如派位唔理想，想叩返已放棄的直資……

emibaby

上年WFN 乙二已經派唔到喇。

其實叩門真係唔容易，雖然我地派得唔差，但都想叩d更好既，派位當日叩咗6間，兩間即日面試，兩間第2日written test，兩間冇消息，等咗幾日一直冇消息，唯有註冊派果間，同時寫咗叩門信去兩間心儀學校，結果兩間都收咗。

LJ3981

乙二銀禧丘中不是一定得嫁！
大抽獎得幾十個學位幾十間小學乙一收曬先輪到乙二，再到乙三肯定沒可能得手的了！

emibaby

ksc2000 發表於 18-3-1 09:32
請問叩門面試後, 會幾時知收唔收架?   謝謝

叩門後通常即日或幾日內通知去註冊，未被通知旣即係落選

little_yolky

LJ3981 發表於 18-3-1 09:42
乙二銀禧丘中不是一定得嫁！
大抽獎得幾十個學位幾十間小學乙一收曬先輪到乙二，再到乙三肯定沒可能得手的 ...

你可以乙一填丘中的, 丘中都係好唔錯既學校嚟。反正培中校長都話自己大部份收B1生, 信既咪B1揀佢囉, 無問題既, 都係一間好好既學校嚟。

CALVEN

emibaby 發表於 18-3-1 09:40
上年WFN 乙二已經派唔到喇。

其實叩門真係唔容易，雖然我地派得唔差，但都想叩d更好既，派位當日叩咗6間， ...

請問你寫叩門信的2間是在派位當日叩門的其中2間？
另：入SPCC叩皇仁的同學成績如何？有特異功能嗎？自行有否見皇仁？

Hellomimi112

CALVEN 發表於 18-3-1 10:43
請問你寫叩門信的2間是在派位當日叩門的其中2間？
另：入SPCC叩皇仁的同學成績如何？有特異功能嗎？自行有 ...

推薦信及叩門信沒有實際作用，學校只會睇學生真材實料。另外QC叩門只收有面試記錄既學生呢個幾乎是肯定的，因為根本不設有叩門面試及考核，註冊完畢就會call叩門成功學生，但QC對所有人叩門申請表也會收下的。

emibaby

CALVEN 發表於 18-3-1 10:43
請問你寫叩門信的2間是在派位當日叩門的其中2間？
另：入SPCC叩皇仁的同學成績如何？有特異功能嗎？自行有 ...

一封比派位當日有面試果間，一封比從未面試又冇自行遞表（因為不設叩門，所以博下面試），結果出人意表，只可以說幸運黎形容。

果位男仔好似係男生既級二，其他就唔清楚

wootungtung

扣回好微，除非你的小朋友非常特別及出眾。

kennyklt

九龍城網乙一填丘中銀禧差不多必入，九龍城網好多B1同學乙一都填迦密華英，然後旅港，再放黃匆南乙三，銀禧丘中做安全網。唔好忘記有一批同學其實自行已經收咗，所以九龍城B1抽獎位基本夠分。

little_yolky

kennyklt 發表於 18-3-1 11:33
九龍城網乙一填丘中銀禧差不多必入，九龍城網好多B1同學乙一都填迦密華英，然後旅港，再放黃匆南乙三，銀禧 ...

實在對極了。

所以, 放榜後响網上見到話乙二不入的資訊, 一定要仔細參詳。因為對方有機會係估錯band, banding呢樣嘢, 除非學校數據好穩定, 同埋小朋友成績較前, 科科平均, 學校資訊又透明, 否則唔係話100%。九龍城仲有幾間好好既直屬學校, 吸納咗一大批小朋友, 所以相對都算樂觀。當然, 有D額外因素, 例如黃笏南新校舎好吸引, 銀禧出咗個成績好好既學生等等, 都會有即時影響, 所以點解舊年多咗人揀銀禧同黃笏南。


你講得啱, 自行同直資已經吸納咗一批尖子, 剩返大抽奬既, B1頭唔會响乙一揀B1B/B1C校, 就算B1B學生, 乙一都應該填B1A校吧, 所以B1B-B1C校係咪真係乙二、乙三無機, 真係要自己諗得好清楚。

王家爸爸

little_yolky 發表於 18-3-1 09:16
隨時前面七個都係女仔。

其實男女仔既差異被過度誇張咗。

王家爸爸

ksc2000 發表於 18-3-1 09:32
請問叩門面試後, 會幾時知收唔收架?   謝謝

通常都好快，一、兩個工作日內。

little_yolky

王家爸爸 發表於 18-3-1 13:41
其實男女仔既差異被過度誇張咗。

無跨張架, 我哋級5內得1個男仔。不過我哋學校女仔多, 男女比例係4:6。

王家爸爸

little_yolky 發表於 18-3-1 13:44
無跨張架, 我哋級5內得1個男仔。不過我哋學校女仔多, 男女比例係4:6。

我細仔當年小六精英班得四個女仔。

bobbob

little_yolky 發表於 18-3-1 13:44
無跨張架, 我哋級5內得1個男仔。不過我哋學校女仔多, 男女比例係4:6。

你哋都好，我仔學校頭5都係女仔，仲要男仔多過女仔少少

sauwai00

王家爸爸 發表於 18-3-1 13:48
我細仔當年小六精英班得四個女仔。

阿仔宜家係精英班都係男仔多過女仔，全級排名前有3個男仔係阿仔前面，仲要報同一間自行

mcl203

little_yolky 發表於 18-3-1 09:16
隨時前面七個都係女仔。

叩門中學唔會理叩門生前7係咪女仔呢～～～

little_yolky

mcl203 發表於 18-3-1 14:27
叩門中學唔會理叩門生前7係咪女仔呢～～～

但自行就好重要喇, 因為男仔考男校, 咁你就係第一喇。

mcl203

little_yolky 發表於 18-3-1 14:38
但自行就好重要喇, 因為男仔考男校, 咁你就係第一喇。

真係唔會知喎，例如你男仔排第一，全級排50，可能你最終都無得面試，邊會関心你前面有49個女生～～～

little_yolky

mcl203 發表於 18-3-1 14:46
真係唔會知喎，例如你男仔排第一，全級排50，可能你最終都無得面試，邊會関心你前面有49個女生～～～:joyo ...

咁香港男仔又無咁弱雞, 最多前面果10個有大半都係女仔啫。要知道, 自行同校一齊報同一間, 前面多幾個, 一定蝕章既。自行始終都只係得個次弟, 同校既有幾個响你前面, 中學又年年同校只收1-2個人, 心裡一定有壓力既, 你睇QE差唔多變女校就知啦。