ADHD食葯問題...請賜教...(急!)

~仔仔媽咪~

原帖由 77777 於 09-7-4 19:22 發表
佢係得鍾意睇書, 因我唔想佢睇咁多電視....不過佢d中文作文都係無頭無尾, 無心機作....

查實, 您都好呀, 可以治倒您個仔, 我成日比個仔食住, 重有我個c6, 今日明明夠晒鐘去公文, 我出去等lift, 佢成十分鐘后要我不 ...

我隻佬咪又係咁...一味靠害...好似頭先咁,個仔好地地响自己上格床度玩,我老公响下面開壇幫佢D模型噴色,實情我已經唔太鐘意佢响屋企噴模型,但算係隻佬唯一嗜好,佢平日要養哂我全家又番工咁辛苦,我都算,但佢開冷氣係為咗等D colour唔會出霧水,又唔事先話定俾我同個仔知,咁出風位响正我仔上隔床上面嘛,個仔嫌冷氣凍咪自己熄咗部機佢囉!跟住我老公剛啱噴好嗰set模型parts真係出水,我老公起火囉!個樣即時變2號樣,係咁媽媽叉叉個仔話個仔熄咗佢冷氣,咁個仔開番囉,跟住佢再噴番D模型補鑊先知補唔到,佢又黎叫個仔入房捉住個仔黎話...我睇到火到呢..即刻入房stop我老公,我話:"佢有事先講明個仔,等個仔知一熄冷氣會有咁既情況就話啫,但佢都無講,我同個仔又唔係玩噴模型呢家野,鬼知熄個冷氣都'咁大件事'呀...."跟住我隻佬至叫做收下口咋!啱啱個仔話要食野,要老豆整野食,我老公又黎借題發揮同個仔講都係因為佢(我仔)熄佢部冷氣,至搞到佢依家進度咁慢喎!....你話...對着我隻佬係咪仲勞氣過對住我仔???平時成日聲大大話個仔駁佢咀又諸多辨駁,心諗,梗係啦,爸爸都係咁啦,亞仔好難唔係咁囉!真係投哂降!!!

~仔仔媽咪~

原帖由 zater 於 09-7-4 18:00 發表

轉校失敗左呀

我想問下你地當日為仔仔做評估係o係邊度做架?  係咪做全面性評估?  

同埋之前有個媽咪PM咗何醫生既電話俾我,呢個醫生幾出名又真係真心幫我地呢班ADHD小朋友架...如果你想搵私家睇,你話俾我知,等我摷番個電話號碼俾你吖~~~

~仔仔媽咪~

原帖由 77777 於 09-7-4 22:53 發表
如果您唔係事先聲明, 小朋友又真係唔會知, 事實大人平日唔係玩開都唔知啦.....咁您阿仔覺得凍, 好自然係熄左佢law.....

不過, d男人就係唔夠細心, 好多野都以自已為中心, 不過, 有時我都真係無氣, 我隻c6成隻牛咁,  ...

咪就係!D衰佬未親自撞板,佢地條頸真係硬過石頭架!有好多時對住隻佬真係會神經衰弱~!個仔至少都會買我怕,但隻佬仲扭紋過個仔...激C咗!!!

~仔仔媽咪~

原帖由 77777 於 09-7-4 23:50 發表
有時對住佢真係想打佢架, 阿仔係曳, 不過唔係佢, 阿仔會無咁曳....

呢兩日, 我隻腳真係好鬼痛, 行路又無力, 真係行平路都會卜親, c6呢兩日總於開始知道我隻腳有幾衰....

如果我再差落去, 我諗我都要搵私家醫生.... ...

唔好咁灰啦....D男人個個都係咁架!我之前都係試過好病,我隻佬完全一D表示都無,仲要發我脾氣,好似係我專登病甚至詐病咁,even我陀第二胎時,我隻佬都可以日日發我癲,到我小產响屋企出血時,我老公仲訓覺唔理我,我話要去急症室,佢仲可以黑面寸我:"駛唔駛大件事呀?",要我求佢咁,佢至黑哂口面慢條斯理換衫同我去醫院,到醫生要我留院,佢至轉轉地樣,跟住個醫生話多數個胎唔得會流產,我老公連一句安慰說話都無,跟住自己又黑哂口面咁GUT我:"你究竟食錯咗D咩呀!"我嗰刻都無言囉!所以我依家同人講我唔再鐘意人唔再同呢個男人生BB都係因為呢件事,因為佢嗰十個星期既表現,真係令我歎為觀止!之後仲有好多,我胃抽筋痛到响床度喊,佢又係唔理,我病到係咁訓,又係走黎黑我面....總之D男人個個都autism,都係一樣咁'自我'!

查實你對腳...醫生講係咩原因會痛成咁?有無方法可以根治到?唔緊要啦,正如你所言,我地做亞媽既只要有啖氣,點困難同辛苦都好都會全力以赴,幫到幾多咪幾多囉.亞媽咁為自己,仔女查實好知架...唔駛咁擔心啦.加油!

zater

原帖由 ~仔仔媽咪~ 於 09-7-4 21:30 發表


同埋之前有個媽咪PM咗何醫生既電話俾我,呢個醫生幾出名又真係真心幫我地呢班ADHD小朋友架...如果你想搵私家睇,你話俾我知,等我摷番個電話號碼俾你吖~~~ ...

仔仔媽咪,
好呀, 麻煩你.   我想o係暑假幫阿女做左個評估, 到下個學年, 用份評估同學校傾.

模型事件 - 你個老爺真係好小朋友喎

出血咁大件事, 點解佢可以咁架


77777,
你隻腳有咩事?  以前出過意外?  定係關節痛問題?

~仔仔媽咪~

原帖由 zater 於 09-7-5 01:43 發表


仔仔媽咪,
好呀, 麻煩你.   我想o係暑假幫阿女做左個評估, 到下個學年, 用份評估同學校傾.

模型事件 - 你個老爺真係好小朋友喎

出血咁大件事, 點解佢可以咁架


77777,
你隻腳有咩事?  以 ...

唔知點解PM唔到,一係响呢度話俾你知啦.

Dr. Ho Ding Pong - Tel: 27879372


都話我隻佬AA地(自閉)架啦...淨係識得諗自己架咋~~~

~仔仔媽咪~

原帖由 77777 於 09-7-5 10:50 發表
唉, 其實我陀阿仔時都成日同隻c6嘈交, 所以個段時間都係唔開心架.....

個時隻腳係有事, 不過都係自己一個去睇醫生, 佢唔會陪我law.....重話我個時重可以去街, 都唔係咁差.....佢都覺得我無事架....佢d屋企人來成二 ...

我都明您...D男人個個都係咁架...我隻佬何止唔信,佢好興次次我病完even我只係胃抽筋(傳染唔到架嘛),之後佢都可以即刻輪到佢病,可能係惡性循環,佢唔信又唔take care我,我都同樣覺得佢係詐病...久而久時,我都費鬼時理佢,我病咗亦唔會刻意俾佢知,反而咁樣佢又識得走黎關心下我喎...或者你又試下呢個方法,咩都唔駛同佢講,亦唔需要佢安撫,等佢自己靜靜地留意番你,睇下會唔會有所改善.

唔好唔開心啦~~~我地女人要自強,只要個仔開心,我地就開心架喇~~~加油!!!

zater

仔仔媽咪,
唔該晒!



77777,
你隻腳其實係咪要 keep 住做物理治療?  你仔仔仲細, 好多野要你睇實, 加油呀!!!

~仔仔媽咪~

原帖由 77777 於 09-7-5 15:32 發表
多謝您地, 我呻完就無事啦, 不過有時自己真係會好唔開心, 阿仔咁細, 我隻腳又咁, 有時成日諗條路可以點行, 阿仔找中學我都唔知點算, 隻c6想佢同個仔in多兩間, 佢都費事....個時找幼稚園同小學已經係咁....見多兩間又 ...

或者約埋我一齊去囉~~多個人陪你有多個照應嘛~同埋試下唔好頭一日同最尾嗰日去囉,盡量都揀閒日朝早去,會少人好多架~!同埋上網同個仔睇定個仔想搵既書响邊一層,同佢講定媽咪只可以同佢去邊層同邊幾個攤位睇書,之後媽咪就要離開要休息,等囝囝有個心理準備先吖嘛.

如果到時你真係去,你話聲俾我知啦,等我又安排下時間睇下我地可唔可以約埋一齊去睇書囉~~~

~仔仔媽咪~

原帖由 77777 於 09-7-6 09:30 發表
您真係好好人, 多謝您, 不過我因為本身行路好鬼輪盡, 有時行平路都會跌倒, 所以一定要隻c6扶實我, 不過佢上年就係將呢個重任大部份時間交托比阿仔, 而阿仔又扶我唔實, 所以我卜左兩次....

同埋我行去巴士站乘車都好 ...

如果您戴護膝會唔會無咁痛?

都無辦法架,咁個仔你老公都有份,有時候都要爸爸做番D野係為個仔囉,真係唔好將所有責任攬哂上自己身度,有時對住老公就正如對住小朋友一樣,有D野一定要俾佢地'學下點做',做到咪讚佢地乖同叻囉~~~ 我對付我隻佬都係咁,佢嗰日發脾氣,我即晚同佢講話要扣佢十分,仲話佢呢次唔合格!佢幫我煮餐飯或者幫我做少少野,我都會讚到佢天上有地下無,又話佢叻又話佢整得好好味,仲要好誇張好感激咁攬住佢話:"多謝老公",咁我老公自然無咁易埋怨囉.做都做得開心好多.基本上我一直認為男人同小朋友係無分別.

睇下點啦,如果到時你都係要陪個仔去,你話俾我知,等我編排好時間,再陪你一齊去啦.

zater

如果啱時間, 可以預埋我一齊去書展架

仔仔媽咪,
Dr. Ho 放左假, 過幾日再繼續 call

~仔仔媽咪~

原帖由 77777 於 09-7-6 16:46 發表
我諗可能會好d卦, 不過好耐都未試過.....

我老公都有幫我手洗碗, 不過有時佢會洗得唔多乾淨, 我又好鬼衰會鬧佢, 都係唔好閙咁多, 佢都唔敢話我煮d野唔好食, 因會無得食架.....我會突然間唔識煮.... :joyous ...

咁你老公都有好既一面既,睇得出佢都係好鍚你,只係個個男人都係咁小朋友又粗心大意啫~~~

唔駛客氣~~~我都係乘機約下人去街啫~如果有機會既,等地都一齊gathering 啦~

~仔仔媽咪~

原帖由 zater 於 09-7-6 19:17 發表
如果啱時間, 可以預埋我一齊去書展架

仔仔媽咪,
Dr. Ho 放左假, 過幾日再繼續 call

好呀~~~如果真係去既話,我地約埋一齊去啦~

係呀,等你好消息啦,因為對番個名先知係寫書嗰位何醫生,唔知佢收得貴唔貴呢...如果唔貴我都想帶個仔去睇佢.

~仔仔媽咪~

原帖由 77777 於 09-7-7 10:28 發表
我睇完都諗左好耐, 我係咪好唔心足呢??  不過, 可能人大左, 真係覆雜左, 比著20年前, 我隻腳condition好d個陣, 佢如果咁樣對我, 我真係會覺得自己好幸福law.....

到時如果大家可以約同一日去, 可以比d細路一齊玩下 ...

我反而調轉,我依家係越黎越對我隻佬無要求,可能之前佢俾我既失望太多喇,發現你對呢個男人越多期望,失望只會越大,倒不如對佢無要求無期望,佢做得好既自己又會開心,佢做唔好既,我又唔會太激氣或者唔開心,咁我又唔會俾太大壓力佢要求佢變或者做好,咁都算係為大家好既.

係啦,到時如果約到一齊去都幾好架~難得我地呢班小朋友可以一齊玩,我諗都會幾開心.

loklok0104

仔仔媽咪,7777,

我有D問題想請教倆位架!

請問你地幾時開始發覺你地既小朋友有問題出現呢? 如有過度活躍症,專注力不足/情緒問題既小朋友係嬰兒期會有咩特別行為表演出離呢?

我個細仔而家1歲5個月, 佢D脾氣及行為令我同老公都好煩惱, 佢成日發脾氣, 一唔順佢意時佢就會大叫大咸, 又或身體咬腰, 我成日都好驚佢會整親自己, 佢唔願意接觸佰生人, 若有佰生人逗佢玩時, 佢又會大叫大咸+身體咬腰座係地吓. 我好擔心佢係有D情緒問題, 因為哥哥以前BB時並唔係咁, 完全唔同.

謝謝你們!

~仔仔媽咪~

原帖由 loklok0104 於 09-7-7 14:51 發表
仔仔媽咪,7777,

我有D問題想請教倆位架!

請問你地幾時開始發覺你地既小朋友有問題出現呢? 如有過度活躍症,專注力不足/情緒問題既小朋友係嬰兒期會有咩特別行為表演出離呢?

我個細仔而家1歲5個月, 佢D脾氣及行為令 ...

實情我仔嗰陣時都係咁架,但嗰時都係自閉傾向多D,我仔嗰D過度活躍特徵,大概都係响五歲左右開始明顯地出現囉.

咁你細囝講野方面如何?會唔會依家呢個moment開始佢會突然有堆原本識得講既野會disappear咗?即係原本一歲前仲識嗌爸爸媽媽,但去到歲半時連呢D都唔肯講,淨係用尖叫同喊同埋扭黎表達佢想要D乜?

