西灣河基灣家長請內進-Part 2

AndyRain

另外關於校褸和課外活動問題，其實作為家長應該都要體諒學校，因校方都有難處。
@@sandylaw, 我在使用bk回答你時都有難處, 但你現在能見到我的回覆也是經過我的一番努力去解決問題, 這回覆才有機會給你見到的呀!!
難處……世界上那一間學校/那一個家庭/那一個學生/那一個人是沒有難處的呢? 做乞衣都有係垃圾桶jup不到飯盒食的難處啦.
有難處就要去想辦法解決而不是坐係到說: 我有難處呀!! 我老細經常說一句話: “不需要說有任何問題, 我只需要解決方法!!” 這是很多私人公司的要求, 你無能力去解決問題, 那公司請你番黎做mug呢?

藉口與原因只是一線之差, 同一件事放在不同人的身上可以理解成原因, 亦有人會理解成藉口only. 係睇個人既性格及解難能力有幾高.
D外傭成日都同僱主講: I don’t know, I forget, 相同道理. 這只顯示佢工作能力低/藉口, 而唔係做不到的真正原因. @@

課外活動方面：其實田徑隊平時都有定期練習，在比賽前一個月加練，我覺得這個安排都算合理。若果校方要求學生幾個月前不停加練，到時很可能有家長會投訴，投訴校方為拎獎不顧學生的學業和健康。
@@我想你不太理解田徑隊情況了, 田徑隊的定期練習是由10月開始, 每星期兩次的. 11月比賽前, 田徑隊是沒有任何加練的, 一樣是一星期兩次.
我曾經同另一家長傾談, 覺得比賽前都不需加練有問題, 有關加練的安排, 可在暑假進行(這便不影響學業啦), 老師要放假, 無問題. 那9月開學時已經可以開始練習啦, 成員在7月時已選好了.
為何一定要等齊晒所有課外活動才一起開始呢? 這只得幾個可能性: 1. 校方處事, 板板六十四(死板, 不靈活變通). 2. 比賽對於校方來說不重要. 3. 可以與其他課動同步就同步啦, 不用做咁多野. 我相信若所有練習的安排在家長同意子女參加田徑班的通告上詳細列出, 那即是參加便需接受所有練習的安排, 家長亦不會投訴的. 最多就是, 參加了發覺支持不住, 便退出.
反而, 若校方突然加練的話, 家長就真是有意見了, 因與當初參加時所說的不一樣. 而且各人也有其他課外活動的安排.
況且, 這問題都非單一田徑隊的問題, 因為………..真係數唔到這校有什麼活動是出色的呢!! 我想這不是所有學生都不是材料的問題, 而是訓練方法的問題呀!! @@

校褸件事：校方訂立校規要穿著整齊校服，作為學生理應遵守。若家長覺得舊校褸不夠暖，亦應該自加學校規定的冷毛衣或購買新校褸。以前准許穿羽絨樓只係校方讓步，現在有新校褸了，當然要守番校規啦！
@@由第一天入讀此校已知道在某一個溫度下可以穿著羽擁的(係白紙黑字寫明的).
所以對我來說, 我不知道是校方的 “讓步”, 對我來說是校規. 況且, 若校方肯讓步, 亦即表明舊校褸的確存在不夠暖的問題.
所以當天現任校長在禮堂說明舊校褸有2年的過渡期在我的理解是…….將關於舊校褸的那一條校規整條有2年過渡期, 亦即是包括:在某一溫度以下可以著羽擁.
而不是單取一部份. @@

AndyRain

Andyrain 我很同意你的分享，但我無望了。 我大的畢業了，但小的還在這校，看到你的分享很有同感。
@@在出這post之前我想了一陣出還是不出, 因為我知道我一出, 一定會有很多人同意成績表的安排不當. 有想過, 費事俾人話我唱衰間學校………等等. 但我諗到而家也無法理解無名次一事.
連我那個不問世事的老公聽到後都話: 吓, 有無搞錯呀!! Side氣.
我出呢個post係睇下, 因為我蠢所以先諗唔到點解無名次, 還是我係正常人, 大部份人都會有同感的.
你知啦…….校長/老師, 他們讀書俾我多, 我諗到既野佢地諗唔到, 真係好非意所思呀!!!@

