聖羅撒小學 CHAT ROOM

Daisy媽咪

My daughter has very happy schoolife, I think it is honeymoon period.  She completed most of her homework at school and I tried to train up her to pack up the school bag by herself.
Regarding textbook, she said some of the books kept in school (not sure by the teacher or in the cabinet).
I am very satisfy with the school so far especially of the ethical fostering.
One headache problem is my daughter asked me for money to buy drink at school, does yours lovely has same request ?  She said some students bring money to school !
    

cameo

羊咩咩太太,
雖然我女唔係讀聖羅撒幼稚園,但我而家見佢在聖羅撒小學的英文都唔深,放心la,學校應該會比足夠時間佢地適應在學校先o既~
daisy媽咪,
我個女第一日放學返嚟就同我講,佢話老師話可以買紙包飲品,唔可以買罐裝,但我好認真咁同左佢講唔可以買,而且屋企有好多,可以放學先飲,到第二日放學,佢好無野咁話"找左一蚊",原來佢隔離位同學借左5蚊俾佢買野飲,我問得佢清清楚楚,佢話係同學仔主動借俾佢(我最怕佢問人攞錢啊),總之佢隔離位個同學自己有錢買野飲之餘,重有錢借俾人.. 真令我擔心.....不過我個女而家應該都無再諗買o架嘞(希望係咁),但有時我覺得在學校嚟講可能唔覺得係問題,咁唯有我地自己同個女解釋吓lu :-|

Tinkerbell

Morning,

你地小朋友買飲品 ????
我好奇怪, 因為我女P1時是講明不准帶$, (家長會上講) 3年級up 可以帶$30.   所以我女一直冇買飲品, 佢有話過有同學買,  但來來去去佢都話係某一同學買.  大部份人冇帶$

P1最初老師叫唔好帶裱,  怕小朋友compare & 太貴.  
今年大d 多咗人帶裱.


Tks,
  

  

心心媽

唔係喎,我第一日已比$5我個女"扎"袋,佢今時今日個$5重係銀包到,無用到!佢小息時只食我預備比佢的零食或食同學仔個d  

我個so far so good,可能佢有很多幼稚園同學仔一齊!我個女B班個班主任好似幾好,我寫紙問問題,她很快就回覆,又選我個女做唔知咩長,負責關班房門.   

cameo

心心媽,
你個女知係用嚟"扎"袋咪好囉,我個女一定心郁郁好快就洗左o架,而且得20分鐘小息,俾佢買盒裝飲品的話,飲完又食唔落野啊!!
我個女成日手腳慢la,今日小息又無時間食野嘞,佢話去完廁所,跟住去搵地方坐低(佢話要坐定先食到野喎),不過搵到位已經打鐘lu~
星期四影學生相呀,執"市正"d個樣先返學呀,,,hahahaha
Tinkerbell ,
今年係老師准佢地帶錢呀,不過我唔會俾錢佢嘞,我只係應承間中俾佢帶支益力多咋!我個女都有帶錶返學,不過我無買新錶俾佢,怕佢上堂掛住玩錶囉,但帶錶都好o既,我間中都會問吓佢幾點返到學校,放學幾點上校車...

wankwok

我個女上堂和同學談話，被老師罰，我驚已給老師不佳印象。很奇怪，一直我們只擔心她不說話，因她在家都好靜，以前K3亦在校很安靜的。
我個女都一樣有向我們要求帶錢回校買飲品，我說要她表現好才可以一星期一次。

cameo

wanwok,
我個女剛相反呀,以前成日咀唔停,但可能而家佢見人地好多同學仔都係識o既(我估部份係聖羅撒幼稚園升上小學),佢好似"孤立"左自己咁,頭幾日都同同學仔一齊小息,呢幾日佢反而話一個人喎!!!唯有得佢慢慢適應左會好d吧~
咁你女女被老師罰完有冇唔開心呀?我估老師又唔會咁快標籤d學生o既,反而係擔心小朋友會介意被罰唔想返學呢,,,hehe

羊咩咩太太

Cameo,

好多謝你既意見.

wankwok

Cameo,
你有所不知，我囡囡是個小怪人，她對於別人給她的評價並不太在乎，你讚她或罰她，她心情都不會改變太大，大多數會一笑置之。她份人又非常之老實，做錯事很少不承認，另外，給人冤枉又不出聲。在家裹與弟弟爭執也只會聽到弟弟把聲而已。連我們都非常奇怪，她會因與同學談話而受罰。事實上，上了小學這兩個星期，她是開朗了，可能她遇上非常合拍的同學吧!!!!!

cameo

wankwok,
若我無記錯,你女女都係1D??我個女都係D班o架!
你個女性格咁阿Q咪好囉,我個女好介意自己做錯o架!無得做班長都會自己唔開心,以為自己有d乜野唔及人地(開頭佢以為自己唔夠人地乖,解釋完嘞,又介意自己身高體重唔及人地),所以樣樣野都要慢慢去同佢解釋啊!直至林老師揀左佢做"午膳長"佢先開心好多咋!
如果你擔心個女返學d野,可以寫紙仔問林老師o架,我今日都問左佢個女返學d野,佢都電話覆左我個女在課堂上o既情況嘞!

wankwok

Cameo,
你真好記性，我囡囡是1D班的。她告訴我原本有份做??組長，但因為唔乖又俾老師革職。她告訴我們的時候像是說別人的事，小小唔開心都無，仲話甚麼都不用做仲好，真係覺得佢有D"唔長進"又dd野心都無，都唔知好嬲定好笑。

心心媽

Cameo

妳個女未識到同學仔咩?最衰我個女唔同妳個女一班,唔係可以叫佢地一齊玩.我個女現在會同隔離位個同學和一兩個幼稚園同學一齊小息.

