西灣河基灣家長請內進-Part 2

sy123456

我想問問三年級, 默中文, 第一次就要背默, 請問背默邊課呢? 形式是怎樣呢? 是否默時全文自己背默晒呢?

sy123456

原帖由 小寶 於 08-9-16 12:35 發表


通常古詩就一定要背默,如果單元冇古詩,老師就會在課文比範圍背默.
全部自己背默晒!

真係激氣, 叫佢問同學, 佢問咗後話默第二課, 辛辛苦苦背到牙血都出, 點知最後原來默貼在第二課頂Lable之內容, 所以全部唔識, 因為無溫到, 其實老師應該在手冊上寫清楚.

aypk20000

學校為何咁鬼鼠, 有很多事都不寫在手卌上或網上,照計校方有明確指示,而學生不照做的話,那就無話可說。

Xanthe

中、英文默書老師會一星期前比範圍，中默如果默古詩就唔派範圍label，如果唔默古詩就會派一張passage範圍，老師通常會叫小朋友貼係堂課簿。

sy123456

原帖由 小寶 於 08-9-19 12:20 發表
唔緊要啦,下次加油!
你個小朋友讀邊班?

C班
我覺得佢聽得唔清楚, 第二課之貼紙, 就誤解有貼紙的第二課.

sy123456

原帖由 aypk20000 於 08-9-22 16:54 發表
學校為何咁鬼鼠, 有很多事都不寫在手卌上或網上,照計校方有明確指示,而學生不照做的話,那就無話可說。

可能想試試佢上堂留唔留心掛.

sy123456

因為有細的今年入紙派位小一, 就跟幼稚園到學校參觀, 發現學校改變之不少, 番新咗好多, 不過, 無參觀課室.  聽到D家長反應, 都覺得條樓梯好長, D家長上完條樓梯都話辛苦. 有D家長話, 今年小六派位派得幾好喎, 想入, 但依家開始用小班制, 所以有D怕入不到. 我就唔知選唔選好, 因為多功課叫第一個做都好辛苦, 如果二個一齊來, 我都不能想像, 但如果選其他學校, 又怕一份都無, 爭不到, 依家個心都仲係十五十六......

AndyRain

Hi, sy123456

老師有講, 但係你小朋友唔知, 那都是你小朋友的問題.  你嘗試下一d方法train佢或每夜都哦下佢叫佢寫低老師講mei啦.  仔好多時都係咁的, 激死人架.

學校........... 唔一定要樣樣野都寫晒係校網或家課冊的, 這些我諗是幫手train小朋友的獨立能力及處事能力. 若樣樣都寫左出黎, 那好似這位小朋友咁...... 就算做左, 其實都係亞媽在背後幫手的. 佢根本無成長過.  

當然, 這間學校都有佢既問題, so..........你對於你細仔明年小一一事, 都係諗諗啦, 有利有幣. 第2個細路, 係蝕底d的, 因第2個小朋友會少左d分.

原帖由 sy123456 於 08-9-23 21:34 發表

C班
我覺得佢聽得唔清楚, 第二課之貼紙, 就誤解有貼紙的第二課.

sandylaw

原帖由 Xanthe 於 08-9-22 20:59 發表
中、英文默書老師會一星期前比範圍，中默如果默古詩就唔派範圍label，如果唔默古詩就會派一張passage範圍，老師通常會叫小朋友貼係堂課簿。

我女果班係貼在課文上方的

sandylaw

原帖由 aypk20000 於 08-9-22 16:54 發表
學校為何咁鬼鼠, 有很多事都不寫在手卌上或網上,照計校方有明確指示,而學生不照做的話,那就無話可說。

其實手冊空間有限，好多時寫功課都唔夠位，若果樣樣都寫得咁詳盡，其他功課就唔知寫去邊了...

aypk20000

這樣說來,是否手卌設計上有問題呢?這與[斬腳指避沙蟲]有何分別。手卌細而篇幅不夠，不是可以不作詳盡記錄的原因，既然校方吩咐學生的事越來越多，手卌方面也應有所改變。

Xanthe

我相信每間學校的手冊都差不多size, 2年前我地本手冊仲細本d，更加唔夠位！如果有小學學校的手冊有A4 size唔該話我知，因為想見識一下。

有時老師係課堂上吩咐小朋友做什麼或明天帶什麼、幾時小測.........都只會係課堂上講，唔會寫係手冊，第一係訓練小朋友有自理能力、記性，如果連這些咁細小的東西都不放在心上，小朋友將來會什樣大家可以相像。第二如果真係每一樣老師曾吩咐過都要寫，我相信嚇親的係家長 一打開本手冊就有20幾樣野！再者p.4後計埋10-20幾樣功課，家長仲

AndyRain

Hi, Xanthe

可否向校長反映下常識同數學一齊考試會死人的呢?? 因為完全唔夠時間溫架, 越高年級, d常識既內容就越多野要記.

好似明天要考這兩科, 我今日都只能專攻常識only, 你都知道那6課有好多野要記啦, 又要記圖. 仲要睇埋時事常識題.......真係死得.

