祟真VS培道

goldvia

little_yolky 發表於 14-11-5 13:00
男仔如果TT同培道揀, 一定揀培道, 除非想入基崇, 因為培道最大優勢係九龍城網, TT响深水埗, 男仔無運行。如 ...

十分同意, 如果喺TT讀得好top, 真係志不在沙崇, 一定考曾記, 沙官同呂記....

BTW, 我想問培道升中轉沙田網 (跟住址), 會唔會跌banding? 即是就算喺培道成績都唔夠一線尾沙田小學?

little_yolky

goldvia 發表於 14-11-5 14:39
十分同意, 如果喺TT讀得好top, 真係志不在沙崇, 一定考曾記, 沙官同呂記....

BTW, 我想問培道升中轉沙田 ...

你最好去升中網問吓啲神級神人。
至於沙田, 我覺得曾記同呂記好啲, 其實沙官得班精英班叻, 其他都唔係好叻。至於曾記同呂記比較, 曾記又較佔優, 因為呂記有兩間聯繫(定直屬呢)呂小, 食硬一批學生, 雖然兩間呂小都出名好, 但始終唔及全部自己揀過既好。生源已經佔優。

CBabeY

原帖由 little_yolky 於 14-11-05 發表
男仔如果TT同培道揀, 一定揀培道, 除非想入基崇, 因為培道最大優勢係九龍城網, TT响深水埗, 男仔無運行。如 ...

但女仔成績好過男仔，怕永遠考包尾，實際培小多男仔Band 1嗎？

little_yolky

CBabeY 發表於 14-11-5 14:45
但女仔成績好過男仔，怕永遠考包尾，實際培小多男仔Band 1嗎？

如果個囝唔叻, 去TT咪仲死, 因為除非去基崇, 唔係既話, 深水埗網男仔真係

用校網計, 九龍城網真係無得輸。至於培道多唔多band 1男仔? 我只可以好官腔咁講, 呢啲係個別例子, 人人唔一樣, 始終有叻既男仔。 最少, 培道大部份係band 2就是鳥。

hkpapa852

little_yolky 發表於 14-11-5 14:52
如果個囝唔叻, 去TT咪仲死, 因為除非去基崇, 唔係既話, 深水埗網男仔真係

用校網計, 九龍城網真係 ...

唔好講到令人覺得你下下踩緊崇小抬高緊培小喎, 妳其實有利益衝突嫁.

雖然好多野都係事實..... 係深水埗區, 男仔升中可選既一線中學, 無論數量同質量, 都不及九龍城區

little_yolky

hkpapa852 發表於 14-11-5 15:31
唔好講到令人覺得你下下踩緊崇小抬高緊培小喎, 妳其實有利益衝突嫁.

雖然好多野都係事實..... 係深水埗區, ...

你唔好咁講喎, 當年我真係好like TT, 除咗校長之外, 因為我一心想入基崇, 有成70%。同埋, 都有諗過如果讀得好, 會考聯繫既沙崇, 不過, 依家知道原來係美麗既誤會。


崇小响深水埗, 男仔band 1位已經唔多, 仲要同禮賢砍, 真係博唔過。都係果句, 除非想入基崇。不過, 聽講基崇轉咗校長, 要打聽清楚啲先。


至於培小, 真係有好多缺點架, 最大既優點係校網靚囉。但如果小朋友叻仔, 緊係九龍城網多選擇啦, 如果唔叻既, band 2都仲有好多好學校有得揀, 係咪咁話。

你都唔好怪我將太多事實講出嚟, 因為我忍咗好耐, 培小都唔錯, 好多家長想入間有愛心、校風好、愉快學習、唔催谷、有back up既學校, 就係無人提培小。呢幾年我一句聲都無出, 係因為唔想將D好嘢吹出去, 我都要顧下細果個, 吹大咗太多人報, 阿細入唔到點算, 人係自私既, 尤其係阿媽, 係咪?

依家我上咗岸, 可以再同你講, 培中先至係好嘢。

doll_fish

今年而家讀緊的小一有冇雙非?或者內地家長的小朋友?今年in時，都有一批係內地人，說普通話。

marie12345

聽完你地咁講，即是深水步區對男仔不利了？
升中不是跟自己住址個區派嗎？定跟小學既區派的？

hkpapa852

marie12345 發表於 14-11-5 18:09
聽完你地咁講，即是深水步區對男仔不利了？
升中不是跟自己住址個區派嗎？定跟小學既區派的？ ...

升中派位跟小學個網，可以自己要求教育局改用住址網。但轉咗網，除非你個小朋友係全校最Top個幾個，如果唔係，小學老師未必知個小朋友係另一區係邊個Banding，呢個係一個問題；再加上由弱區轉強區有可能導致邊緣人跌Band呢種可能

marie12345

原來係咁，怪不得要睇小學升中派位成績，我重考左幾間都係深水步區添，如果九龍城網的中學係咪好d?

嵐嵐雲妮

崇小直系基崇啊,校舍唔錯,又有泳池. 而崇小除了多蚊,語景真係好.

doll_fish

謝謝你