我在家長日的勞氣我想告訴你。我一進課室，班主任就說 --- 「給」手冊的事你不要問、不是他教的科目不要問、至於中文科，上次在電話已經談了，你還有問題嗎？ ......... 我比佢大到傻咗,,,,在沒有事可問的情況下走了...... 唉！家長日....去了跟沒去有分別嗎？
@@我見到那個同你呢個都差不多啦, 讀完grading, 問佢名次答唔到.
跟住問佢英文卷, 佢話唔係佢教, 然後又俾d好行既答案我(當然以前我問過其他老師, 佢都唔教個科的, 但係佢都可以話到俾我聽一些資料). 跟住唯有問佢細路在校的表現, 佢又話無問題….. 我個細路真係咁完美?? 但係佢唔係考第一喎, 咁都可以係完美, 無問題??!! 我怕個細路真係以為自己好ok, 會自滿!! 所以我覺得佢side緊我時間, so約即刻走人law.@@

AndyRain

@@我相信各位家長都知道家教會出了很多的努力去爭取/建議很多野.
你們的努力我們從沒有懷疑, 亦相當感謝. @@

今年是第一年舉行有2次家長日。當小朋友在家長日前一日訴我不會講名次只會講太約名次，我與大家一樣 。
家長日當天有幸見到校長及有關老師就立即去了解一番。由於當時感冒未清及未清楚了解，故此不能上網告知大家。今早見到校長亦告訴家長們的不滿，經再次了解，原來是學校出成績表的電腦系統暫時不能為每考一次的成績排名次。從前我們每個學期出一張成績表是由2次考試的平均分來作排名，以暫時的成績表如果只計每一次成績，那麼就未必能準確地計出全年的平均分，數據就會有偏差。大家都知道平均分相差0.01分都會有幾個名次出入，如果要入精英班就不可以有數據錯誤！希望各位家長理解！


@@sorry, 這個”原因”我無法接受(當然校方亦唔需要我去接受). 因為我唔相信決定每次考試都派成績表係一時3刻的事. 在決定之後就要朝著這個目標前進, 當中有任何問題, 都要想辦法去解決.
而不是……我有問題呀!!! 電腦系統做唔到既野, 唔可以用人手做嗎? 我細個讀小學時都無電腦幫老師計分架啦, 咁那時d老師又計到出黎呢, 為何我小學每次考試的成績表也有名次呢, 那時無電腦的喎??!!! 我用了不到3秒也能說出以上辦法啦.
辦法可能係蠢, 但係at least解決到問題. D老師將每個學生既總分寫在一張卡紙上(連姓名班別班號), 以人手將高分的放係前面, 低分的放係後面………130張卡要排好耐嗎?? 一個禮拜夠未?? 有心排, 2,3
日都搞掂啦. 之後再叫另一個老師去double check多次. 每班既班主任只需要準備40張呢d卡又很花時間嗎?
況且……..個系統係咁…….不打算更新嗎? 若打算更新, 為何不一早準備好呢? 不打算更新的話, 那唔好出那張紙啦, 唔環保呀!! 這不是行政安排失當嗎??!!!@@

之於你們說老師的態度..... 十隻手指有長短。我認同家長們特別是在職家長會希望老師主動講出小朋友的優點和有需要的地方。我相信這個都是說話技巧問題，可向學校反映改善。
@@老師說話技巧方面………….我想是他的準備功夫做得不足而已, 並不是個個老師都係咁的.
唔係自己教那一科都要花點時間去了解下今次其他科的卷好深, 好淺, 呢科整體學生的表現等情況才去見家長呀!! 這是做班主任應有的責任呀!!@@

