請問馬鞍山邊間小學比較好呢﹖

yheva

教學理念和參考學校的綱頁是比較抽象,我個人認為實例實際de, 所以請求     在學(各馬鞍山小學)的媽咪, 發表意見不論好壞.  

KK1706

frogfung ,
謝謝您的資料 !
我想問下,您囡囡係唔係第一ROUND 就收左拉...定係第二ROUND入的呢?您有冇宗教分呢  ?因為阿女得15分,唔知有冇機會呢?可否分享下您的心得呢 ?唔好意思,這麼多問題 ?

yheva

提議你進入明報的綱頁,"06/07升小選校攻略" 裏面會有全港各區Band 1小學的排名. 希望會對你有幫助.

http://life.mingpao.com/cfm/Interact7a.cfm?SchoolName=&SchoolType=津貼&SchoolGender=ALL&District=沙田區&age=2[quote]

yheva

http://life.mingpao.com/cfm/interact7a.cfm?SchoolID=0&SchoolName=&SchoolType=ALL&SchoolGender=ALL&District=%A8F%A5%D0%B0%CF


小學
■搜尋條件：
ALL＋ALL＋沙田區
■搜尋結果：
你一共找到 54 間學校，請點選任何一間學校的名字，查看學校的詳細檔案。
(搜尋結果以學校所提供資料為根據)  
1. 九龍城浸信會禧年小學(下午)  

2. 九龍城浸信會禧年小學(上午)  

3. 中華基督教會基覺小學  

4. 五邑工商總會馮平山夫人李穎璋學校  

5. 天主教聖華學校  

6. 世界龍岡學校黃耀南小學  

7. 台山商會黃達道紀念學校  

8. 禾輋信義學校  

9. 佛教明珠學校  

10. 吳氏宗親總會泰伯紀念學校  

11. 沙田小學  

12. 沙田官立小學  

13. 沙田官立小學(下午)  

14. 沙田崇真學校  

15. 沙田循道衛理小學  

16. 東莞工商總會張煌偉小學  

17. 東華三院冼次雲小學  

18. 東華三院譚兆小學  

19. 保良局王賜豪(田心谷)小學  

20. 保良局朱正賢小學  

21. 保良局雨川小學  

22. 保良局莊啟程小學  

23. 保良局黃族宗親會小學  

24. 保良局蕭漢森小學  

25. 宣道會陳元喜小學(下午)  

26. 宣道會陳元喜小學(上午)  

27. 胡素貞博士紀念學校(下午)  

28. 胡素貞博士紀念學校(上午)  

29. 迦密愛禮信小學  

30. 香港中文大學校友會聯會張

Murrychan

Calter,

我想我是你所指的那個無聊又無知的人,但是我也沒有想法去破壞人家學校的聲譽.我只是想知多一些那些合併後的辨學理念和方針.正如所有上市機構高層有所變動是,他們都會向小股東們explain why they change the chairman and what is the direction / future of the company.以補充多些information.

我並不想在此討論區內與各不同意見家長筆戰.在此向各位說聲Sorry  
        

frogfung

KK1706

我囡囡第二ROUND入佐,
因為第一ROUND 是15分 入唔到

KK1706

frogfung,
THANK YOU !

frogfung 寫道:
KK1706

我囡囡第二ROUND入佐,
因為第一ROUND 是15分 入唔到

ehksn

本人的小朋友(男仔).是坐唔定個種。請问選主風或馬循好。有冇其它suggestion.住在馬循對面。如得十五分、是否有机会。
Thanks!

露絲

ehksn,

第一倫唔得未等第二倫囉, 我都係第二倫ja, 而且仲係第二個仔tim.  一定有機會架, 希望在明天...

我個細仔好唔定, 周圍走..佢都得, 連上堂d野都講到比我聽, 又讀到普通話及英文比我聽, 已唔錯.  我都掉了眼鏡, 所以唔係凡事絕對的, 看開d, 比心機教個仔d常規便可.

祝願望成真!!!!

ehksn 寫道:
本人的小朋友(男仔).是坐唔定個種。請问選主風或馬循好。有冇其它suggestion.住在馬循對面。如得十五分、是否有机会。
Thanks!

Murrychan

yammyma

我都同意 StParent 所提要同他校合併既學校,水準都好高,如教署肯實施小班教學,佢地就唔駛走上被殺或合併之路.請StParent & Calter給多些information.

請問StParent & Calter你們的小朋友是在那間學校上課呢.校風如何?

貓大姐

我亞女 是 馬主 二年級的學生, 當然 以 20分 第一 round 入左....  因為有宗教分

KK1706 寫道:
frogfung ,
謝謝您的資料 !
我想問下,您囡囡係唔係第一ROUND 就收左拉...定係第二ROUND入的呢?您有冇宗教分呢  ?因為阿女得15分,唔知有冇機會呢?可否分享下您的心得呢 ?唔好意思,這麼多問題 ?

du媽

我個囡今年都係馬主讀一年班, 不過我係叩門入嘅, 之前都有叩過馬循, 但係聽聞馬主嘅校風好d, 又好彩肯收, 所以就係馬主讀啦!! 返左兩個幾星期,我個囡就真係好開心, 功課唔算多, 好多時巳經係學校做晒, 因為佢地有一堂比佢地做,重可以問老師!! 但係我最欣賞佢地嘅教學方法, 好注重小朋友閱讀嘅風氣, 好鼓勵學生自行閱讀, 個囡依家好喜歡睇圖書, 一返到屋企有時間就攞d書出黎睇,重會話d內容同我一齊分享. 好明顯覺得佢讀書積極左. 之前擔心上小學會唔適應, 依家就完全無晒啦. 所以覺得一間學校嘅學習風氣都幾重要.

