請給意見--你會重成績？運動？

DUMMA

仔仔今年五升六，成績屬band 1 中至頭，要迫果隻。:evil:
喜愛運動：參加學校泳隊、籃球隊、排球隊、手球隊.....但全部不是主將。   
不喜愛樂器：五級試僅僅合格，上中學前不會再考。
高高大大，性格良善，而且開朗幽默，但多口多手。

請問各位這類小孩有什麼中學合適？
我究竟谷他去博傳統名校？
或找一家兩者也中上的普通學校？    

彤媽媽

我就覺得要睇下你小朋友的芵文程度去到邊,
唔可以只睇你學校的芵文成績，
因為間間學校的程度都唔同，
想上芵中，起碼小朋友在完成小學前，
巳能看一些全頁都係字的芵文書，
字體比較細的那些，
不是那些大大隻字的，
因為上了芵中，本本書除了中文，歷史，都係芵文，
如果小朋友的芵文只係可以明白小學教了的文章，
絶對唔夠，上到芵中，聴又聴唔明，
本本書都咁多芵文生字，
讀都讀死佢，讀讀下就會好無心機返學

（寧做山賊皇，莫做爛頭卒）
如果要在芵中做一個成績跟唔上的學生，
不如讀間校風好的band 2頭中中，
等佢開開心心讀，人有自信，一樣有機會入大學

daisykkqq

彤媽媽：
我很同意你的說法，我想請教妳如果男仔九龍城區，有什麼選擇呢？我的仔仔今年5年級愛運動，我已經對中學脫節了，可否給些意見，謝謝

彤媽媽

唔好意思,九龍城真係唔咁淸楚,
學校的老師一定可以話你知,
好校風的中中,
你問下你學校其它的家長,
一定有好意見,
又或者你開個topic：九龍城區的好中中
一定有住得近的家長答到你

daisykkqq

彤媽媽：

多謝你的回應，因為我無送小朋友返校，所以很少機會和其它的家長傾。稍後開個topic：九龍城區中中邊間校風好，希望有家長幫到我。謝謝你的好意。

FUNG12345

你個仔成績band1中至頭, 入英中一定得啦
如果體育果d唔係主將, 可以揀d體育水平冇咁高o既學校
同埋, 你樂器係邊樣, 5級應該入到樂團

DUMMA

他不會入樂團的，因為他根本不喜歡。
九龍城區校風好的英中+ 體育水平不會太高o既學校有什麼選擇？

FUNG12345

DUMMA 寫道:
他不會入樂團的，因為他根本不喜歡。
九龍城區校風好的英中+ 體育水平不會太高o既學校有什麼選擇？

華英, 開平都唔錯

木土土

唔係掛, band 1 中至頭 都話要揀中中, 咁d 英中俾d mug 人讀