2010~2011 小一家長請進!

小鄧

數學派左, 有80分, 小測得50分, 最佳進步獎, 仔仔有d驚, 因為佢以為我要佢90分, 我就話 " 你超勁啦" 50分變80分, 唔係人人做得到, 仔仔就尷尬地話 "好大部份d分係媽咪幫我攞的" 我回應 "都要你聽講聽教先得呢" 跟住沾沾自喜, 好明顯佢已經俾我洗左腦!

aquarius828

小鄧:

你教仔真係有一手, 我仔數卷小測同今次測驗都係得7字頭咋, 小測無同佢溫, 今次測驗梗係有溫啦, 點知都係咁 唔通正如loveAM咁講, 等佢自由發揮呢?! 真係 .... 我估小鄧平時一定係好有耐性咁同仔仔講嘢, 我就EQ好低, 成日唔係太忍到住度火, 講多幾講, 就容易抯火架啦, 哈哈哈.... 只係成日要同自己講, 唔好太興, 唔好太興咁....

原帖由 小鄧 於 11-11-11 11:58 發表
數學派左, 有80分, 小測得50分, 最佳進步獎, 仔仔有d驚, 因為佢以為我要佢90分, 我就話 " 你超勁啦" 50分變80分, 唔係人人做得到, 仔仔就尷尬地話 "好大部份d分係媽咪幫我攞的" 我回應 "都要你聽講聽教先得呢" 跟住 ...

小鄧

aquarius828,

哈, 過獎了, 我都係會發火的人呀, 邊個會冇脾氣呢, 有時我會覺得家長罵小朋友, 未必係小朋友做錯野, 而係有時自己工作忙, 疲倦, 將d脾氣發左比小朋友, 我老公正是這樣呢。
所以我會唔理仔仔住, 先休息一會, 心情同精神都好返至同佢講野啦, 大家都好呀。有一次晚飯時, 唔記得仔仔做錯咩小事, 老公發晒火拍晒枱罵, 大家都好驚呀, 我就當住爸爸面前同仔仔講, 爸爸今日返工應該好辛苦, 好疲勞了, 仔仔你要乖d, 唔好激親爸爸啦, 結果先收火繼續食飯。

仔仔星期日行行下街同我講, 我好緊張英文測驗, 好想快d派卷, 因為我真係好比心機做架。我心想仔仔終於緊張自己d野, 上心了, 唔理佢結果幾多分, 態度我俾100分。

aquarius828

各位早晨丫!

小鄧, 我好少將工作丫, 疲勞發洩係仔仔身上, 我通常"興"嘅理由係: 1. d嘢好趕好趕, 佢仲慢條斯理, 真係正所以皇帝唔急就太監急, 咁e下我就最易抯火... 2. 講咗n咁多次, 佢都唔聽, 果一下又會"忟忟地"架啦... 我有時都覺得我越嚟越長氣, 又囉唆, 我諗我都要諗辦法攪攪至得 所以有時係你身上, 我都學唔少嘢架, 哈哈哈, 都要多謝下你至得!

係呢~~星期四嘅旅行你地去唔去丫?

原帖由 小鄧 於 11-11-14 12:20 發表
aquarius828,

哈, 過獎了, 我都係會發火的人呀, 邊個會冇脾氣呢, 有時我會覺得家長罵小朋友, 未必係小朋友做錯野, 而係有時自己工作忙, 疲倦, 將d脾氣發左比小朋友, 我老公正是這樣呢。
所以我會唔理仔仔住, 先休息 ...

