油尖旺區Band 1 仔你們點揀？

懶羊羊

可否再分享一下你對培育仔仔的看法.

我是ftm,小接觸而家的大學畢業生，但我家人也有提及有些新畢業同事，讀書科科A,但返工好似遊雲，成曰背黑wok.

我仔仔讀書OK，但侍人處事硬係有他自己看法，我都好怕他日變成高分低能.

hngr

apsm 發表於 13-5-1 17:58
朋友個仔話.......佢個仔水水地入去，6年後，水水地出返來，冇驚喜



  ...

即便神童级入去，水水地出返来都没问题，不学坏便可以。或许看看以下九龙华仁的用家专页，有助客观分析：

www.facebook.com/wyksmallclass.but.cutstudents?ref=stream

懶羊羊

回復 miffy 的帖子

多謝,真是好的推介

mhv_woman

必必 發表於 13-4-25 21:55
幾年前都聽過band 2有機會入到, 但唔好忘記, 聖芳濟同銘基都cut左班, 收生人數少左一班, 對比起以前, 抽到既機會又會細左.

師兄係學校排名係band 1中,  唔會跌到band 2. 排名後過佢既都入到華仁, 聖芳濟. 所以佢阿媽話佢地好黑仔.

純粹個人猜測, 並非有意針對
1. 每間學校Band 1 生所佔的百分比並不相同, 例如:A校有40%, B校10%, C校可能得1%都唔出奇. 還記得上年區內某知名基層小學, 因為該校有1個學生考入九華而上了報紙, 先至聲明, 我並非歧視這學校,  我對該校校長由衷敬佩. 我只是以此作一個例子, 說明每間學校的band 1 生比例不同.  而此比例會根據 pre-S1 成績去變, 教育署從來都沒有公開此資料, 校方都係靠之前派位成績去估自己學校有幾多%係band 1 生
2. 級名次並不是實施呈分的名次, 因為級名次包括全部科目成績與呈分名次不同, 有小差別並不奇怪.  Band 1 最尾果位同Band 2 最頭那位都只是差1名
3. 有較後名次同學派到九華, 可能此同學有特異功能, 面試表現較好, 又或者如上述情況, 呈分名次較好
4. 有較後名次同學派到聖芳濟, 此同學除了上述情況外, 可能是Band 2 生不過隨機編號較前
綜合上述情況, 個人認為網友所述情況好大機會已經跌落Band 2 生.  當然, 不排除人為輸入出錯.

另外, 小貼士作參考希望幫到大家大抽獎, 只可用於區內band 1 生:
1. 女孩子: QE, 油真只可以二擇其一放在第一位
2. 男孩子: QE, 九華可以二擇其一放在第一位
3. 任何情況下QE 只可以放第一, 放第二一定唔會中, 除非面試已入.  
4. 銘基放第三亦都唔會中, 因為大部女仔第一排QE 或 油真通常第二會排銘基, 因此, 銘基唔會有位留下給第三志願, 如果真係想讀銘基, 排第一中的機會好高

謹祝各位都派到心儀學校

必必

只係想借此分享下所見, 所聞及所知既事實, 原意係想俾大家了解下係呢個大抽獎之下, 隨機號碼既重要性.  但原來大家對band 1生抽入band 3學校係有咁大既懷疑.  真係始料不及.  

mhv_woman

說實話, 我並不是唔信該小朋友真係派到band 3 學校, 只係根據教育署所講, 會派完所有band 1 生, 然後才開始派band 2 生, 最後才派band 3 生.
以此機制正常情況下, band 1 生派位一定會優先過band 2 生.  理論上未派band 2 學生前, band 2 學校一定有大把位比band 1 生隨機號碼較後的, 要派去band 3 學校, 除非
1. 教育署入錯選校編號, 但一般家長都會選多間band 2 學校排在band 3 學校前, 連續入錯又check 不到機會很少 ... 當然1次意外就夠
2. 家長填錯, 呢個機會都好細, 大家都好緊張, 我當年都對佐4-5次
不過, 教育署如此黑箱作業, 中間有太多unknown factor,  唉, 可憐天下父母心
當年小貓派位時, 有個級名次後約廿名的女同學派了入QE, 自行時大家都沒有面試機會(全班只有考第一的有面試機會), 如果當時小貓派去band 3 學校, 就一定係教育署出錯, 因為經大抽獎入QE 一定係 Band 1 組別, 由此推論小貓一定係Band 1 組別, 絕對冇可能會跌落 band 2派去band 3.

silvia_ng

原帖由 必必 於 13-05-09 發表
只係想借此分享下所見, 所聞及所知既事實, 原意係想俾大家了解下係呢個大抽獎之下, 隨機號碼既重要性.  但 ...

咁當事人有冇向教署上訴？因為老師實有資料support 小朋友所屬banding 架？例如考佢後面同學都仲派到band 1?

必必

理論還理論, 事實就真係事實.  舊年呢位師兄真係去到好後志願, 我亦不是道聽途說,  而係我親身同呢位媽咪傾過.  根據學校既全級排名, 佢係band 1中, 唔係邊緣人.    全級排名後個佢既, 入到華仁, 聖芳濟亦係真.  舊年聽到佢既遭遇, 都覺得不可思議, 好彩最後叩到門, 轉左校.   

希望今年大家都唔會有咁既事發生啦!

88muimui

必必 發表於 13-5-9 17:43
理論還理論, 事實就真係事實.  舊年呢位師兄真係去到好後志願, 我亦不是道聽途說,  而係我親身同呢位媽咪傾 ...

咁有可能係學校呈分時呈錯呢位師兄嘅排名

mhv_woman

必必 發表於 13-5-9 17:43
理論還理論, 事實就真係事實.  舊年呢位師兄真係去到好後志願, 我亦不是道聽途說,  而係我親身同呢位媽咪傾過.  根據學校既全級排名, 佢係band 1中, 唔係邊緣人.    全級排名後個佢既, 入到華仁, 聖芳濟亦係真.  舊年聽到佢既遭遇, 都覺得不可思議, 好彩最後叩到門, 轉左校.   

希望今年大家都唔會有咁既事發生啦!

我都信呢個係一個事實, 不過又是否事實的全部呢?
1. 較後名次同學派到九華, 可能此同學有特異功能, 面試表現較好, 學校自行時已經收了此同學，根本唔需要大抽獎　
2. 有較後名次同學派到聖芳濟, 此同學未必是Band 1 生。
３。如果有較後同學沒有面試，而大抽獎入到ＱＥ，咁就一定係教育署出錯，要去申訴專員公署投訴，還小朋及家長友一個公道。
４. 學校認為佢係band 1 中, 並非就一定係band 1生, 不竟每校每年band 1 生比例都唔同, 再加上舊年咁多千禧 Ｂ，只要同區其他學校升幾個％，而該校跌幾個%, 同樣名次，前年係band 1中，上年跌落Band 2頭, 個人認為是有可能的。

ohnono

必必 發表於 13-5-9 15:08
只係想借此分享下所見, 所聞及所知既事實, 原意係想俾大家了解下係呢個大抽獎之下, 隨機號碼既重要性.  但 ...

我係#94都已詳述這情形。
這情形亦唔係油尖旺獨有，九龍城這幾年因為升中人口減少，位多人少，都有不少band 2生派入band 1學校而成為假band 1學生，特別是區內那幾間極其進取的小學，如果老師一路都將這班假band 1當作真band 1去處理，遲早會有同學因為咁而選錯晒學校而出現所謂band 1派band 3的情形。九龍城區係咁，還有沙田，大家都聽唔少band 1派band 3的情形。而大部份這種情形都會出現係一向都屬位多人少競爭的區域。

今年九龍城區有一兩間甚至三間都好大機會出現band 1英中學校會收到唔少的band 2同學。如果老師又跟據這個情形推算明年升中派位的話，咁出年肯定又會有好多假band 1派band 3的情形。

mhv_woman

純粹個人意見, 油尖旺區可以用QE作參考, 例如級名次50沒有經過面試但大抽獎入到QE, 那麼, 有9成機會該小學的band 1 人數就是前50名.
我知此言論一定會引人非議, 說我偏頗 QE.  其實當年填大抽獎, 我並沒有選QE, 因為此校是區內最熱門中學, 命中率最低
補充一點, 如果子女成績並非全級頭幾名, 又沒有特異功能護身, 那麼我奉勸大家自行時不要報QE, 以免白白浪費了一個機會. 不過呢, 如果沒有其他選擇, 就當別論.  如果真係想入, 可以大抽獎搏下, 六合彩都有人中啦, 我肯定中QE易過中六合彩
至於其他中學, 因為大部份自行時都會面試所有考生, 取錄與否除了看成績, 技能及面試表現外, 還會考慮該校本身所需, 因此, 個人認為不能作band 1 生界線指標.

ohnono

mhv_woman 發表於 13-5-10 10:12
純粹個人意見, 油尖旺區可以用QE作參考, 例如級名次50沒有經過面試但大抽獎入到QE, 那麼, 有9成機會該小學 ...

如果考50的同學可以憑抽獎進入QES的話，咁當然學校最少都認為會有50個band 1同學(要分開是50個band 1，不等如考第1-50就是band 1，因為總有機會是考49是band 2但仍可派到band 1，而考51是band 1的但派往band 2)，因為大家都估到QES在區內的受歡迎程度。但最令老師難估就係上年頭80個同學之中有20個同學可以進入銘基、聖芳濟和循道的話，我就覺得會令老師好難估。夠竟邊個同學先係真band 1，邊個係band 2但可抽入銘基和培道甚至聖芳濟呢。以往九龍城區內某些進取的小學都會將這20個同學有幾會可以抽入band 1學校的當作band 1生處理，一方面考慮到其他學校都唔會亂咁將band 2生來搏和最多放榜後幫同學叩門，唯有這樣才可輕易地將學校入band 1率提高。
至於伊中的面試，我覺得係睇教局的排名居多。兩年前我講過九龍城區內某官小學校名次排2x的都一樣有得in。最令大家可以放心的，如果真係全校頭一、二、三名的，就算唔係去左直資都會去晒喇X、皇X、上X、BXS、MXS、甚至林X、曾X添呢D，就算有選QES，都只會將他作第二選擇的保險之用。所以唔係頭幾名的先至應該要去就真，機會就係等這班同學一走，你就可以從後備名單中補上。

講到大抽獎。如果以油尖旺的現任升中家長心態，有邊個唔驚抽唔到你的第一志願而要去第二志願的銘基或者聖芳濟或者循道。如果從學位多寡和純男/女校的角度，點睇都係男同學選九華和女同學選真光有著數。伊中扣除埋聯繫位之後，只有一班堅持喜歡男女校的家長會以此作首選的機會較高。

mhv_woman

回復 ohnono 的帖子

我提議全級頭三名才去報QE是因為有親身經驗, 小貓就讀小區內頗受歡迎的老牌小學 (每級都開5班, 每班三十幾人).  托賴小貓一直都是全班頭三名及全級頭十二名內, 但都冇面試機會, 以我所知全校真係得全級頭三名有面試機會, 其他全部冇得面試

ohnono

mhv_woman 發表於 13-5-10 17:35
回復 ohnono 的帖子

我提議全級頭三名才去報QE是因為有親身經驗, 小貓就讀小區內頗受歡迎的老牌小學 (每級 ...

我見到的跟你見到的分別不大，都係要好好成績的才有面試機會，但未必一定是頭三，多數是十名之內啦。但我知道某間學校又真係有2X的同學都有面試機會。所以我先至覺得，係冇錯，伊中作為一間受歡迎的學校，一定會有好多叻仔叻女來報，但唔好唔記得，既然有學校可以2X既都有面試機會，我就更加覺得教局的排名對佢地來說都好重要，對程度高的學校一定有利。既然係咁，我先至覺得只要有好成績，睇下往年的派位情況。如果伊中是屬本區的話，自行跨區的情況怎麼樣，再去作考慮都未遲。空談要頭幾名先好來報伊中，未必咁實際，還可能令自己錯失良機。
況且，真係有好成績的，好多未必以伊中作首選，再看看學校以往頭幾名學生派去邊就知。講開又講，唔好話伊中，就算華英和以往的旅港得一次面試的時候，想自行時有得面試都唔容易就真！如果真係考慮伊中的話，每年有600多同學自行報名，但從中揀選200多(約1/3)面試，又好似唔係好難，點解唔試下呢！

ohnono

有時，我地唔好比EK呢度好多家長嚇到，佢地呢頭話好難好難，邊間又好難，轉頭又話SPCC收了，第二日又聽到話女拔收了，恭喜之聲不絕於耳。又有d家長話好難好難，呢次真的好難，直資落空了，自行連信心都冇埋，大抽獎直情想第一間就填間band 2落去算了。

對一些超班的同學，去到邊都考佢地唔起，呢間收完第二間又搶住要。記唔記得上年有個家長話小朋友已經被英華取錄，點知叩下伊中又收，叩下喇沙都收，雖然呢度都有好多人叫佢選伊中，最後因為太多選擇，都唔知佢揀左邊間。對一些普普通通的同學來說，可能連一間普通既band 1英中的面試座位都好難獲得。這點絕不意外，在EK裡溜連左幾年之後，發覺這個世界確實是天外有天，雲外有雲，高手何其多！就算是一些經常概嘆說難不易的家長，背後的可能只是在極度無奈底下所作的申吟而已。

倒不如睇返以前學校派位的數據，參考下老師的意見，才作實都未遲，每間學校都各自有不同的情況，我都係唔想有d同學錯失左機會，亦希望有d同學可以把握到機會！

ponysee

ohnono 發表於 13-5-9 23:51
我係#94都已詳述這情形。
這情形亦唔係油尖旺獨有，九龍城這幾年因為升中人口減少，位多人少，都有不少band ...

想問吓九龍城區,邊幾間係極進取小學?