今年是第一次家長日見到你們的不滿，這是我理解的。但我希望家長們要有包容之心，因為學校要安排一次家長日是需要很多東西來配合。
@@ 包容了很多年啦……….so far又點呢? 我強調一點, 我覺得好多事情不是無法解決的, 只是看當事人怎樣去處理/安排.@@

題外話，出年我的細仔亦會到這間我認為不錯的學校讀書，因為我信任這間學校、校長、主任、老師和書記們！
@@大家的要求不同, 我想要的是一間好學校, 不是一間不錯的學校.
連成績表要有名次都辦不到, 學校任何一方面出色表現都無, 我想連不錯也稱不上.
只能說不過不失吧. 人要有要求才會有進步(我除了要求學校教好我的孩子, 我自己也不停手地去做的.
不是只懂說不會做的人)!! 共勉之!!@@


@@點解之前呢個topic好少人留言? 無人留言應該好多時都無人睇的呀!! 但係點解我呢個post一出, 係咁短時間內即刻有幾個人回應呢?? 我諗從中應該得到一些啟示!! (p.s. 我發誓無通知人叫人去做馬回應我的).@@

Xanthe

Andyrain,

大家知道名次係用作編班之用，如果因為這些錯誤而另到一些小朋友應該讀到而唔到精英班的話，大家一定唔想！這個我是休會到的，因為每個小朋友的平均分都會相差好少。我呀女曾經因為與同班同學的總平均分只差0.01分全級排名己經有幾個差異。再者第二次和第四次們成績表就會有全班名次及全級名次，所有份家長一定會知道！只是第一次和第三次係唔會有排名，再者一路而來，考第一次和第三次都是沒名次的。相信這個原因會有大部份家長接受。

學校要更新電腦系統是需要$$$，我們學校是一間津貼學校，要更換一些硬件/軟件是需要教育署所批淮。這是需要時間來爭取的！

keiwanmama

Xanthe:
本來我都唔想講,不只是今次,錯誤上年都有喎,成份成績表要換,名次錯,總平分錯呀,不信你查查上年有否此事,校長也出信給受影响的同學喎,當然只是部份啦!不是沒有人出聲就代表無出錯喎!上年無需在系統改野啦,唔洗$$$去更新系統啦!唔洗去教統局申請啦!無多一次家長日啦!沒有發生在身上,你當然唔知啦!

其實有很多家長對學校有好多不滿,只是唔敢出聲,自己成班家長呻完,講完使算,好多家長們怕事,驚自己的仔女被針對,所以都唔會同學校反影!又唔會上BK,呢度只是冰山一角!

原帖由 Xanthe 於 08-11-25 19:57 發表
Andyrain,

大家知道名次係用作編班之用，如果因為這些錯誤而另到一些小朋友應該讀到而唔到精英班的話，大家一定唔想！這個我是休會到的，因為每個小朋友的平均分都會相差好少。我呀女曾經因為與同班同學的總平均分只差0.01 ...

[ 本帖最後由 keiwanmama 於 08-11-25 21:16 編輯 ]

愛的小屋

我見好多家長都話對學校好唔滿意,但我對呢間學校的感覺就唔錯,我小朋友都讀得好開心......

由一開始幫小朋友選小一巳經知道基灣無突出的校外比賽成績,我亦清楚知道基灣只係一間受歡迎的地區小學,絕唔係名校有咁多家長捐錢去增添設施,亦無私校咁多資金請咁多老師訓練小朋友去比賽.......所以如果我想我小朋友得獎,我就要自己用多d時間訓練佢....可能有d人會話學生代表學校比賽,學校都要有責任先得.....咁我想問問....小朋友得獎對學校重要d定對佢考中學重要呢?希望做家長既,唔好乜都賴哂學校,唔好唔記得自己都有責任,學校既老師都有家庭,佢地都要留d時間俾家人,可能佢地都要sat,sun帶小朋友返興趣班,佢地都有為家長日浪費時間架.....雖然我唔係一位教師,但我都知佢地既工作量好重,仲要不時被家長指責對小朋友太嚴苛,我真係鄧佢地慘....仲有人話班主任唔知其他科情況......咁班主任係咪要睇哂全班學生既所有考卷,然後逐個分析學生的問題所在,咁先算係一個盡責的老師呀?