如果我個人認為最穩鎮方法,都係及早帶細囝去做個評估先囉,政府嗰邊通常要排期,同埋D姑娘醫生未必肯幫你做轉介,實死話你仔無問題仲好smart添,想當年我仔三歲唔識講野又打到人訓低,個姑娘同健康院醫生都話我仔好叻唔駛睇囉..(太多人有呢D問題,政府想慳資源)...所以如果經濟許可既話,去出面私家嗰D兒童精神科/心理醫生度做評估先,及早搵到個問題所在,及早安排做訓練會對小朋友既進步改善係有幫助架!政府嗰邊你都照排,不過要企硬幾乎要同健康院姑娘C過嘈過咁制,佢地或者先至會死死地氣同你做轉介做評估.唔係就經出面私家醫生寫紙話懷疑小朋友有自閉或過度活躍問題,跟住你拎住張紙自己打電話去就近你屋企既(政府)兒童智力測驗中心,同姑娘講你有私家醫生寫既轉介信話懷疑你囝有自閉或過度活躍問題,需要黎排期做一次全面性評估,要求排期,到時你同姑娘傾,佢地就會作出適當既安排.但政府既評估甚至所有訓練同支援,每個要排期都排好耐,至少半年,所以我會傾向於即時帶囝囝去私家度睇會好D囉.


希望幫到您啦.

~仔仔媽咪~

原帖由 77777 於 09-7-7 17:20 發表
我係覺得自己做唔來, 佢咪要做, 有時覺得佢都係好無奈接受law.....

我而家都唔會咁急要佢點點點..... 因我自己一個人急係無用law.....好似阿仔溫書就係啦....不過, 有時要同老師傾計我就會叫佢, 等佢知下law.....

...

都係架!有時要隻佬去親身感受去知個實情先得架!D男人就係咁!想當年我自己全部一個人湊住我仔,唔駛我佬去理去做,佢咪响班朋友面前話:"車,湊BB好易之嘛!都係同佢玩同俾佢食"跟住全棚朋友都O哂咀囉!跟住到我仔開始出問題時,佢日後至慢慢感受到湊仔有幾難同辛苦.依家佢係無聲出亦無得再講湊仔咁容易.

loklok0104

原帖由 ~仔仔媽咪~ 於 09-7-7 16:53 發表


實情我仔嗰陣時都係咁架,但嗰時都係自閉傾向多D,我仔嗰D過度活躍特徵,大概都係响五歲左右開始明顯地出現囉.

咁你細囝講野方面如何?會唔會依家呢個moment開始佢會突然有堆原本識得講既野會disappear咗?即係原本一 ...

仔仔媽咪，

謝謝你詳細既解說，聽完你咁講我真係更加擔心!

本身哥哥已有邊緣讀寫障礙，我已花好多心機時間係佢樹，如細仔真係........我諗我都唔知點

由於細Ｂ主要係由工人湊既，可能係雙語環境下，所以佢由1歲到而家都只係識講bye bye, 無其他。

下個月細仔就會去健康院打針，我到時會問吓姑娘，反映我既問題，不過我都預左姑娘會同樣講你所提到既說話。

另想請教，我現皆段有咩要留意觀察呢？如多Ｄ帶佢接觸其他人，又或早Ｄ俾佢上playgroup，對佢會有好處嗎？

謝謝!

[ 本帖最後由 loklok0104 於 09-7-7 17:53 編輯 ]

~仔仔媽咪~

原帖由 77777 於 09-7-7 17:36 發表
我阿仔好細個時係唔可以唔抱, 會好扭計架.....試過初時比佢訓響度, 唔理佢, 佢可以喊足1個鐘唔收聲, 聲都沙晒, 我地先抱佢.....抱佢就無事, 佢從來唔會訓晏覺, 不過夜晚都無問題, 可以訓倒天光.....

都佢兩歲幾時,  ...

我仔嗰時都係响三歲半check到言語發展遲咗差不多兩年,我仔又係好固執,一喊可以喊好耐同好癲,咁我又唔會抱佢,同佢鬥耐囉,但爸爸好多時就會跟埋個仔喊埋一份或者打個仔...(都話我係湊住兩件ADHD架啦)...去到六歲再做評估時就發現佢有埋動作協調障礙囉,ADHD係私家嗰邊評估到先,嗰時IQ test反而我仔係得砌積木嗰方面零舍高過正常人倍幾,其餘D項目都係正常線以下但又未去到弱智位囉.

~仔仔媽咪~

原帖由 77777 於 09-7-7 17:49 發表
同我隻c6一樣, 佢成鬼日覺得我響屋企係無野做架, 重有叫佢同我一齊買餸, 佢又覺得我好叫佢拎咁多, 不過佢又好鍾意餐餐有三餸一湯飲, 您都知湯可以要買好多野架啦.....佢又唔鍾意叫返來食, 又唔鍾意買咁多餸.....我成 ...

我老公都係咁架~!不過可能我克住佢,佢真係俾我食住,佢都會肯幫我拎一陣野既,係無耐借D2又話自己腰背痛,走黎將一件二件連埋佢自己個袋都掟哂俾我同個仔拎啫...(搵笨)! 所以我至話D男人個個都係小朋友黎,仲要個個一係Autism一係Hyper黎.激死!!!