yheva 寫道:
教學理念和參考學校的綱頁是比較抽象,我個人認為實例實際de, 所以請求     在學(各馬鞍山小學)的媽咪, 發表意見不論好壞.  

yheva

多謝分享!

frogfung

me too, 100% agree with du mama

KK1706

du媽,
多謝分享.
我都決定左,25號去馬主交表了,雖然只有15分,但都去博下先，唔得就等第二round了 !
希望可以入讀馬主拉!       

Calter

Murrychan,

何解之前這麼火爆(sorry)，正正因為本人正是上列"合併學校"其中一位家長。看見人家說你學校的負面又非真實的話，當然心感不悅，正如人家說你們純陽學校的負面，你也會激氣一樣。 :

ehksn

露絲,

非常感谢你的回覆.可否告知你的細仔讀馬主或馬循呢？是否讀得開心、公課是否很多呀？Thanks!

Cheers,

:wink:

Marcus-Mama

Hi! KK1706

想問下你在兩間學校之中(馬循 & 馬主),什麼原因決定了馬主?因我現在重係心大心細,想參考一下你的見解.

Thanks

brian_mama

我覺得馬主除了成績不錯，校風好外，就係馬主俾好多機會小朋友參加不同的比賽
例如一年一度的朗誦節和音樂節，我囝囝現在4年級，已經參加過2次朗誦節和3次音樂節比賽，今年也有參加呢﹗我知仲有合唱團，集誦等等。另外，馬主係運動方面都俾學生好多機會參加不同的比賽，如游水、田徑、羽毛球、體操等等，其中游水成日都有獎

露絲

ehksn,

你好呀!  我細仔是讀馬循, 好適合佢讀.   當初好多家長唔係幾睇好我細仔讀馬循, 原因1: 佢地好想讀到, 怕我囉咗個位. 原因2: 我細仔好唔定, 走來走去, 幼稚園先生都看顧不到.  原因3: 話唔適合我細仔, 叫我去報活動教學的學校.

不過我的直覺話我知, 我細仔係好適合e間學校, 如果我放棄的話, 就要讀返哥哥個間.  但我認為哥哥的學校唔適合我細仔, 我細仔會好痛苦及好易受哥哥身邊的同學影響.  要學壞3日就得, 但要學好3年都未得, 基於德育培訓的關係是好重要, 以及馬循很近我住所, 所以我就選馬循.

我以前住藍田, 藍田亦有一間藍循..在區內的名氣唔錯..好好, 所以我信口備.

我細仔係一個唔定的人, 走來走去, 你要佢坐定, 佢會好辛苦, 佢有時會話學校嚴, 要罰企, 唔多開心, 不過免除這些事情佢會好開心囉.     講真, 自己個仔做錯受罰,是應該的.

不過我睇到佢有進步, 佢定咗, 規矩咗, 表達力強咗, 自信心高咗.   可以表達到不滿及滿意的事情.

功課量唔多, 壓力未見有.  因9月-12月無需考試, 待1月才考. 佳因適應期嗎~~    其實我倒覺得對家長及子女方面會好d, 因為上小一是要有一段好長的適應期, 如果唔夠會反效果.   要使子女喜歡學校而學習才是上茦, 家長亦都無需因應付考試而迫使子女害怕學習.   因為每個小朋友的學習情況不同, 如果考小一次試, 而家長的壓力又小咗好多, 變相子女喜歡學習的機會大咗, 考試年年有, 唔會無得考, 亦都唔會怕子女學唔到d咩野.   最重要幫子女度過適應期才真的是我們的責任.

我細仔而家返到屋企做功課的時候, 佢會好清晰話到我知學校學到d咩野, 連功課我都無需點教佢, 佢已經識, 做事好積極, 好快做完功課.   我還有時間同佢溫習tim.  比起以前哥哥讀小一的時候, 細仔好上幾陪.   而哥哥不能講得出學校教d咩野, 最'教'笑的是...原來哥哥學校教數時是教小朋友認兩個字......共 及 還有, 到二年級同樣的數, 哥哥竟然唔識, 我問點解, 佢話先生教認這兩個字, 但佢地完全唔明點解囉...  :evil:  d 中文/英文都是唔清唔楚, 死記.

細仔而家可以用普通話讀中文書都唔怕......(未上小一我好怕, 因為幼稚園時佢唔肯講及無心機上堂, 上足1年都坐唔定, 完全唔肯合作.)     所以e間學校的老師下咗好好的功夫囉...    數學/英文都唔錯, 我真的掉眼鏡, 我太睇小個細仔及老師的能力啦...    不過我現在完全相信間小學, 放心比佢地教個細仔囉...  (連我個仔都'教''dim', 真是有一手)

之前有個家長親身分享經驗..好積極, 我都有小小唔多信, 但現在我已明白到啦~~~~   (親身試試會明白點解)

ehksn 寫道:
露絲,

非常感谢你的回覆.可否告知你的細仔讀馬主或馬循呢？是否讀得開心、公課是否很多呀？Thanks!

Cheers,

:wink: