如果是你，會如何處理這個補習姐姐的問題？

plee

因小兒學習能力較弱，我在12月給他請了一個補習姐姐，一週來三次；她來後不久，我便發覺她經常買糖給小兒吃(幾乎每次)，我不喜歡小孩吃糖太多，便婉轉的跟她說不要客氣，不用買糖來，她也說好。但不久後我發覺她仍有買來，我當她細路女(約17、8歲 )，聽不明暗示，便正式一點跟她說我不喜歡小孩吃糖，下次不要再買來(仍是笑笑口說的)，她也說好, 還叫我放心。
怎料前兩天, 我從一些途徑知道她仍悄悄買來, 我兒子甚至說她叮他不要讓媽媽知道！我聽了之後真的很生氣，她不單不尊重我，還教我兒子說謊
我那時雖然氣得很想quit了她，但我有很多因素要考慮，第一我仔仔不適合補習社一對幾的補習方式，因他認字及理解力很慢，我們之前試過只是浪費$；而且我家位置較僻，補習社選擇很少；我又心從supermarket or 網上請來的不知質素如何(這個姐姐是朋友介紹的); 我返shift, 我老公最早八時才能收工回家, 當然我們一定跟他功課, 但只有我們的話，根本不夠時間，而且我們還有另外兩個小朋友要顧！
其實我對補習老師的要求不高, 最重要有心機。不一定要成績進步很多，但品格也是很重要的。現在我對這個姐姐已失去信心，各位有何意見呢！

babyhowie

原文章由 plee 於 08-1-29 00:01 發表
因小兒學習能力較弱，我在12月給他請了一個補習姐姐，一週來三次；她來後不久，我便發覺她經常買糖給小兒吃(幾乎每次)，我不喜歡小孩吃糖太多，便婉轉的跟她說不要客氣，不用買糖來，她也說好。但不久後我發覺她仍有買來，我當她細路女 ...

你可以自己幫補習姐姐準備定小禮物俾囝囝以示獎勵，
或者開一本簿仔要求姐姐每次補完習送貼子仔/印仔，
儲滿幾多個就可以換禮物。

再次認真對姐姐講囝囝唔可以食糖，
係唔可以，好firm咁同佢講，話囝囝食糖會咳之類，
如果再係咁都唔聽，咁你冇辦法都要換一個姐姐。

另外，你屋企應該有工人姐姐？
或者補習唔好係房單對單進行，
搬出廳補，我諗佢知咩事，唔敢再搞小動作！

CC2211

我都覺得明確0的同佢講會比較好

breefan

我覺得與其話人地個女, 不如教自己個仔, 教佢講"唔要啦, 多謝" or 唔好食住, 留番問過媽咪先食。
我知這樣會較大工程, 而且並非即時見效, 但如成功做到, 這方法還可培養孩子的自制能力, 對孩子是最好的。
我個女d同學成日請野佢食, 有時食埋晒d染色糖、味精加工零食, 我教佢這些東西冇益, 同埋唔係人人比咩你都要(事實上佢都有話過比我聽, 有人請佢食草餅 - 大陸貨扮日本貨隻 - 勁難食)，佢依家都識拒絕, 或者左番黎問過我先食。

原文章由 CC2211 於 08-1-29 20:29 發表
我都覺得明確0的同佢講會比較好

jeannedarc

如果個姐姐仍然是屢勸不聽的話, 建議請過另一個新的導師會比較好. 今次只是食糖小問題, 不難解決, 但如果個將來姐姐犯一些更嚴重的問題, 對小朋友的確會有更深遠影響呢!

rohoy2k

十七八歲都仲係小朋友啫，如果佢教得好，咪問吓佢點解要俾糖？仲可以教佢其他方法啫．

3lamma

plee,

姐姐自己用自己$買糖給學生, 為什麼?我估1)她知道小朋友喜歡, 用作獎勵; 那小朋友一定是受她才再用這套, 如他不吃又無效, 我想她不會用(自己都做過小朋友啦)  2) 她自己喜歡吃, 故常常有糖在身, 口痕咪一齊食

她教得好的話當然要表明立場想用她, 亦請她執行不派糖的規則, 教得不好便趁放假找新姐姐啦! 我始終覺她是'好心做了壞事', 自己意識亦低, 時下年青人吃很多junk food呢!她亦肯定不知糖份會令學生有energy boost, 所以活躍者更不宜多吃之知識. 但是不是人人會用人工'回饋'學生呢!