2010~2011 小一家長請進!

loveAM

小鄧:我同意aquarius828講,要讚下佢,第一唔容易,我個仔都有第一,但視藝就......
每個小朋友都有強項.

小鄧

loveAM,
有呀,我返去就讚佢啦, 佢都唔知幾開心, 差個d就冇提起了。我仲同佢講視藝科我都有份第一, 叫佢都要讚下我囉。

今次4份卷, 最好係常識, 最差係中文, 平均分一定俾中文拉得好低好低。

aquarius828

各位早晨丫!

小鄧:
係丫, 小朋友係要讚架, 佢會鬆毛鬆翼架, 下次佢會努力d架啦!

仔仔4科中, 都係常識最高, 中文最低, 同你仔仔一樣, 我叫咗佢小二要再加把勁架啦, 佢好快答我: 知架啦! 真係聽住先啦 e排都未開手放暑假, 仔仔已經成日玩, 乜都唔做啦, 激死, 連功課都等我返嚟先做

君媽

我讚小朋友，重點放在她的努力和付出。例如考體育，項目是射籃球，而她的而且確有練習，有叫家長給指導，我便會讚她考得好是因為她努力。

小鄧

君媽,

你講得好啱, 讚係要具體一些, 佢先知自己俾人讚咩。唔好只說他好叻, 好聰明等, 要讚佢今次比上次進步左, 原因係佢睇題目小心左, 會覆卷等等。

最近學校有跳繩比賽, 老師話要選人, 我仔仔就好緊張返來叫我陪佢練習, 佢話要參加比賽。我見佢咁主動要學跳, 我好開心, 佢會聽你指示, 自己試跳, 跳得好的我會問佢知唔知點解, 跳唔到我又會問佢知唔知點解, 好快佢就掌握到技巧。主動學習真係好重要呢。

小朋友中文成績比較差, 有得照抄字都錯, 冇得抄要自己寫就唔錯, 閱讀理解就捉到題目問咩, 但就抄漏野, 有冇咩解救呢?

君媽

小鄧:

中文字我喜歡叫小朋友讀出來。例如: "聽聞" - 耳王十四一心，門耳。講不出的亦會作一個出來。
我常對我的囡囡說，她的腦快過眼，她的眼又快過手，她的手又快過口。而且用口講一次，等如看了一次，想了一次，聽了一次，一舉四得。
平時乘車時都會用此方法玩猜字遊戲。

閱讀理解要先將答案括起，抄完再讀一次。

平時做寫詞語功課都是用默書的方法來寫的。你們要上班，或許會難辨了。

loveAM

君媽:你教小朋友真係好有心得,我都係叫小朋友先括答案,同埋要讀,特別是句子重組.但佢表現都係未如理想,希望下年好d

小鄧:我個仔一樣呀,佢話好想參加比賽,上星期特登買左繩練習,你知佢幾論盡la,但欣賞佢hahaha!我地d暑期活動點吖,不如由你再發起la!:D

小鄧

君媽,
多謝你的指點, 我又真係冇諗過可以咁樣拆散個字去讀, 應該會效果好好, 因為好好玩呢, 多謝多謝多謝多謝。我會試下。

小鄧

loveAM,
暑期活動前湊一, 我地明天去公園 + pizza + 泳池呀, 你仔仔要rehearsal,未能參加呢, 唔好話俾佢知呀。

暑期活動前湊二, 你地父親節係咪得閒呀? 我地食玩lunch就得閒了, 去唔去element留冰?

暑期活動第一浪, 返聖經美食嘉年華啦。

第二浪, coming soon......

死未, 講起玩就精神, 其實仔仔好似我, 唔好話佢成日掛住玩, 做媽媽的都是呢。

君媽

閱讀理解: 我之前是叫囡囡用螢光筆間著答案的，但她說怕老師話她畫花份卷，所以只在家中練習用，測考沒用此方法。

重組句子: 我是叫囡囡先找句子中的主角和動詞，之後將其他詞語逐一加上去。

mac

原帖由 君媽 於 11-6-15 12:09 發表
小鄧:

中文字我喜歡叫小朋友讀出來。例如: "聽聞" - 耳王十四一心，門耳。講不出的亦會作一個出來。
我常對我的囡囡說，她的腦快過眼，她的眼又快過手，她的手又快過口。而且用口講一次，等如看了一次，想了一次，聽了一次，一舉四 ...

君媽,

謝謝你的分享 !
小兒已經小二了, 還是甩甩漏漏, 寫漏, 做漏, 照抄又抄錯..中文還是最弱的一科.. ...唉 ! 頭痛 ~

"平時做寫詞語功課都是用默書的方法來寫".....
意思係同佢備課先, 到寫詞功課時默出來 ?

[ 本帖最後由 mac 於 11-6-16 17:37 編輯 ]

君媽

原帖由 mac 於 11-6-16 17:34 發表

"平時做寫詞語功課都是用默書的方法來寫".....
意思係同佢備課先, 到寫詞功課時默出來  ...

例如今次要寫10個詞語---昂貴﹑滄桑﹑挪﹑騰出﹑休憩﹑雕刻﹑鑄﹑資源﹑矚目﹑長壽。
她看一看: 昂貴﹑滄桑，然後合上書，在詞語部默出來。如此類推至第10個詞語。之後蓋著已默的，再由第一﹑二個詞語默起，至第10個之後，再重覆。

我要她10個詞語寫完一次再一次，而不是1個詞語連續寫5次。

小鄧

君媽,

原來寫生字可以是這樣的, 我仔仔多數都在學校做好了, 我回家只看他是否字體端正, 下次叫佢等我返來一齊到先得, 真係唔好看輕寫生字呢。

aquarius828

各位早晨丫!

嘩~~原來寫字都有咁大學問呢! 我都係係仔仔默書前幾日, 叫佢自己寫多d, 跟住我同佢默架咋, 哈哈哈!

小鄧:
仔仔都有2個考第一, 一係宗教, 二係電腦, 都係d閒科呢 其實我同你地有d唔同, 我基本上乜都讚多, 反而好少話讚你係因為乜乜付出幾多, 我就總知覺得佢做得好就讚架啦, 其實我都唔知咁樣係好定唔好架, 呵呵!

至於跳繩果度, 仔仔都入唔到圍, 無得比賽呢! 佢講入到圍果d都係女仔嚟, d女仔真係勁!

小鄧

跳繩已經選了嗎? 我仔仔話佢地明天先選, 會每班選兩個, 佢仲好緊張練習, 好緊張明天選人。
星期六的綜藝展, 問仔仔要唔要返去總彩排, 佢又話唔知, 之前老師有叫佢試音做司儀, 佢又唔係好知最終要唔要上台, 成日都傻傻下的, 好多野要靠你地話返俾我知呢。

aquarius828

小鄧:

仔仔上星期尾已經話咗我知佢無份比賽啦, 仲話咗有得比賽果兩個女同學個名我知! 其實可能因為唔同班, 所以d嘢有d出入都唔奇!

[ 本帖最後由 aquarius828 於 11-6-21 16:37 編輯 ]

小鄧

aquarius828,

昨晚仔仔回來講左我地班有4個比賽, 佢只講到3個名, 佢話第4個男同學就唔知佢叫咩名, 哈哈, 同班都可以到學期尾都唔知人地叫咩名。仔仔仲話係小息自己去比賽, 唔係好明佢講咩, 不過我就叫佢記得幫同學仔打氣加油啦。

loveAM

阿仔選唔中(意料中事)，等我都叫佢幫同學打打氣。:D

小鄧你sat都返校睇表演？

aquarius828

小鄧:

你個仔仔好攪笑呢! 聽我仔仔講, 佢話跳繩/打字果d, 係佢地小朋友自己去比賽架咋, 唔係成班一齊都會睇比賽, 所以我問仔仔知唔知邊個win, 佢都話唔知 打字果度, 我無同仔仔報名, 因仔仔都唔熟個keyboard, 我問佢班中有幾多人參加, 佢講咗幾個名我知, 得3個人

原帖由 小鄧 於 11-6-22 12:31 發表
aquarius828,

昨晚仔仔回來講左我地班有4個比賽, 佢只講到3個名, 佢話第4個男同學就唔知佢叫咩名, 哈哈, 同班都可以到學期尾都唔知人地叫咩名。仔仔仲話係小息自己去比賽, 唔係好明佢講咩, 不過我就叫佢記得幫同學 ...

mac

原帖由 君媽 於 11-6-16 19:13 發表


例如今次要寫10個詞語---昂貴﹑滄桑﹑挪﹑騰出﹑休憩﹑雕刻﹑鑄﹑資源﹑矚目﹑長壽。
她看一看: 昂貴﹑滄桑，然後合上書，在詞語部默出來。如此類推至第10個詞語。之後蓋著已默的，再由第一﹑二個詞語默起，至第10個之後，再重覆。

我要她10個詞語 ...

君媽,
明白...多謝分享