我個女前天第一次在學校大便,佢番來話我知佢自己扶pat pat,好叻喎!    另外我個女好大頭蝦,第一日開學就留了本歌集在學校,昨天忘記寫手冊,今日唔記得帶食具返屋企,真係日日新鮮呀!!

妳地係唔係訂九至五d飯,我個女話好好食喎,都唔知真定假!

wankwok

心心媽 ,
我地係都係訂九至五d飯,我個女都話好好食!

cameo

我今日同佢班主任傾完電話,佢班主任反而叫我少d問佢學校的事,佢覺得我個女對自己要求好高啊,覺得佢會自己俾好大壓力自己的小朋友,,,,,,,,,,
wankwok,
你個女咁易話為,佢應該好多朋友仔喎..hahaa
你驚佢唔長進,但我反而覺得佢咁返學會開心d啊,輕鬆d嘛,hahhahhhah
我女話每一個同學都有一本簿仔,係老師覺得乖就會吸一個印仔,你有冇睇過呀??我個女好care呢d野o架!
心心媽,
我個女可能之前在幼稚園幾年都係做"阿頭",佢d同學仔好聽佢點o架,去到新環境,我諗佢真係要重新學吓點同其他小朋友相處,,佢性格好老積,佢好似知我擔心佢一個人小息,所以反而同我講一個人無所謂,又話唔想人地跟住佢,我問得多佢反而變左"報喜不報憂"咁,今日佢先再肯同同學仔一齊小息咋!
佢同B班一個女仔一齊上車,我見佢地又好fd,我諗係佢要揀人做朋友卦,,,,,但都要佢學吓遷就人地,唔好成日話晒事了!
另外,我都係叫95飯呀,我個女都話好好食喎,今日食薄餅佢話勁好味添啊!

cameo

你地入到互聯網嗎???
我入完password一click"登入"就亂左我個password,click"enter"又係亂左,.....
我重想睇番個女今日手冊寫乜添..

wankwok

cameo
我知每一個同學都有一本簿仔,我有睇過，就印仔表現她有如下不同景況：
1. 她有一日因傾偈被罰 .......... 無印!!!!!!!
2. 有一日個印俾老師在中間劃了一劃，並在旁寫了"一半"兩
     個字，我想是半個印
3. 一日找不到本簿仔，於是告訴老師遺失了，她說老師好唔
     開心，又........無印
4. 今天都無印，佢話今天全班都無 ..........係咪真呀???
    請告之，謝謝!
但對以上一切，我個女好似不大不介意呢!

她今天又掉位了，第二定第三次了!

cameo 寫道:
我今日同佢班主任傾完電話,佢班主任反而叫我少d問佢學校的事,佢覺得我個女對自己要求好高啊,覺得佢會自己俾好大壓力自己的小朋友,,,,,,,,,,
wankwok,
你個女咁易話為,佢應該好多朋友仔喎..hahaa
你驚佢唔長進,但我反而覺得佢咁返學會開心d啊,輕鬆d嘛,hahhahhhah
我女話每一個同學都有一本簿仔,係老師覺得乖就會吸一個印仔,你有冇睇過呀??我個女好care呢d野o架!
心心媽,
我個女可能之前在幼稚園幾年都係做"阿頭",佢d同學仔好聽佢點o架,去到新環境,我諗佢真係要重新學吓點同其他小朋友相處,,佢性格好老積,佢好似知我擔心佢一個人小息,所以反而同我講一個人無所謂,又話唔想人地跟住佢,我問得多佢反而變左"報喜不報憂"咁,今日佢先再肯同同學仔一齊小息咋!
佢同B班一個女仔一齊上車,我見佢地又好fd,我諗係佢要揀人做朋友卦,,,,,但都要佢學吓遷就人地,唔好成日話晒事了!
另外,我都係叫95飯呀,我個女都話好好食喎,今日食薄餅佢話勁好味添啊!

wankwok

cameo
我攪咗一輪先OK!
我初時亦入完password一click"登入"就亂，後來我先生再入才ok，主要是英文大細草問題。
有個同學仔已Send了email給我囡囡了。

cameo

wankwok,
原來係大細楷問題,唔怪得之LA...我都睇左嘞...hhehe..thx
我要聽朝問吓我個女先知今日係咪無同學吸印仔,不過我見我個女都好奇怪,有時連續幾日無印仔,突然尋日有兩個..
我個女話儲夠10個印仔唔知有d乜o架~
我個女一向無心機讀英文,見佢今日帶左本英文書返嚟就同佢讀吓,,,明明係"Emma Poon"...佢可以讀左"Emily Moon".
俾佢笑死又激死...

cameo

wankwok,
我問左我個女嘞,佢話林老師無定時間吸印仔喎,隨時見邊個應該吸就吸...所以佢話佢都唔知會唔會全日都無印...hehe

wankwok

cameo,
謝謝回覆。
我個囡跟說最不喜歡"常識"，但又唔知點解。你囡囡呢？我發現佢現在程度好像退回到K2，好多K3學D東西都忘記了。