天主教聖安德肋小學

KCMAMA

All

開學喇

有冇聖安德肋小學d朋友呀 ?? 入黎傾下呀

hinhinmom

我今日送左卓卓上校車後，好擔心呀 你點呀  ??

卓卓話原來佢果班，有四、五 幼稚園B班同學仔，好奇怪原來小學有就埋佢地黎分班，但唔知點解會將卓卓分去德班

你午餐有冇訂果汁呀，我訂埋呀，諗住唔駛咁 dry

KCMAMA

mkwok

我仔仔讀1德班

咁你仔仔有冇事呀 真係要小心d至得喇，咁架車未停定，個保母冇留意d小朋友咩，點解會俾佢地站起身架:-|

我覺得校車服務麻麻地，我諗住今日打去學校問下先，因昨日返學時架校車早左，個保母又唔四週睇下，我已經行到車尾點知佢就開車走左 ，咁我米打電話去校車公司囉，又冇人接電話喎   ，跟住只有自己搭的士返學。

下午我再打電話去校車公司問，佢話唔會等任何人，我話我當然知道，我亦唔覺得為一個學生全架車d同學仔要一齊等，我只係覺得點解唔望一望，仲有唔打電話問下個家長發生咩事啫，佢話保母冇時間好繁忙，送返學既可能係老人家又或是係工人，一時冇留意咁米好慘 又話唔返學都唔駛打電話通知佢地喎，因為唔會等架 我真係唔明佢地d 運作

學校d老師都睇得好緊喎，一日就寫手册喇 我都要留意下

KCMAMA

All

今日正式上堂喇

我地真係要向學校反映下校車的服務至得 多點聲音多點力量。

hinhinmom,

茶點卓卓會帶 d 魚仔餅仔、旺旺、紫菜、朱古力餅、百力支咁囉，都係d 無謂零食

mkwok,

我個囝搭 3 號車呀

KCMAMA

miho.wah

Hi:loveliness: 好野越來越多朋友

all

今日有功課做喇，但係上網睇同卓卓講果d都唔同既 放工返去真係要睇睇先得

卓卓又話今日派左音樂書，但返到屋企又話冇左 :evil: :evil: 問佢係米老師收返，佢又話唔確定 咁快已經咁，點算呀

你地知唔知學校會唔會教英文併音呀 ??

mkwok

記同學英文名，仲有貼紙送，幾好喎咁互動:loveliness:

KCMAMA

all

我諗住搵班主任傾下校車同埋問下本音樂書，四點多佢開緊會，留左電話等佢回覆，等到五點多都未收到電話，再打去問佢已經下班 我明早再打過至得

KCMAMA

MIHO.WAH

5/9 考分班試 米分左班囉，考咩呀又分班，唔係好明喎 我只係知道果日有d題目要做，我以前係一般課堂習作 tim

你個囝又係唔見書呀，係米係抽屜入邊唔記得攞返咋，你話我地要擔心幾耐呢

all

你地派左四本書呀，我個仔果班好以冇喎

默書一定用普通話讀出，但我冇諗到佢地識唔識聽喎，我諗老師會安排掛，唔會咁快有默書麻

我 d普通話好普通咋 好在我媽咪識d ，都冇咁擔心，否則我都唔知點教佢 。

KCMAMA

all

我都問左老師，同 miho.wah講既一樣，分班係用係飯後的中, 英, 數輔導，約九月尾十月頭會開始，到時會再通知家長，我以為聖安德肋冇e野樣 tim，分班俾我的感覺好似好谷咁

校車服務我都同老師講左，叫佢同校車公司反映下 希望有幫助喇。

枱墊要日日帶架，但之前老師講過可以擺係課室，但有可能唔見喎，唔知會點安排呢 ?? 餐具係米學校提供架，我冇問到

KCMAMA

miho.wah

我有參觀學校，我同hinhinmom個仔都係聖安德肋幼稚園讀，所以學校一早已安排我地參觀。

我冇報游泳班，因囝囝唔去佢怕喎

咁又係分左班可以就番個別小朋友程度而去施教   

精英班我就真係唔鐘意喇，我好怕因程度較差的小朋友會被打沉，覺得自已唔叻，冇左信心，但我知有d 家長會鐘意，覺得係一種激勵.........其實都好難講 我諗主要係睇學校點去處理，等程度好果d小朋友唔會自滿，差小小果d又唔好冇自信。

KCMAMA

alice_mum

Hi 我諗每個小朋友小一開學都差唔多咁囉 希望遲d 習慣番喇

miho.wah

聖安德肋幼稚園d老師個個都好有愛心 係一間好好既學校。至於同小學課程有咩聯繫，我諗課程都係較為活動式，唔會太谷咁。

All

明天起正式返回正常上課時間，仲要係學校食午餐，我好擔心 因我囝囝好偏食架，我睇個餐單佢十樣有九樣唔食，都唔知點算，希望佢見到其他同學食佢都食喇:-| :-|

KCMAMA

miho.wah

枱墊要帶架 老師一早講左要架，我而家日日帶，仲帶埋私家餐具，卓卓話唔用學校果d 喎。

我個囝從來都唔唱歌俾我聽架 所以我都唔知d歌係點 ....