可否建議拆番開中, 英, 數, 常分番開4日呢? 反而一科閒科既普通話就可以用左兩日??  可否將常識搭去星期五既普通話科到呢?

請研究一下, 謝謝.

Xanthe

Noted and will try my best!!!

原帖由 AndyRain 於 08-10-29 10:13 發表
Hi, Xanthe

可否向校長反映下常識同數學一齊考試會死人的呢?? 因為完全唔夠時間溫架, 越高年級, d常識既內容就越多野要記.

好似明天要考這兩科, 我今日都只能專攻常識only, 你都知道那6課有好多野要記啦, 又要記圖 ...

DaddyBO

原帖由 sy123456 於 08-9-23 21:49 發表
因為有細的今年入紙派位小一, 就跟幼稚園到學校參觀, 發現學校改變之不少, 番新咗好多, 不過, 無參觀課室.  聽到D家長反應, 都覺得條樓梯好長, D家長上完條樓梯都話辛苦. 有D家長話, 今年小六派位派得幾好喎, 想入,  ...

多功課本來尚可理解為為學生好,可是學生辛苦做完的功課或補充,教師只是叫學生自己對或交換改,那麼教師如何得知個別學生的進度,所以學生都唔知做來為乜.
家長都識自己買補充俾仔女做啦!

另外,今年派位比起以前已不算好

Xanthe

我個女 so far 讀個班 d 練習有時會小朋友互改，有時老師改！呀女話如果小朋友互改時，老師發現有d 同學錯的%高，老師會解說一次！我想班班都唔同！

今年派到英中%比上年高，反觀上年精英班的派位，我就覺得可以進取一點。問過上年6A的班主任，她說家長好多都喜歡選近屋企，所以有時派位這家野都要睇家長係選校排位！

原帖由 DaddyBO 於 08-11-3 11:38 發表


多功課本來尚可理解為為學生好,可是學生辛苦做完的功課或補充,教師只是叫學生自己對或交換改,那麼教師如何得知個別學生的進度,所以學生都唔知做來為乜.
家長都識自己買補充俾仔女做啦!

另外,今年派位比起以前已不 ...

DaddyBO

原帖由 Xanthe 於 08-11-3 20:32 發表
我個女 so far 讀個班 d 練習有時會小朋友互改，有時老師改！呀女話如果小朋友互改時，老師發現有d 同學錯的%高，老師會解說一次！我想班班都唔同！

今年派到英中%比上年高，反觀上年精英班的派位，我就覺得可以進取一點。問過上年6 ...

那位班主任好像沒有給我任何意見啊!!

難道妳期望她會告訴妳派得差是因她教得差嗎?
要問為何派得差,為什麼不問舊年的家長呢?
妳不信我,可以問多幾個?
但始終信不信,決定權在妳!!

DaddyBO

原帖由 Xanthe 於 08-11-3 20:32 發表
今年派到英中%比上年高，反觀上年精英班的派位，我就覺得可以進取一點。問過上年6 ...

那是假象,因上年的升中學生人數為73405,
而前年是79778,
故若英中學位沒減少,每間學校"平均"升英中的人數都多了,可是事實當然是BAND 1小學食哂d位,造成好似派獲英中的人數多了的假象;參考其他BAND 1學校亦如是,故不應以此理解為學校派位好了,反而參考所派中學會發覺只是一般,甚至差了.
今年升中人數約68559(小六),獲派英中的人數會再多些,下年是60976(小五),故若你小朋友是小五,恭喜哂,他獲派英中的機會提高了.

以上統計數字乃參考統計處資料,僅作參考

[ 本帖最後由 DaddyBO 於 08-11-4 18:49 編輯 ]

Happyfamily

xantha

我想問下今年小二中文默書, 明明只是問課文內容, 但係係默sentence時, 就是unseen dictation. 點解又唔事先講明, 係米咁細個就有unseen.....

thanks

Xanthe

DaddyBO,

我知你說那位班主任，我亦非常熟悉上年畢業的家長，特別是精英班。我亦非常關注每年的升中派位，所以我由P.1至現在都不停協助升中小組。我知道上年精英班的家長的意願都選擇 St. Mark's，結果有10多位派到去。如果精英班都選擇 St. Mark's 而唔進取，其他3班就會更難去到心儀中學。其餘有2位派得不好，因為成績都是一般，這2位家長選擇亦比較進取，好自然就會派得唔好！我亦聽聞班主任同這2位家長相討了很久亦一意孤行。反觀上年其他班有些 band 1 學生家長就進取些，有幾個自行已經入了英華和張祝珊。

而再上一屆的派位好些亦因為精英班的家長要求高些，有很多選擇 top band 1 的中學，自然 top band 1 會高很多！

這些事實你相唔相信，我亦沒辦法！

BTW, 各位家長唔好問我 POST 學校D歷屆升中資料出黎！

原帖由 DaddyBO 於 08-11-4 16:42 發表


那位班主任好像沒有給我任何意見啊!!

難道妳期望她會告訴妳派得差是因她教得差嗎?
要問為何派得差,為什麼不問舊年的家長呢?
妳不信我,可以問多幾個?
但始終信不信,決定權在妳!! ...