油尖旺區Band 1 仔你們點揀？

mega_yi1

我也有親身經驗, 讀小區內頗受歡迎的小學,當年小囡只不過小五呈考30幾,小六二十幾 又冇特別證書 都有得見喎! 如果你們鍾意,可以不妨試下, 見面時可看到面試的人從不同的學校來,亦可以看到校內環境同設施. 最後,我就將QE填了第一志願.

米康

我揀了九華做第一志願博大抽獎，但上一次自行就揀了第一做銘基，（銘基有去面試的），小兒最後一次呈分考全級十五，老師話他三次呈分拉埋考全級十八，咁你哋話我小兒有冇機會入到九華呢？

khmama

如果入咗銘基就冇機會入九華.

mega_yi1

米康

自行揀了第二是什麼, 有去面試嗎?你學校全級有多少人.這樣才可知道你是否band 1 生.

米康

原帖由 khmama 於 13-05-11 發表
如果入咗銘基就冇機會入九華.

我知道可能銘基上一次有機會收咗都唔定，但如果銘基上一次面試冇收到的話，咁機會又點呢？

米康

原帖由 mega_yi1 於 13-05-11 發表
本帖最後由 mega_yi1 於 13-5-11 22:42 編輯

米康

我自行第二是揀聖芳濟，但冇份去面試。全級得96人，老師話是 band 1 叫我博九華同聖芳濟入男校就會有機會喎！

khmama

現在問呢個問題太遲，有小小自尋煩惱，假如目標係九華，自行唔會咁揀. 不如先假設如果入咗銘基同聖芳濟，你係咪樂意接受？

米康

原帖由 khmama 於 13-05-11 發表
現在問呢個問題太遲，有小小自尋煩惱，假如目標係九華，自行唔會咁揀. 不如先假設如果入咗銘基同聖芳濟，你 ...

我梗樂意接受啦！其實這幾間都是我目標之一，只不過在填大抽獎時，老師話銘基少位，而且是男女校，又叫我改變策略，因為原來九華有最多位，所以要我放兩間男校在第一和第二。

khmama

咁就唔使担心咁多. 不過我可以話你知，如果放銘基第一入梗，你個老師唔係好識選校. 可能你無心插柳入九華都唔定，三間都應該會中是但一間，第三志願你揀邊間？

米康

原帖由 khmama 於 13-05-12 發表
咁就唔使担心咁多. 不過我可以話你知，如果放銘基第一入梗，你個老師唔係好識選校. 可能你無心插柳入九華都 ...

第三咪係揀咗銘基囉

redkoni

米康 發表於 13-5-12 13:16
第三咪係揀咗銘基囉

雖然自行第一志願揀銘基亦未必入梗，但乙部大抽獎第一志願揀銘基入得到的機會有九成九九，當然學生要肯定屬Band1生，也不包括系統出錯、報錯分、入錯school code及估錯Band等等。你們揀學校似乎氹氹轉咁，自行有自行，乙部還乙部，睇吓有無儍福。

mhv_woman

有冇機會見都唔係我地決定, 而且情況每年都唔同,  我都講過, 中QE肯定高過中六合彩, 況且有差不多三份一機會面試, 都幾高丫

補充返D 資料當年全級1-3名有面試, 頭1及2名派入QE, 第3名派入區內另一間band 1 中學, 佢情不自禁當眾落淚 最後叩門入返QE.  以我所知, 佢自行, 甲乙部第一志願都係填QE ...
當年9+1 = 10個入佐 QE

mhv_woman

miffy 發表於 13-5-10 18:59
頭3名唔會吼QE，去男女拔st Paul co-ed皇仁庇利羅氏，廿名之內都好多選擇

男女拔st Paul co-ed = 直資, 小區內大部份家庭都係一介平民, 負擔唔起
皇仁庇利羅氏呢D 競爭激烈, 幾乎要同全港小學最top 果班去爭 ...

冇錯, 有得選擇, 自行有2個+ 甲部有3個 + 乙部有30個, 加埋直資學校, 仲可以送小朋友出國讀  ... 但係咪真係有得選擇呢.... 而且學校亦會選擇 ....  
作為過來人, 放榜前七上八落的心情, 非筆墨可以形容.