All

卓卓昨日又唔見左本中文書 上次本書漏左係抽屜，今次又唔知係邊，激死我 佢仲同我講放學時有睇清楚架，可能本書有腳喎

昨日食午餐卓卓只食白飯，d 餸菜佢冇食到....我叫佢每次試小小，慢慢習慣下囉，返左學一個星期佢已經有d 咳 。

原來每一科都會有一個科長架:D卓卓做左英文同宗教科既科長。

KCMAMA

wwmum

好野 有1c 同學仔
你個小朋友咁鐘意學校生活米好囉 我個囝話有d悶喎，好似昨日体育堂咁佢諗住好多野玩，點知只係度高 所以佢話悶，我米同佢講起初開學係咁遲d唔會架。

miho.wah

中秋晚會 d 時間咁，我唔參加喇都未放工去唔到

mkwok

new day 係宗教書，我之前都唔知係個囝講先知咋。

hinhinmom

你去左邊度呀，咁耐唔見你

KCMAMA

all

我昨日收到班主任岑老師電話，佢話卓卓唔食餸，只食小小白飯，我其實都預左架喇，希望佢慢慢改善 ，唔知係米我話完佢，佢有壓力，食完晚餐後嘔返哂出黎 都唔知點攪

我想問下你地知唔知係學校食完飯，d小朋友有咩做，我問卓卓佢話只係座係度喎

KCMAMA

MIHO.WAH

卓卓由細到大都係好偏食，另到我非常頭痛 樣樣都唔食，我媽咪好就佢架，可以咁樣有小小原因喇，佢又唔知點解又有小小肉地喎

KCMAMA

all

中秋晚會我都唔去喇，放工後都趕唔不及了

昨日岑老師再打電話俾我，講回卓卓食晏既情況，佢話卓卓仍然唔食，但後來老師鼓勵下，都試左小小，老師仲獎左個印仔俾佢 tim 我都有讚卓卓勇於嘗試，我諗真係要慢慢黎:-| :-| 老師話佢都會留意情況會用鼓勵型式去引導卓卓。
老師都有問我卓卓有冇講下學校生活，我話好小，卓卓由細到大都係咁 d攪笑野就會講下，佢自己d衰野就一定唔會講 。
老師話佢除左食野之外，大致上都冇咩問題。

我問佢食完晏後係米冇咩做，因卓卓話好悶，老師話只係暫時性，主要係分班程序未弄妥，因之前的分班測驗好多小朋友唔習慣，所以出黎的成績不是太好，所以昨日再測多次，各小朋友的成績好左好多，對分班有所幫忙了。

KCMAMA

all

其實晚會第二日都不用返學，玩晏d 都得喇，咁米可以多d人參與囉。

KCMAMA

All

昨日派左張紙回來，是否了分班 又冇其他通告話係咩 ，你地知唔知呀

同埋有張獎勵咭，幾好喎 鼓勵下d小朋友

KCMAMA

hinhinmom,

果張紙應該係分班，不過係我估姐，卓卓話老師叫佢地攞返屋企俾父母睇喎 但又冇通告詳細講下係咩班

張咭我都覺似幼稚園果種

KCMAMA

all

德班既功課手冊同電腦顯示就冇咩唔同喎，只係有一兩次電腦多過手冊，我問卓卓點解，佢話果d堂上做左喎，唔知係米咁所以有d分別

我頭先又打電話俾班主任，問卓卓食晏有冇改善，佢話卓卓都肯試，我都安慰d :-|

另果張真分班紙，但係昨日派果張錯左(唔知你地係米呢)，今日再補返張喎 下星期一會實行食完晏後會走班房上堂，這兩天會教d小朋友點樣走班房。

卓卓全部都係士多啤利組，你地呢

KCMAMA

mkwok

咁我地個囝囝米有機會認識囉

KCMAMA

all

聽老師講生果班都係有四班架

張分班紙除左生果，仲有一個數目字，個數字就係代表高、中.....咁解囉。