小鄧

aquarius828,

星期四旅行我都去呀, 旅行又有段故。派通告時段, 我剛剛心情極差, 煩細女in 幼稚園 (因為女女見親老師就喊, interview好差), 仔仔又測驗, 同你仔仔一樣, 拉牛上樹, 你急佢唔急, 好唔開心呀, 我結果放手等爸爸理仔仔, 唔彩仔仔一星期, 仲話唔同佢去旅行, 叫佢自己去啦, 以退為進, 唔同佢簽通告, 結果換轉佢好緊張日日問爸爸簽通告未, 爸爸就同佢定下每日目標(放學回家自己做功課, 練琴, 網上功課...), 做野的應有態度(做好功課, 字要整齊,小心檢查...) 貼在枱上, 叫佢跟住做, 做得到, 張通告就會自然簽好呢。爸爸用左一星期時間, 日日同佢讀一次要做的事, 跟一跟佢, 提一提佢。依家仔仔有心散時, 爸爸就會叫佢去睇下張紙所寫的事做完未, 做好未, 仔仔就會自己走去睇, 自然自語後, 就會去做未完成的事, 唔使我地再重複講完又講, work r! P.S. 要個條件係仔仔好怕爸爸, 怕佢發火會打死佢, 所以好想媽媽快d救佢的情況下就好work, 哈哈!

依家我慳返好多氣, 放工返到屋企休息下, 仔仔有功課唔識就會問我, 我教佢, 佢做好晒就會放好等爸爸同佢睇, 爸爸唔會續條題目睇, 有冇做錯唔理佢, 只要填滿左, 會睇佢做完派返的功課, 會讚佢靠自己做啱晒叻仔, 老師俾B grade就會鼓勵佢靠自己去攞A, 有做錯就會解釋返俾佢聽, 教佢點樣下次唔好錯, 而我就負責同佢溫書部份, 仔仔就特別開心, 終於可以見返媽咪。食飯前多數都攪好晒功課, around 7:30-7:45pm, 飯後就練下琴, 溫下默書, 做下網上功課, 收拾書包, 其他垃垃雜雜野, 好快就9:30pm上床了。

這個模式我地暫時都覺得幾好, 爸爸媽媽都可以分擔下小朋友的事, 爸爸的方法又可以令小朋友學習自己做好d野, 最重要係仔仔自己都清晰自己要做的事。我好記得爸爸的金句︰「適當的忽略, 是可以幫助小朋友成長的!」即係話叫我唔好做太監囉。哈哈! 冇記錯你仔仔都係11月仔, 你都試下睇下得唔得。

aquarius828

小鄧:

咁聽日我地咪可以見面囉! 點先知你係小鄧丫, 我地真係失敗, 到e家都未真正傾下計, 打個招呼

其實, 實不相瞞, 我老公唔多理仔仔d功課架, 都係我一腳踢, 所以我只用我有限嘅能力去盡量同佢一齊努力; 學校多嘢攪, 我都馬虎咗架啦, 正如你所講, 填滿哂d位, 功課就照交架啦, 至多返嚟改正, 再教佢; 我同你一樣都係大約7點幾先食飯, 通常功課都已完成, 飯後的時間就做下網上嘢(中文智愛平台丫, smartABC丫, 做完之後比佢玩一陣, 無乜特別嘢就咁; 如果有默書果d, 就會同佢預默下咁) 小朋友大部份都貪玩, 但仔仔有時會過份咗, 當影響到讀書, 我就會"興"架啦! 哈哈哈... 但有時會同自己講, 唔好太緊張, 過份緊張未必係一件好事嚟!

小鄧

明天小朋友要8:15am前回校, 家長就8:30am先入得學校操場集合, 咁我就8:15am打電話俾你啦, 我仲有你電話, 學校門口相認啦。

我之前都係老公唔理的, 但眼先佢好得閒, 上網, 打機, 去打波, 有時見我發脾氣就冷眼旁觀, 佢又有佢既教育理論 (當然同我唔係好夾) 諗諗下唔係路, 大家都返工, 點解只得我咁辛苦同仔仔死過, 成績好佢唔會讚, 成績差就話我用錯方法, 老公係有d睇下我地幾時死, 既然係咁不如一齊死啦, 拉埋佢落水, 等佢感受下都好, 唔好再冷嘲熱諷。今年度我覺得仔仔可以試用老公的方法, 就盡管試下work 唔work 啦! 老公都多左感受, 關心多左個仔, 到佢開始長氣。

aquarius828

小鄧:

好丫, 咁等你電話啦....