最後講多句"家校合作對小朋友係好重要"......

Xanthe

keiwanmama,

我亦曾聽聞此事，亦相信校長已經處理好！老實說，起初我都有這個疑問，學校應該有$$$才對，為什麼樣樣都要問區會/教育局才有$$用？原因係學校的出納數據是非常古老(ps.係所有官立/津貼學校都是一樣)，並不是基灣的系統守舊，而係政府給了你一筆$$是只可以用在某些特定的項目。用唔晒係唔可以用在其他地方，隔了一段時間是需要歸還給教育局。

我深信每件事都會有每個人的看法，觀點與角度問題。在bk上近來所帶出的負面聲音是你們的心聲，我亦理解。我每天到接送小朋友回校，每天我差不多站在學校門口/停車場與其他家長溝通。時常到學校接送的家長都會主動與我交流學校的事情。這2天我亦在門口等家長反映，我亦有主動出擊詢問其他家長，但大部份的答案都是感覺不錯，這我亦理解。

老實說，在bk裡的小學一覽，你會很少見到有家長主動回答學校上的行政工作，通常只會談天說地。目的是什麼，是為了我嗎？是為了我的小朋友嗎？通通都不是。我是希望用我的認知來助不能到學校的家長解答我知的問題。我希望學校可以聽到不同的聲音，但有時候過份激進的發表可能會引致反效果。為什麼你們不寫email / letter給校長告之你們的感受和建議給校方呢？總好過只在bk裡不停數學校的不是，這樣對學校及讀緊的學生一d都唔公平亦間接影响自己小朋友！如果你擔心小朋友會被學校抽後算賬，我可以告訴你校長做事是磊落大方，絕不會有這些事情發生！因為我心口成日有個"勇"字，這5年都沒有發生這情況在我身上。

我識得一些朋友讀不同津貼學校，當中亦有一些傳统名校，有家長同我說她未曾可以到學校幫手做義工因為學校是不會歡迎的。亦有家長在家長日問老師小朋友成績，考試最差邊到，老師只說平日小朋友功課錯邊d錯得多就錯這些。家長一d都唔會知錯嘜，因為試卷唔會派返屋企。這些其他學校家長都好想這我們一樣可以直接與學校對話。

各位冢長每間傳统學校要作出改變是需要時間！

夢想成真

非常同意！我對基灣的感覺也不錯，我小朋友一個己畢業升了中學(F.2)，一個就讀緊小四。他們都說讀得很開心........ 我都有推介給其他家長，有些朋友想入都入唔到呢。

有時真很不明白一些家長對學校有所不滿但又唔肯轉校是為了什麽？是怕轉到其他學校會差過現在嗎？或是心有不甘呢？或是怕派中學派得很差嗎？名次是否真的重要？重要得過個人修養嗎？

原帖由 愛的小屋 於 08-11-25 23:24 發表
我見好多家長都話對學校好唔滿意,但我對呢間學校的感覺就唔錯,我小朋友都讀得好開心......

由一開始幫小朋友選小一巳經知道基灣無突出的校外比賽成績,我亦清楚知道基灣只係一間受歡迎的地區小學,絕唔係名校有咁多家 ...

AndyRain

名次對學校是作分班之用, 但對於我來說是用作賽後檢討的.  每次考完試都需要去進行檢討的, 單憑單一學生的分數, 實無法作出中肯的評論.

至於名次/電腦系統的問題, 我的論點是: 幾十年前已經可以做到的事, 今天反而做不來.