衷心祝福大家派到心儀及合適的學校

ohnono

米康 發表於 13-5-11 22:49
我自行第二是揀聖芳濟，但冇份去面試。全級得96人，老師話是 band 1 叫我博九華同聖芳濟入男校就會有機會喎 ...

男同學來說，自行第一選銘基而第二才選聖芳濟都有點怪。真係萬一好彩上黎，就咁入左銘基就聖芳濟都冇行。
但係而家聖芳濟連面試的機會都冇，銘基又是全部都有得面試的，我估計有可能是band 1，但都是band 1中至尾。


再睇返全校得96人，應該屬細校了。如果考18的話，又屬油尖旺這類強區中的弱校，有時真係爭不到幾多band 1位的。所以，絕對有機會屬band 1尾甚至邊緣的同學又或者已屬band 2同學了。只不過以往油尖旺都是出琨有不少band 2生派band 1的情況，所以老師一般都傾向進取，亦解釋了點解油尖旺有band 1生派band 3的情形。


進取點本來都沒問題，你可以選一間band 1中學，甚至兩間，但你選九華的話，但後面的學校你又繼續選區內受歡迎的band 1中學，如果九華派唔到，而你又係band 2同學的話，雖然聖芳濟都有機會收到band 2生，但機會都只係留返比選聖芳濟放乙1的band 2同學。同樣，銘基跟聖芳濟的情況也大同小異，如果你係band 1生而又將銘基放第三的話，銘基都還有機會。但若是band 2生的話，銘基放第一的話，你還有點機會去抽，但放第三就不要抱好大希望，跟住後面的學校已起不了作用，直至派到其他band 2學生派完有位剩才有機會了。

ohnono

miffy 發表於 13-5-13 11:55
我只係睇番我仔小學派位figure, 大約頭廿名應該無留在油尖旺

20

這個情形証明你學校屬於油尖旺區內的強校。無可否認比較普通的小學會被迫向邊緣化，不獨是油尖旺區，其他區都有這情形。所以我係傾向著重強校多過強區，弱校多過弱區。有時強區裡的弱校還比弱區裡的強校還不利於升中派位。因此那些非強校的band 1同學好難進佔band 1組別的有利位置。當自行收生時，那份教局的排名次第名單就會起著重大的影響。
雖然自行收生是屬於全港無區域限制的申請，但如果以伊中的吸引力，附近幾個大區，如九龍城區、黃大仙區、官塘區、甚至葵荃、沙田等的尖子，再加九龍城區幾間聯繫的號召力，與其話要頭二、三名先好黎報，不如先諗一諗自己學校有幾多競爭力先！

JL3

原帖由 ohnono 於 13-05-13 發表
這個情形証明你學校屬於油尖旺區內的強校。無可否認比較普通的小學會被迫向邊緣化，不獨是油尖旺區，其他區 ...

咁樣！其實，一間小學水平的高低也實際影響一個小朋友的派位！所以，咁多人追求一些較為出名的小學，因為，這些小學長期佔有大量 Band 1 學位！

必必

今年聖芳濟只面試報佢地學校, 係全港排名最前既120人, 所以好多報左都無得見. 阿仔班同級同學都係得7,8個有得面試.   

ohnono

必必 發表於 13-5-13 18:16
今年聖芳濟只面試報佢地學校, 係全港排名最前既120人, 所以好多報左都無得見. 阿仔班同級同學都係得7,8個有 ...

先冷靜d先，唔好自己嚇自己！

我諗你講既全港排名最前既120人是否有誤會呢？我諗學校是指在自行報名的同學中選120名同學出來面試，而這所謂的120名是跟據教局的排名次第來作跟據的，即是假若有400名同學來報名，教局就會跟據這400名同學在全港的排名成績作出先後排列，由1排至400，排第一的當然是成績最好，排第400的就是這班同學(只是這班同學之中的比較)之中排名最差的，卻並不是全港排名最前既120人。如果係全港最前的120人，咁聖芳濟就好好彩lu！