我老公就唔會話我嘅, 因佢知我都會盡力, 得唔得係睇仔仔自己本身, d分高嘅佢梗係會讚啦, 差d果d佢話同仔仔講, 下次比多d心機啦 (其實係人都會咁講架啦, 哈哈哈) 我鬧仔仔時, 佢唔會加把口, 至多事後氹返佢, 同佢解釋媽咪點解會咁嬲...

原帖由 小鄧 於 11-11-16 10:11 發表
明天小朋友要8:15am前回校, 家長就8:30am先入得學校操場集合, 咁我就8:15am打電話俾你啦, 我仲有你電話, 學校門口相認啦。

我之前都係老公唔理的, 但眼先佢好得閒, 上網, 打機, 去打波, 有時見我發脾氣就冷眼旁觀,  ...

小鄧

咁就明天call你啦! 今次只許成功, 不許失敗。

有時回想起, 結婚接新娘時, 新郎哥都係話咩聽晒老婆話, 咩d錢俾晒佢咁, 其實要提下d將會結婚又會生bb的準新娘要加返句, 有仔一齊教囉。

我地都好慨嘆, 成績好的小朋友就要精益求精, 更上一層樓, 成績唔好的就要更加努力去追分, 有時都好無奈, 好迷失, 結論係, 咩小朋友都是在不同程度地追成績...。好在這裡有個自由的空間講下野, 開心返啦!

仲記得當年某男校小一簡介會, 佢地校長話香港的教育制度下, 活潑的男孩係一d都唔適合的, 此話我到依家都好記得, 因為我要對號入座呀。

昨日在office搬野, 搬完早左返屋企由頭洗到落腳, 仔仔見我早收想我陪佢做功課, 我就話超無力, 要zzzzz, 瞓瞓下有人按我隻腳, 我嚇到彈起, 原來係仔仔, 問佢係咪有功課唔識要我教, 佢話唔係, 不過想幫我按摩下, 等我舒服d。嘩, 即刻咩都醒晒啦, 原來開心可以係咁簡單呀!

aquarius828

小鄧:

你講得無錯丫, 成績好嘅要keep住, 所以要博命; 成績唔太好果d, 就要博哂命去追頭d; 至於成績差果d, 直頭要博哂條命起誓追; 所以都係不同程度嘅為成績而博命...

你仔仔心地好好, 好識得為人著想, e樣嘢真係難得架, 如果要我撰, 有個成績好, 但唔好心地嘅; 一個成績麻麻嘅, 但好心地果隻, 我一定撰後者, hehe~~ 不過最好就係兩樣都有啦, 人本性就係貪心, 想一得二, 所以我覺得首先係要大人改改先, 而唔係小朋友丫, 哈哈哈.....

原帖由 小鄧 於 11-11-16 15:26 發表
咁就明天call你啦! 今次只許成功, 不許失敗。

有時回想起, 結婚接新娘時, 新郎哥都係話咩聽晒老婆話, 咩d錢俾晒佢咁, 其實要提下d將會結婚又會生bb的準新娘要加返句, 有仔一齊教囉。

我地都好慨嘆, 成績好的小朋友 ...

小鄧

咁又一day啦, 希望大家明天旅行開開心心, 玩得投入, 玩個痛快。

aquarius828

各位早晨丫!

小鄧, 我地終於見過面啦, 但傾計時間唔多, 其實果日都好難得有哂a, b, c, d班嘅家長架, 可以傾下計, 時間多d就正啦!

果日旅行完, 仔仔喉嚨痛丫, 哈哈哈, 之後帶佢去睇醫生丫; 果日佢地真係發哂達, 任食零食無人話, 但食得鹹魚就要抵得渴, 呵呵!

今日小一自行派位放榜啦, 唔知有無新家長入嚟報下喜呢可?

小鄧

一定再有機會聚頭啦, 學你話, 12年喎, 咩都得啦!