我想有人誤會了我的意思, 我從來沒有覺得/認為我的孩子在課外活動拿不到獎是校方/老師的問題, 我提出的是校方若積極點去訓練學生, 可能可以提高得獎的機會. 請明白若校方真是積極推行培訓, 我的孩子最多都只是取得一, 兩個獎(在一個比賽內), 但是整間學校可能可以攞到更多的獎. 所以我唔認為這是出於個人利益, 況且我已經說明這問題不只田徑的問題. 我個人的觀點是: 一係唔好參加比賽, 參加了就盡力去做好佢. 盡了力, 最後都law不到獎, 我覺得是完全沒有問題的.

我提出這law獎的問題, 是因為校方曾經派發家長問卷, 內裏提到怎樣對外宣傳學校給準小一學生/家長認識(內容大約是這樣). 我即時想到的是, 只要你自己有優越的地方, 便不需要撥一些資源去對外宣傳了. 留番那些資源發展學校更好.  因為有 "射"自然香.

我提出的其他事例是說校方的行政安排欠缺妥善. 如散買校簿的安排..............  沒有人否定吧??!!

老師/校長多野做.........全港只有這校老師多野做嗎? 況且我亦已提出了, 不如將d課外活動簡而精, 令老師可以不用handle咁多野, 但集中精力去做好某些活動更好. 我們曾經參加過校方的外判班........質素.......... 以後都唔敢再參加了. 可能係我地黑仔, 這或許是單一事件, 但我們真的中左獎.

anyway, 唔再係到side時間了!!

super11mum

AndyRain, please check pm

原帖由 AndyRain 於 08-11-26 09:58 發表
名次對學校是作分班之用, 但對於我來說是用作賽後檢討的.  每次考完試都需要去進行檢討的, 單憑單一學生的分數, 實無法作出中肯的評論.

至於名次/電腦系統的問題, 我的論點是: 幾十年前已經可以做到的事, 今天反而 ...

sandylaw

AndyRain

你說得對！每個家庭/學校都有難處，但要解決問題是需要雙方面的。舊校褸不夠暖這個問題，我想大部份家長都同意，那現在學校設計新校褸去解決問題，為甚麼你又不好好跟從共同把這個問題解決，反而再另出一條難題呢？

Xanthe

各位：

今日學校在網頁裡已回應大家對有關成績表名次編排之處理事宜，大家可作參考！如有任何有關查詢請聯絡校長！

http://www.keiwan.edu.hk/special_notice/report.pdf

有關成績表名次編排之處理事宜

近有家長查詢，指本校習慣於家長日派發之成績表上列出學生考獲名次，但本年11 月22 日家長日所派發之成績表未有編排名次，期望校方交代。

根據本校一向的處理方式，每年考試4 次，每次所佔比重為25%，分上、下學期兩階段處理名次編排。在缺考的處理方面，學生於段考或期考中某一次出現缺考，電腦將會以其中一次考獲的分數加倍，以處理其中一階段的名次編排，若然學生在段考及期考均缺考，則不會被編排名次。
過往校方於上學期期考後安排全年一次家長日，本年度起改於兩次段考後作出安排，目的是增加家長與老師見面溝通的機會，校方仍將按過往習慣，於上、下學期期考後編排名次。至於五、六年級的成績表，仍按教育局指示，只列等第，亦不會列出名次，校方可按學生報讀中學的要求，為學生提供證明。特此函覆，查詢請聯絡何校長。

中華基督教會基灣小學
26/11/2008

[ 本帖最後由 Xanthe 於 08-11-26 17:46 編輯 ]

夢想成真

剛剛看到但唔識post出來！ 至少睇到學校很願意行出來傾！

家長們唔好再說學校唔做野啦，唔該！

原帖由 Xanthe 於 08-11-26 16:31 發表
各位：

今日學校在網頁裡已回應大家對有關成績表名次編排之處理事宜，大家可作參考！如有任何有關查詢請聯絡校長！

http://www.keiwan.edu.hk/special_notice/report.pdf ...

sandylaw

原帖由 Xanthe 於 08-11-26 16:31 發表
各位：

今日學校在網頁裡已回應大家對有關成績表名次編排之處理事宜，大家可作參考！如有任何有關查詢請聯絡校長！

http://www.keiwan.edu.hk/special_notice/report.pdf

有關成績表名次編排之處理事宜

近有家長查詢，指本 ...

