ADHD (食藥問題)

lokhimbb

其實我仔未睇醫生食藥前嘅表現都好飄忽...一時幾好..一時又失控咁,其實魚油有冇用我唔係睇到好大分別,都係當保健食品俾佢食

Pandama

亞仔今個月頭覆診 ,原本早上和中午(各食半粒) ,今次醫生加左分量 ,早上(1粒) ,中午(半粒),醫生話如果想佢放學後座定定係屋企做功課,就比多(半粒藥佢食) ,如果攪得掂就唔駛比佢食 .
我試過同亞仔出去參加朋友生日活動 ,出街前我都比佢食,行為就一樣,食左=無食 . (我都問過醫生這情況,醫生話食了這隻藥係領佢專心d ,如果帶佢出去玩,今本就唔駛食,因為食左都無效,出去玩佢更加活躍.
所以每次朋友慶祝活動叫我們參加 ,我都唔想參加 ,因為更加領佢活躍d ,我亞仔有得玩 ,整個人好像痴左線一樣 ,大叫大玩 ,(真係煩c)
我都唔知用咩方法可領佢,唔多咀,手多多 ,(請各位指教下,對住佢真的想c.......)

daisy17772

原帖由 lokhimbb 於 11-10-31 08:04 發表
hi carmankmm
我仔食緊自由講埸一齊團購嗰隻魚油...我都係當保健產品咁俾佢食...平時就好少俾甜嘢佢食...糖..朱古力同汽水真係好少俾....我仔星期六見完醫生...轉返食R字嘅藥了,昨日返教會..主日學老師話佢幾乖...坐 ...

Could you please tell me which 魚油 is it?  I want to find one for my girl.   Thanks.

MaMaMango

之前我有上過course, 有提過你所講的情況, 我們可以出發前要和他briefing一次, 話他知去到會見到邊個, 會玩d咩, 估計他會發生的問題(即可能會和朋友爭玩具), 提供一些解決方法(要話俾你知)
最初我覺得都幾煩, 有時出發前已經好趕, 都未有時間去講咁多野, 而且提一次他都未必做得到, 但提多幾次之後他的表現會好左, 我覺得你都可以試下

原帖由 Pandama 於 11-11-6 01:45 發表
亞仔今個月頭覆診 ,原本早上和中午(各食半粒) ,今次醫生加左分量 ,早上(1粒) ,中午(半粒),醫生話如果想佢放學後座定定係屋企做功課,就比多(半粒藥佢食) ,如果攪得掂就唔駛比佢食 .
我試過同亞仔出去參加朋友生日活動 ...

SARAHTSANG

我想問有冇人正食strattera25mg長效藥?我仔試這個長效藥已4個月了但好似無食禁又不時反胃丶作嘔丶好累7:00起床晚上8：00就開始吊魚唔夠半小時就睡著了。做功課好心散地字好像打8號風球,真係好慘成績下降。起初係食Ritalina10mg的短效藥一天兩次每次一粒可惜只維持到上課時間藥效只有6小時左右真難搞 除了食藥大家還有什麼行為冶療可介紹要經濟 請大家幫幫忙

Connielai

我個仔都係食strattera18mg,胃口差少少,又吾係好差。佢無特別吾舒服,你仔好大隻?要食25MG?我仔食開Ritalina10mg,3/4粒轉食strattera18mg。佢都係7AM食,但到11-12PM先會眼瞓, 吾駛午睡,日日都吾識累。

maydog

原帖由 香香 於 11-12-3 18:36 發表
前天我同個女去見政府精神科羅左第一次既藥Ritalina10mg  1/4. e生話佢可以試下喎. 我十五十六都唔知食唔食.

學校唔覺佢大問題. 但都話佢大頭蝦. 今年3年班. 班主任係佢中文老師. 就話佢中文寫得好草. 要佢寫靚D.  ...

我個女又係四五樣功課可以做三個幾鐘...六-八樣真係預佢五六個鐘架啦....平時係超多野講, 但係唔會周圍走架..不過好易分心囉.
但係升左小二, 咁樣做功課法真係唔諗, 我已經開始支持唔住, 仲要同個女嘈得好緊要, 所以我冇等政府, 直接去私家確診左先.....其實我去前都有心理準備覺得係專注力不足, 不過冇諗過中埋過度活躍症唧+對抗性反抗症...

