粵教中、普教中？大家分享下邊個選擇好一點？

王家爸爸

simonwan 發表於 15-6-9 02:33
”侍應“、”番茄“ 唔系廣東話字，系正式中文。反而”服務員“就系共產中文。番茄唔止廣東人講，大陸南方 ...

侍應係廣東叫法，書面語應該係侍應生。服務員唔係大陸叫法，例如空姐，台灣空中服務員。番茄、蕃薯我覺得無問題，係書面語，台灣都係咁叫。薯仔係廣東話，土豆係大陸叫法（尤其東北人），書面語應該係馬鈴薯。
當然如果你教小朋友作文寫廣東字，好多人會開心，因為中文科可以少左個競爭對手。
同樣，如果你教小朋友口試用書面語，都會有好多人開心，因為都係中文科少左個競爭對手。

Yanamami

題外話：除非好似培橋用大陸教材，HK用既普教中課本，我覚得似变左“適应HK人囗味既印度菜”，比較文縐縐d啫~其实根本就好似係图書館借果d台湾兒書(有哂音標)禁，我讀起上黎就好順囗。阿女剛考試，其中—課書係“愛丽絲夢遊仙境”，都唔係好大陸啫~

王家爸爸

Yanamami 發表於 15-6-9 07:49
題外話：除非好似培橋用大陸教材，HK用既普教中課本，我覚得似变左“適应HK人囗味既印度菜”，比較文縐縐d ...

另外，DSE考試都用唔少台灣作家既文章，如果抗拒書面語，堅持用香港既講法去考閱讀理解同作文，真係祝佢好運啦！

Yanamami

王家爸爸 發表於 15-6-9 08:05
另外，DSE考試都用唔少台灣作家既文章，如果抗拒書面語，堅持用香港既講法去考閱讀理解同作文，真係祝佢好 ...

可能唔好叫普教中，改叫國(國語既國)教中会易接受d?

MASAYA

王家爸爸 發表於 15-6-9 08:05
另外，DSE考試都用唔少台灣作家既文章，如果抗拒書面語，堅持用香港既講法去考閱讀理解同作文，真係祝佢好 ...

simonwan意思係廣東話同普通話書面語係兩回事, 我同意呢點, 實情係三文三語, 係政府方便推政策先話兩文三語

MASAYA

Yanamami 發表於 15-6-9 08:22
可能唔好叫普教中，改叫國(國語既國)教中会易接受d?

普通話同國語都好多唔同, 寫單車寫腳踏車定自行車好?

Yanamami

MASAYA 發表於 15-6-9 08:26
普通話同國語都好多唔同, 寫單車寫腳踏車定自行車好?

老实講，我地老師一定唔俾寫單車，其餘两个皆可，唔用“掏出”用“拿出”亦可，唔可以寫“的士”，要寫“計程車”，好彩老師唔死沽沽~阿女既作文，我讀落同我小時作文用語無乜分別，唔係好"大陸"feel。

Charlotte_mom

原帖由 MASAYA 於 15-06-09 發表
普通話同國語都好多唔同, 寫單車寫腳踏車定自行車好?

國語同普通話係有唔同的。習慣普通話睇台劇就間中發現「亮點」，反之亦言
。有人糾正我女話危險個危係讀二聲，唔係一聲，就係大家學習背景唔同

王家爸爸

MASAYA 發表於 15-6-9 08:26
普通話同國語都好多唔同, 寫單車寫腳踏車定自行車好?

個人覺得脚踏車比自行車好，單車不會自行，是脚踏後才會行。

MASAYA

王家爸爸 發表於 15-6-9 09:09
個人覺得脚踏車比自行車好，單車不會自行，是脚踏後才會行。

我地細個都係學腳踏車, 自行車係大陸用法, 但我唔知普教中係教邊個, 但我有次搭地鐵聽到班初中生用廣東話講自行車, 你想像下幾 "銀" 耳

王家爸爸

Yanamami 發表於 15-6-9 08:33
老实講，我地老師一定唔俾寫單車，其餘两个皆可，唔用“掏出”用“拿出”亦可，唔可以寫“的士”，要寫“計 ...

「坐的士」只可以口試時用，「打的」口試同作文都不能用，「乘坐計程車」只能在書面考試用。

MASAYA

其實書面語唔准寫單車既時候, 單車徑情何以堪

Yanamami

MASAYA 發表於 15-6-9 09:35
其實書面語唔准寫單車既時候, 單車徑情何以堪

所以香港係有自己囗味既咖喱就係禁解~

王家爸爸

MASAYA 發表於 15-6-9 09:35
其實書面語唔准寫單車既時候, 單車徑情何以堪

王維既「單車欲問邊」可能也情何以堪，不過佢既單車係指 Single Vehicle。

Yanamami

Charlotte_mom 發表於 15-6-9 08:34
國語同普通話係有唔同的。習慣普通話睇台劇就間中發現「亮點」，反之亦言
。有人糾正我女話危險個 ...

Eeeee~美式同英式英語禁款~

MASAYA

Yanamami 發表於 15-6-9 09:54
Eeeee~美式同英式英語禁款~

我以前都覺得係咁, 但美語人同英語人係溝通到, 即係關東關西人係口音同有d字眼唔同, 但溝通冇問題, 但廣東話同普通話可以完全溝通唔到, 如果從來冇睇過大陸書, 書信溝通出現誤解情況都唔細, 香港同台灣用字上較接近

simonwan

王家爸爸 發表於 15-6-9 07:29
侍應係廣東叫法，書面語應該係侍應生。服務員唔係大陸叫法，例如空姐，台灣空中服務員。番茄、蕃薯我覺得無 ...

我唔關心阿仔中文科有幾多競爭對手，我衹關心佢中文好唔好，同埋要知道中文書面語有好多寫法，唔好偏執，定於一尊。另外，你講緊系侍應，唔系空姐，唔好偷樑換柱！寫侍應生、馬鈴薯當然正確，但係寫侍應、薯仔系無問題，有問題系老師眼光狹窄，衹定一尊，無視中文之多元性，説法之地域差別。

blow_color

如果是学文言文的话，差别不大，中国几千年都是这样，没看到北方的状元、进士更多一些。

但现代中文是白话文，而这个白话发展下来就是现在的普通话，感觉还是普教中的好一些。

simonwan

我唔系提倡寫廣東話（系網上吹水當然無問題），我系話書面語都有好多唔同寫法，老師同學生都要知，唔好以爲其他寫法系錯！呢D、個D、（口岩）唔（口岩）、叻、唔系，呢D至系廣東話。
寫番茄、薯仔、單車、的士、巴士系無問題，都系書面語，大陸人絕對睇得明，而且文章有南方特色。當然，寫西紅柿、馬鈴薯、土豆、自行車、腳踏車、出租車、計程車、公共汽車都無問題。而事實上，學生也應該要知道這些説法。學生應該臺灣書也睇，大陸書也睇，唔好學似有D人以爲書面語衹有一種寫法。
如果用薯仔唔得，甘老舍專用北京土話寫書，咪連中學都唔合格，點可以成爲大師。