- 在線時間
- 532 小時
- 最後登錄
- 24-3-17
- 國民生產力
- 120
- 附加生產力
- 1231
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 1950
- 主題
- 30
- 精華
- 0
- 積分
- 3301
- UID
- 329
|
Re: 06年培正K1....一齊交流下啦!!!
Icycream
你唔好嬲丫. 我有温書架.
==>呵呵...傻喇...我唔係嬲 , 不過老實講, 有時真係唔想答d大同小異嘅問題 N 次架...因為打字都打到手軟, 我又唔鍾意講d唔講d, 係講就講清楚, 但我見其實好多問題都已被問過 N 次架喇..e.g. PC 教學模式 (how many English lessons every week ar....any Putonghua ar...); 會否直升小 一呀, 老師有冇愛心呀...etc...十個有九個家長都係問呢d, 仲係年年都係問呢d....唉...講真, 有時都答得有d悶, 不過響呢個網樹我可以話你知好多 PC 家長係齋睇唔多講架..我算係最多咀個個架喇...(希望唔好俾人話我多管閒事喇), 不過身為 PC 家長一份子, 有好多嘢我之前都體會過 - 好似你地新嚟新豬肉咁, 當日我都係乜都唔知架...不過我份人有個優點亦有個缺點....就係鍾意四圍"抄"資料, 唔同網站, 唔同地方, 唔識 search 就問人點 search, etc...我記得當日我揾 PC d info 係揾足三, 四年前嘅家長嘅 discussion 去睇睇到最 update 個日架, 亦會唔止睇幼稚園架....我依家已經開始睇緊中學d嘢添喇.......好似有d家長講過, 自己仔女丫嘛...我唔緊張邊個會鄧你緊張喎....
問人係好, 但有時真係要體諒好多家長唔係真係好似我呢d閒人咁有時間同心機咁打咁多個字架...我知好多家長都好忙, 只係我就幾忙都好都唔想人地"誤會" PC 先成日忍唔到口去搭咀 only, e.g 好似好多人成日話 PC 係中中, 英文唔夠好..., 又話好唔好去抽獎好呢, 因為入咗 PC 又唔可以去 lucky draw, etc.....唉...我都好想回應, 比d意見等家長自己去分析, 甚至有時想替 PC 講番句公道說話話佢d英文唔係真係差得好緊要 je 之類, 但呢d嘢一句點講得清楚架, 講d唔講d咪盞仲衰....所以有時我都已經好多時盡量唔去搭訕架喇...不過我份人有時又唔抵得頸, 見有人講得又忍唔住想答咀, 希望幫得就幫, 唔駛好似我當年咁揾料揾餐死... :cry:
但其實之前我都有答過好多類似問題喇..., 所以我咪試吓可以 copy and paste or not la...咁就唔駛我又打餐死喇...:
OK..back to your concern about communication ==> 係呀.....溝通呢樣嘢 PC 係較守舊架...老師一般只會響 1st term 學期 end 時派成績表時先逐個同家長傾關於小朋友d嘢, 即使開學後有家長會都係成班家長一齊, 等老師提吓d家長記得帶乜帶物之類作用架咋...唔係 for individual feedback ga..
So 若真係好想好想知個別小朋友d學習進度, 就要一係 (1) 自己主動打電話比班主任, 等佢覆你 or (2) if 你時間親自接放學就可以乘機同老師 chat 幾句咁就知喇...
過年你有冇封紅包俾班主任等人架?? 學校有否出notes不準做尼樣野架?
==> 學校就冇出 notes 講呢樣, 不過據我所知, PC 唔多興呢樣嘢架喎, 我亦冇聽過有家長有咁做, and 我自己都冇咁做~~
So 我嘅 conclusion 係~~ 接受一間學校嘅定義係 ==> accept both its strengths and "weaknesses" , 每間學校都有d 佢叻同唔叻嘅地方咁架喇....so PC is no exception here....百年老校就梗係多規多矩, 仲係改得比較慢架喇...呢點我地要體諒...呢個世界邊會樣樣順我地意架...所以我成日都好想講希望比得小朋友入得嚟 PC 讀嘅可以明白呢點, 唔好一方面又貪佢可以直升, 一方面又嫌佢英文唔夠第二d幼稚園高 level, etc...因為 PC 一向都冇"呃人"丫, 佢本來就強調佢係以中文教學為主架喇....問題係 whether you accept it or not je...其實 PC 都已經因應家長嘅訴求 (e.g. some parents said 幼稚園 syllabus 太淺, 英文唔夠多 etc) 而改咗好多架喇...但總不能一步登天嘛, 亦唔應該期望佢有朝一日會變成英文中學 je...因為人地本來辦學宗旨就唔係咁架嘛.....so 香港先有唔同嘅學校 je, 就係要 fit in different parents needs ma....
有時我見到好多家長又唔想煩 (望直升), 但讀 PC 又有d "唔甘心"咁款 (因為英文唔夠多, 又唔得去搏d Band 1 津小 etc), 我就有 d 心 up :cry:....唉~~ 為何我地唔去欣賞自己可以擁有嘅嘢而去羨慕人地有嘅嘢呢...... :wink: :wink: :wink: :wink:
所以我其實成日都好想講嘅係.....小人愚見 ==> 揀唔揀培正唔應該只係因為佢係咪可以一條龍直升而去揀, 咁唔好...反而應該因為家長想小朋友第日係點而決定, e.g. 若家長真係好想小朋友響英語上有較高水平, 咁佢可以 try other schools ar , 無謂為咗直升而"難為"自己嘛~~ 因為若係咁, 第日就算讀咗都唔會開心架 la...so 又何必呢...
For me, I know very clearly what I want, therefore 我可以接受依家培正d教學模式同取向, 我個d唔滿意都係一d行政上嘅問題, but those are 小問題 in my eyes...我可以忍, 因為只要我見我d仔仔 so far 讀書開心, 又可以感染到好學習氣氛對我嚟講我已經抵銷個d不滿喇....and for 英文....呵呵....我絕對相信可以有好多方法可以幫到手喇...right??
嘻嘻...see...老人家 C9 又忍唔住發 up 風喇 ....多謝收睇~~
|
|