可否照把名次填在成績表，另註明

名次只供作參考，確實名次以期考成績表為準呢？

Kwbaby01

我是本校學生家長，經其他家長介紹認識這個網站。經過一個下午來看了整個討論區，很奇怪為何這個討論區會對學校有這麼多的負面及反對聲音。

我的小孩大的讀P.6，第二的讀p.5，細的讀P.1，她們每天都開心去上學。我經歷了2位校長，1位是梁校長，第2位是現任校長。2者相比我比較喜歡現任校長，因為她很果斷、勇於改革、不停改善學校設施、願意聆聽家長需要的校長、令老師主動與家長溝通。從前我時常擔心小朋友上樓梯回校時會有危險，因為樓梯凹凸不平，連家長到學校也危險萬分。這幾年家長日回校見到樓梯容易行了，廁所沒有臭味發出，心感安慰。曾聽家長要求要有2次家長日，終於今年大女未畢業前實現了。

我不時常到學校因是位在職媽媽，但我選擇3位小朋友讀基灣是因為它是一所受歡迎的學校，老師大多數都有愛心(至少我3位女兒都沒有遇到一些惡的老師)，派位不俗，老師會給很多機會給小朋友。我特別喜歡小一老師，她們都好有愛心去助小朋友去適應學校生活。越高年級的小朋友亦因為年紀大都會嚴謹一些。

課外活動太多不能精英化，但如果所有活動都要精英化，我相信小朋友是最辛苦的。像我女兒那麼平庸，那麼什麼活動她就沒份參加了。現在的課外活動能讓低年級多參與，這是好的現象。想當年大的和第二都沒有這麼多活動可參加。

校褸的問題，我亦曾想慳一些錢不買新校褸(因為有3位女兒)，但發覺如果為了慳這些錢而令小朋友病了反而影響更大。要一口氣要買2件校褸又真是肉痛，但要令小朋友遵守校規，我覺得這是值得投資。之於不能穿其他褸作保暖之用，我覺得都是合理，小朋友的外觀整齊對學校都是很重要的。不可因舊時制度可以穿著其他褸而不買新校褸。再者，在購買新褸時，通告已經清楚寫明不可以穿著其他褸回校。

家長日的問題，可能我一次過要在同時段見3位老師，所以我沒有理會成績表名次問題。反而我是想了解3位女兒在學校的生活，學習上有沒有困難...... 說實話增設家長日的目的是什麼？是單為了一張成績表嗎？小朋友的問題不用家長去理解嗎？家長日的目的是只看名次嗎？如果真是這樣，那麼這些家長真是......

可能以上的發表會引起一些聲音，作為家長的我，我很明白有些事情都要雙方配合才可成功。每件事都要理智討論勿過份偏激。

[ 本帖最後由 Kwbaby01 於 08-11-26 20:31 編輯 ]

sy123456

好耐無入來了, 最近各位是否心情差, 好負面喎!

我覺得各各家長各有要求, 可能我由此至終都是現在這位校長, 我覺得學校進步中, 比起最初到這校只覺得十分舊, 現在起碼加大左, 又維修左, 已經有進步, 不過, 要明白學校改革做老師教左咁多年叫佢地改都有難度, 行政方面同政府一樣你估咁容易咩, 我地掛住左中華基督教教會, 咩事都要向教會知會, 所以無咁容易架.

Xanthe

all,

2月23日會派成績表！

sy123456

今次有無家長日呢?

Xanthe

冇，只派成績表。5月9日才是第二次家長日！

原帖由 sy123456 於 09-2-17 10:21 發表
今次有無家長日呢?

sy123456

我想問各級優異生是指什麼? 是否成績進步? 還是考1-幾名?