暫時食左一星期藥(初初RITALIN 20MG 半粒, 今個星期加到四分三粒). 初初食藥第一日個女話好頭痛冇咩胃口, 不過放學返黎做五樣功課可以個半鐘完成, 冇乜駁咀, 脾氣又好左, 我果日真係差D感動到想喊, 從來未試過咁快咁順利完成D功課.
第二日個女冇話頭痛啦, 胃口都好返D, 做功課都係快手的.
第三日胃口差不多正常返, 不過脾氣, 做功課速度開始覺得差左..
第四, 五日, 直頭覺得打回原形...痛苦...
覆診, 醫生加藥..今日第二日食..做功課都順利返...

不過我都打算星期去排埋政府...私家長期睇好貴.....

maydog

試藥期間假期梗加要俾小朋友食,

醫生話, 因為假期你先會對住佢一日, 你先睇到佢既變化同留意到藥力大約幾耐開始消失, 將呢D情況講俾醫生知, 等醫生可以梗加準確判斷開幾多藥俾小朋友...學校D老師冇可能咁留心到小朋友既情況..

較岩左藥之後, 你再同醫生商量幾耐之後假期唔駛食啦~~
我覺得自己亂作主, 會打亂左醫生既療程囉

maydog

頭先我打左去兒童智力評估中心度問, 佢地話我有私家精神科醫生碓診左就唔駛再去佢地度睇, 可以叫我個醫生寫轉介信直接去排政府既精神科囉~ 佢都話大約要等一年有多架...

我心諗...一年有多, 我都睇左十幾次私家囉.....如果一直唔睇私家齋等政府, 我諗我自己都要睇埋精神科先掂....

不過我會叫醫生寫轉介信我俾排埋政府架啦, 睇下情況點~

因為聽你講一日食一次藥政府都係俾六百幾炆既話, 只係平私家兩百幾....
但係我私家如果較岩藥後, 成個月先見一次..咁我當食少幾餐, 同小朋友睇密D醫生, 等佢情況快D穩定..

不過點都好, 我都會排埋政府既. 睇多個無壞丫嘛!

masterunion

有無MAMA 買左Vegepa魚油丸??? 我想買比丫仔TRY 下..

alisoncheung

有冇小朋友係8歲, 吃緊concerta, 呀囝今個星期三開始吃18mg, 上堂只是好了少少, 但依舊八卦, 外咀, 做事亂, 請問一般8歲要吃幾多份量?  下星期二覆診, 係咪要叫醫生加份量呢?

lokhimbb

我仔6歲,concerta曾加藥到27mg,但效果唔理想,最終而家食緊ritalin 15mg,放學回家做功課加5mg半粒,真係每個人唔同,我仔都試咗好耐藥,情況係好啲,但就未至於好好,佢好反覆,有時唔駛食藥都好乖,又時食藥後,藥力一過,情況更差,真係唔知點好....

bbricky

我囝囝本身已做針灸,雖然睡眠改善左,但上堂成日發夢,今日醫生終於開Ritalina10mg俾他,早午半粒,希望真係可以幫到他!

faye525

回復 alisoncheung 的帖子

我囡囡同你小朋友一樣, 都係八歲~~
之前食ritalin 20MG 朝早四份三粒, 食左個半月後出現輕微抑鬱 (小小事就喊同唔開心, 以前成日笑哈哈的),
加上放學返到黎做功課都係一時時OK, 上堂就真係定左好多...
於是醫生建議轉藥, 希望第二隻藥唔會令到佢咁易抑鬱, 同埋可以等佢完成晒所有功課先藥散. 醫生又唔想佢一日食兩次藥.
所以而家食Concerta 18MG朝早一粒, 醫生話左會加藥的, 因為岩岩轉唔可以俾咁重....暫時食左一星期, 個女真係比起之前開心返好多..... 做功課時比起食Ritalin仲要再定D (醫生話因為Ritalin只係短效藥, FOR四至最多八小時, Concerta係
十二小時長效. 所以放假都唔可以過十點俾佢食, 唔係唔駛訓)

另因為我個女磅數唔理想, 食埋藥梗加唔肯食野, 變左輕左 (上星期六磅得21.3KG), 於是醫生開埋開胃藥俾佢食, 早晚各半粒, 等佢食返多D野, 重得理想D. 食左開胃藥就終於見返佢以前個食量....

醫生冇同你解釋幾多藥量都要跟小朋友磅數決定咩???
好似我個女之前22.4KG, 食Ritalin 20MG時, 醫生講得好清楚, 囡囡個磅數最多只可以食足一粒...都唔希望俾足藥量.

所以醫生想我個女重多D, 萬一藥力唔夠, 就可以加俾佢, 唔係就冇得郁....

faye525

回復 lokhimbb 的帖子

我同你掉返轉, 食Ritalin 20MG四分三先..出現輕微抑鬱於是轉Concerta 18MG 另加早晚半粒開胃藥~~