我都有帶零食俾佢, 仲帶左好多tim, 簡直係搬左屋企個食物櫃去, 仔仔掛住走去玩, 我就幫下佢手派晒俾d同學仔, 人人開心囉, 回程時佢自己都唔覺得少左野食, d同學對住佢笑笑口, 好開心話佢d野好好食囉! 我仔仔玩到連有小賣部都唔知, 有公園都唔知, 只在球場上已經好滿足。

今日唔會有咩報喜啦, 中獎的都是計劃之中的, 要報喜的多是6月份呢。

小鄧

中文測驗卷都派左了, 我覺得好似冇上年那些卷咁深, 定係小朋友開始適應呢?

IQ笑話分享︰
測驗卷有作句題, "預備", 我仔仔作好一句, 冇寫錯字, 但係一分都冇, 原因係佢句野寫----我在預備吃糖。

另一句要作"先...然後...", 佢就寫成----我先吃糖, 然後睡覺。

問佢仲咩咩都寫吃糖? 吃飯唔得咩? 佢話佢都好想寫吃飯, 但係唔識寫個飯字囉! 哈哈, 我地成家人笑左好耐。

loveAM

我只仔中文都測得好好，令人驚喜！我初時都以為份卷淺，仲聽聞班班都好多人高分，我睇完份卷，其實同以往差不多，係我地啲小朋友進步左。

hellokitty2002

我睇完都笑左出黎...

原帖由 小鄧 於 11-11-23 11:03 發表
中文測驗卷都派左了, 我覺得好似冇上年那些卷咁深, 定係小朋友開始適應呢?

IQ笑話分享︰
測驗卷有作句題, "預備", 我仔仔作好一句, 冇寫錯字, 但係一分都冇, 原因係佢句野寫----我在預備吃糖。

另一句要作"先...然 ...

小鄧

我個仔就係成日都好攪笑呢, 我覺得佢大個左會係做d帶俾人歡樂既工作。

4份測驗卷, 平均都有80分, 我好滿意呀! 你地點呀?

aquarius828

hihi,

小鄧, 我都好想見下你個仔丫, 佢真係好攪笑丫! 我都比佢笑C... 但講真一句, 你仔雖然咁作, 但應該都總有分架喎(個人覺得架咋---> 起碼都有1分啦) 我個仔作句都係咁上下架咋, 老師直頭打個QUESTION MARK落去, 連我睇完都唔知佢想UP D乜, 原來佢話有D字唔識寫, 咪"了了地"咁寫囉, 咁幾個字都"了"的話, 成句都唔知乜嚟囉, 哈哈哈~~~

你個仔好叻丫, 我仔就比科英文同數學拖低哂丫, 佢4科平均分得75分到咋... 唯有寄望下次考試啦!

原帖由 小鄧 於 11-11-24 11:26 發表
我個仔就係成日都好攪笑呢, 我覺得佢大個左會係做d帶俾人歡樂既工作。

4份測驗卷, 平均都有80分, 我好滿意呀! 你地點呀?

小鄧

你見到佢真身又唔會覺得有咩特別, 是四眼仔一名, 之前眼鏡是淺藍色, 朋友話佢勁似四眼雞丁, 依家換左深藍色就話冇咁似, 我好唔明, 明明四眼雞丁個眼鏡是綠色的。

成績算有交代了, 我地阿Q d, 仔仔仲有好大進步空間, 可以繼續努力。

aquarius828

各位早晨丫!

小鄧: 我都有咁諗嘅, 但係.... 我真係驚個進步空間越嚟越大呢 我睇都要諗諗計鞭策下佢先

琴晚我先鬧完佢一餐, 提佢唔止數佰次架啦, d書成日大力"歇", 攪到d書成日爛, d刷膠比完一舊又一舊, 有時已經叫佢用返d細細粒粒架啦, 等佢試下果d滋味; 但一到默書丫果d就忍唔住都要比返原整一舊佢, 一返嚟又係咁; 加上佢做功課時又散漫, 所以琴晚終於忍唔住就話咗佢一餐; 一大聲話佢, 佢就起勢係咁做, 唔通日日都要大大聲聲話佢先得, 如果日日都要咁, 咁真係c唔少細胞囉