哪一間。所以我說冇得選咁滯。比如我區兩間廣教都是二，三線學校。大部分家長都唔會因為廣教中而將佢放首選。另三間大熱都是普教，其中一間普及廣班都有，但抽到先算啦。

我個仔好鐘意普通話，我亦認為學普通話好重要，普教中能提供更好的語竟，不過廣教或普教在我選校的因素真的排得很後，也不會為廣或普教中影響我選校的決定。我為兒子選了一間二線學校。剛巧是普教中。我去過我仔小學觀課中文堂，所有同學都跟到課堂活動。另外，學校會教讀廣東話生字，小5會用返廣教。唔擔心因為普教影響中文。中文要差，大有其他因素……

HKTHK

回覆 poonseelai 的帖子

不管你地間學校係香港好少有普通話語景同埋師資嘅學校

MrBeast

poonseelai 發表於 15-6-8 10:16
我訪問了2個普教中用家，即我2個女，她們認為既然要學講普通話，普教中可慳時間不用再另外上堂，學習寫作上 ...

我也除意訪問過幾個同學仔用家（not 家長），大部份不想普教中，當然過一兩年佢地可能會多謝父母為他們選擇。我不是against 普教中，只是覺得not such a big deal, 再者能選擇小學的有幾多個。

poonseelai

原帖由 HKTHK 於 15-06-08 發表
回覆 poonseelai 的帖子

不管你地間學校係香港好少有普通話語景同埋師資嘅學校 ...

其實有部份小學中文老師D普通話都好普通，小朋友大大下都分得出，重點是小朋友都不會怕講普通話。學任何語文都離不開讀寫聽講，我倆個女中文ok, 但上中學後除了老師要求的閲讀外，很少中文課外閱讀，我相信她兩蜝礎建基於小學有頗多閱讀、聽國語歌和看台灣電視節目。

MASAYA

poonseelai 發表於 15-6-8 12:19
其實有部份小學中文老師D普通話都好普通，小朋友大大下都分得出，重點是小朋友都不會怕講普通話。學任何語 ...

每個父母要求唔同，雖然我唔認同普教中 (再重申，我唔反對其他家長覺得普教中好)，但我認為普通話需要學好，所以我唔會畀用國語既台灣媒體當學好普通話既途徑，純當娛樂我就覺得冇所謂

HKTHK

回覆 poonseelai 的帖子

我哋反而主要睇書多, 其實都應該睇番啲電視節目

Yanamami

poonseelai 發表於 15-6-8 10:16
我訪問了2個普教中用家，即我2個女，她們認為既然要學講普通話，普教中可慳時間不用再另外上堂，學習寫作上 ...

我問阿女都喺一樣意見。仲話無乜所謂，無分別。同學都無困難學中文。由小一至小六都喺普教中。其實當初我唔特別就廣定普教中而選校，亦唔怕阿女唔識廣東話。喺屋企時間多呢!成日煲電視，點會唔識廣東話？我地普通話堂喺native老師教，而中文堂就真喺HK老師教，阿女話打7~8分（out of 10）俾佢地既PTH~間唔中有一兩個可能喺小時喺大陸，後來先移民HK既老師，PTH就跟native一樣。

bbkingdombb

poonseelai 發表於 15-6-8 10:16
我訪問了2個普教中用家，即我2個女，她們認為既然要學講普通話，普教中可慳時間不用再另外上堂，學習寫作上 ...

若學校用本港教科書, 書本內有'蕃茹' '侍應'....等字詞, 老師跟同學會如何謮呢?

王家爸爸

bbkingdombb 發表於 15-6-8 16:54
若學校用本港教科書, 書本內有'蕃茹' '侍應'....等字詞, 老師跟同學會如何謮呢?  ...

正規中文教科書應該唔會有廣東話字。

chinesecas

普通話教中文，只會令學生更抗拒中文。

洋蔥頭媽咪

我自己接受小學用普教中，雖然未必一定能提升中文能力，但可減少寫文章時出現白字/口語化文字，而且可增加接觸普通話機會，因中文堂都多，聽得多始終有好處，情況與用英語教英文或英語教數學相同，都係比小朋友多接觸機會，接觸得多自然唔會怕，有個底子，反而升中後我頃向以粵教中，因較多文言文相對較困難，而且會越來越深，中學中文用母語/粵語教效果會比較理想。

simonwan

王家爸爸 發表於 15-6-8 22:28
正規中文教科書應該唔會有廣東話字。

”侍應“、”番茄“ 唔系廣東話字，系正式中文。反而”服務員“就系共產中文。番茄唔止廣東人講，大陸南方有些地方都系講番茄，系用普通話講。
事實上，侍應、番茄用普通話講一點問題都沒有。中國地大，不同地方的人對同一物件用語不同，是很正常，無話邊個岩，邊個錯。正如，番薯，有些地方叫紅薯，有些叫地瓜；薯仔北方叫土豆，唔通你話寫薯仔系錯？？？

我反而反感有好多普教中老師，成日以爲北方話（其實好多系土話或北方方言）詞語才是正規中文，唔比人寫香港慣用語，如冷氣機，雪櫃等，其實呢D詞完全無問題。反而，四九年后才出現的好多共產中文詞語，如打造、舉措等，就系劣質中文。但因爲呢十幾年媒體常用，學校老師又唔識改正，而家D細路剩系識得寫打造這樣、打造那樣；言詞貧乏。

jessicaso

Simonwan --> 講得非常好！
若果該 PTH 家是北方而他/她用北方詞彙去教學，我反而不怪他/她；但身為香港人/廣東人，我不會接受要我的小朋友放棄寫「冷氣機」而改為寫「空調」；放棄寫「馬鈴薯」而改為寫「土豆」！